ಕಾಸ್ರೋಡ್ ಸುದ್ದಿ | Kasargod News

ಒಡಿಪುಡು 664 ಕೊರೋನ ಸೋಂಕು ಪತ್ತೆ

ಒಡಿಪು , ಎ.30: ಜಿಲ್ಲೆಡ್ ಕೋವಿಡ್-19 ತ್ತ ರಡ್ಡನೆ ಅಲೆ ಮಾತೆರ್ನ ನಿರೀಕ್ಷೆನ್ ಮೀರ್ದ್ ಜಿಲ್ಲೆಡ್ ಬಾರಿ ಬೇಗಡ್ ಪರಡೊಂದು ಉಂಡು.ಬುಧವಾರ ಜಿಲ್ಲೆಡ್ 664 ಜನಕ್ ಕೊರೋನ ಸೋಂಕು ಧೃಡ ಆತುಂಡು . ಇಂದು ಜಿಲ್ಲೆಡ್ ಒಂಜೇ ದಿನಟ್ ತೊಜಿನ ಜಾಸ್ತಿ ಪಾಸಿಟಿವ್ ಸಂಖ್ಯೆ ಆತುಂಡು .ನೆತ್ತೋಟ್ಟುಗು ದಿನಟ್ 326 ಜನ ಸೋಂಕುರ್ದ್ ಹುಷಾರ್ ಆಂಡ ಸೋಂಕುಗು ಸಕ್ರಿಯರಾದುಪ್ಪುನಕ್ಲೆನ ಸಂಖ್ಯೆಲಾ ಇತ್ತೆ 2230ಕ್ಕ್ ಯೇರ್ದುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕ ವತಿರ್ದ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ

ಒಡಿಪು, ಎಪ್ರಿಲ್ 30: ಲಯನ್ಸ್ ಕ್ಲಬ್ ಒಡಿಪು ಲಕ್ಷ್ಯ, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ, ಗೋಳಿಕಟ್ಟೆ ಮುನ್ನೊಳಿಗುಜ್ಜಿ, ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕದ ಒಟ್ಟು ಸೇರಿಗೆಡ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ ಮೇ 1,2021 ನೇ ಶನಿವಾರ ಕಾಂಡೆ 8:30 ರ್ದ್ ಮಧ್ಯಾಹ್ನ 1 ಗಂಟೆ ಮುಟ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಗೊಳಿಕಟ್ಟೆ ಡ್ ನಡಪರೆ ಉಂಡು.

ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರೆಗ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ

ಒಡಿಪು, ಎಪ್ರಿಲ್ 28: : ಪರ್ಯಾಯ ಶ್ರೀ ಅದಮಾರು ಮಠ ಶ್ರೀಕೃಷ್ಣ ಮಠದ ಸರ್ವಜ್ಞ ಪೀಠಾಧಿಪತಿ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದೆರ್ , ಶ್ರೀರಾಮ- ಹನುಮದುತ್ಸವದ ಪೊರ್ತುಡು ಕಾಂಚನ ಪರಂಪರೆದ ಕರ್ನಾಟಕ ಸಂಗೀತ ಗುರು ಅಂಚನೇ ಈ ಸಾಲ್ ದ ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರ್ನ ಸಂಗೀತ ಸೇವೆನ್ ಗುರ್ತಿಸಾದ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ತೆರ್.

ಬೊಕ್ಕ ಪಾತೆರಿನ ಆರ್ ಮಧೂರು ಮೇರ್ ತನ್ನ ಮಾತಾ ಏಳಿಗೆಗ್ಲಾ , ಸಂಗೀತಾರಾಧನೆಗ್ ಒಡಿಪು ಶ್ರೀ ಕೃಷ್ಣನೇ ಕಾರಣ. ಶ್ರೀಕೃಷ್ಣನ ಅನುಗ್ರಹ ಬೊಕ್ಕ ಶ್ರೀಲೆನ ಆಶೀರ್ವಾದರ್ದ್ ತಾನ್ ಧನ್ಯ ಪಂದ್ ಪಂಡೆರ್ .

ಐರ್ದ್ ಬೊಕ್ಕ ಸುಮಾರ್ ಮೂಜರೆ ಗಂಟೆ ಮಧೂರು ಮೆರೆರ್ದ್ ಸಂಗೀತಾರ್ಚನೆ ನಡತುಂಡು . ಪಕ್ಕವಾದ್ಯಡ್ ವಿದ್ವಾನ್ ಶ್ರೀಧರ ಆಚಾರ್ಯ (ವಯೋಲಿನ್) ಬೊಕ್ಕ ವಿದ್ವಾನ್ ಬಾಲಚಂದ್ರ ಭಾಗವತ್ (ಮೃದಂಗ) ಸಾಕಾರ ಕೊರಿಯೆರ್ .