Sun. Nov 22nd, 2026

ಪುತ್ತೂರ್ದ ಸುದ್ದಿ | Puttur News

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

ನವದೆಹಲಿ, ಜುಲೈ 30: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (ಸಿಬಿಎಸ್‌ಇ) ಇನಿ 12 ನೇ ತರಗತಿ ಫಲಿತಾಂಶನ್ ಸಿಬಿಎಸ್ಸಿಯು 2 ಗಂಟೆಗ್ ಘೋಷಣೆ ಮಲ್ಪರೆ ಉಂಡು.

ಈ ಬಗ್ಗೆ ಮಾಹಿತಿ ಕೊರಿನ CBSE ಬೋರ್ಡ್ ಇನಿ ಮಧ್ಯಾಹ್ನ 2 ಗಂಟೆಗ್ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಪ್ರಕಟ ಮಲ್ಪುನ ಬಗ್ಗೆ ತೆರಿಪಾಯೆರ್.ಜೋಕುಲು ಇನಿ ಮಧ್ಯಾಹ್ನ ಬರ್ಪಿನ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಬೋರ್ಡ್ ಅಧಿಕೃತ ಜಾಲತಾಣ cbse.nic.in ಅತ್ತುಂಡ cbseresults.nic.in ಡ್ ತೂವೊಲಿ .

ಹಿರಿಯ ನಾಗರಿಕೆರೆಗ್ ರಾಜ್ಯ ಪ್ರಶಸ್ತಿ : ಪ್ರಸ್ತಾವನೆಗ್ ಲೆಪ್ಪೋಲೆ

ಒಡಿಪು, ಜುಲೈ 30: ವಿಕಲಚೇತನರ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆದ ವತಿರ್ದ್ ಅಕ್ಟೋಬರ್ 1ಕ್ಕ್ ವಿಶ್ವ ಹಿರಿಯ ನಾಗರಿಕರ ದಿನಾಚರಣೆನ್ ರಾಜ್ಯ ಮಟ್ಟಡ್ ಆಚರಣೆ ಮಲ್ತೊಂದು ಉಲ್ಲೆರ್ , ಈ ಪೊರ್ತುಡು ಶಿಕ್ಷಣ, ಸಾಹಿತ್ಯ, ಕಲಾಕ್ಷೇತ್ರ, ಕಾನೂನು, ಪ್ರತಿಭೆ, ಕ್ರೀಡೆ ಅಂಚನೇ ಹಿರಿಯ ನಾಗರಿಕರ ಕ್ಷೇತ್ರಡ್ ಸಮಾಜ ಸೇವೆ ಮಲ್ತಿನ ಹಿರಿಯ ನಾಗರಿಕೆರೆಗ್ ಒಟ್ಟು ಆಜಿ ವೈಯಕ್ತಿಕ ಪ್ರಶಸ್ತಿ ಬೊಕ್ಕ ಒಂಜಿ ಸಂಸ್ಥೆಗ್ ಪ್ರಶಸ್ತಿ ಸೇರಿನಂಚ ಒಟ್ಟು ಏಳ್ ರಾಜ್ಯ ಪ್ರಶಸ್ತಿ ಕೊರೊಂದು ಉಲ್ಲೆರ್ ನೆಕ್ಕಾದ್ ಜಿಲ್ಲೆದ ಹಿರಿಯ ನಾಗರಿಕೆರೆರ್ದ್ ಪ್ರಸ್ತಾವನೆ ಲೈದೆರ್ .

ಕೋವಿಡ್ ಗ್ ಕುಡ್ಲಡ್ 5 ಜನ ಬಲಿ : 337 ಜನಕ್ ಕೊರೋನ ಸೋಂಕು

ಕುಡ್ಲ, ಜುಲೈ 30: ದ.ಕ. ಜಿಲ್ಲೆಡ್ ಗುರುವಾರ ಕೋವಿಡ್‌ರ್ದ್ ಐನ್ ಜನ ತೀರ್ ಪೋಯೆರ್. ಆತೆ ಅತ್ತoದೆ, ಪೊಸತಾದ್ 337 ಸೋಂಕು ಪ್ರಕರಣ ಪತ್ತೆ ಆತುಂಡು. ಜಿಲ್ಲೆಡ್ 148 ಜನ ಹುಷಾರ್ ಆತೆರ್.

ಕೋವಿಡ್‌ರ್ದ್ ಜಿಲ್ಲೆಡ್ ಒಟ್ಟು 1,402 ಜನ ತೀರ್ ಪೋತೆರ್. ಇತ್ತೆ ಮುಟ 99,264 ಪಾಸಿಟಿವ್ ಪ್ರಕರಣ ವರದಿ ಆತುಂಡು.

ಜುಗಾರಿ ಆರೋಪ : ಮೂಜಿ ಜನತ ಬಂಧನ

ಕುಂದಾಪುರ,ಜುಲೈ 30: ತಲ್ಲೂರು ಗ್ರಾಮದ ಮಾರನಮನೆ ಪನ್ಪಿನ ಜಾಗೆಡ್ ಕೋಡೆ ಅಂದರ್ ಬಾಹರ್ ಇಸ್ಪೀಟು ಜುಗಾರಿ ಗೊಬ್ಬೊoದು ಇತ್ತಿನ ಮೂಜಿ ಜನನ್ ಕುಂದಾಪುರ ಪೊಲೀಸೆರ್ ಪತ್ತ್ ದೆರ್.

ನಾರಾಯಣ ದೇವಾಡಿಗ (40), ರಮೇಶ ದೇವಾಡಿಗ (36), ಭಾಸ್ಕರ ದೇವಾಡಿಗ (53) ಬಂಧಿತ ಆರೋಪಿಲು . ಮೆಕ್ಲೆನೆರ್ದ್ 1250 ರೂ. ನಗದು ವಶಕ್ ದೆತೊನ್ದೆರ್ . ಈ ಬಗ್ಗೆ ಕುಂದಾಪುರ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು .

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

ಉಳ್ಳಾಲ, ಜುಲೈ 30: ಕಿನ್ಯಾ ಗ್ರಾಮ ಯುವ ಕಾಂಗ್ರೆಸ್ ಸಮಿತಿ ಸಭೆ ಕಿನ್ಯಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹಾರಿಸ್ ಅಹ್ಮದ್ ಮೆರ್ನ ಮುತಾಲಿಕೆಡ್ ನಡತುಂಡು.

ಮಾಜಿ ಕಿನ್ಯಾ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹಮೀದ್ ಕಿನ್ಯಾ ಪಾತೆರ್ದ್ ಪಕ್ಷದ ಕಾರ್ಯ ಚಟುವಟಿಕೆ ಬಗ್ಗೆ ಪಂಡೆರ್ . ಸಮಿತಿದ ವಿವರಣೆನ್ ಆಶಿಕ್ ಅಶ್ಫಾಕ್ ಕಿನ್ಯಾ ಕೊರಿಯೆರ್ . ಬೊಕ್ಕ ಪೊಸ ಸಮಿತಿ ರಚನೆ ಮಲ್ತೆರ್ .

ಕಿನ್ಯಾ ಗ್ರಾಮದ 3ನೇ ವಾರ್ಡ್ದ ಯುವ ಕಾಂಗ್ರೆಸ್ ಗುರ್ಕಾರ್ಲಾದ್ ಸಮೀರ್ ಮೀಂಪ್ರಿ, ಒತ್ತು ಗುರ್ಕಾರ್ಲಾದ್ ತಂಶೀರ್, ಸವಾದ್ ಪ್ರಧಾನ ಕಾರ್ಯದರ್ಶಿ ಯಾಗಿ ಬಾಶಿತ್ ಮೀಂಪ್ರಿ ,ಕಾರ್ಯದರ್ಶಿಯಾದ್ ಸುಹೈಲ್ ಮೀಂಪ್ರಿ, ಇಂತಿಶಾಮ್ ಮೀಂಪ್ರಿ, ಸಂಘಟನಾ ಕಾರ್ಯದರ್ಶಿಯಾದ್ ನಿಯಾಝ್ ಸಂಕೇಶ್ , ಮೀಡಿಯಾ ಉಸ್ತುವಾರಿಯಾದ್ ನಿಸಾರ್, ಸೋಶಿಯಲ್ ವರ್ಕ್ ಉಸ್ತುವಾರಿಯಾದ್ ಆಫ್ವನ್ ಮೀಂಪ್ರಿ ಬೊಕ್ಕ ತಾಸೀರ್ ಆಯ್ಕೆಯಾಯೆರ್ .

ಆ.1 ಕ್ಕ್ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ ಪ್ರದಾನ

ಕುಡ್ಲ,ಜುಲೈ 30 : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿದ 2020ನೆ ಸಾಲ್ದ ಗೌರವ ಪ್ರಶಸ್ತಿ ಬೊಕ್ಕ ಪುಸ್ತಕ ಬಹುಮಾನ ಪ್ರದಾನ ಲೇಸ್ ಆ.1ಕ್ಕ್ ಮಧ್ಯಾಹ್ನ 2 ಗಂಟೆಗ್ ಕುಡ್ಲದ ಕುದ್ಮುಲ್ ರಂಗರಾವ್ ಪುರಭವನಡ್ ಅಟ್ಟನೆ ಮಲ್ದೆರ್ ಪಂದ್ ಅಕಾಡೆಮಿ ಗುರ್ಕಾರ್ಲಾಯಿನ ಡಾ.ಕೆ.ಜಗದೀಶ್ ಪೈ ಗುರುವಾರ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .

ಅರುಣ್ ಸುಬ್ರಾವ್ ಉಭಯಕರ್ (ಸಾಹಿತ್ಯ), ಪುತ್ತೂರು ಪಾಂಡುರಂಗ ನಾಯಕ್ (ಕಲೆ), ಲಕ್ಷ್ಮಿ ಕೃಷ್ಣ ಸಿದ್ದಿ (ಜಾನಪದ) ಮೆರೆಗ್ ಅಕಾಡೆಮಿ ಗೌರವ ಪ್ರಶಸ್ತಿ ಬೊಕ್ಕ ಪ್ರೇಮ್ ಮೊರಾಸ್ ಮೇರ್ ಕವನ-ಏಕ್‌ಮೂಟ್ ಪಾವ್ಳ್ಯೊ’, ಮೋನಿಕಾ ಡೇಸಾ ಅವರ ಸಣ್ಣಕತೆ-ನವಿದಿಶಾ’, ಸ್ಟೀವನ್ ಕ್ವಾಡ್ರಸ್ ಮೆರ್ನ ಲೇಖನ-ಸುಗಂದು ಸ್ವಾಸ್‌ಗ್ ಪುಸ್ತಕ ಬಹುಮಾನ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ್ ಪಂಡೆರ್.

ಸ್ವಾಬ್ ಕಲೆಕ್ಟರ್ ಹುದ್ದೆಗ್ ಜು.31ಕ್ಕ್ ಸೀದಾ ಸಂದರ್ಶನ

ಕುಡ್ಲ, ಜುಲೈ 30: ಡಿಎಚ್‍ಒ ಅಧೀನಡ್ ಉಪ್ಪುನ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಗಂಟಲು ದ್ರವ ಮಾದರಿ ಸಂಗ್ರಹಗ್ (ಸ್ವಾಬ್ ಕಲೆಕ್ಟರ್) 25 ಅರ್ಹ ಅಭ್ಯರ್ಥಿಲೆನ್ ಗುತ್ತಿಗೆ ಆಧಾರಡ್ ತಾತ್ಕಾಲಿಕ ನೇಮಕಗ್ 2021ರ ಜುಲೈ 31ರ ಶನಿವಾರ ಬೆಳಿಗ್ಗೆ 10.30ಕ್ಕೆ ಪೇಂಟೆದ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಕಚೇರಿಡ್ ನೇರ ಸಂದರ್ಶನ ಲೈದೆರ್ .

2021ರ ಸೆಪ್ಟೆಂಬರ್ 30 ಮುಟ ಬೇಲೆ ಮಲ್ಪರೆ ಈ ಆಯ್ಕೆ ನಡತೊಂದು ಉಂಡು , ಡಿ.ಎಂ.ಎಲ್.ಟಿ., ಅರೆವೈದ್ಯಕೀಯ ಪದವೀಧರೆರ್ , ಡಿಪ್ಲೋಮ, ವಿಜ್ಞಾನ ಪದವೀಧರೆರ್ ಅರ್ಜಿ ಪಾಡೋಲಿ .

ಕುಂದಾಪುರಡ್ ವಿಜಯನಗರದ ಇಮ್ಮಡಿ ಹರಿಹರನ ಶಾಸನ ಪತ್ತೆ

ಕುಡ್ಲ ಜುಲೈ 30: ಒಡಿಪುದ ಕುಂದಾಪುರ ತಾಲೂಕುದ ಜಪ್ತಿ ಗ್ರಾಮದ ಕೈಲ್ಕೆರೆ ಪ್ರದೇಶಡ್ ವಿಜಯನಗರದ ಸಂಗಮ ದೊರೆ ಇಮ್ಮಡಿ ಹರಿಹರನ ಶಾಸನನ್ ರಾಜೇಶ್ವರ ಉಪಾಧ್ಯಾಯ ಕಂಚಾರ್ತಿ ಮೇರ್ ಪತ್ತೆ ಮಲ್ದೆರ್ .

ಈ ಶಾಸನನ್ ಓದುದು ಅರ್ಥ ಮಲ್ಪುನಲ್ಪ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಸಾಕಾರ ಕೊರ್ತೆರ್.
೬ ಅಡಿ ಉದ್ದ ಬೊಕ್ಕ ೨.೫ಅಡಿ ಅಗಲದ ಕಣ ಶಿಲೆ (ಗ್ರಾನೈಟ್)ಡ್ ಕೊರೆಯಿನ ಈ ಶಾಸನ ೫೪ ಸಾಲ್ ಉಂಡು ಕನ್ನಡ ಲಿಪಿ ಬೊಕ್ಕ ಕನ್ನಡ ಅಂಚನೇ ಸಂಸ್ಕೃತ ಭಾಷೆ ನೆಟ್ಟ್ ಉಂಡು.
‘ಶ್ರೀ ಗಣಾಧಿಪತಯೆ ನಮಃ’ ಪನ್ಪಿನ ಶ್ಲೋಕಡ್ ಸುರು ಆಯಿನ ಈ ಶಾಸನ ಇಮ್ಮಡಿ ಹರಿಹರನು ವಿಜಯನಗರಡ್ ಆಳ್ವಿಕೆ ಮಲ್ದಿನ ಜಯಾಭ್ಯುದಯ ಶಕವರ್ಷ ೧೩೧೬ (ಕ್ರಿ.ಶ ೧೩೯೪, ನವಂಬರ್ ೧೦ ಸೋಮವಾರ) ಬಾವ ಸಂವತ್ಸರದ ಕಾರ್ತಿಕ ಶುದ್ಧ ೧೦ಸೋಮವಾರದಾನಿ ಭಾರದ್ವಾಜ ಗೋತ್ರದರ್ ಆಯಿನ ನಾರಾಯಣ ವಾಜಪೇಯಯಾಜಿಲು ಬೊಕ್ಕ ನರಹರಿ ಸೋಮಯಾಜಿ ಅಂಚನೇ ವಸಿಷ್ಠ ಗೋತ್ರದ ಪಂಡರಿ ದೀಕ್ಷಿತರು ಪಂಪಾ ಕ್ಷೇತ್ರದ ಶ್ರೀ ವಿರೂಪಾಕ್ಷ ದೇವರ ಸನ್ನಿಧಿಡ್ ಶಿವರಾತ್ರಿದ ಪುಣ್ಯ ಕಾಲಡ್ ಸರ್ವಭಾದ ಪರಿಹಾರವಾದ್ ರಾಯೆರೆ ಪುದರ್ ಡ್ ಹಿರಾಣ್ಯೋದಕ ದಾನ ಮಲ್ದಿನ ವಿವರ ಉಂಡು.

ಪತ್ರಕರ್ತೆರೆರ್ದ್ ಕೃಷಿ ಜಾಗೃತಿ

ಕುಡ್ಲ : ಅಳಿಯೊಂದು ಪೋವೊಂದು ಉಪ್ಪುನ ಬೆನ್ನಿದ ಸಂರಕ್ಷಣೆ ಬಗ್ಗೆ ಜಾಗೃತಿ ಮೂಡಾವುನ ನೆಲೆಟ್ಟ್ ಭತ್ತದ ಕೃಷಿಕೆರ್ನೊಟ್ಟಿಗೆ ಪತ್ರಕರ್ತರ ಸಾಮೂಹಿಕ ಭತ್ತದ ನಾಟಿ ಲೇಸ್ ನ್ ವಿಟ್ಲ ತಾಲೂಕುದ ಅಳಿಕೆ ಗ್ರಾಮದ ಮಿತ್ತಳಿಕೆಯ (ಚೆಂಡುಕಳ) ಕಂಡೊಡು ಜು.29 ನೆ ಗುರುವಾರ ಅಟ್ಟನೆ ಮಲ್ತಿತ್ತೆರ್ .

ವಾರ್ತಾ ಬೊಕ್ಕ ಸಾರ್ವಜನಿಕ ಸಂಪರ್ಕ ಇಲಾಖೆ, ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಬೊಕ್ಕ ಬಂಟ್ವಾಳ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಒಟ್ಟು ಸೇರಿಗೆಡ್ ಈ ಚಟುವಟಿಕೆಡ್ ಪತ್ರಕರ್ತೆರ್ ಭತ್ತನ್ ನಾಟಿ ಮಲ್ತೆರ್ .

ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ ಆಟಿದ ಶನಿಪೂಜೆ

ಜುಲೈ 30: ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ ಆಟಿ ತಿಂಗೊಲ್ಡು ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ವಿಶೇಷ ರೀತಿಡ್ ಆಚರಣೆ ಮಲ್ಪುನ 18 ನೇ ವರ್ಷದ ಆಟಿದ ಶನಿ ಪೂಜೆ ತಾರೀಖ್ 31-07-2021 ಶನಿವಾರದಾನಿ ಶ್ರೀ ಶನೀಶ್ವರ ಮಂದಿರಡ್ ನಡಪರೆ ಉಂಡು.18ನೇ ವರ್ಷದ ಆಟಿದ ಶನಿ ಪೂಜೆದ ಪರವಾದ್ ಮಧ್ಯಾಹ್ನ 12:00 ರ್ದ್ ಕಲಶ ಪ್ರತಿ ಷ್ಠಾಪನೆರ್ದ್ ಬೊಕ್ಕ ಶ್ರೀ ಶನೀಶ್ವರ ಗ್ರಂಥ ಪಾರಾಯಣ ,5 ಗಂಟೆರ್ದ್ ಭಜನೆ ಐರ್ದ್ ಬೊಕ್ಕ ಕುಣಿತ ಭಜನೆ 7:30ಕ್ ಮಹಾ ಮಂಗಳಾರತಿದ ಪ್ರಸಾದ ಅನ್ನ ಸಂತರ್ಪಣೆದೊಟ್ಟುಗು ನಡಪರೆ ಉಂಡು.ಈ ಪೊರ್ತುಡು ಶ್ರೀ ಶನೀಶ್ವರ ಸೇವಾ ಚಾರಿಟೇಬಲ್ ಟ್ರಸ್ಟ್ ದ ಶ್ರೀ ಶನೀಶ್ವರ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ . (ಮಕ್ಕಳ ಮೇಳ) ದ. 2022ನೇ ಸಾಲ್ ದ ಯಕ್ಷಗಾನ ಪ್ರದರ್ಶನಗಾದ್ ತರಬೇತಿನ್ ಸುರು ಮಲ್ಪರೆ ಯಕ್ಷಗಾನ ಗುರುಕುಲಾಯಿನ ನಾಗೇಶ್ ಪೋಳಲಿ ಮೆರೆಗ್ . ವಿಳ್ಯ ಕೊರ್ಪಿನ ಮುಖೇನ ಉದಿಪನ ಮಲ್ಪರೆ ಉಲ್ಲೆರ್.ಅಂಚನೇ ಈ ಮಾತಾ ಧಾರ್ಮಿಕ ಕಾರ್ಯಡ್ಅನ್ನ ಸಂತರ್ಪಣೆಗ್  ಮಲ್ಲಿಕಾ .ಕೃಷ್ಣ ಶೆಟ್ಟಿ ಮೇರ್ 5001 ರೂಪಾಯಿನ್ ಅಂಚನೆ, ಪ್ರಜಾಕ್ತಾ ನಿಮಿತ್ ಚೌ ರಸ್ಯ ಮೇರ್ 25 ಕೆಜಿ ಅರಿ ಕೊರ್ತೆರ್.ಅಂಚನೇ ಅಲಂಕಾರ ದ ಸೇವಾ ಕರ್ತರಾಯಿನ ಮಾಲ ಚೈನ್. ಪೂಜಾ ಸಾಮಗ್ರಿದ ಸೇವಾ ಕರ್ತರಾದ್ ಆಶಾ ಪದ್ಮನಾಭ್ ಶೆಟ್ಟಿ ಮೇರ್,ಫಲವಸ್ತುದ ರೂಪದ ಪರ್ನ್ದ್ ದ ಸೇವಾ ಕರ್ತರಾಯಿನ ಸುಜಾತ ಗಂಗಾಧರ ಶೆಟ್ಟಿ,ಪ್ರಸಾದ ಸೇವಾಕರ್ತ ವಿಜಯಲಕ್ಷ್ಮಿ ಶೆಟ್ಟಿಗಾರ್, ಅಂಚನೇ ಅವ್ವೆತೋ ರೀತಿಡ್ ಸಾಕಾರ ಕೊರ್ತೆರ್.

ಅಂಚಾದ್ ಈ ಮಾತಾ ಧಾರ್ಮಿಕ ಕಾರ್ಯಕ್ರಮಡ್ ಪಾಲ್ ಪಡೆದ್
ಶ್ರೀ ಶನೀಶ್ವರನ ಮಹದಾನುಗ್ರಹಗ್ ಪಾತ್ರರಾವೊಡು ಪಂದ್ ಬಿನ್ನಾಪು.

You Missed