ಕಾಸ್ರೋಡ್ ಸುದ್ದಿ | Kasargod News

ಅಗತ್ಯ ವಸ್ತುಲೆಗ್ ಹೋಂ ಡೆಲಿವರಿ ವ್ಯವಸ್ಥೆ : ಜಿಲ್ಲಾಡಳಿತ ಸೂಚನೆ

Apr 30, 2021

ಕುಡ್ಲ, ಎಪ್ರಿಲ್ 30: ಕೊರೊನಾ ನಿಯಂತ್ರಣ ಮಲ್ಪುನ ನೆಲೆಟ್ಟ್ ಲಾಕ್‌ಡೌನ್‌ ಮಾದರಿದ ಕರ್ಫ್ಯೂ ಪೇಂಟೆಡ್ ಜಾರಿಡ್ ಉಂಡು , ಈ ಪೊರ್ತುಡು ಜನಕುಲು ಇಲ್ಲದ ಉಲಯಿ ಕುಲ್ದು ಸಾಕಾರ ಕೊರೊಡು ಪಂದ್ ಸರಕಾರ ಸೂಚನೆ ಕೊರ್ತುಂಡು . ಆಂಡಲಾ ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಜನಕುಲು ಅಗತ್ಯ ವಸ್ತುದ ಖರೀದಿದ ನೆಪಟ್ ಇಲ್ಲರ್ದ್ ಪಿದಾಯಿ ಬರೊಂದು ಉಲ್ಲೆರ್ . ಇಂಚಾದ್ ಪೇಂಟೆಡ್ ಜನದಟ್ಟಣೆ ಜಾಸ್ತಿ ಆವೊಂದು ಉಂಡು . ಉಂದೆನ್ ತಪ್ಪಾಯರೇ ಹೋಂ ಡೆಲಿವರಿ ವ್ಯವಸ್ಥೆ ಜಾರಿ ಮಲ್ಪುನ ಬಗ್ಗೆ ಜಿಲ್ಲಾಡಳಿತ ಚಿಂತನೆ ಮಲ್ದುಂಡು .

ಈ ನೆಲೆಟ್ಟ್ ಪಾಲಿಕೆ ವತಿರ್ದ್ ಅಂಗಡಿ ಮಾಲಕೆರ್ನ ಸಾಕರಾದೊಟ್ಟುಗು ವಸ್ತುಲೆನ್ ಹೋಂ ಡೆಲಿವರಿ ಮಲ್ಪುನ ಬಗ್ಗೆ ಪಾತೆರಕತೆ ನಡಪಾವೊಂದು ಉಲ್ಲೆರ್ ಪಂದ್ ಪ್ರಕಟಣೆಗ್ ತೆರಿಪಾದೆರ್.

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ವತಿರ್ದ್ ಯಕ್ಷಗಾನ ಕಲಾವಿದೆರೆಗ್ ಸಹಾಯ

Apr 30, 2021

ಕುಡ್ಲ , ಎ.30: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಕರಿನ ವರ್ಷದಲಕ ಈ ವರ್ಷಲಾ ತೀರಾ ಬಂಗಡ್ ಉಪ್ಪುನ ಯಕ್ಷಗಾನ ಕಲಾವಿದೆರೆಗ್ ಉಚಿತವಾದ್ ದಿನಸಿ ಸಾಮಗ್ರಿಲೆನ್ ಇಲ್ಲದ ಬಾಕಿಲ್ ಗ್ ಎತ್ತಾವುನ ವ್ಯವಸ್ಥೆ ಮಲ್ದೆರ್ . ಅವಶ್ಯ ಉಪ್ಪುನ ಕಲಾವಿದೆರ್ ಮೊಬೈಲ್ 9164521588 ,ಅತ್ತುಂಡ 7411161662 ಬೊಕ್ಕ ಕೈತಲ್ ದ ಪಟ್ಲ ಫೌಂಡೇಶನ್ ಘಟಕದ ಪದಾಧಿಕಾರಿಲೆನ್ ಮೇ 10 ತಾರೀಖ್ ದ ಉಲಯಿ ಸಂಪರ್ಕ ಮಲ್ತ್ ದ್ ಅಕ್ಲೆನ ಪುದರ್ ಹೆಸರು, ವಿಳಾಸ ಅಂಚನೇ ಮೇಳದ ಪುದರ್ ನೋಂದಾವನೆ ಮಲ್ಪೋಲಿ ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ದ ಪ್ರಧಾನ ಕಾರ್ಯದರ್ಶಿ ಕೆ. ಪುರುಷೋತ್ತಮ ಭಂಡಾರಿ ಅಡ್ಯಾರ್ ಪ್ರಕಟಣೆಡ್ ತೆರಿಪಾದೆರ್ .

ನಿರಾಶ್ರಿತೆರೆಗ್ ಲಾಕ್ಡೌನ್ ಪೊರ್ತುಡು ತಾತ್ಕಾಲಿಕ ಆಶ್ರಯ

Apr 30, 2021

ಕುಡ್ಲ : ಲಾಕ್‌ಡೌನ್‌ ಮಾದರಿದ ಕರ್ಫ್ಯೂರ್ದಾವರ ಸ್ತಬ್ಧವಾದ್ ಉಪ್ಪುನ ಪೇಂಟೆಡ್ ಕರಿನ ಸಲದ ಲಾಕ್‌ಡೌನ್‌ದಲಕ ಈ ಸಲ ತಾತ್ಕಾಲಿಕ ಪುನರ್ವಸತಿ ಇಜ್ಜಿ . ಆಂಡ ಪೇಂಟೆಡ್ ಉಪ್ಪುನ 2 “ನಗರ ವಸತಿ ರಹಿತರ ಆಶ್ರಯ ಕೇಂದ್ರ’ಲು ತಾತ್ಕಾಲಿಕ ಆಶ್ರಯಗ್ ಲಭ್ಯ ಉಂಡು .

ಕುಡ್ಲ ಪಾಲಿಕೆ ಆಡಳಿತದ ಅಡಿಟ್ ಸುವರ್ಣ ಕರ್ನಾಟಕ ಜನಸ್ನೇಹಿ ವೇದಿಕೆ ಸರಕಾರೇತರ ಸೇವಾ ಸಂಸ್ಥೆದ ರಡ್ಡ್ ಎರಡು ಆಶ್ರಯ ಕೇಂದ್ರಲು ಪೇಂಟೆದ ಬಂದರು ಪ್ರದೇಶ ಬೊಕ್ಕ ಉರ್ವಡ್ ಉಂಡು .

ಉರ್ವ ಮಹಿಳಾ ಸಮುದಾಯ ಭವನಡ್ ಉಪ್ಪುನ ಆಶ್ರಯ ಕೇಂದ್ರನ್ ಪೊಂಜೊವ್ಲೆಗ್ ದೀತೆರ್. ಬಂದರು ದಕ್ಕೆ ಕೈತಲ್ ದ ಆಶ್ರಯ ಕೇಂದ್ರಡ್ ಪ್ರಸ್ತುತ 16 ಜನ ನಿರಾಶ್ರಿತೆರ್ ಉಲ್ಲೆರ್ ಮುಲ್ಪ ಸುಮಾರ್ 75 ಜನಕ್ ತಾತ್ಕಾಲಿಕ ಆಶ್ರಯ ಕೊರೋಲಿ ಪಂದ್ ಪ್ರಕಟಣೆಗ್ ತೆರಿಪಾದೆರ್ .

ಅಗತ್ಯ ಸೇವೆ Emergency Services ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಒಡಿಪು ಜಿಲ್ಲಾ ಬಿಜೆಪಿ ವತಿರ್ದ್ ಜಿಲ್ಲಾ ಕೋವಿಡ್-2.0 ಸಹಾಯವಾಣಿ : ಕುಯಿಲಾಡಿ ಸುರೇಶ್ ನಾಯಕ್

Apr 30, 2021

ಒಡಿಪು , ಎ.30: ದೇಶಡ್ ಕೊರೋನಾ ಸಾಂಕ್ರಾಮಿಕ ರೋಗದ 2ನೇ ಅಲೆ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ರಾಜ್ಯ ಬಿಜೆಪಿ ನಿರ್ದೇಶನದ ಪ್ರಕಾರ ಒಡಿಪು ಜಿಲ್ಲಾ ಬಿಜೆಪಿ ವತಿರ್ದ್ ಜಿಲ್ಲಾ ಕೋವಿಡ್-2.0 ಸಹಾಯವಾಣಿ ಸೇವಾ ಹೀ ಸಂಘಟನ್ ಅಭಿಯಾನ-2ನ್ ಪರಿಣಾಮಕಾರಿಯಾದ್ ಅನುಷ್ಠಾನ ಮಲ್ಪುವ ಪಂದ್ ಜಿಲ್ಲಾ ಬಿಜೆಪಿ ಗುರ್ಕಾರ್ಲಾಯಿನ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್ .

ಕಡಿಯಾಳಿಡ್ ಉಪ್ಪುನ ಜಿಲ್ಲಾ ಬಿಜೆಪಿ ಕಚೇರಿಡ್ ಆರ್ ಜಿಲ್ಲಾ ಕೋವಿಡ್-2.0 ಸಹಾಯವಾಣಿಗ್ ಚಾಲನೆ ಕೊರ್ದು ಪಾತೆರಿಯೆರ್

ಜಿಲ್ಲಾ ಕೇಂದ್ರಡ್ ಸುರು ಆಯಿನ ಬಿಜೆಪಿ ಜಿಲ್ಲಾ ಕೋವಿಡ್-2.0 ಸಹಾಯವಾಣಿ ದಿನದ 24 ಗಂಟೆಲಾ ಕೋವಿಡ್ ಸೋಂಕಿತೆರೆಗ್ ಅಗತ್ಯ ಸಹಾಯ ಮಲ್ಪುನಲ್ಪ ತುರ್ತು ಸೇವೆ ಮಲ್ಪರೆ ಉಂಡು . ನೆಕ್ಕದ್ ಬಿಜೆಪಿ ಜಿಲ್ಲಾ ಪ್ರಮುಖೆರ್ ಉಪ್ಪುನoಚಿನ ಸಹಾಯವಾಣಿ ಕೂಟನ್ ರಚಿನೆ ಮಲ್ದ ಪಂದ್ ಪಂಡೆರ್.

ಒಡಿಪು ಜಿಲ್ಲಾ ಪಂಚಾಯತ್‌ ಆಡಳಿತಾಧಿಕಾರಿಯಾದ್ ಎಂ.ಜಿ.ರೇಜು ನೇಮಕ

Apr 30, 2021

ಒಡಿಪು , ಎ.30: ಅಂಗಾರೆ ತನ್ನ ಐದು ವರ್ಷದ ಕಾರ್ಯಾವಧಿ ಪೂರ್ಣ ಆಯಿನ ಒಡಿಪು ಜಿಲ್ಲಾ ಪಂಚಾಯತ್‌ಗೆ ನನ ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿಯಾಯಿನ ರಾಜ್ಯ ಎಂ.ಜಿ.ರೇಜು ಆಡಳಿತಾಧಿಕಾರಿಯಾದ್ ನೇಮಕ ಆಯೆರ್.

ಒಡಿಪು ಜಿಲ್ಲಾ ಪಂಚಾಯತ್‌ದ ಚುನಾಯಿತ ಅವಧಿ ಅಂಗಾರೆ ಮುಗಿದುಂಡು . ಇಂಚಾದ್ ಈ ದುಂಬು ಒಡಿಪು ಜಿಲ್ಲಾಧಿಕಾರಿಯಾದ್ ಬೇಲೆ ಮಲ್ದಿನ, ಸದ್ಯ ಕರ್ನಾಟಕ ನಗರ ಮೂಲಸೌಕರ್ಯ ಅಭಿವೃದ್ಧಿ ಬೊಕ್ಕ ಹಣಕಾಸು ನಿಗಮದ (ಕೆಯುಐಡಿಎಫ್‌ಸಿ) ಆಡಳಿತ ನಿರ್ದೇಶಕರಾಗಿದಿಪ್ಪುನ ಡಾ.ಎಂ.ಟಿ.ರೇಜು ಆಡಳಿತಾಧಿಕಾರಿಯಾದ್ ನೇಮಕ ಆತೆರ್.

ಕೋವಿಡ್ ಕಾರಣರ್ದ್ ಇತ್ತೆ ನಡಪೋಡಿತ್ತಿನ ಜಿಪಂ ಬೊಕ್ಕ ತಾಪಂ ಚುನಾವಣೆ ಅನಿರ್ದಿಷ್ಟಾವಧಿಗ್ ದುಂಬು ಪೋತುಂಡು. ನನ ದುಂಬು ಜಿಪಂಗೆ ಚುನಾವಣೆ ನಡತ್ದ್ ಪೊಸ ಗುರ್ಕಾರ್ಲು ಅಂಚನೇ ಒತ್ತುಗುರ್ಕಾರ್ಲೆನ ಆಯ್ಕೆ ಆಪಿನ ಮುಟ ನೇಮಕ ಆತಿನ ಆಡಳಿತಾಧಿಕಾರಿಲೆನ ಅವಧಿ ದುಂಬುವರಿಯುoಡು ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೆದ್ರದ ಸುದ್ದಿ | Moodbidri News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಒಡಿಪು ಜಿಲ್ಲಾಸ್ಪತ್ರೆ ದ ಎದುರು ಲಸಿಕೆ ಪಡೆಯರೆ ರಾಶಿ ಬೂರಿನ ಜನ

Apr 30, 2021

ಒಡಿಪು , ಎ.30: ಕೋವಿಡ್ ರಡ್ಡನೆ ಅಲೆ ಜಿಲ್ಲೆಡ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಕೋವಿಡ್ ಲಸಿಕೆ ಪಡೆಯರೆ ಬುಧವಾರ ಕಾಂಡೆರ್ದೆ ಒಡಿಪು ಜಿಲ್ಲಾಸ್ಪತ್ರೆದ ಲಸಿಕಾ ಕೇಂದ್ರಡ್ ಅವ್ವೆತೋ ಜನ ಸೇರ್ದ್ ಇತ್ತೆರ್ , ಲಸಿಕೆ ಕೊರತೆರ್ದ್ ಟೋಕನ್ ತಿಕ್ಕoದಿನ ಕಾರಣ ಬಾರಿ ಲಡಾಯಿಲ ಆಂಡ್.

ಕರಿನ ಕೆಲವು ದಿನರ್ದ್ ಕೊರೋನ ಲಸಿಕೆದ ಕೊರತೆ ನೆಲೆಟ್ಟ್ ಜಿಲ್ಲಾಸ್ಪತ್ರೆಡ್ ಎರಡು ದಿನರ್ದ್ ಲಸಿಕೆ ಕೊರ್ಪಿನ ಬೇಲೆನ್ ಉoತಾದ್ ಇತ್ತೆರ್ ನೆರ್ದಾವರ ಅವ್ವೆತೋ ಜನ ಲಸಿಕೆಗಾದ್ ತಿರ್ಗೊಂದು ಇತ್ತೆರ್. ಇತ್ತೆ ಜಿಲ್ಲೆಗ್ 12,000 ಡೋಸ್ ಕೋವಿಶೀಲ್ಡ್ ಲಸಿಕೆ ಬೈದುಂಡು , ಜಿಲ್ಲಾಸ್ಪತ್ರೆಗ್ 200 ಡೋಸ್‌ಲೆನ್ ಕೊರ್ತೆರ್ .

ಈ ನೆಲೆಟ್ಟ್ ಜಿಲ್ಲಾಸ್ಪತ್ರೆದ ಲಸಿಕಾ ಕೇಂದ್ರಡ್ ಕೋಡೆ ಕಾಂಡೆರ್ದೇ ಲಸಿಕೆ ಕೊರ್ಪಿನ ಬೇಲೆ ಸುರು ಆದ್ ಇತ್ತುಂಡು.

ಅಗತ್ಯ ಸೇವೆ Emergency Services ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಡಾ.ಎ.ವಿ.ಬಾಳಿಗಾ ಸ್ಮಾರಕ ಆಸ್ಪತ್ರೆಡ್ ಪ್ರಾಯದಕ್ಲೆಗಾದ್ 24/7 ಹೆಲ್ಪ್ ಲೈನ್ ಸಹಾಯವಾಣಿ

Apr 30, 2021

ಒಡಿಪು , ಎ.30: ದೊಡ್ಡಣಗುಡ್ಡೆಡುಪ್ಪುನ ಡಾ.ಎ.ವಿ.ಬಾಳಿಗಾ ಸ್ಮಾರಕ ಆಸ್ಪತ್ರೆ ಕರಿನ ವರ್ಷ ಕೋವಿಡ್-19 ಪೊರ್ತುಡು ಮಲ್ತಿನoಚ ಈ ಸಲಲಾ ಸಂಕಷ್ಟಡ್ ಉಪ್ಪುನ ಪ್ರಾಯದಕುಲು ಬೊಕ್ಕ ಅಸಹಾಯಕೆರೆಗ್ 24/7 ಹೆಲ್ಪ್ ಲೈನ್ ಸಹಾಯವಾಣಿನ್ ಕುಡ ಸುರು ಮಲ್ದೆರ್.

ಒಡಿಪುದ ತಲ್ಲೂರು ಫ್ಯಾಮಿಲಿ ಟ್ರಸ್ಟ್ ಒಟ್ಟು ಸೇರಿಗೆಡ್ ಸುರು ಮಲ್ದಿನ ಈ ಸಹಾಯವಾಣಿದ ಭಾಗವಾದ್ ಪ್ರಾಯದಕುಲು , ಅಸಹಾಯಕೆರೆಗ್ ಒಡಿಪುಡು ಅಕ್ಲೆನ ಅಕ್ಲೆನ ಪ್ರದೇಶಡ್ ಸಹಾಯ ಮಲ್ಪರೆ ಸ್ವಯಂಸೇವಕೆರೆನ್ ನೋಂದಾವಣೆ ಮಲ್ಪರೆ ತೀರ್ಮಾನ ಮಲ್ದೆರ್ ಪಂದ್ ಆಸ್ಪತ್ರೆದ ನಿರ್ದೇಶಕ, ಊರುದ ಖ್ಯಾತನಾಮ ಮನೋರೋಗ ತಜ್ಞ ಡಾ.ಪಿ.ವಿ.ಭಂಡಾರಿ ತೆರಿಪಾದೆರ್ .

ಹೆಲ್ಪ್ಲೈನ್ ಸಂಖ್ಯೆ: 9538886293.

ಐಸಿಎಸ್ಐ : ಆನ್ಲೈನ್ ಮುಖೇನ ನಡಪರೆ ಉಪ್ಪುನ ಕಂಪೆನಿ ಸೆಕ್ರೆಟರೀಸ್ ಎಕ್ಸಿಕ್ಯುಟೀವ್ ಎಂಟ್ರೆನ್ಸ್ ಟೆಸ್ಟ್

Apr 30, 2021

ವದೆಹಲಿ, ಎಪ್ರಿಲ್ 30: ಕರೊನಾ ಸನ್ನಿವೇಶದ ನೆಲೆಟ್ಟ್ ಇನ್ಸ್ಟಿಟ್ಯೂಟ್ ಆಫ್ ಕಂಪೆನಿ ಸೆಕ್ರೇಟರೀಸ್ ಆಫ್ ಇಂಡಿಯಾ (ಐಸಿಎಸ್ಐ) ಈ ವರ್ಷದ ಕಂಪೆನಿ ಸೆಕ್ರೆಟರೀಸ್ ಎಕ್ಸಿಕ್ಯುಟೀವ್ ಎಂಟ್ರೆನ್ಸ್ ಟೆಸ್ಟ್ (CSEET 2021) ನ್ ಆನ್ಲೈನ್ ಪರೀಕ್ಷೆಯಾದ್ ನಡಪಾವೊಂದು ಉಂಡು . ಮೇ 8 ತಾರೀಖ್ ಗ್ ನಿಗದಿಯಾದಿತ್ತಿನ ಈ ಪ್ರವೇಶ ಪರೀಕ್ಷೆಗ್ ನೋಂದಾವಣೆ ಮಲ್ದಿನ ಅಭ್ಯರ್ಥಿಲೆಗ್ ಇತ್ತೆ ಅಡ್ಮಿಟ್ ಕಾರ್ಡ್ ಬುಡುಗಡೆ ಮಲ್ದೆರ್

ಪರೀಕ್ಷೆ ಬರೆಯರೆ ಉಪ್ಪುನ ಅರ್ಜಿದಾರೆರ್ ಐಸಿಎಸ್ಐನ ಅಧಿಕೃತ ವೆಬ್ಸೈಟ್ icsi.edu ರ್ದ್ ಅಡ್ಮಿಟ್ ಕಾರ್ಡ್ನ್ ಡೌನ್ಲೋಡ್ ಮಲ್ಪೋಲಿ . ಇಂದು ರಿಮೋಟ್-ಪ್ರೊಕ್ಟರ್ಡ್ ಆನ್‌ಲೈನ್ ಪರೀಕ್ಷೆಯಾತುಂಡು , ಅಭ್ಯರ್ಥಿಲು ತಮ್ಮ ಲ್ಯಾಪ್‌ಟಾಪ್ ಅತ್ತುಂಡ ಡೆಸ್ಕ್‌ಟಾಪ್‌ದ ಮುಖೇನ ಇಲ್ಲರ್ದೆ ಪರೀಕ್ಷೆಗ್ ಹಾಜರಾಯರೆ ಸಾಧ್ಯ ಉಂಡು ಪಂದ್ ಸಂಸ್ಥೆ ತೆರಿಪಾದುಂಡು .

ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಗ್ ಕೊರೋನ ಪಾಸಿಟಿವ್

Apr 30, 2021

ಜೈಪುರ, ಎಪ್ರಿಲ್ 30: ದೇಶಡ್ ಕರೊನಾ ಜಾಸ್ತಿ ಆವೊಂದು ಉಪ್ಪುನೆರ್ದಾವದ , ಕೇಂದ್ರ ಬೊಕ್ಕ ರಾಜ್ಯದ ಅವ್ವೆತೋ ನಾಯಕೆರೆಗ್ ಕರೊನಾ ಸೀಕ್ ಬೈದುಂಡು . ಇತ್ತೆ ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಮೆರೆಗ್ ಕರೊನಾ ಸೋಂಕು ಪಾಸಿಟಿವ್ ಬೈದುಂಡು.

ಈ ಬಗ್ಗೆ ಟ್ವಿಟ್ಟರ್ಡ್ ಮಾಹಿತಿ ಕೊರಿನ ಮೇರ್ ‘ಎಂಕ್ ಇನಿ ಕೊರೋನ ಪಾಸಿಟಿವ್ ಬೈದುಂಡು ಒವ್ವೆ ಸೀಕ್ ದ ಲಕ್ಷಣ ತೊಜಿದ್ ಬೈದುಂಜಿ ಯಾನ್ ಆರೋಗ್ಯ ವಾದ್ ಉಲ್ಲೆ. ಐಸೋಲೇಶನ್ ಡ್ ಉಲ್ಲೆ ಪಂದ್ ಪಂಡೆರ್.

ಅಗತ್ಯ ಸೇವೆ Emergency Services ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಹೋಮ್ ಐಸೋಲೇಷನ್ಡುಪ್ಪುನ ಕೊರೊನಾ ಸೋಂಕಿತೆರೆಗ್ ಪೊಸ ಮಾರ್ಗಸೂಚಿ ಪ್ರಕಟ

Apr 30, 2021

ಬೆಂಗಳೂರು, ಎಪ್ರಿಲ್ 30 ಕೊರೊನಾ ವೈರಸ್ ಕೇಸ್ ದಿನರ್ದ್ ದಿನಕ್ಕ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಆಸ್ಪತ್ರೆಡ್ ಬೆಡ್ ಅಭಾವ, ವೈದ್ಯಕೀಯ ಆಮ್ಲಜನಕದ ಅಭಾವ ಸೇರಿನಂಚ ಅವ್ವೆತೋ ಸಮಸ್ಯೆ ಬೈದುಂಡು ನೆತ್ತ ನಡುಟು ಕೇಂದ್ರ ಆರೋಗ್ಯ ಸಚಿವಾಲಯ ಹೋಮ್ ಐಸೋಲೇಷನ್ಲಡುಪ್ಪುನ ಕೊರೊನಾ ಸೋಂಕಿತೆರೆಗ್ ಪೊಸ ಮಾರ್ಗಸೂಚಿಲೆನ್ ಜಾರಿಗೆ ಮಲ್ದೆರ್.

ಈ ಮಾರ್ಗಸೂಚಿದ ಪ್ರಕಾರ ಸೌಮ್ಯ ಬೊಕ್ಕ ಲಕ್ಷಣ ರಹಿತ ಸೋಂಕು ಉಪ್ಪುನಕುಲು ಇಲ್ಲಡೆ ಉಪ್ಪೊಡು ಪಂದ್ ಸೂಚನೆ ಕೊರ್ತೆರ್ .

ಕಾಸ್ರೋಡ್ ಸುದ್ದಿ | Kasargod News

ಅಗತ್ಯ ವಸ್ತುಲೆಗ್ ಹೋಂ ಡೆಲಿವರಿ ವ್ಯವಸ್ಥೆ : ಜಿಲ್ಲಾಡಳಿತ ಸೂಚನೆ

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ವತಿರ್ದ್ ಯಕ್ಷಗಾನ ಕಲಾವಿದೆರೆಗ್ ಸಹಾಯ

ನಿರಾಶ್ರಿತೆರೆಗ್ ಲಾಕ್ಡೌನ್ ಪೊರ್ತುಡು ತಾತ್ಕಾಲಿಕ ಆಶ್ರಯ

ಒಡಿಪು ಜಿಲ್ಲಾ ಬಿಜೆಪಿ ವತಿರ್ದ್ ಜಿಲ್ಲಾ ಕೋವಿಡ್-2.0 ಸಹಾಯವಾಣಿ : ಕುಯಿಲಾಡಿ ಸುರೇಶ್ ನಾಯಕ್

ಒಡಿಪು ಜಿಲ್ಲಾ ಪಂಚಾಯತ್‌ ಆಡಳಿತಾಧಿಕಾರಿಯಾದ್ ಎಂ.ಜಿ.ರೇಜು ನೇಮಕ

ಒಡಿಪು ಜಿಲ್ಲಾಸ್ಪತ್ರೆ ದ ಎದುರು ಲಸಿಕೆ ಪಡೆಯರೆ ರಾಶಿ ಬೂರಿನ ಜನ

ಡಾ.ಎ.ವಿ.ಬಾಳಿಗಾ ಸ್ಮಾರಕ ಆಸ್ಪತ್ರೆಡ್ ಪ್ರಾಯದಕ್ಲೆಗಾದ್ 24/7 ಹೆಲ್ಪ್ ಲೈನ್ ಸಹಾಯವಾಣಿ

ಐಸಿಎಸ್ಐ : ಆನ್ಲೈನ್ ಮುಖೇನ ನಡಪರೆ ಉಪ್ಪುನ ಕಂಪೆನಿ ಸೆಕ್ರೆಟರೀಸ್ ಎಕ್ಸಿಕ್ಯುಟೀವ್ ಎಂಟ್ರೆನ್ಸ್ ಟೆಸ್ಟ್

ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಗ್ ಕೊರೋನ ಪಾಸಿಟಿವ್

ಹೋಮ್ ಐಸೋಲೇಷನ್ಡುಪ್ಪುನ ಕೊರೊನಾ ಸೋಂಕಿತೆರೆಗ್ ಪೊಸ ಮಾರ್ಗಸೂಚಿ ಪ್ರಕಟ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ