ಕುಡ್ಲದ ಸುದ್ದಿ | Mangalore News

Abhineeth from Mangalore is the head of security at the Nagaland Raj Bhavan ನಾಗಾಲ್ಯಾಂಡ್ ರಾಜಭವನದ ಭದ್ರತಾ ಮುಖ್ಯಸ್ಥೆರಾದ್ ಆಯ್ಕೆ ಆಯಿನ ಕುಡ್ಲದ ಅಭಿನೀತ್

ಕುಡ್ಲ: ನಾಗಾಲ್ಯಾಂಡ್ ಭದ್ರತಾ ವ್ಯವಸ್ಥೆದ ಮುಖ್ಯಸ್ಥೆರಾದ್ ಕುಡ್ಲದ ಪೇಜಾವರದ ಸ್ಕ್ವಾಡ್ರನ್ ಲೀಡರ್ ಅಭಿನೀತ್ ಎ.ಕೆ ಮೇರ್ ಭಾರತೀಯ ವಾಯಪಡೆರ್ದ್ ಆಯ್ಕೆ ಆತೆರ್.

2013 ಟ್ಟ್ ಭಾರತೀಯ ವಾಯುಪಡೆಕ್ಕ್ ಆಯ್ಕೆ ಆಯಿನ ಅಭಿನೀತ್, ಏರ್‌ಫೋರ್ಸ್‌ಡ್ ಅಡ್ವಾನ್ಸ್ ಲೈಟ್‌ಹೆಲಿಕಾಪ್ಟರ್ (ಎಎಲ್‌ಎಚ್)ಡ್ ಟೆಕ್ನಿಕಲ್ ಆಫೀಸರ್ ಆದ್‌ಲ ಬೇಲೆ ಮಲ್ತೊಂದಿತ್ತೆರ್. ರಾಜ್ಯಪಾಲರೆರ್ದ್ ಸಂದರ್ಶನ ಆದ್ ಈ ಹುದ್ದೆಗ್ ಆಯ್ಕೆ ಆತೆರ್.

Abhinith from our own Tulunadu is appointd as chief of security of Rajbawan of Nagaland

Mangalore: Sqandon leader Abhinith from Pejawar who is serving in the Air force has been appointed as chief of security of Raj Bhavan of Nagaland.

He had joined the Air force in 2013 was working as technical officer of advanced light helicopter. He was interviewed by the governer and then selected for the post.

Mithun Rai vouches for his mother tongue Tulu and addresses a public meeting in tulu ಯನ್ನ ಅಪ್ಪೆ ಬಾಸೆ ತುಳು ಪಂದ್ ತುಳುಟ್ಟೆ ಪಾತೆರಿನ ಮಿಥುನ್ ರೈ

ತುಳುನಾಡ್‌ಡ್ ಪುಟ್ಟ್‌ದ್ ತುಳು ಬಾಸೆಡ್ ಪಾತೆರುನವು ನಮ್ಮ ಆದ್ಯ ಕರ್ತವ್ಯ. ಕಾಂಗ್ರೆಸ್ ಪಕ್ಷದ ಪ್ರತಿ ಒಂಜಿ ನಾಯಕೆರ್‍ಲಾ ಒಗ್ಗಟ್ಟಾದ್ ಉಲ್ಲ. ವೋಟುಗು ನಮ ತಯಾರ್ ಆದ್ ಉಲ್ಲ ಪಂದ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪಂಡೆರ್.

ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ಮುತಾಲಿಕೆಡ್ ಜ.22 ಕ್ಕ್ ಕುಡ್ಲದ ಲಾಲ್‌ಬಾಗ್‌ಡ್ ಇಪ್ಪುನ ಕರಾವಳಿ ಉತ್ಸವ ಮೈದಾನಡ್ ನಡತಿನ ಪ್ರಜಾಧ್ವನಿ ಯಾತ್ರೆದ ಸಭಾ ಕಾರ್ಯಕ್ರಮದ ಲೇಸ್‌ಡ್ ಆರ್ ಪಾತೆರಿಯೆರ್.

ಬಡಕಾಯಿಡ್ ಬಾರ್ಕೂರು ತೆಮ್ಕಾಯಿಡ್ ನಿಲೇಶ್ವರ. ಮೂಡಾಯಿ ಪಶ್ಷಿಮ ಘಟ್ಟದ ಗಡಿ. ಪಡ್ಡಾಯಿ ಕಡಲಕಿರೆ. ಈ ನಾಲ್ ದಿಕ್ಕ್‌ಡ್‌ಲ ಸೌಹಾರ್ದತೆಡ್ ಬದುಕುನಂಚಿನ ಒಂಜಿ ಸಮುದಾಯ ಇತ್ತ್‌ಂಡ್ಂದಾಂಡ ಅವು ತುಳುವ ಸಮುದಾಯ. ಈ ನಮ್ಮ ತುಳುನಾಡ್‌ಡ್ ಒಂಜಿ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ 1 ಕಿಲೋ ಮೀಟರ್‌ದ ಉಲಯಿಡ್ ಮೂಜಿ ಮೆಡಿಕಲ್ ಕಾಲೇಜ್ ಒವ್ವಾಂಡಲ  ಇತ್ತ್‌ಂಡ್ಂದಾಂಡ ಅವು ನಮ್ಮ ಯು.ಟಿ.ಖಾದರ್ ಮೆರೆನ ಉಳ್ಳಾಲ ಕ್ಷೇತ್ರಡ್ ಪಂದ್ ಪನಿಯರೆ ಕುಷಿ ಆಪುಂಡು. ನಮ ಮಾತ ಒಟ್ಟು ಸೇರ್ದ್ ಕಾಂಗ್ರೆಸ್ ಪಕ್ಷನ್ ಈ ಸರ್ತಿದ ಓಟುಡು ಗೆಂದಾಗ ಪಂದ್ ಪಂಡೆರ್.

Mithun Rai vouches for his mother tongue Tulu and addresses a public meeting in tulu

KPCC chief secretary Mithun Rai addresses a public meeting of Prajadwani Yatra program at Manglore in tulu and said as son of tulunadu he had immense respect and love for his mothertongu tulu.

Bantwal: “Gadathirtha” puskarni development works begins ಬಂಟ್ವಾಳ: ಶ್ರೀ ಕಾರಿಂಜೇಶ್ವರ ದೇವಲ್ಯದ ಗದಾತೀರ್ಥ ಕಿರೆ ಅಭಿವೃದ್ಧಿಗ್ ಚಾಲನೆ

ಬಂಟ್ವಾಳ: ಶ್ರೀ ಕಾರಿಂಜೇಶ್ವರ ದೇವೆರೆನ ಗದಾ ತೀರ್ಥ ಕಿರೆನ್ 2 ಕೋಟಿ ರೂಪಾಯಿ ಅನುದಾನದ ಮುಕೇನ ಅಭಿವೃದ್ಧಿ ಮಲ್ಪುನ ಬೇಲೆಗ್ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಮೇರ್ ಸೋಮಾರ ಚಾಲನೆ ಕೊರಿಯೆರ್.

ಅಯಿರ್ದ್ ಬೊಕ್ಕ ಪಾತೆರಿನ ಆರ್, ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಮಾತ ಧಾರ್ಮಿಕ ಕೇಂದ್ರದ ಅಭಿವೃದ್ದಿಗ್ ಕೊಡುಗೆ ಕೊರ್ತ. ಸಾದಿ, ನೀರ್ ದೊಟ್ಟುಗು ಮಾತ ಸೌಕರ್ಯದ ಅಭಿವೃದ್ದಿ ಕಾರ್ಯನ್ ಮಲ್ತ್‌ದ್. ಈ ಕ್ಷೇತ್ರನ್ ನನಾತ್ ಅಭಿವೃದ್ದಿ ಮಲ್ಪರೆ ತಯಾರ್ ಮಲ್ಪುನ ಪ್ರಯತ್ನ ಮಲ್ಪುವೆ ಪಂದ್ ಪಂಡೆರ್.

Bantwal: “Gadathirtha” puskarni development works begins

The mla of Bantwal Sri Rajesh Naik inaugrated the development works of “Gadathirtha” pushkarni at Karinjeshwara temple at an estimated cost of two crore rupees

January 26: Mulki Odeyarbettu Bobbarya Nema ಜ.26 ಕ್ಕ್ ಮುಲ್ಕಿ ಒಡೆಯರಬೆಟ್ಟು ಬೊಬ್ಬರ್ಯ ನೇಮ

ಮುಲ್ಕಿ: ಒಡೆಯರಬೆಟ್ಟು ಶ್ರೀ ಬೊಬ್ಬರ್ಯ ದೇವಸ್ಥಾನ ಡ್ ಜ.26 ಗುರುವಾರ ವರ್ಷಾಧಿದ ನೇಮ ಉಚ್ಚಯ ಭಾರಿ ಗೌಜಿಡ್ ನಡಪರೆ ಉಂಡು.

ಕಾಂಡೆ ಬ್ರಹ್ಮಶ್ರೀ ಶಿಬರೂರು ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ನವಕ ಪ್ರಧಾನ ಹೋಮ, ಕಲಶಾಭಿಷೇಕ ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು.

ಬಯ್ಯಡ್ 5 ಗಂಟೆಗ್ ಭಂಡಾರ ಜತ್ತ್ ದ್ ಕೊಡಿ ಏರ್ರೆ ಉಂಡು. ರಾತ್ರೆ 10 ಗಂಟೆಗ್ ಬೊಬ್ಬರ್ಯ ಬಂಟ ದೈವೊಲೆನ ನೇಮ ನಡಪರೆ ಉಂಡು. ಈ ನೇಮದ ಉಚ್ಚಯೊಗು ಮಾತೆರ್ಲ ಬತ್ತ್ ದ್ ದೈವೊಲೆನ ಗಂಧ ಪುರ್ಸಾದ ದೆತೊನೊಡು ಪಂದ್ ಊರುದ ಗುರ್ಕಾರೆರ್ ಅಂಚೆನೆ ಒಡೆಯರಬೆಟ್ಟು ಮೊಗವೀರ ಸಭಾ ಮುಲ್ಕಿ,ಒಡೆಯರಬೆಟ್ಟು ಮೊಗವೀರ ಮಹಿಳಾ ಸಭಾ, ಮುಲ್ಕಿ ಬೊಕ್ಕ ಒಡೆಯರಬೆಟ್ಟು ಮೊಗವೀರ ಸಭಾ, ಬೊಂಬಾಯಿ ನೆತ್ತ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಬಿನ್ನಾಪು ಮಲ್ದೆರ್.

January 26: Mulki Odeyarbettu Bobbarya Nema

The annual Nema utsav of Odeyarbettu Bobbarya will be held on January 26 th. The various rituals and customs will be held through out the day under the guidance of Shibarooru Gopalkrishna Tantri.

26-year-old Woman Commits Suicide by Hanging ಕಂಡನಿ ಬೊಡೆದಿ ಲಡಾಯಿ: ಬಲ್ಲ್ ಪಾಡೊಂದು ತೀರ್ ಪೋಯಿನ ಬೊಡೆದಿ

ಕುಡ್ಲ: ಮದಿಮೆ ಆಯಿನ ಪೊಂಜೋವು ಒರ್ತಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಘಟನೆ ಕುಡ್ಲದ ಉಳ್ಳಾಲ ಕೋಟೆಕಾರು ಕೈತಲ್‌ದ ಮಾಡೂರು ಪನ್ಪಿನಲ್ಪ ಜ.22 ಕ್ಕ್ ಬಯ್ಯಗ್ ನಡತ್ಂಡ್.

ಮಾಡೂರುದ ಚಂದ್ರಶೇಖರ-ಗಿರಿಜ ಮೆರೆನ ಮಗಲ್ ದಿವ್ಯಾಶ್ರೀ (26) ಆತ್ಮಹತ್ಯೆ ಮಲ್ತಿನಾರ್. ಜ.21 ಕ್ಕ್ ದಿವ್ಯಾಶ್ರೀ ತನ್ನ ಕಂಡನ್ಯನೊಟ್ಟುಗು ಬರಿತ್ತ ಇಲ್ಲದ ಕಾರ್ಯಕ್ರಮ ಒಂಜೆಕ್ಕ್ ಪೋದಿತ್ತೆರ್. ಅಲ್ಪ ದಿವ್ಯಾಶ್ರೀ ಮೇರ್ ವನಸ್ ಆದ್ ಇಲ್ಲಗ್ ಪೋಯರೆ ಕಂಡನ್ಯಗ್ ಮಸ್ತ್ ಒತ್ತಾಯ ಮಲ್ಪುನಗ ಕಂಡನಿ ಆಯಿಕ್ಕ್ ಒಪ್ಪಂದಿನ ಕಾರಣ ದಿವ್ಯಾ ಒರ್ತಿಯೇ ಇಲ್ಲಗ್ ಬೈದೆರ್. ಉಂದುವೇ ಇಚಾರಗ್ ಕಂಡನಿ ಬೊಕ್ಕ ಬೊಡೆದಿನ ನಡುಟ್ಟ್ ಲಡಾಯಿ ಆತ್ಂಡ್. ಈ ನಿಲೆಟ್ಟ್ ದಿವ್ಯಾ ಜ.22 ಕ್ಕ್ ಮದ್ಯಾಹ್ನ 3 ಗಂಟೆರ್ದ್ 4 ಗಂಟೆದ ಉಲಯಿ ಅಕ್ಲೆನ ಕೋಣೆಡ್ ಕಂಡಿಗ್ ಚೂಡಿದಾರದ ಶಾಲ್ ಪಾಡೊಂದು ಆತ್ಮಹತ್ಯೆ ಮಲ್ತ್‌ದೆರ್.

ದಿವ್ಯಾ ತೀರ್ ಪೋಯಿನೆಟ್ಟ್ ಸಂಶಯ ದಾಲ ಇಜ್ಜಿ ಪಂದ್ ಮೆರೆನ ಅಪ್ಪೆ ಗಿರಿಜಾ ಸುರತ್ಕಲ್ ಪೊಲೀಸ್ ಠಾಣೆಡ್ ದೂರು ಕೊರ್ತೆರ್. ದಿವ್ಯಾ ಮೆಡಿಕಲ್ ಶಾಪ್‌ಡ್ ಬೇಲೆ ಮಲ್ತೊಂದಿತ್ತೆರ್. ಹರೀಶ್ ಸುರತ್ಕಲ್‌ಡ್ ರಿಕ್ಷಾ ಡ್ರೈವರ್ ಆದ್ ಬೇಲೆ ಮಲ್ತೊಂದಿತ್ತೆರ್. ದಿವ್ಯಾ ಒಂಜರೆ ವರ್ಷದ ಪಿರವು ಹರೀಶ್ ನ್ ಮೋಕೆ ಮಲ್ತ್‌ದ್ ಮದಿಮೆ ಆದಿತ್ತೆರ್.

Husband and wife dispute- wife hangs herself

Mangalore: A woman comitted suicide by hanging herself at Uallal near herself onJanuary 22nd.

The girl has been identified as Divyashree(26).A disagreement with her husband is said to be the cause for her to take this darstic step

Prajadwani yatra in Mangalore – K Ashok Rai joins the Congress ಕುಡ್ಲಡ್ ಪ್ರಜಾಧ್ವನಿ ಯಾತ್ರೆ : ಕೋಡಿಂಬಾಡಿ ಅಶೋಕ್ ರೈ ಕಾಂಗ್ರೆಸ್‌ಗ್ ಸೇರ್ಪಡೆ

ಕುಡ್ಲ: ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ಮುತಾಲಿಕೆಡ್ ಜ.22 ಕ್ಕ್ ಬಯ್ಯಗ್ ಕುಡ್ಲದ ಲಾಲ್‌ಬಾಗ್‌ಡ್ ಇಪ್ಪುನ ಕರಾವಳಿ ಉತ್ಸವ ಮೈದಾನಡ್ ಪ್ರಜಾಧ್ವನಿ ಯಾತ್ರೆದ ಸಭಾ ಕಾರ್ಯಕ್ರಮ ಲೇಸ್ ನಡತ್ಂಡ್.

ಈ ಲೇಸ್‌ಡ್ ಬಿಜೆಪಿ ಜಿಲ್ಲಾ ಕಾರ್ಯಕಾರಿಣಿದ ಸದಸ್ಯೆರ್ ಆಯಿನ ಕೋಡಿಂಬಾಡಿ ರೈ ಎಸ್ಟೇಟ್ ಮಾಲಕೆರ್ ಅಶೋಕ್ ಕುಮಾರ್ ರೈ ಕಾಂಗ್ರೆಸ್ ಪಕ್ಷಗ್ ಸೇರ್ಪಡೆ ಆಯೆರ್.

ಈ ಪೊರ್ತುಡು ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ರಣದೀಪ್ ಸಿಂಗ್ ಸುರ್ಜೇವಾಲ, ಕರ್ನಾಟಕ ವಿಧಾನಸಭೆತ್ತ ಪ್ರತಿಪಕ್ಷ ನಾಯಕೆರ್ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷೆರ್ ಆಯಿನ ಡಿ.ಕೆ ಶಿವಕುಮಾರ್, ಕೇಂದ್ರದ ಮಾಜಿ ಸಚಿವೆರ್ ಬಿ. ಜನಾರ್ದನ ಪೂಜಾರಿ ಸೇರಿನಂಚನೆ ಮಸ್ತ್ ಬಿನ್ನೆರ್ ವೇದಿಕೆಡ್ ಪಾಲ್ ಪಡೆದಿತ್ತೆರ್.

Prajadwani yatra in Mangalore – K Ashok Rai joins the Congress

Mangalore: KPCC and DK district Congress committee came together to organise Prajadwani yatra related social program at Lalbagh, Mangalore.

At the program K Ashok Rai BJP district working committee member joined the Congress.

Randeep Singh, state Congress in charge, former CM Siddaramaiah, KPCC president DK Shivkumar were present on the occasion.