ಕಾಸ್ರೋಡ್ ಸುದ್ದಿ | Kasargod News

ಕೋವಿಡ್ ಲಸಿಕೆ ಅಭಿವೃದ್ಧಿ : ಭಾರತೀಯ ವಿಜ್ಞಾನಿಲೆನ ಕಾರ್ಯ ಶ್ಲಾಘನೀಯ

ನವದೆಹಲಿ, ಜೂನ್ 5 : ಮಾರಣಾಂತಿಕ ಕೋವಿಡ್ 19 ಸೋಂಕುದ ವಿರುದ್ಧ “ಮೇಡ್ ಇನ್ ಇಂಡಿಯಾ” ಲಸಿಕೆನ್ ಅಭಿವೃದ್ದಿ ಮಲ್ತಿನ ಅಂಚನೇ ಸೋಂಕು ಪರಡಿನ ಒಂಜಿ ವರ್ಷದುಲಯಿ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಟ ಮಲ್ಪರೆ ಬೇತೆ ಕ್ರಮಕ್ಲೆನ್ ಜಾಸ್ತಿ ಮಲ್ತಿನ ಭಾರತೀಯ ವಿಜ್ಞಾನಿಲೆನ ಸಾಧನೆನ್ ಪ್ರಧಾನಿ ನರೇಂದ್ರ ಮೋದಿ ಶ್ಲಾಘಿಸಾದೆರ್ .

ವಿಡಿಯೋ ಕಾನ್ಫರೆನ್ಸ್ ಮುಖೇನ ಸಿಎಸ್ ಐಆರ್ (ಕೌನ್ಸಿಲ್ ಆಫ್ ಸೈಂಟಿಫಿಕ್ ಆಯಂಡ್ ಇಂಡಸ್ಟ್ರಿಯಲ್ ರಿಸರ್ಚ್) ಸೊಸೈಟಿದ ಸಭೆನ್ ಉದ್ದೇಶಿಸಾದ್ ಪಾತೆರಿನ ಆರ್ ಪಿರವುದ ಶತಮಾನದ ಭಾರತದ ಅನುಭವನ್ ಉಲ್ಲೇಖಿಸಾದೆರ್ ವಿದೇಶಡ್ ಸಾಧಿಸಾಯಿನ ಆವಿಷ್ಕಾರದ ಮಿತ್ತ್ ಕೈಯಾಡಿಸಾಯೆರೆ ಕಾತೊಂದು ಇತ್ತೇ ಪಂದ್ ಪಂಡೆರ್.

ಸೋಂಕು ಕಮ್ಮಿ ಆಂಡ ಮಾತ್ರ ಎಸ್ಎಸ್ಎಲ್ ಸಿ ಪರೀಕ್ಷೆ : ಯಡಿಯೂರಪ್ಪ

ಬೆಳಗಾವಿ, ಜೂನ್ 5: ಕೊರೊನಾ ನಿಯಂತ್ರಣಗ್ ಬತ್ತುಂಡ ಮಾತ್ರ ಎಸ್ಎಸ್ಎಲ್ ಸಿ ಪರೀಕ್ಷೆ ಇಜ್ಜಿನ್ದ ಎಸ್ಎಸ್ಎಲ್ ಸಿ ಪರೀಕ್ಷೆ ಮಲ್ಪುಜ ಪಂದ್ ಮುಖ್ಯಮಂತ್ರಿ ಬಿ ಎಸ್​ ಯಡಿಯೂರಪ್ಪ ಬೆಳಗಾವಿಡ್ ಪಂಡೆರ್.ಎಸ್ಎಸ್ಎಲ್ ಸಿ ಜೋಕ್ಲೆಗ್ ಜುಲೈ 3ನೇ ವಾರಡ್ ಪರೀಕ್ಷೆ ನಡಪಾಯೆರೆ ತೀರ್ಮಾನ ಮಲ್ದೆರ್ ಪಂದ್ ಬೆಂಗಳೂರುಡು ಶಿಕ್ಷಣ ಸಚಿವ ಸುರೇಶ್‌ಕುಮಾರ್‌ ಪಂಡಿನ ಬೆರಿಕ್ಕೆ ಮುಖ್ಯಮಂತ್ರಿ ಬಿ ಎಸ್​ ಯಡಿಯೂರಪ್ಪ ಈ ಪ್ರತಿಕ್ರಿಯೆ ಕೊರ್ತೆರ್ .

ಅಂಚನೇ ಎಸ್ಎಸ್ಎಲ್ ಸಿ,
ಪರೀಕ್ಷೆ ನಡಪಾವುನ ಕಡೆತ ನಿರ್ಧಾರ ಅತ್ತ್. ಪರೀಕ್ಷೆ ನಡಪಾವುನ ಪೊರ್ತುಡು ಕೊರೊನಾ 3ನೇ ಅಲೆ ಇತ್ತುಂಡ ಅಪಗ ಆ ತಕ್ಷಣಗೆ ನಿರ್ಧಾರ ಕುಡ ಪರಿಶೀಲನೆ ಮಲ್ಪುವ ಪಂದ್ ಬೆಂಗಳೂರುಡು ಶಿಕ್ಷಣ ಸಚಿವ ಸುರೇಶ್‌ಕುಮಾರ್‌ ಸುದ್ದಿಗೋಷ್ಠಿಡ್ ಸ್ಪಷ್ಟನೆ ಕೊರ್ತೆರ್ .

ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲ ವತಿರ್ದ್ ಅರಿ ವಿತರಣೆ

ಕುಡ್ಲ, ಜೂನ್ 5 : ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲ,ಡಿವೈಎಫ್‌ಐ ಘಟಕ ‘ ಮೋಕ್ಷ ನಿಧಿ’ ,, ವೈಎಸ್‌ಎಂ ಸಂಸ್ಥೆ ಸಾಕಾರಡ್ ಇತ್ತೇ ಧರ್ಮದ ಅರಿ ವಿತರಣೆ ನಡತುಂಡು .

ಗ್ರಾಮದ ಸುಮಾರ್ 800 ಕುಟುಂಬಗ್ 5 ಕೆ.ಜಿ. ದಲಕ 4000 ಕೆ.ಜಿ. ಅರಿನ್ ಪಟ್ಟಿಯೆರ್ . ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲದ ಗುರ್ಕಾರ್ಲಾಯಿನ ಹನೀಫ್ ಜೆ., ಡಿವೈಎಫ್‌ಐ ಘಟಕ ಗುರ್ಕಾರ್ಲಾಯಿನ ಅಭಿಷೇಕ್, ಕಾರ್ಯದರ್ಶಿ ಶಿವಾನ್ ಅಮೀನ್, ಡಿವೈಎಫ್‌ಐ ಜಿಲ್ಲಾ ಕಾರ್ಯದರ್ಶಿ ಸಂತೋಷ್ ಕುಮಾರ್ ಬಜಾಲ್, ಕಟ್ಟಡ ನಿರ್ಮಾಣ ಸಂಘದ ಗುರ್ಕಾರ್ಲಾಯಿನ ಮನೋಜ್ ಪೂಜಾರಿ, ಪ್ರಮುಖೆರಾಯಿನ ಉದಯಚಂದ್ರ ರೈ, ನವೀನ್ ಕಾರ್ಪೆಂಟರ್, , ಬಾಲಕೃಷ್ಣ ಶೆಟ್ಟಿ, ಸೀತರಾಮ ಶೆಟ್ಟಿ, ಚಂದ್ರಹಾಸ್ ಕುಲಾಲ್, ಜಯಂತಿ ಬಿ. ಶೆಟ್ಟಿ, ಜಯಲಕ್ಷ್ಮಿ, ಪದಾಧಿಕಾರಿಲು ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಕೋವಿಡ್ ಲಸಿಕೆದ ಆನ್ಲೈನ್ ನೋಂದಣಿ ಸುರು

ಕೊಣಾಜೆ, ಜೂನ್ 5: ಇರಾ ಗ್ರಾ.ಪಂ. ವ್ಯಾಪ್ತಿಡ್ ಕೊರೋನ ಲಸಿಕಾ ಅಭಿಯಾನನ್ ಯಶಸ್ವಿಯಾದ್ ಅನುಷ್ಠಾನ ಮಲ್ಪರೆ ಆನ್ ಲೈನ್ ನೋಂದಣಿ ಅಭಿಯಾನ ಶುಕ್ರವಾರರ್ದ್ ಸುರು ಆತುಂಡು.

ಗ್ರಾಮ ಪಂ. ಗುರ್ಕಾರ್ಲಾಯಿನ ಆಗ್ನೇಶ್ ಡಿಸೋಜ ಮೆರ್ನ ಗುರ್ಕಾರ್ಮೆಡ್ ನಡತಿನ ಪಂಚಾಯತಿ ಮಟ್ಟದ ಕಾರ್ಯಪಡೆ ಸಭೆಟ್ ಲಸಿಕಾ ಅಭಿಯಾನ ಬಗ್ಗೆ ಅವಲೋಕನ ನಡಪಾಯೆರ್ .

ವಾರ್ಡ್ ಕಾರ್ಯಪಡೆ ನೇತ್ರತ್ವಡ್ ಇಲ್ಲ್ ಇಲ್ಲಗ್ ಪೋದು ಅರ್ಹರೆನ್ ಆನ್ ಲೈನ್ ಮುಖೇನ ನೋಂದಾಯಿಸಾವುನ ಕಾರ್ಯ ಸುರು ಮಲ್ದೆರ್.ಜಿಲ್ಲಾ ನೋಡೆಲ್ ಸಂಸ್ಥೆ ನಿರ್ದೇಶಕೆರಾಯಿನ ಶೀನ ಶೆಟ್ಟಿ ಕೃಷ್ಣ ಮೂಲ್ಯ ಲಸಿಕಾ ಅಭಿಯಾನದ ಬಗ್ಗೆ ಮಾಹಿತಿ ಕೊರಿಯೆರ್.

ಪೊಲೀಸ್ ಸಿಬ್ಬಂದಿಲೆಗ್ ರೋಗನಿರೋಧಕ ಮಾತ್ರೆ ಕೊಡುಗೆ

ಬೀದರ್, ಜೂನ್ 5: ಕೋವಿಡ್ ನಿಯಂತ್ರಣ ಕಾರ್ಯಡ್ ಉಪ್ಪುನ ಜಿಲ್ಲೆದ ಪೊಲೀಸ್ ಸಿಬ್ಬಂದಿಲೆಗ್ ಚೆನ್ನೈ ಮೂಲದ ಬಯೊ ಮೈಕ್ರಾನ್ ಔಷಧ ಕಂಪನಿ ರೋಗ ನಿರೋಧಕ ಶಕ್ತಿ ವೃದ್ಧಿಸಾವುನ ಮಾತ್ರೆ ಕೊರ್ತುಂಡು.

ಕಂಪನಿದ ಬೀದರ್-ಕಲಬುರ್ಗಿ ಮಾರುಕಟ್ಟೆ ವ್ಯವಸ್ಥಾಪಕ ಜಗನ್ನಾಥಯ್ಯ ಸ್ವಾಮಿ ಮೇರ್ ಪೇಂಟೆಡ್ ಗುರುವಾರ ಪೊಲೀಸ್ ಸಿಬ್ಬಂದಿಗ್ ಕೊರಿಯೆರೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ನಾಗೇಶ ಡಿ.ಎಲ್ ಮೆರೆಗ್ ತಲಾ ಒಂಜಿ ಸಾರ ಒರೊವಿಟ್(Orovit) ಬೊಕ್ಕ ವಿಂಡೋಸ್ (windose) ಮಾತ್ರೆ ಪಟ್ಟಿಯೆರ್.

ವೇದವ್ಯಾಸ ಕಾಮತ್ ಗ್ ಕೋವಿಡ್ ಪಾಸಿಟಿವ್

ಕುಡ್ಲ, ಜೂನ್ 5 : ಕುಡ್ಲ ದಕ್ಷಿಣ ಮತ ಕ್ಷೇತ್ರದ ಶಾಸಕ ವೇದವ್ಯಾಸ ಕಾಮತ್ಗ್ ಕೋವಿಡ್ ಪಾಸಿಟಿವ್ ಸೋಂಕು ಆತುಂಡು .

ಈ ಬಗ್ಗೆ ಟ್ವಿಟ್ ಮಲ್ತ್ ಮಾಹಿತಿ ಕೊರಿನ ಆರ್ , ‘ಎಂಕ್ ಒಂತೆ ಸ್ವಲ್ಪ ಜ್ವರ ತೊಜಿನೆರ್ದಾವರ ನೆಲೆಟ್ಟ್ ಕೋವಿಡ್ ಪರೀಕ್ಷೆಗ್. ಎಂಕ್ ಕೋವಿಡ್ ಧೃಡ ಆತುಂಡು ಪಾಸಿಟಿವ್ ಆತುಂಡು . ತಾನ್ ಹೋಂ ಐಸೋಲೇಷನ್ ಆತೆ . ಹುಷಾರ್ ಉಲ್ಲೆ ಪಂದ್ ಪಂಡೆರ್.

ದಕ್ಷಿಣ ಕನ್ನಡ ಜಿಲ್ಲೆಡ್ ಸುರುತ್ತ ಆಕ್ಸಿಜನ್ ಉತ್ಪಾದನಾ ಘಟಕದ ಉದಿಪನ

ಬಂಟ್ವಾಳ, ಜೂನ್ 4: ದಕ್ಷಿಣ ಕನ್ನಡ ಜಿಲ್ಲೆಡ್ ಸುರುತ್ತ ಆಕ್ಸಿಜನ್ ಉತ್ಪಾದನಾ ಘಟಕ ವಾಮದಪದವುದ ಅಮೇರಿಕೇರ್ಸ್ ಇಂಡಿಯಾ ಸಂಸ್ಥೆ ಮುಂಬೈ ನೆತ್ತ ಸಿಎಸ್ಆರ್ ನಿಧಿ ಬೊಕ್ಕ ಬಂಟ್ವಾಳ ಶಾಸಕೆರಾಯಿನ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಮೆರ್ನ ಪ್ರದೇಶಾಭಿವೃದ್ಧಿದ ಅನುದಾನ ಒಟ್ಟು ರೂ 1 ಕೋಟಿ ವೆಚ್ಚಡ್ ವಾಮದಪದವು ಸಮುದಾಯ ಆರೋಗ್ಯ ಕೇಂದ್ರಡ್ ಸ್ಥಾಪನೆ ಆಯಿನ ಆಕ್ಸಿಜನ್ ಉತ್ಪಾದನಾ ಘಟಕದ ಉದಿಪನ ಲೇಸ್ ತಾರೀಖ್ 5/6/2021 ಶನಿವಾರ ಕಾಂಡೆ 10 ಗಂಟೆಗ್ ಶ್ರೀ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಶ್ರೀ ಕೋಟ ಶ್ರೀನಿವಾಸ ಪೂಜಾರಿ ಮೆರೆರ್ದ್ ನಡಪರೇ ಉಂಡು.