ಅ.14: ತುಳು ಸಾಹಿತ್ಯ ಅಕಾಡೆಮಿದ ಮುತಾಲಿಕೆಡ್ ಬೈಲ್ ರಂಗ ಮಂದಿರ ಉದಿಪನ ಲೇಸ್
ಕುಡ್ಲ: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ನೆತ್ತ ಮುತಾಲಿಕೆಡ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಬಯಲು ರಂಗ ಮಂದಿರದ ಲೋಕಾರ್ಪಣೆ ಲೇಸ್ ಅ.14 ಸುಕ್ರಾರ ಕಾಂಡೆ 10 ಗಂಟೆಗ್ ಉರ್ವಸ್ಟೋರ್ ದ ತುಳುಭವನಡ್ ನಡಪರೆ ಉಂಡು.
ಈ ಲೇಸ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ಕುಡ್ಲದ ಗುರ್ಕಾಲು ಮಟ್ಟಾರ್ ರತ್ನಾಕರ ಹೆಗ್ಡೆ ಮೇರ್ನ ಗುರ್ಕಾರ್ಮೆಡ್ ನಡಪುಂಡು. ಕುಡ್ಲ ಲೋಕಸಭಾ ಕ್ಷೇತ್ರದ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಉದಿಪನ ಮಲ್ಪರೆ ಉಲ್ಲೆರ್. ತೆನ್ಕಾಯಿ ಕುಡ್ಲ ಕ್ಷೇತ್ರದ ಶಾಸಕೆರ್ ವೇದವ್ಯಾಸ ಕಾಮತ್ ಮಾನಾದಿಗೆದ ಮದಿಪು ಕೊರಿಯರೆ ಉಲ್ಲೆರ್. ಮೇಯರ್ ಜಯಾನಂದ ಅಂಚನ್ “ಮದಪೆರಾವಂದಿನ ತುಳುವೆರ್” ಬೂಕು ಬುಡುಗಡೆ ಮಲ್ಪುವೆರ್. ಕಾರ್ಪೊರೇಟರ್ ಗಣೇಶ್ ಕುಲಾಲ್ ಮಲ್ಲ ಬಿನ್ನೆರಾದ್ ಬರ್ಪೆರ್.
ಸಾಹಿತಿ ಬೊಕ್ಕ ಸಂಶೋಧಕೆರ್ ಆಯಿನ ಡಾ.ಸದಾನಂದ ಪೆರ್ಲ ಮೇರೆಗ್ ಮಾನಾದಿಗೆ ನಡಪುಂಡು. ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲು ದಯಾನಂದ ಜಿ.ಕತ್ತಲ್ ಸಾರ್ ಬಿನ್ನೆರೆನ್ ಎದುಕೊನುವೆರ್.
ಅಂಚನೆ ತುಳುನಾಡ್ ದ ಸಂಸ್ಕೃತಿ-ಸಂಸ್ಕಾರದ ದಾಖಲೀಕರಣ ಮಲ್ತಿನ ನಮ್ಮ ಕುಡ್ಲ, ನಮ್ಮ ಟಿ.ವಿ, ವಿ4, ಚಾನೆಲ್ 9, ದೈಜಿವರ್ಲ್ಡ್, ಚಾನೆಲ್ ದಕ್ಲೆಗ್ ಮಾನಾದಿಗೆ ನಡಪರೆ ಉಂಡು. ಈ ಲೇಸ್ ಗ್ ರಿಜಿಸ್ಟ್ರಾರ್ ಕವಿತ, ಗುರ್ಕಾರ್ಲು ದಯಾನಂದ ಜಿ.ಕತ್ತಲ್ ಸಾರ್ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾತಾ ಪದುಕೆರ್ ಮಾತೆರೆನ್ಲಾ ಮೋಕೆಡ್ ಎದ್ಕೊಂದೆರ್.
