Sun. Nov 22nd, 2026

ಪುತ್ತೂರ್ದ ಸುದ್ದಿ | Puttur News

ಕಾರ್ಕಳ: ನಿಟ್ಟೆ ಕಲಂಬಾಡಿ ಪದವು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ನೆತ್ತೆರ್ ದಾನ ಶಿಬಿರ

ಕಾರ್ಕಳ, ಜುಲೈ 27: ಪೇಂಟೆಡ್ ಮಸ್ತ್ ನೆತ್ತೆರ್ ದಾನ ಶಿಬಿರದ ಮುಖೇನ ಮಸ್ತ್ ಜನ ನೆತ್ತೆರ್ ದಾನಿಲು ನೆತ್ತೆರ್ ದಾನ ಮಲ್ತೊಂದು ಇತ್ತುಂಡಲ, ನೆತ್ತೆರ್ ದ ಅಗತ್ಯ ಉಪ್ಪುನಗ ಜಿಲ್ಲಾ ಪ್ರಮುಖ ಕೇಂದ್ರಗ್ ಪೋಪಿನ ಪರಿಸ್ಥಿತಿ ಉಂಡು. ಈ ನೆಲೆಟ್ಟ್ ಕಾರ್ಕಳ ತಾಲೂಕು ಕೇಂದ್ರಡ್ ಸೂಕ್ತವಾಯಿನ ನೆತ್ತೆರ್ ಸಂಗ್ರಹಣಾ ಕೇಂದ್ರ ಅಗತ್ಯ ಉಂಡು . ಅಂಚಾದ್ ತಾಲೂಕು ರೆಡ್ ಕ್ರಾಸ್ ಸಂಶ್ಥೆ ಪೂರ್ತಿ ಸಾಕಾರ ಕೊರ್ಪುಂಡು ಐತ ವ್ಯವಸ್ಥೆಗ್ ಸೂಕ್ತ ದಾನಿಲು ಕಾರ್ಕಳಡ್ ಉಲ್ಲೆರ್ ಪಂದ್ ಕಾರ್ಕಳ ತಾಲೂಕು ರೆಡ್ ಕ್ರಾಸ್ ಸೊಸೈಟಿ ಸಭಾಪತಿ ಡಾ. ಕೆ.ಆರ್. ಜೋಶಿ ಪಂಡೆರ್ .

ನಿಟ್ಟೆ ಕಲಂಬಾಡಿ ಪದವು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಬೇತೆ ಬೇತೆ ಸಂಘ ಸಂಸ್ಥೆದ ಆಶ್ರಯಡ್ ನಡತಿನ ಬೃಹತ್ ನೆತ್ತೆರ್ ದಾನ ಶಿರಬಿರನ್ ಉದಿಪನ ಮಲ್ತ್ ಆರ್ ಪಾತೆರಿಯೆರ್.

ಜಿಲ್ಲಾ ರಕ್ತ ನಿಧಿ ಕೇಂದ್ರದ ಡಾ. ವೀಣಾ, ಬೇತೆ ಬೇತೆ ಸಂಘದ ಸಂಸ್ಥೆದ ಮುಖಂಡೆರಾಯಿನ ಸಂತೋಷ್ ಕುಮಾರ್ ಜೈನ್, ಸುರೇಶ್ ನಾಯಕ್, ಬಾಲಕೃಷ್ಣ ಮೂಲ್ಯ, ಶ್ರೀಧರ್ ಸುವರ್ಣ, ಸಂತೋಷ್ ಕುಲಾಲ್, ರಮಾನಂದ ಪೂಜಾರಿ,ರಮಣಿ ಕುಲಾಲ್ ಪಾಲ್ ಪಡೆದಿತ್ತೆರ್.

ಆಸ್ಕರ್ ಫರ್ನಾಂಡೀಸ್ ಆರೋಗ್ಯ ಕೇಂಡಿನ ವೀರಪ್ಪ ಮೊಯ್ಲಿ

ಕುಡ್ಲ, ಜುಲೈ 27: ಮಾಜಿ ಸಿಎಂ ವೀರಪ್ಪ ಮೊಯ್ಲಿ ಮೇರ್ ಕೋಡೆ ಯೆನಪೋಯ ಆಸ್ಪತ್ರೆಗ್ ಭೇಟಿ ಕೊರ್ದು , ಕಾಂಗ್ರೆಸ್ ಹಿರಿಯ ಮುಖಂಡ ಆಸ್ಕರ್ ಫರ್ನಾಂಡೀಸ್ ಮೆರ್ನ ಆರೋಗ್ಯ ವಿಚಾರಣೆ ಮಲ್ತೆರ್ .

ಮಾಜಿ ಮುಖ್ಯಮಂತ್ರಿ ವೀರಪ್ಪ ಮೊಯ್ಲಿ ಬೊಕ್ಕ ಎಐಸಿಸಿ ಕೇರಳ ಉಸ್ತುವಾರಿ ಪಿ.ವಿ.ಮೋಹನ್, ಕೆಪಿಸಿಸಿ ಕಾರ್ಯದರ್ಶಿ ಡಾ.ಆನಂದ್‍ಕುಮಾರ್, ಸಯ್ಯದ್ ನಾಸೀರ್ ಹುಸೇನ್ ಕೋಡೆ ಆಸ್ಪತ್ರೆಗ್ ಭೇಟಿ ಕೊರ್ತೆರ್ , ಆಸ್ಕರ್‌ ಫರ್ನಾಂಡೀಸ್‌ ಮೆರ್ನ ಆರೋಗ್ಯ ವಿಚಾರಣೆ ಮಲ್ತೆರ್ .

ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆರ್ದ್ ಪಣವುದ ಸಾಕಾರ

ಕಾರ್ಕಳ, ಜುಲೈ 27 : ಕಿಡ್ನಿ ಸಮಸ್ಯೆರ್ದ್ ಇತ್ತಿನ ಪಳ್ಳಿ ಗ್ರಾಮದ ಹರೀಶ್ ಆಚಾರ್ಯ ಮೆರ್ನ ಮರ್ದ್ ದ ಖರ್ಚ್ ಗ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿರ್ದ್ ಮಂಜೂರು ಮಲ್ತಿನ ರೂ. 10 ಸಾರ ಪಣವುದ ಸಾಕಾರ ಕೊರಿಯೆರ್.

ಎಸ್‌ಕೆಡಿಆರ್‌ಡಿಪಿ ಯೋಜನಾಧಿ ಭಾಸ್ಕರ್ ವಿ., ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಗುರ್ಕಾರ್ಲಾಯಿನ ಬೇಬಿ ಸಾಲ್ಯಾನ್, ವಲಯ ಮೇಲ್ವಿಚಾರಕೆರ್ ಸೇವಾಪ್ರತಿನಿಧಿಲು ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಆನೆಕೆರೆ ಅಮರ್ ಜವಾನ್ ಸ್ಮಾರಕ : ಕಾರ್ಗಿಲ್ ವಿಜಯೋತ್ಸವ

ಕಾರ್ಕಳ, ಜುಲೈ 27: ಮಾಜಿ ಸೈನಿಕೆರ್ನ ವೇದಿಕೆ ಮೂಡಬಿದ್ರೆ-ಕಾರ್ಕಳ ಬೊಕ್ಕ ಸ್ವಚ್ಛ ಕಾರ್ಕಳ ಬ್ರಿಗೇಡ್ ಮುತಾಲಿಕೆಡ್ ಆನೆಕೆರೆ ಅಮರ್ ಜವಾನ್ ಸ್ಮಾರಕದ ಕೈತಲ್ 22ನೇ ಕಾರ್ಗಿಲ್ ವಿಜಯೋತ್ಸವ ಆಚರಣೆ ಮಲ್ತೆರ್ . ಉಪನ್ಯಾಸಕಿ ಅಕ್ಷಯಾ ಗೋಖಲೆ ಪಾತೆರಿಯೆರ್ .

ನಿವೃತ್ತ ಏರ್‌ವೈಸ್ ಮಾರ್ಷಲ್ ರಮೇಶ್ ಕಾರ್ಣಿಕ್, ಮಾಜಿ ಸೈನಿಕ ಗಿಲ್ಬರ್ಟ್ ಕಾರ್ಗಿಲ್ ಯುದ್ಧದ ಬಗ್ಗೆ ಪಾತೆರಿಯೆರ್. ಮಾಜಿ ಸೈನಿಕೆರ್ನ ವೇದಿಕೆ ಕಾರ್ಯದರ್ಶಿ ನವಾನಂದ್ ಲೇಸ್ ನಡಪಾದ್ ಸೊಲ್ಮೆ ಸಂದೈತ ಮಲ್ತೆರ್ ಲೇಸ್ ಡ್ ಮಾಜಿ ಸೈನಿಕೆರ್ , ಸ್ವಚ್ಛ ಕಾರ್ಕಳ ಬ್ರಿಗೇಡ್ ಸದಸ್ಯೆರ್ , ಮೇಘಾಲಯ ಪ್ರಾಂತದ ಜೋಕುಲು ಪಾಲ್ ಪಡೆದಿತ್ತೆರ್.

ಕಲಂಬಾಡಿಪದವುಡು ನೆತ್ತೆರ್ ದಾನ ಶಿಬಿರ

ಕಾರ್ಕಳ, ಜುಲೈ 27: ಜನನಿ ಮಿತ್ರ ಮಂಡಳಿ ವಾಂಟ್ರಾಯಿಪದವು ಮುತಾಲಿಕೆಡ್ ಭಾರತೀಯ ರೆಡ್ ಕ್ರಾಸ್ ಸೊಸೈಟಿ ಕಾರ್ಕಳ, ಜೆಸಿಐ ಕಾರ್ಕಳ, ರೋಟರಿ ಕ್ಲಬ್ ಕಾರ್ಕಳ, ಹಳೆ ವಿದ್ಯಾರ್ಥಿ ಸಂಘ ಕಲಂಬಾಡಿ ಪದವು, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾ ಕಾರ್ಕಳ ನೆತ್ತ ಒಟ್ಟು ಸೇರಿಗೆಡ್ ಕಲಂಬಾಡಿ ಪದವು ಶಾಲೆಡ್ ನಡತುಂಡು. ರೆಡ್ ಕ್ರಾಸ್ ಕಾರ್ಕಳ ಶಾಖೆದ ಚೇರ್ಮನ್ ಡಾ. ಕೆ. ರಾಮಚಂದ್ರ ಜೋಶಿ ನೆತ್ತೆರ್ ದಾನ ಶಿಬಿರಗ್ ಚಾಲನೆ ಕೊರಿಯೆರ್.

ಜನನಿ ಮಿತ್ರ ಮಂಡಳಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಮೂಲ್ಯ, ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಸುರೇಶ್ ನಾಯಕ್, ಜೆಸಿಐ ಕಾರ್ಕಳದ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ರೆಂಜಾಳ, ಬಿಜೆಪಿ ಹಿಂದುಳಿದ ವರ್ಗಗಳ ಮೋರ್ಚಾದ ಗುರ್ಕಾರ್ಲಾಯಿನ ರಮಾನಂದ ನಲ್ಲೂರು ಪಾಲ್ ಪಡೆದಿತ್ತೆರ್.

ಕರ್ನಾಟಕ ಸರ್ಕಾರದ ಮಾಧ್ಯಮ ಅಕಾಡೆಮಿ ಸದಸ್ಯೆರಾದ್ ಪೆರಿಯ ಪತ್ರಕರ್ತೆರಾಯಿನ ಜಗನ್ನಾಥ ಶೆಟ್ಟಿ ಬಾಳ ಆಯ್ಕೆ

ಕುಡ್ಲ, ಜುಲೈ 27: ಪತ್ರಿಕೋದ್ಯಮಡ್ 33 ವರ್ಷ ಬೇಲೆ ಮಲ್ದಿನ ಪೆರಿಯ ಪತ್ರಕರ್ತ ಜಗನ್ನಾಥ ಶೆಟ್ಟಿ ಬಾಳ ಮೆರೆನ್ ಕರ್ನಾಟಕ ಸರಕಾರದ ಮಾಧ್ಯಮ ಅಕಾಡೆಮಿ ಸದಸ್ಯರಾದ್ ಆಯ್ಕೆ ಮಲ್ದೆರ್ .

ಜಯಕಿರಣಡ್ ಕರಿನ 16 ವರ್ಷರ್ದ್ ಪೆರಿಯ ವರದಿಗಾರೆರಾದ್ ಕರ್ತವ್ಯ ಮಲ್ದಿನ ಮೆರೆಗ್,2018ಟ್ಟ್ ಕರ್ನಾಟಕ ಮಾಧ್ಯಮ ಅಕಾಡೆಮಿ, 2008 ಟ್ಟ್ ದ.ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆತೆರ್ಪಡೆದುಕೊಂಡಿದ್ದಾರೆ
.

ಒಡಿಪು ಕಲಾವಿದೆರೆಗ್ ಆರ್ಥಿಕ ಸಾಕಾರ

ಒಡಿಪು, ಜುಲೈ 27: ದುಬೈಡ್ ಟೆಕ್ನಿಕಲ್ ಮ್ಯಾನೇಜರ್‌ ಆಯಿನ ನಿಟ್ಟೂರು ಪ್ರೌಢಶಾಲೆದ ಹಳೆಯ ವಿದ್ಯಾರ್ಥಿ ರಾಜೇಶ್ ಕುಮಾರ್ ಕೋವಿಡ್‌ರ್ದ್ ಕಷ್ಟಡ್ ಉಪ್ಪುನ ಕುಟುಂಬಗ್ ₹ 50,000 ಕೊರ್ತುಂಡು , ಐತಾರ ಯಕ್ಷಗಾನ ಕಲಾರಂಗದ ಕಚೇರಿಡ್ 10 ಕಲಾವಿದೆರೆಗ್ ತಲಾ ₹ 5,000 ಕೊರಿಯೆರ್ ಪಂದ್ ಕಲಾರಂಗದ ಕಾರ್ಯದರ್ಶಿ ಮುರಳಿ ಕಡೆಕಾರ್ ಪಂಡೆರ್ .

ರಾಜೇಶ್‌ 50 ಕುಟುಂಬಗ್ ಒಂಜಿ ತಿಂಗೋಲ್ ಗ್ ಅಗತ್ಯ ಉಪ್ಪುನಾತ್ ಆಹಾರ ಸಾಮಾಗ್ರಿಲೆನ್ ಕೊರ್ತೆರ್.

ಈ ಪೊರ್ತುಡು ನಿವೃತ್ತ ಮುಖ್ಯೋಪಾಧ್ಯಾಯ ಎಸ್.ವಿ.ಭಟ್, ಹಳೆ ವಿದ್ಯಾರ್ಥಿ ಪಿ.ಕೃಷ್ಣಮೂರ್ತಿ ಭಟ್, ಶಿಕ್ಷಕ ಎಚ್.ಎನ್.ಶೃಂಗೇಶ್ವರ ಪಾಲ್ ಪಡೆದಿತ್ತೆರ್.

ಕಾಪು ಮಾರಿಯಮ್ಮ ಸನ್ನಿಧಿಡ್ ಆಟಿ ಮಾರಿ ಪೂಜೆ

ಕಾಪು: ಕಾಪು ಶ್ರೀ ಹಳೇ ಮಾರಿಗುಡಿ ದೇವಸ್ಥಾನ, ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಬೊಕ್ಕ ಶ್ರೀ ಮೂರನೇ ಮಾರಿಗುಡಿ ದೇವಸ್ಥಾನಡ್ ವಾರ್ಷಿಕವಾದ್ ನಡಪುನ ಕಾಲಾವಧಿ ಆಟಿ ಮಾರಿಪೂಜೆ ಜು. 27 ಬೊಕ್ಕ 28 ಗ್ ನಡಪರೆ ಉಂಡು ಪಂದ್ ಮೂಜಿ ಮಾರಿಗುಡಿತ ಆಡಳಿತ ಮಂಡಳಿದ ಪ್ರಕಟಣೆ ತೆರಿಪಾದುಂಡು.

ಕೋವಿಡ್ ಮಾರ್ಗಸೂಚಿ ಪಾಲೀಸಾವೊಂದು
ಒವ್ವೆ ರೀತಿದ ಜಾತ್ರೆ, ಜನ ಜಂಗುಳಿಗ್ ಅವಕಾಶ ಕೊರಂದೆ ಸಂಪ್ರಧಾಯದಲಕ ಕಾಲಾವಧಿ ಆಟಿ ಮಾರಿಪೂಜೆನ್ ಸರಳ ರೀತಿಡ್ ಆಚರಣೆ ಮಲ್ಪರೆ ನಿರ್ಧಾರ ಮಲ್ದೆರ್, ಭಕ್ತಾಧಿಲು ಸಾಕಾರ ಕೊರೊಡು ಪಂದ್ ಕಾಪು ಹಳೇ ಮಾರಿಗುಡಿತ ಆಡಳಿತ ಮೊಕ್ತೇಸರ ಪ್ರಸಾದ್ ಶೆಣೈ ಕಾಪು, ಶ್ರೀ ಹೊಸ ಮಾರಿಗುಡಿತ ಆಡಳಿತ ಮಂಡಳಿ ಅಧ್ಯಕ್ಷ ರಮೇಶ್ ಹೆಗ್ಡೆ ಕಲ್ಯ ಬೊಕ್ಕ ಶ್ರೀ ಮೂರನೇ ಮಾರಿಗುಡಿತ ಕಾರ್ಯ ನಿರ್ವಹಣಾಧಿಕಾರಿ ಸುಧೀರ್ ಕುಮಾರ್ ಶೆಟ್ಟಿ ಪಂಡೆರ್.

ಹುಷಾರ್ ದಾಂತೆ ತೀರ್ ಪೋಯಿನ ಕೆಪಿ ಇಸ್ಮಾಯಿಲ್

ಕುಡ್ಲ, ಜುಲೈ 26 : ಪೇಂಟೆದ ಅಲ್ ವಫಾ ಚಾರಿಟೆಬಲ್‌ ಟ್ರಸ್ಟ್ ಸ್ಥಾಪಕ‌ ಸದಸ್ಯ, ಫಲಾಹ್ ಶಾಲೆದ ಆಡಳಿತ ಮಂಡಳಿ ಸೇರಿನಂಚ ಮಸ್ತ್ ಸಂಘ ಸಂಸ್ಥೆಡ್ ಸಕ್ರಿಯವಾದ್ ಸೇವಾನಿರತರಾಯಿನ ಕೆ.ಪಿ. ಇಸ್ಮಾಈಲ್ ನಾಗತೋಟ (60) ಐತಾರ ಕಾಂಡೆ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್.

ಮೃತೆರ್ ಪತ್ನಿ, ರಡ್ಡ್ ಆಣ್ ಜೋಕುಲು, ಓರ್ವ ಪುತ್ರಿ ಸಹಿತ ಅಪಾರ ಬಂಧು ಮಿತ್ರೆರೆನ್ ದೂರ ಆತೆರ್.

ಅಲ್ ವಫಾ ಚಾರಿಟಬಲ್ ಟ್ರಸ್ಟ್ ಗುರ್ಕಾರ್ಲಾಯಿನ ಮುಹಮ್ಮದ್ ಹನೀಫ್ ಗೋಳ್ತಮಜಲು ಬೊಕ್ಕ ಪ್ರಧಾನ ಕಾರ್ಯದರ್ಶಿ ಉಮರ್ ಯು.ಎಚ್ ಕಣ್ಣ ನೀರ ಪನಿತರ್ಪಣ ಮಲ್ದೆರ್.

ಎನ್‌ಎಂಪಿಟಿಡ್ ದೈ ನಡ್ಪಿನ ಲೇಸ್

ಎನ್‌ಎಂಪಿಟಿದ ಸಿಐಎಸ್‌ಎಫ್ ಘಟಕರ್ದ್ ಎನ್‌ಎಂಪಿಟಿಡ್ ದೈ ನಡ್ಪಿನ  ಲೇಸ್ ಐತಾರ ನಡತುಂಡು.

ಸಿಐಎಸ್‌ಎಫ್ ಘಟಕದ ಡೆಪ್ಯುಟಿ ಕಮಾಂಡೆಂಟ್ ಆಶುತೋಷ್ ಗೌರ್, ಸಹಾಯಕ ಕಮಾಂಡೆಂಟ್ ಎಸ್.ಎನ್. ಚೌದರಿ ಸಹಿತ 77 ಸಿಬ್ಬಂದಿ ಪಾಲ್ ಪಡೆದಿತ್ತೆರ್ .ಕೈತಲ್ ದ 20 ಕುಟುಂಬದ 40 ನಾಗರಿಕೆರ್ ದೈ ನಡ್ಪಿನ ಮುಖೇನ ಲೇಸ್ ಡ್ ಪಾಲ್ ಪಡೆಯೆರ್.

You Missed