ಕಾಸ್ರೋಡ್ ಸುದ್ದಿ | Kasargod News

ಸೇವಾಲಯ ಆರೋಗ್ಯ ಸ್ಪಂದನ ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ ನ ವತಿರ್ದ್ ಸಮಾಜಮುಖಿ ಕಾರ್ಯ

ಶ್ರೀ ಶ್ರೀ ಶ್ರೀ. ಡಾ: ಶಿವಕುಮಾರ ಸ್ವಾಮೀಜಿ ಬೊಕ್ಕ ಧರ್ಮಾಧೀಕಾರಿ ಪೂಜ್ಯ. ಡಾ: ವೀರೇಂದ್ರ ಹೆಗ್ಗಡೆರ್ನ ಶುಭ ಆಶೀರ್ವಾದದೊಟ್ಟುಗು ಸೇವಾಲಯಆರೋಗ್ಯ ಸ್ಪಂದನ ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ ನ ವತಿರ್ದ್ ಖ್ಯಾತ ಸಾಹಿತಿ ಧಾರ್ಮಿಕ ಚಿಂತಕೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್ ಸಾರ್ ಮೆರ್ನಮಾರ್ಗದರ್ಶನಡ್ ಲಾಕ್ಡೌನ್ಪೊ ರ್ತುಡು ಕಷ್ಟಡ್ ಉಪ್ಪುನ ಕುಡ್ಲದ ಕೆಲವು ಕುಟುಂಬಗ್ ವನಸ್ ಗ್ ಬೋಡಾಪಿನ ಸಾಮಗ್ರಿಲೆನ್ ಅಂಚನೇ ಮಾತ್ರೆಲೆನ್ ದೆತೊನುನ ಜನಕ್ಲೆಗ್ ಮರ್ದ್ ದ ವ್ಯವಸ್ಥೆನ್ ಸೇವಾಲಯ ಆರೋಗ್ಯ ವಿತರಣಾ ಲೇಸ್ ಡ್ ನಡತುಂಡು.

ಸೇವಾಲಯ ಆರೋಗ್ಯಸ್ಪಂದನಗ್ ಶ್ರೀನಿಧಿ ಮೆಡಿಕಲ್ಸ್ ಕುಡ್ಲ ಬೊಕ್ಕ ಆಹಾರದ ಸಮಾಗ್ರಿಲೆನ್ ಶಿವ ಪಾರ್ವತಿ ಜನರಲ್‌ ಸ್ಟೋರ್ದ ಗುರ್ಕಾರ್ಲು ಅಂಚನೇ ನನಾತ್ ಜನ ಸಾಕಾರ ಕೊರಿಯೆರ್. ಸಾಕಾರ ಕೊರಿನ ಮಾತೆರೆಗ್ಲಾ ಸೊಲ್ಮೆ ಸಂದೈತನು ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ (ರಿ)ದ ಪರವಾದ್ ಕಾರ್ಕಳ ಸದಾನಂದ್ ಪೂಜಾರಿ ಮಲ್ತೆರ್.

ಇನಿ ಕುಡ್ಲದ ಆರೋಗ್ಯ ಕೇಂದ್ರಡ್ ಲಸಿಕೆ ವಿತರಣೆ ಇಜ್ಜಿ : ಡಾ. ರಾಜೇಶ್

ಕುಡ್ಲ, ಜೂನ್ 1 : ದಕ್ಷಿಣ ಕನ್ನಡ ಜಿಲ್ಲೆದ ಆರೋಗ್ಯ‌ ಕೇಂದ್ರಡ್ ಜೂ.1 ತಾರೀಖ್ ಗ್ ಸಾರ್ವಜನಿಕೆರೆಗ್ ಲಸಿಕೆ ಇಜ್ಜಿ . ಆಂಡ 18ರ್ದ್ 44 ವರ್ಷ ಮುಟ ಆದ್ಯತಾ ಪಟ್ಟಿಡುಪ್ಪುನಕ್ಲೆಗ್ ಲಸಿಕೆ ವಿತರಣೆ ಉಂಡು ಪಂದ್ ದ.ಕ‌ ಜಿಲ್ಲಾ ಲಸಿಕಾ ನಿರ್ವಹಣಾ ಮೇಲ್ವಿಚಾರಕ ಡಾ. ರಾಜೇಶ್ ತೆರಿಪಾದೆರ್ .

ವೆನ್ಲಾಕ್ ಸೇರಿನಂಚ ಒವ್ವೆ ಲಸಿಕಾ ಕೇಂದ್ರಡ್ ಕೋವಿಶೀಲ್ಡ್ ಲಸಿಕೆ ಸಾರ್ವಜನಿಕೆರೆಗ್ ಕೊರ್ಪುಜ . ವಿಕಲಚೇತನೆರ್ ವಕೀಲೆರ್ , ಬ್ಯಾಂಕ್ ಉದ್ಯೋಗಿಲು ಸೇರಿನಂಚ ಬೇತೆ ಆದ್ಯತಾ ವಲಯದಕ್ಲೆಗ್ ಅಕ್ಲೆನ ಬೇಲೆ ದ ಜಾಗೆಡ್ ಲಸಿಕೆ ಕೊರ್ಪಿನ ಕಾರ್ಯ ನಡಪರೇ ಉಂಡು.

ಎಲ್‌ಐಸಿ ಹೌಸಿಂಗ್ ಫೈನಾನ್ಸ್ ಲಿಮಿಟೆಡ್ – ಅಸೋಸಿಯೇಟ್ ಹುದ್ದೆಗ್ ಅರ್ಜಿ ಲೆಪ್ಪೋಲೆ

ಕುಡ್ಲ, ಜೂನ್ 1: ಎಲ್‌ಐಸಿ ಹೌಸಿಂಗ್ ಫಿನಾನ್ಸ್ ಲಿಮಿಟೆಡ್ ಅಸೋಸಿಯೇಟ್ ಹುದ್ದೆಲೆನ್ ಭರ್ತಿ ಮಲ್ಪರೆ ಅರ್ಜಿಗ್ ಲೆಪ್ಪೋಲೆ ಕೊರ್ತೆರ್ .ಅರ್ಜಿ ಕೊರಿಯೆರೆ ಬಯಕುನ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲು ಆನ್‌ಲೈನ್ ಮುಖೇನ 7 ಜೂನ್ 2021 ತ್ತ ಉಲಯಿ ಅರ್ಜಿನ್ ಕೊರೋಲಿ.

ಮುಂಗಾರು ಎದುರಿಸಾಯೆರೆ ತಯಾರ್ ಆಲೆ : ಜಿ. ಜಗದೀಶ್ ಸೂಚನೆ

ಒಡಿಪು, ಜೂನ್ 01: ಊರುಡು ನನ 2-3 ದಿನಟ್ ಬರ್ಪಿನ ಸಂಭವ ಉಂಡು , ಬರ್ಸದ ಪೊರ್ತುಡು ಆಪಿನoಚಿನ ವಿಕೋಪ ಪರಿಸ್ಥಿತಿನ್ ಎದುರಿಸಾಯೆರೆ ಮಾತಾ ಇಲಾಖೆಲು ಅಗತ್ಯ ಮುಂಜಾಗ್ರತಾ ಕ್ರಮತೊಟ್ಟುಗು ಸಮರ್ಪಕವಾದ್ ಮಲ್ಪರೆ ತಯಾರ್ ಆವೊಡು ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ಸೂಚನೆ ಕೊರಿಯೆರ್ .

ಸೋಮವಾರ ಜಿಲ್ಲಾಧಿಕಾರಿ ಕಚೇರಿಡ್ ವಿಡಿಯೊ ಸಂವಾದದ ಮುಖೇನ ನಡತಿನ ಸಭೆಟ್ ಆರ್ ಪಾತೆರಿಯೆರ್.

ಕೊರೋನಾ ವಾರಿಯರ್ಸ್ ನೊಟ್ಟುಗು ಯುವಶಕ್ತಿ ಕಡೇಶಿವಾಲಯ(ರಿ)

ಕಡೇಶಿವಾಲಯ,ಜೂನ್ 1: ಮಹಾಮಾರಿ ಕೋವಿಡ್ಗ್ ಎದುರಾದ್ ಸೈನಿಕೇರ್ಲಕ ಬೇಲೆ ಮಲ್ತೊಂದು ಉಪ್ಪುನ ಕರೋನಾ ವಾರಿಯರ್ಸ್ಗ್ ಸೊಲ್ಮೆ ಸಂದೈತ ಮಲ್ಪುನೆತ್ತ ಒಟ್ಟುಗು ಅಕ್ಲೆನ ಅಗತ್ಯಗ್ ಬೋಡಾಯಿನ ಸ್ಯಾನಿಟೈಸರ್ ಬೊಕ್ಕ ಮಾಸ್ಕ್ ಲೆನ್ ಯುವಶಕ್ತಿ ವತಿರ್ದ್ ಕೋಡೆ ಗ್ರಾಮಡ್ ಕೊರಿಯೆರ್.ಅಂಚನೇ ಮಾತಾ ವಾರಿಯರ್ಸ್ ಗ್ ಕೃತಜ್ಞತಾಪೂರ್ವಕವಾದ್ ಮದ್ಯಾಹ್ನದ ವನಸ್ ದ ವ್ಯವಸ್ಥೆ ಮಲ್ತಿತ್ತೆರ್.

ಹೃದಯಾಘಾತರ್ದ್ ತೀರ್ ಪೋಯಿನ ಬಂಟ್ವಾಳ ಎಎಸ್ಸೈ

ಬಂಟ್ವಾಳ, ಮೇ 31: ಅಸೌಖ್ಯರ್ದ್ ಆಸ್ಪತ್ರೆಡ್ ದಾಖಲಾದ್ ಚಿಕಿತ್ಸೆ ಪಡೆಯೊಂದು ಇತ್ತಿನ ಎಎಸ್ಸೈ ಒರಿ ಹೃದಯಾಘಾತರ್ದ್ ತೀರ್ ಪೋಯೆರ್.ಮಂಚಿ ನಿವಾಸಿ, ಬಂಟ್ವಾಳ ನಗರ ಠಾಣೆ ಎಎಸ್ಸೈ ಜಯರಾಮ ರೈ (58) ಮೆರ್ ಇನಿ ಕಾಂಡೆ ತೀರ್ ಪೋಯೆರ್.

ಕೆಲವು ದಿನರ್ದ್ ಬೆರಿ ಬೇನೆರ್ದ್ ಬಳಲೊಂದು ಇತ್ತಿನ ಮೆರ್ ಒಂಜಿ ವಾರದ ಪಿರವು ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲಾದ್ ಮರ್ದ್ ಪಡೆಯೊಂದು ಇತ್ತೆರ್.

ಬಂಟ್ವಾಳ ನಗರ ಪೊಲೀಸ್ ಠಾಣೆಡ್ ಅವ್ವೆತೋ ವರ್ಷರ್ದ್ ಅಪರಾಧ ವಿಭಾಗಡ್ ಬೇಲೆ ಮಲ್ದೆರ್. ಇಂಚೋಗು ವರ್ಷರ್ದ್ ಬಂಟ್ವಾಳ ನಗರ ಪೊಲೀಸ್ ಠಾಣೆಡ್ ಎಎಸ್ಸೈ ಅಡ್ ಬೇಲೆ ಮಲ್ದೆರ್.

ತುಳು ಭಾಷೆನ್ ರಾಜ್ಯ ಭಾಷೆಯಾದ್ ಗುರ್ತಿಸಾವಾಡ್ : ಡಿ. ವಿ ಸದಾನಂದ ಗೌಡ

ಮುಡಿಪು, ಮೇ 31: ‘ಜಾಗತೀಕರಣದ ಪ್ರಭಾವರ್ದ್ ತುಳು ಸೇರಿನoಚ ಅವ್ವೆತೋ ಭಾಷೆ ಅಳಿಯೊಂದು ಉಂಡು. ಭಾಷೆದ ಅಳಿವು- ಉಳಿವು ಅವೆನ್ ಗಳಸುನಕ್ಲೆನ ಕೈಟ್ ಉಂಡು. ತುಳು ಭಾಷೆದ ಮೂಲಸತ್ವನ್ ನಮ ಮಾತಾ ಸೇರ್ದ್ ಒರಿಪಾವೊಡು ಪಂದ್ ಕೇಂದ್ರ ರಾಸಾಯನಿಕ ಬೊಕ್ಕ ರಸಗೊಬ್ಬರ ಖಾತೆ ಸಚಿವ ಡಿ.ವಿ. ಸದಾನಂದ ಗೌಡ ಪಂಡೆರ್ .

ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜು, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠದ ಒಟ್ಟು ಸೇರಿಗೆಡ್ ನಡತೊಂದು ಉಪ್ಪುನ ತುಳು ಉಪನ್ಯಾಸ ಮಾಲಿಕೆದ ವರ್ಷಾಚರಣೆದ ಪ್ರಯುಕ್ತ ಶನಿವಾರ ಆನ್‌ಲೈನ್‌ ವೇದಿಕೆಡ್ ನಡತಿನ 52ನೇ ಸಂಚಿಕೆಡ್ ಮಲ್ಲ ಬಿನ್ನೆರ್ ಆದ್ ಪಾತೆರಿಯೆರ್.

ಕುಡ್ಲಡ್ ವಾಕ್ಸಿನ್ ಲಸಿಕೆಗಾದ್ ಸಾಲ್

ಕುಡ್ಲ, ಮೇ 31: ಬಿಜೈ ಕಾಪಿಕಾಡ್ ಸರ್ಕಾರಿ ಶಾಲೆಡ್ ಕೋವ್ಯಾಕ್ಸಿನ್‌ಗಾದ್ ಜನಸ್ತೋಮ ಸೇರ್ದೆರ್ , ಸಾರ್ವಜನಿಕೆರೆನ್ ಪೊಲೀಸೇರ್ ನಿಯಂತ್ರಣಗ್ ಕಂದೇರ್ .

ಕೋವ್ಯಾಕ್ಸಿನ್ ಲಸಿಕೆ‌ಗಾದ್ ಕಾತ್ದ್ ಉಂತುದಿನ ಸಾರ್ವಜನಿಕೆರ್ ಆಕ್ರೋಶ ವ್ಯಕ್ತ ಮಲ್ದೆರ್ .ಕಾಂಡೆ ಸುಮಾರ್ ಐನ್ ಗಂಟೆರ್ದ್ ಸಾಲ್ ಡ್ ಉಂತುದ . ನಿಯಮಿತ ಟೋಕನ್ ವಿತರಣೆಯಾವೊಂದು ಉಂಡು , ಅಕ್ಲೆನ್ ಬೋಡಾಯಿನಕ್ಲೆಗ್ ಟೋಕನ್ ಕೊರ್ತೆರ್ ಪಂದ್ ಪಂಡೆರ್.

ತುಳುನಾಡ ರಕ್ಷಣಾ ವೇದಿಕೆ ವತಿರ್ದ್ ನಾಲನೆ ಹಂತದ ಕಿಟ್ ಪಟ್ಟುನ ಕಜ್ಜ

ತುಳುನಾಡ ರಕ್ಷಣಾ ವೇದಿಕೆ ವಾಮದಪದವು ಘಟಕದ ವತಿರ್ದ್ 4 ನೇ ಹಂತದ ಕಿಟ್ ವಿತರಣೆ ಇನಿ ಬಸ್ತಿಕೋಡಿಡ್ ನಡತುಂಡು ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆಯಾಯಿನ ಸುಲೋಚನಾ ಜಿ.ಕೆ ಭಟ್ˌ ಚೆನೈ ತ್ತೋಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಭಾರತಿ ರಾಜೇಂದ್ರ ಕೊರಂಟಬೆಟ್ಟುˌ ನೈನಾಡು ಯಜಮಾನ ಕ್ಯಾಶೋ ಇಂಡಸ್ಟೀಟ್ ಮಾಲಕೆರಾಯಿನ ಹರೀಂದ್ರ ಪೈˌ ಉದ್ಯಮಿ ರಪೀಕ್ ವಾಮದಪದವುˌ ಪ್ರವೀಣ್ ಗಟ್ಟಿ ಬಸ್ತಿಕೋಡಿˌ ಮಾಜಿ ಗ್ರಾಮ ಪಂಚಾಯತ್ ಸದಸ್ಯ ಮೋಹನ ದಾಸ್ ಗಟ್ಟಿ ಪೋರಿಗುಡ್ಡೆ ಕಿಟ್ ವಿತರಣೆಗ್ ಚಾಲನೆ ಕೊರಿಯೆರ್.

ಈ ಪೊರ್ತುಡು ಸಂಘಟನೆದ ಪ್ರಮುಖೇರಾಯಿನ ˌˌ ದೇವಿಪ್ರಸಾದ್ ಶೆಟ್ಟಿˌ ಹರೀಶ್ ಪೂಜಾರಿ ˌಶುಭಾಸ್ ನಾಯ್ಕ ˌ ವಾರೀಜ ಪೆಜಕ್ಕಳˌ ಕುಶಲ ಪೆಜಕ್ಕಳˌಸೌಕತ್ಅಲಿˌ ಪ್ರಕಾಶ್ ಪೂಜಾರಿˌಪ್ರಭಾಕರ ಪ್ರಬು ಪಾಲೆದಡಿˌದೀನೆಶ್ ನಾಯಕ್ ವಾಮದಪದವುˌ ಕವಿತಾ ಜತನಕೆರೆˌದಯಾನಂದ ನಾಯ್ಕˌಶ್ರೇಯಸ್ ನಾಯ್ಕˌ ಸಂಘದ ಪದಾಧಿಕಾರಿಲು ಬೊಕ್ಕ ಸುಲೋಚನಾ ಜಿ.ಕೆ ಭಟ್ˌ ಹರೀಂದ್ರ ಪೈˌ ರಪೀಕ್ ವಾಮದಪದವುˌ ಪ್ರವೀಣ್ ಗಟ್ಟಿˌ ಮೋಹನ್ ದಾಸ್ ಗಟ್ಟಿˌಪಾಲ್ ಪಡೆದ್ ಮೆಕ್ಲೆನ ಸಾಕಾರಡ್ ಕಿಟ್ ಕೊರಿಯೆರ್ ಸಂಘದ ಮಾತಾ ಪದಾಧಿಕಾರಿಲೆಗ್ ಚಾˌತಿಂಡಿದ ವ್ಯವಸ್ಥೆ ಭಾರತಿ ರಾಜೇಂದ್ರ ಪೂಜಾರಿ ಕೊರಟ್ಟಬೆಟ್ಟು ಮಲ್ತೆರ್.