ಕಾಸ್ರೋಡ್ ಸುದ್ದಿ | Kasargod News

ಫಲಾನುಭವಿಲೆಗ್ ದೋಣಿ, ಇಂಜಿನ್ ಬಲೆ ಕೊಡುಗೆ

ಓಡಿಪು , ಜೂ.2: ಮೀನುಗಾರಿಕೆ ಇಲಾಖೆರ್ದ್ 2020-21ನೇ ಸಾಲ್ ದ ಪರಿಶಿಷ್ಟ ಜಾತಿ/ಪಂಗಡ ಸಾಂಪ್ರದಾಯಿಕ ನಾಡದೋಣಿ ಮೀನುಗಾರೆರೆಗ್ ಎಫ್.ಆರ್.ಪಿ. ದೋಣಿ ಸರಬರಾಜು ವಿಶೇಷ ಘಟಕ ಬೊಕ್ಕ ಗಿರಿಜನ ಉಪ ಯೋಜನೆದಡಿಟ್ ಒಡಿಪು ಕ್ಷೇತ್ರದ ಆಜಿ ಜನ ಫಲಾನುಭವಿಲೆಗ್ ಮಂಜೂರಾಯಿನ ದೋಣಿ, ಬಲೆ, ಇಂಜಿನ್ ಲೆನ್ ಕೋಡೆ ಪಟ್ಟಿಯೆರ್.

ಒಡಿಪು ಶಾಸಕ ಕೆ.ರಘುಪತಿ ಭಟ್ ಉಂದೆನ್ ಮಾತಾ ಫಲಾನುಭವಿಲೆಗ್ ಪಟ್ಟಿಯೆರ್ . ಈ ಪೊರ್ತುಡು ಒಡಿಪು ನಗರಸಭೆ ನಾಮನಿರ್ದೇಶಿತ ಸದಸ್ಯ ವಿಜಯ್ ಕುಂದರ್, ಮೀನುಗಾರಿಕಾ ಪೆರಿಯ ಉಪನಿರ್ದೇಶಕ ಗಣೇಶ್, ಉಪನಿರ್ದೇಶಕ ಶಿವಕುಮಾರ್ ಜಿ.ಎಂ, ಸಹಾಯಕ ನಿರ್ದೇಶಕರ ದಿವಾಕರ ಖಾರ್ವಿ, ಇಲಾಖಾ ಸಿಬ್ಬಂದಿ ರವಿ ಎಚ್. ಪಾಲ್ ಪಡೆದಿತ್ತೆರ್ .

ಬೈಂದೂರು ಸಮುದಾಯ ಆರೋಗ್ಯ ಕೇಂದ್ರ ಗ್ ಮೆಡಿಕಲ್ ಕಿಟ್ ವಿತರಣೆ

ಬೈಂದೂರು, ಜೂ.2: ಸುಮುಖ ಸರ್ಜಿಕಲ್ಸ್ ವತಿರ್ದ್ ಕೊರ್ಪಿನ ಸುಮಾರ್ 1.50 ಲಕ್ಷ ಮೌಲ್ಯದ ಪಿಪಿಇ ಕಿಟ್, ಫೇಸ್‌ಶೀಲ್ಡ್, ಮಾಸ್ಕ್, ಸ್ಯಾನಿಟೈಸರ್, ಪಲ್ಸ್ ಆಕ್ಸೀಮೀಟರ್, ವಿಟಮಿನ್ ಮಾತ್ರೆ ಸೇರಿನಂಚ ವೈದ್ಯಕೀಯ ಪರಿಕರಲೆನ್ ಬೈಂದೂರು ಸಮುದಾಯ ಆರೋಗ್ಯ ಕೇಂದ್ರಗ್ ಕೊರಿಯೆರ್ .

ಈ ಪರಿಕರಲೆನ್ ಕೇಂದ್ರದ ವೈದ್ಯಾಧಿಕಾರಿ ಡಾ.ನಂದಿನಿ ಮೆರೆಗ್ ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಕೊರಿಯೆರ್ . ಈ ಪೊರ್ತುಡು ಬಿಜೆಪಿ ಮುಖಂಡ ಬೊಕ್ಕ ಸಂಸ್ಥೆದ ಬಿ.ಎಸ್.ಸುರೇಶ್ ಶೆಟ್ಟಿ ಬೊಕ್ಕ ಪಾಂಡುರಂಗ ಪಡಿಯಾರ್, ಬಿಜೆಪಿ ಬೈಂದೂರು ಮಂಡಲ ಗುರ್ಕಾರ್ಲಾಯಿನ ದೀಪಕ್ ಕುಮಾರ್ ಶೆಟ್ಟಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಸದಾನಂದ ಉಪ್ಪಿನ ಕುದ್ರು, ಮನೋಹರ್ ಎಸ್. ಕಲ್ಮಾಡಿ, ಜಿಲ್ಲಾ ವಕ್ತಾರ ಗುರುಪ್ರಸಾದ್ ಶೆಟ್ಟಿ ಕಟಪಾಡಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್ ಅತ್ರಾಡಿ, ಪಕ್ಷದ ಪ್ರಮುಖೆರಾಯಿನ ಬಿ.ಎಸ್.ಸುರೇಶ್ ಶೆಟ್ಟಿ, ಪಾಂಡುರಂಗ ಪಡಿಯಾರ್, ಜಿಪಂ ಸದಸ್ಯ ಸುರೇಶ್ ಬಟಾವಾಡಿ, ಜಗನ್ನಾಥ್, ನಾಗರಾಜ್ ಖಾರ್ವಿ ಪಾಲ್ ಪಡೆದಿತ್ತೆರ್.

ಕೋವಿಡ್ ನೆಲೆಟ್ಟ್ ಅಜ್ಜಾವರದ ಚೈತನ್ಯ ಸೇವಾಶ್ರಮಡ್ ನಡತೊಂದು ಉಪ್ಪುನ ಅಗ್ನಿ ಹೋತ್ರ ಹೋಮ

ಅರಂತೋಡು ಜೂನ್ 2: ಸುಳ್ಯ ಅಜ್ಜಾವರದ ಚಯಿತನ್ಯ ಸೇವಾಶ್ರಮಡ್ ಲೋಕಡ್ ವ್ಯಾಪಾಕವಾದ್ ತೋಜೋoದು ಉಪ್ಪುನ ಕೊವಿಡ್ ಪ್ರಕರಣಗ್ ಸಂಬಂಧಿ ಅಗ್ನಿ ಹೋತ್ರ ಹೋಮ ನಡತೊಂದು ಉಂಡು .

ಪ್ರತಿ ದಿನ ಕಾಂಡೆ ಬೊಕ್ಕ ಬೈಯ್ಯಗ್ ಆಶ್ರಮದ ಟ್ರಸ್ಟಿ ಬೊಕ್ಕ ಶಿಕ್ಷಕಿಯಾಯಿನ ಪ್ರಣವ ಮೆರ್ ಅಗ್ನಿ ಹೋತ್ರ ಹೋಮ ನಡಪಾವೊಂದು ಬರೊಂದ್ ಉಲ್ಲೆರ್.ಮುಖ್ಯವಾದ್ ಗೋ ತ ನುಂಗಿನ ಅಂಬಿ ತುಪ್ಪ ಬೊಕ್ಕ ಬೇತೆ ವಸ್ತುಲೆನ್ ಉಪಯೋಗ ಮಲ್ತ್ದ್ ಅಗ್ನಿ ಹೋತ್ರ ಹೋಮ ಮಲ್ತೊಂದು ಉಲ್ಲೆರ್ .

ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ(ರಿ) ಸಂಘಟರ್ದ್ ಉಚಿತ ಅಂಬ್ಯುಲೆನ್ಸ್ ಲೋಕಾರ್ಪಣೆ

ಕುಡ್ಲ, ಜೂನ್ 1:ಸಮಾಜಸೇವೆ ಮಲ್ತೊಂದು ಉಪ್ಪುನ ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ ಸಂಘಟನೆರ್ದ್ ಕೊರೋನಾದ ಈ ಕಷ್ಟದ ಪೊರ್ತುಡು ಕುಡ್ಲದ ಜನಕ್ಲೆಗ್ ತುರ್ತು ಉಪಯೋಗದ ನೆಲೆಟ್ಟ್ ಉಚಿತ ಸುಸಜ್ಜಿತ ಆಕ್ಸಿಜನ್ ಉಪ್ಪುನ ಹೈಟೆಕ್ ಅಂಬ್ಯುಲೆನ್ಸ್ ಸೇವೆನ್ ಸಂಸದ ಬೊಕ್ಕ ಬಿಜೆಪಿ ರಾಜ್ಯಾಧ್ಯಕ್ಷೆರಾಯಿನ ಶ್ರೀ ನಳಿನ್ ಕುಮಾರ್ ಕಟೀಲ್ ಮೆರ್ ಉದಿಪನ ಮಲ್ತೆರ್ .

ಈ ಲೇಸ್ ಡ್ ಮಂಗಳೂರು ದಕ್ಷಿಣದ ಶಾಸಕ ಶ್ರೀ ವೇದವ್ಯಾಸ್ ಕಾಮತ್, ಮಂಗಳೂರು ಉತ್ತರದ ಶಾಸಕೆರಾಯಿನ ಡಾ.ವೈ.ಭರತ್ ಶೆಟ್ಟಿ, ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ(ರಿ) ಸ್ಥಾಪಕ ಗುರ್ಕಾರ್ಲಾಯಿನ ಶ್ರೀ ಉದಯ್ ಪೂಜಾರಿ, ಕಿಯೋನಿಕ್ಸ್ ಗುರ್ಕಾರ್ಲಾಯಿನ ಶ್ರೀ ಹರಿಕೃಷ್ಣ ಬಂಟ್ವಾಳ, ಕುದ್ರೋಳಿ ದೇವಸ್ಥಾನದ ಆಡಳಿತ ಮಂಡಳಿ ಗುರ್ಕಾರ್ಲಾಯಿನ ಎಚ್. ಎಸ್ ಸಾಯಿರಾಮ್, ಮೂಡ ಗುರ್ಕಾರ್ಲಾಯಿನ ಶ್ರೀ ರವಿಶಂಕರ್ ಮಿಜಾರ್, ಶ್ರೀ ಕೆ.ಟಿ ಸುವರ್ಣ, ಜಗದೀಪ್ ಸುವರ್ಣ, ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ(ರಿ) ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಉಚಿತ ಅಂಬ್ಯುಲೆನ್ಸ್‌ಗಾದ್ ಲೆಪ್ಪು ಕೊರ್ಲೆ : 8277086334, 8310197377

ಒಡಿಪು ಮಲಬಾರ್ ಗೋಲ್ಡ್ ವತಿರ್ದ್ ರೇಷನ್ ಕಿಟ್ ವಿತರಣೆ

ಒಡಿಪು , ಜೂ.1:ಒಡಿಪು ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಸಂಸ್ಥೆದ ವತಿರ್ದ್ ಪೇಂಟೆದ ಬೇತೆ ಬೇತೆ ಕಡೆಟ್ ಒಟ್ಟು 126 ಅರ್ಹ ಫಲಾನುಭವಿ ಕುಟುಂಬಗ್ ಸೋಮವಾರ ಪಡಿತರ ಕಿಟ್ ಪಟ್ಟುನ ಲೇಸ್ ನಡತುಂಡು .ಒಡಿಪು ಪ್ರೆಸ್ ಕ್ಲಬ್ ಡ್ ನಡತಿನ ಈ ಲೇಸ್ ಡ್ ಪತ್ರಕರ್ತೆರೆಗ್ ಕಿಟ್ ವಿತರಣೆ ಮಲ್ತೆರ್.ಈ ಪೊರ್ತುಡು ಒಡಿಪು ಜಿಲ್ಲಾ ಕಾರ್ಯ ನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಪಾಲ್ ಪಡೆದಿತ್ತೆರ್.

ಅಂಚನೇ ಸಮಾಜ ಸೇವಕ ಸುಧೀರ್ ನಾಯಕ್ ಮನವಿ ಮೇರೆಗ್ ಮಣಿಪಾಲ ರಾಜೀವ ನಗರದ ಕೈತಲ್ ದ ಕೋವಿಡ್ ಬಂಗಡ್ ಉಪ್ಪುನ ಕುಟುಂಬಗ್ ಕಿಟ್ ವಿತರಣೆ ಮಲ್ತೆರ್. ಈ ಪೊರ್ತುಡು ಪ್ರಭಾಕರ ನಾಯಕ್, ವಿಶ್ವಮೂರ್ತಿ ಆಚಾರ್ಯ, ದೀಪು, ಗ್ರಾಪಂ ಸದಸ್ಯೆರಾಯಿನ ಫೇರ್ನಾಂಡೀಸ್ ಬೊಕ್ಕ ಸುಧೀರ್ ಪೂಜಾರಿ ಪಾಲ್ ಪಡೆದಿತ್ತೆರ್ .ಬ್ರಹ್ಮವಾರದ ಕೊಲಂಬೆಡ್ ಮಂಗಳಮುಖಿ ಸಮುದಾಯದ ನಗ್ಮಾ ಕಾಜಲ್ ಮನವಿ ಮೇರೆಗ್ ಪಣಿಯೂರು ಗ್ರಾಮಡ್ ಸುಷ್ಮಾಲ್ ಮೆರ್ನ ಮನವಿ ಮೇರೆಗ್ ಉದ್ಯಾವರ ಡ್ ಪುರಂದರ ತಿಂಗಲಾಯ ಮನವಿ ಮೇರೆಗ್ ರೇಷನ್ ಕಿಟ್ ಕೊರಿಯೆರ್ .
ಈ ಪೊರ್ತುಡು ಸಂಸ್ಥೆದ ಚಾರಿಟಿ ಉಸ್ತುವಾರಿ ತಂಝೀಮ್ ಶಿರ್ವ, ಇರ್ಷಾದ್, ನಿತೀನ್, ಶೇಟ್, ತಸ್ಲೀಮ್, ಫಯಾಜ್ ಪಾಲ್ ಪಡೆದಿತ್ತೆರ್.

ಎಸ್. ಆರ್ ರಂಗಮೂರ್ತಿ ಮೆರೆಗ್ ” ಸಹಕಾರಿ ಬಂದು ಪ್ರಶಸ್ತಿ “

ವಿಟ್ಲ, ಜೂನ್ 1 : ಇಫ್ಕೊ ಸಂಸ್ಥೆದ ವತಿರ್ದ್ ಪೆರಿಯ ಸಹಕಾರಿಲೆಗ್ ಕೊರ್ಪಿನ ‘ಸಹಕಾರಿ ಬಂಧು ರಾಷ್ಟ್ರೀಯ ಪ್ರಶಸ್ತಿ’ನ್ ಕ್ಯಾಂಪ್ಕೊ ಮಾಜಿ ಗುರ್ಕಾರ್ಲಾಯಿನ ಎಸ್.ಆರ್.ರಂಗಮೂರ್ತಿ ಮೆರೆಗ್ ಪುಣಚದ ಇಲ್ಲಡ್ ಸೋಮವಾರ ಮಾನದಿಗೆ ಮಲ್ತೆರ್. ₹ 11 ಲಕ್ಷ ಪನವು , ರಜತ ತಟ್ಟೆ, ರೇಷ್ಮೆಶಾಲು, ಪ್ರಶಸ್ತಿ ಪತ್ರವನ್ನು ಉಂಡು .

ಇಫ್ಕೊ ಫರ್ಟಿಲೈಸರ್‍ಸ್ ಕಂಪನಿದ ಕರ್ನಾಟಕ ಪ್ರಾಂತೀಯ ಅಧಿಕಾರಿ ಡಾ.ನಾರಾಯಣ ಸ್ವಾಮಿ ಪ್ರಶಸ್ತಿ ಪ್ರದಾನ ಮಲ್ತ್ ದ್ , ’53 ವರ್ಷಡ್ ರೈತಾಪಿ ವರ್ಗದ ಆಶೋತ್ತರಗ್ ಪೂರಕವಾದ್ ಸ್ಪಂದಿಸಾವೊಂದು ಉಪ್ಪುನ ಇಫ್ಕೊ ಸಹಕಾರಿ ಸಂಸ್ಥೆ ರಾಷ್ಟ್ರಮಟ್ಟಡ್ ಮಾನದಿಗೆ ಮಲ್ಪುನ ‘ಇಫ್ಕೊ ಸಹಕಾರಿ ಬಂಧು’ ರಾಷ್ಟ್ರಮಟ್ಟದ ಪ್ರಶಸ್ತಿ ಈ ಸಲ ಎಸ್.ಆರ್.ರಂಗಮೂರ್ತಿ ಮೆರೆಗ್ ಬೈದಿನವು ರಾಜ್ಯಗ್ ಪೆರ್ಮೆದ ಇಚಾರ .

ಹಸ್ತ ಮುದ್ರಿಕೆದ ನೃತ್ಯ : ಕಲಾಸಕ್ತೆರೆನ ಮನ ಗೆಂದಿನ ಪುತ್ತೂರ್ದ ನಾಟ್ಯ ಗುರು

ಕುಡ್ಲ , ಜೂನ್ 1: ಕೊರೊನಾ ಲಾಕ್‌ಡೌನ್ ಕಾರಣರ್ದ್ ಕಲಾವಿದೆರ್ನ ಕಲಾ ಪ್ರದರ್ಶನಗ್ ಲೇಸ್ ಅಟ್ಟನೆ ಮಲ್ಪರೆ ಅವಕಾಶ ಇಜ್ಜಿ.ಕಲೆನ್ ಅರಿತು, ಅಸ್ವಾದನೆ ಮಲ್ಪುನಕ್ಲೆಗ್ ಲಾ ಅವಕಾಶದಾoತಿಲಕ ಆತುಂಡು .

ಅವ್ವೆತೋ ಕಲಾವಿದೆರ್ ಸಾಮಾಜಿಕ ಜಾಲತಾಣಡೇ ತಮ್ಮ ಕಲೆತ ಪ್ರದರ್ಶನ ಮಲ್ತೊಂದು ಉಲ್ಲೆರ್ . ಇಂಚ ನೃತ್ಯ ಗುರುವೊರ್ತಿ ಮಲ್ತಿನ ಹಸ್ತಮುದ್ರೆದ ನೃತ್ಯ ಭಾವ ಈಗ ಕಲಾರಸಿಕೆರ್ನ ಮನ ಗೆಂದ್ದುಂಡು .

ಕನ್ನಡದ ಪ್ರಸಿದ್ಧ ಕವಿ ಎಂ. ಎನ್.ವ್ಯಾಸರಾವ್ ರಚನೆ ಮಲ್ತಿನ ‘ನೀ ನಿಲ್ಲದೇ ನನಗೇನಿದೇ’ ಪನ್ಪಿನ ಭಾವಗೀತೆಗ್ ದಕ್ಷಿಣ ಕನ್ನಡ ಜಿಲ್ಲೆದ ಪುತ್ತೂರುದ ನೃತ್ಯಗುರು ಮಂಜುಳಾ ಸುಬ್ರಹ್ಮಣ್ಯ ಮೆರ್ ಹಸ್ತ ಮುದ್ರೆ ನಾಟ್ಯಾಭಿನಯ ಮಲ್ದೆರ್ .1.49 ನಿಮಿಷದ ಈ ವೀಡಿಯೋನ್ ಮಂಜುಳಾ ಸುಬ್ರಮಣ್ಯ ಫೇಸ್‌ಬುಕ್‌ಗ್ ಅಪ್ಲೋಡ್ ಮಲ್ದೆರ್ , ಜನಕ್ಲೆನೆರ್ದ್ ಬಾರಿ ಎಡ್ಡೆ ಬೈದುಂಡು.

ಕುಡ್ಲ ನಗರ ಪೊಲೀಸ್ ವತಿರ್ದ್ ಇನಿ “ಗಾನಸುಧೆ” ಕಾರ್ಯಕ್ರಮ

ಕುಡ್ಲ, ಜೂನ್ 1: ಕುಡ್ಲ ನಗರ ಪೊಲೀಸ್ ವತಿರ್ದ್ ಇನಿ ಕೋವಿಡ್ ವಾರಿಯರ್ಸ್ಲೆಗ್ ಪ್ರೋತ್ಸಾಹ ಮಲ್ಪುನ ನೆಲೆಟ್ಟ್ ‘ಗಾನಸುಧೆ’ ಸಂಗೀತ ಕಾರ್ಯಕ್ರಮ ಅಟ್ಟನೆ ಮಲ್ದೆರ್ .

ಇನಿ ಮಧ್ಯಾಹ್ನ ಫೇಸ್ ಬುಕ್ ಲೈವ್ ಡ್ ಕುಡ್ಲ ನಗರ ಪೊಲೀಸ್ ಅಧಿಕಾರಿ ಬೊಕ್ಕ ಸಿಬ್ಬಂದಿಲು ನಡಪಾದ್ ಕೊರ್ಪಿನ ಸಂಗೀತ ಕಾರ್ಯಕ್ರಮ ಪ್ರಸಾರ ಆಯೆರೆ . ಕೇನೆರೆ ಇಚ್ಛೆ ಮಲ್ಪುನಕುಲು Arvind Vivek’s ಫೇಸ್ಬುಕ್ ಪೇಜ್ ಡ್ ತೂಯೆರೆ ಸೂಚನೆ ಕೊರ್ತೆರ್ .

ಜೂ.15ಕ್ಕ್ ಬರಿಯೆರೆ ಉಂಡು ಇಪ್ಕೋ ನ್ಯಾನೋ ಯೂರಿಯಾ: ಡಿ.ವಿ

ನವದೆಹಲಿ, ಜೂನ್ 1: ಸಹಕಾರಿ ವಲಯದ ರಸಗೊಬ್ಬರ ಕಂಪನಿ ಇಫ್ಕೋ ಅಭಿವೃದ್ಧಿಲ್ ಮಲ್ದಿನ ನ್ಯಾನೋ-ಯೂರಿಯಾ ರಸಗೊಬ್ಬರ ಕೃಷಿಕ್ಷೇತ್ರಡ್ ಪೊಸ ಕ್ರಾಂತಿ ಮಲ್ಪರೆ ಉಂಡು ಪಂದ್ ಕೇಂದ್ರ ರಾಸಾಯನಿಕ ಬೊಕ್ಕ ರಸಗೊಬ್ಬರ ಸಚಿವ ಡಿ.ವಿ. ಸದಾನಂದಗೌಡ ಪಂಡೆರ್.

ನ್ಯಾನೋ-ಯುರಿಯಾ ಉಪಯೋಗದ ಬಗ್ಗೆ ಇಫ್ಕೋ ಸಂಸ್ಥೆದಕುಲು ಶನಿವಾರ ನಡಪಾಯಿನ ವೆಬ್ಬಿನಾರ್ ಚರ್ಚೆನ್ ಉದಿಪನ ಮಲ್ತ್ ಪಾತೆರಿನ ಆರ್ ಇಂದು ಪರಿಸರ ಸ್ನೇಹಿಯಾತುಂಡು ಮಣ್ಣ್ ದ ಫಲವತ್ತತೆನ್ ಕಾಪೆರೆ ಸಹಕಾರಿಯಾದುಂಡು ಪಂದ್ ಪಂಡೆರ್.