Sun. Nov 22nd, 2026

ಕಾರ್ಲದ ಸುದ್ದಿ Karkala News

ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಪಂತೋಗು ರೋಶಿನಿ ಆಯ್ಕೆ

ಒಡಿಪು , ಫೆ.22: ಮಲ್ಪೆ ಬೈಲಕೆರೆದ ಉಷಾ ಬೊಕ್ಕ ಯುವರಾಜ್ ದಂಪತಿ ಪುತ್ರಿ ರೋಶಿನಿ ಪ್ರಸ್ತುತ ಜೀ ಕನ್ನಡ ವಾಹಿನಿಡ್ ನಡತೊಂದು ಉಪ್ಪುನ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ರಿಯಾಲಿಟಿ ಶೋಡು ಸ್ಪರ್ಧಿಯಾದ್ ಪಾಲ್ ಪಡೆಯೊಂದು ಉಲ್ಲೆರ್.

ಬೆಂಗಳೂರು ಮಲ್ಲೇಶ್ವರಂದ ವಿದ್ಯಾ ಮಂದಿರ ಕಾಲೇಜ್ ಡ್ ಪಿಯುಸಿ ವಿದ್ಯಾರ್ಥಿಯಾದುಪ್ಪುನ ಮೇರ್ ಸುಮಾರ್ ಐದು ವರ್ಷರ್ದ್ ನಾಟ್ಯಶ್ವರ ನೃತ್ಯ ಸಂಘದ ಮಾಸ್ಟರ್ ಕೆ.ಪಿ.ಸತೀಶ್ ಬಾಬು ಮೆರೆಡ ಭರತ ನಾಟ್ಯನ್ ಬೊಕ್ಕ ಸುಮಾರ್ ಒಂಜರೆ ವರ್ಷರ್ದ್ ಪಾಶ್ಚಾತ್ಯ ನೃತ್ಯದ ಬೇತೆ ಬೇತೆ ಪ್ರಕಾರನ್ ಗಾಯತ್ರಿನಗರದ ರಾಕ್ ಬ್ರೇಕರ್ಸ್‌ ಡ್ಯಾನ್ಸ್ ಅಕಾಡೆಮಿದ ಮಾಸ್ಟರ್ ಟಗರು ರಾಜು ಮೆರೆಡ ಕಲ್ತೊಂದು ಉಲ್ಲೆರ್.

2019ಟ್ ಮಧ್ಯಪ್ರದೇಶದ ಗ್ವಾಲಿಯಡ್ ನಡತಿನ ಉದ್ಭವ ಉತ್ಸವ -2019 ಅಂತರಾಷ್ಟ್ರೀಯ ಸ್ಪರ್ಧೆಡ್ ಪಾಲ್ ಪಡೆದ್ ಇನಾಮುಲ ಪಡೆತೆರ್. ಕಳಿಂಗ ವಿಶ್ವವಿದ್ಯಾಲಯ ಭುವನೇಶ್ವರ ಒರಿಸ್ಸಾ ಡ್ ನಡತಿನ ಲಿಟಲ್ ಮಿಸ್ ಇಂಡಿಯಾ 2019 ಪಂತೋ ಡ್ ಲಿಟಲ್ ಮಿಸ್ ಕರ್ನಾಟಕ ಬೊಕ್ಕ ಲಿಟಲ್ ಮಿಸ್ ರಪುಂಜೆಲ್ ಪ್ರಶಸ್ತಿ ಪಡೆತೆರ್.

ಅಪ್ಪೆ ಭಾಷಾ ದಿನಾಚರಣೆದ ಪ್ರಯುಕ್ತ ತುಳು ಲಿಪಿ ತರಬೇತಿ ಶಿಬಿರ ಉದಿಪನ

ಜೆಸಿಐ ಉಡುಪಿ ಇಂದ್ರಾಳಿ ಬೊಕ್ಕ ತುಳು ಸಾಹಿತ್ಯ ಅಕಾಡೆಮಿ ಉಡುಪಿ ಮೆಕ್ಲೆನ ಒಟ್ಟು ಸೇರಿಗೆಡ್ ಸಂಚಲನ ಟ್ರಸ್ಟ್ ಉಡುಪಿ, ಜೈ ತುಳುನಾಡು ಉಡುಪಿ ಮೆಕ್ಲೆನ ಸಾಕಾರದೊಟ್ಟುಗು ಬಲೆ ತುಳು ಲಿಪಿ ಕಲ್ಪುಗ ಪನ್ಪಿನ ಶೀರ್ಷಿಕೆ ದೊಟ್ಟಿಗೆ ತುಳು ಲಿಪಿ ಕಲಿಕಾ ಶಿಬಿರದ ಉದಿಪನ ಲೇಸ್ ಉನ್ನತಿ ಕರಿಯರ್ ಅಕಾಡೆಮಿ ಉಡುಪಿ ಮುಲ್ಪ ನಡತುಂಡು.

ಲೇಸ್ ದ ಉದಿಪನ ನ್ ತುಳುಕೂಟ (ರಿ) ಉಡುಪಿ ನೆತ್ತ ಗುರ್ಕಾರ್ಲಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಪಾಲ್ ಪಡೆದ್ ತುಳು ಭಾಷೆಟ್ ಜಾಸ್ತಿ ಪಾತೆರೋಡು ಪಂದ್ ಪಂಡೆರ್.ಅಂಚನೇ ಸಂಘಟನೆದ ಪ್ರಯತ್ನನ್ ಲಾ ಶ್ಲಾಘಿಸಾಯೆರ್.
ತುಳು ಸಾಹಿತಿಲು ತುಳುವ ನಡಕೆ ಲೇಸ್ ದ ಸಂಯೋಜಕೆರಾಯಿನ ಶ್ರೀ ದಯಾನಂದ ಕೆ ಶೆಟ್ಟಿ ಬೆಂದೂರು ತುಳುನಾಡ್ ದ ಮಣ್ಣ್ ದ ಮಹಿಮೆ ಅಪಾರ ತುಳು ಲಿಪಿ ಕಲ್ಪುನೆತ್ತ ಒಟ್ಟುಗು ತುಳುನಾಡ ಭಾಷೆ ತುಳು ಲಿಪಿಗ್ ಪ್ರಾಧಾನ್ಯತೆ ಬರ್ಪಿಲಕ ಆವೊಡು ಪಂದ್ ತೆರಿಪಾಯೆರ್.
ಜೆಸಿಐ ಉಡುಪಿ ಇಂದ್ರಾಳಿ ಗುರ್ಕಾರ್ದಿ ಜೆಸಿ ಜ್ಯೋತಿ ಪ್ರಶಾಂತ್ ಮೆರ್ನ ಗುರ್ಕಾರ್ಮೆಡ್ ನಡತಿನ ಈ ಲೇಸ್ ಡ್ ಸಂಚಲನ ಟ್ರಸ್ಟ್ ರಿಜಿಸ್ಟರ್ ಉಡುಪಿ ನೆತ್ತ ಗೌರವ ಗುರ್ಕಾರ್ಲಾಯಿನ ಶ್ರೀ ಪ್ರೇಮ್ ಪ್ರಸಾದ್ ಶೆಟ್ಟಿ ,ತುಳು ಲಿಪಿ ಶಿಬಿರದ ಮುಖ್ಯ ಶಿಕ್ಷಕೆರಾಯಿನ ವಿಷ್ಣುಮೂರ್ತಿ ಮಂಜಿ ತಾಯ, ಘಟಕದ ಸ್ಥಾಪಕರಾಯಿನ ಜೆ.ಎಸ್.ಪಿ ಮನೋಜ್ ಕಡಬ,ಸ್ಥಾಪಕಾಧ್ಯಕ್ಷೆ ಜೆ.ಎಸ್.ಎಂ.ಶರ್ಲಿ ಮನೋಜ್ ,ತುಳು ಲಿಪಿ ಶಿಕ್ಷಕರಾಯಿನ ಸ್ವಾತಿ ಸುವರ್ಣ, ಸುಪ್ರಿಯ ದೇವಾಡಿಗ ಪಾಲ್ ಪಡೆದಿತ್ತೆರ್ .
ಈ ಪೊರ್ತುಡು ಜೆಸಿ ಉಡುಪಿ ಇಂದ್ರಾಳಿ ಮೆರ್ನ ಮುತಾಲಿಕೆಡ್ ಪ್ರಕಟ ಆಪಿನ ಉಡುಪಿ ದೇಗುಲದ ಮಾಹಿತಿ ಉಪ್ಪುನ ಕೈಪಿಡಿದ ಮುಖಪುಟದ ಉದಿಪನ ಲೇಸ್ ನಡತುಂಡು.
ಲೇಸ್ ದ ಸಂಚಾಲಕರಾಯಿನ ಜೆಸಿ.ಅಶೋಕ್ ಶೇರಿಗಾರ್ ಲೇಸ್ ನ್ ನಡಪಾದ್ ಕೊರಿಯೆರ್. ಘಟಕದ ಕಾರ್ಯದರ್ಶಿ ಜೆಸಿ ಶಿಲ್ಪ ಶಾನುಭೋಗ ಸೊಲ್ಮೆ ಸoದಾಯಿತ ಮಲ್ತೆರ್.
ತುಳುಲಿಪಿ ಕಲಿಕಾ ಶಿಬಿರಡ್ ಪಾಲ್ ಪಡೆಯರೆ ಬಯಕುನಕುಲು ಘಟಕಗ್ ಲೆಪ್ಪು ಕೊರೋಲಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ.) ಒಟ್ಟು ಸೇರಿಗೆಡ್ ತುಲು ತುಲಿಪು- “ತುಲು ಕಬಿಕೂಟ “

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ.) ಒಟ್ಟು ಸೇರಿಗೆಡ್ ತುಲು ತುಲಿಪು- “ತುಲು ಕಬಿಕೂಟ “ತೇದಿ 21/2/2021ನೇ ಐತಾರ ಕಾಂಡೆ 9:30 ಕ್ ತುಳು ಭವನ ತುಳು ಸಾಹಿತ್ಯ ಅಕಾಡೆಮಿ ಉರ್ವಾಸ್ಟೋರ್ ಡ್ ನಡಪರೆ ಉಂಡು.

ಮಲ್ಲ ಬಿನ್ನೆರ್ ಆದ್ ಅಪ್ಪಿ ಶೆಟ್ಟಿ – ತುಳು ಪಾಡ್ಡನ ಪನ್ನಿನ ಪೆರಿಯಾರ್ ಪಾಲ್ ಪಡೆಯರೆ ಉಲ್ಲೆರ್.
ತುಲು ಕಬಿಕೂಟದ – ಮಲ್ಲ ಬಿನ್ನೆರಾದ್,
ಶ್ರೀ ರಘು ಇಡ್ಕಿದು ಉಪನ್ಯಾಸಕೆರ್ ಕೆನರಾ ಪದವಿಪೂರ್ವ ಕಾಲೇಜ್ ಕುಡ್ಲ ಮಾಜಿ ಪದುಕೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ,
ಶ್ರೀಮತಿ ಅರ್ಪಿತಾ ಶೆಟ್ಟಿ,ಉಪನ್ಯಾಸಕೆರ್ ಉಡುಪಿ ಸಮೂಹ ಸಂಸ್ಥೆ ಮಣಿಪಾಲ. ಶ್ರೀ ಅರ್ಯನ್ ಸವಣಾಲ್ ಸಾಹಿತಿ ಬೊಕ್ಕ ಮುಖ್ಯ ಕಾರ್ಯನಿರ್ವಾಕರ್ ಅಮ್ಮನ ಆಸರೆ, ಸವಣಾಲ್ ಬೊಲ್ತೇರ್ ಪಾಲ್ ಪಡೆಯರೆ ಉಲ್ಲೆರ್.

ತುಳುಕೂಟದ ಗುರ್ಕಾರೆ ಜಯಕರ ಶೆಟ್ಟಿ ಇಂದ್ರಾಳಿ ಮೆರೆಗ್ ತುಳು ಮಹಾಭಾರತೊ ಬೂಕು ಕೊರಿನ ಪೊರ್ತು

ತಾಡವಾಲೆ ವಾಲ್ಮೀಕಿ ಪನ್ಪಿನ ಪುಗರ್ತೆನ್ ಪಡೆತಿನ,ತುಳುನಾಡ್ ದ ಪೆರಿಯ ಸಾಹಿತಿ,ಪಂಡಿತ ದಿ.ವೆಂಕಟರಾಜ ಪುಣಿಚಿತ್ತಾಯೆರೆನ ಸಂಪಾದಕತ್ವೊದ,ಪ್ರಾಚೀನ ತುಳುಕವಿ,ಉಡುಪಿ,ಕೊಡವೂರುದ ಶ್ರೀ,ಅರುಣಾಬ್ಜೆರೆನ ತುಳು ಮಹಾಕಾವ್ಯೊ,”ಮಹಾಭಾರತೊ” ಬೂಕುನು ಇಂದ್ರಾಣಿ,ಶ್ರೀ ಪಂಚದುರ್ಗಾಪರಮೇಶ್ವರಿ ದೇವೆರೆನ ವಾರ್ಷಿಕ ರಥೋತ್ಸವೂದ ಸಂದರ್ಭೊಡು,ಆಡಳಿತ ಮೊಕ್ತೇಸರೆರಾಯಿನ ಶ್ರೀಯುತ ಜಯಕರಶೆಟ್ಟಿ ಇಂದ್ರಾಳಿ ಮೆರೆಗ್ ಕೊರಿನ ಪೊರ್ತು.

ಬಾರಕೂರು ಶ್ರೀ ಕಾಳಿಕಾಂಬಾ ದೇವಸ್ಥಾನಡ್ ಗೌಜಿಡ್ ನಡತಿನ ಬ್ರಹ್ಮಕಲಶಾಭಿಷೇಕ

ತೆಕ್ಕಟ್ಟೆ: ಕರಾವಳಿ ಕರ್ನಾಟಕದ ವಿಶ್ವಬ್ರಾಹ್ಮಣರ ಮೂಲ ಆರಾಧನಾ ಕೇಂದ್ರವಾಯಿನ ಬಾರಕೂರು ಶ್ರೀ ಕಾಳಿಕಾಂಬಾ ದೇವಸ್ಥಾನದ ಗರ್ಭಗುಡಿ ಬೊಕ್ಕ ತೀರ್ಥ ಮಂಟಪದ ನವೀಕರಣದ ಪರವಾದ್ ಆನೆಗೊಂದಿ ಮಹಾಸಂಸ್ಥಾನದ ಪರಮಪೂಜ್ಯ ಶ್ರೀ ಕಾಳಹಸ್ತೇಂದ್ರ ಸರಸ್ವತೀ ಮಹಾ ಸ್ವಾಮೀಜಿನ ದಿವ್ಯ ಹಸ್ತಡ್ ಜಗನ್ಮಾತೆ ಶ್ರೀ ಕಾಳಿಕಾಂಬಾ ದೇವಿಗ್ ಬ್ರಹ್ಮಕಲಶಾಭಿಷೇಕ ಕ್ಷೇತ್ರದ ತಂತ್ರಿಲಾಯಿನ ಶ್ರೀ ಲಕ್ಷ್ಮೀಕಾಂತ್‌ ಶರ್ಮ ಮೆರ್ನ ಮುತಾಲಿಕೇಡ್ ಫೆ.17 ತಾರೀಖ್ ಗ್ ನಡತುಂಡು.

ಈ ಪೊರ್ತುಡು ಬಾರಕೂರು ಶ್ರೀ ಕಾಳಿಕಾಂಬಾ ದೇವಸ್ಥಾನ ಆಡಳಿತ ಧರ್ಮದರ್ಶಿ ವಿ.ಶ್ರೀಧರ ಆಚಾರ್ಯ ವಡೇರಹೋಬಳಿ , ರಡ್ಡನೇ ಆಡಳಿತ ಮೊಕ್ತೇಸ ಪ್ರವೀಣ್‌ ಆಚಾರ್ಯ, 3ನೇ ಆಡಳಿತ ಮೊಕ್ತೇಸ ರವಿ ಆರ್‌.ಆಚಾರ್ಯ ಕೆಳಾರ್ಕಳಬೆಟ್ಟು, ಎನ್‌.ಪ್ರಕಾಶ್‌ ಆಚಾರ್ಯ, ಚಂದ್ರಶೇಖರ್‌ ಆಚಾರ್ಯ ಕೋಟ, ನಾಗರಾಜ ಆಚಾರ್ಯ ಕೂರಾಡಿ, ಜಿ.ಎಸ್‌.ಚಂದ್ರ ಆಚಾರ್ಯ ಗೋಳಿಯಂಗಡಿ, ಅರವಿಂದ ಆಚಾರ್ಯ ಬೆಳ್ಳಂಪಳ್ಳಿ, ಸೌಮ್ಯ ಸುರೇಶ್‌ ಆಚಾರ್ಯ ಬೆಳ್ಳಂಪಳ್ಳಿ, ಬೊಕ್ಕ ಆಡಳಿತ ಮಂಡಳಿ ಅಂಚನೇ ಬ್ರಹ್ಮಕಲಶೋತ್ಸವ ಸಮಿತಿದ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

Thekkatte: On the eve of the renunciation of the Sri Vishwamitra Sarvasamyakshi of Sri Mahavasthavamya, Sri Bhagavatyam Saraswathi Sri Mahavamsa of Sri Mahavasthavamya, Sri Bhagavatyam Maha Sarvagamti of Sri Barakshtha, is a part of the renovation of the Barakur Shree Kalikamba Temple, the original worship center of the World Brahmin in coastal Karnataka.

Bharakur Shri Kalikamba Temple Administration Dharmadhikari V. Shridhar Acharya Vaderhobali, Second Administration Moktesaar Praveen Acharya, 3rd Governance Moktesa Ravi R. Acharya Piyarkarlabettu, N.Prakash Acharya, Chandrasekhar Acharya. Aravind Acharya Bellampalli, Soumya Suresh Acharya Bellampalli, as well as members of the Governing Council and Brahmakalasotsava Samiti were present.

 

ಕೊಡವೂರು ಶಂಕರಣರಾಯಣ ದೇವಸ್ಥಾನೊಡು ತುಳು ಲಿಪಿ ಪರೀಕ್ಷೆ

ಫೆಬ್ರವರಿ ತಿಂಗೊಲ್ದ ತಾರೀಖ್ 14 ನೇ ಐತಾರ ದಾನಿ ಕೊಡವೂರು ಶಂಕರಣರಾಯಣ ದೇವಸ್ಥಾನೊಡು ನಡತಿನ ತುಳು ಲಿಪಿ ಕಾರ್ಯಗಾರೊಡು 40 ರ್ದ್ ಲಾ ಮಿತ್ತ್ ಕಲ್ಪಾರ್ತಿಲು ತುಳುಲಿಪಿ ಪರೀಕ್ಷೆ ಬರೆಯೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ದ ಸದಸ್ಯೆರಾಯಿನ ಡಾಕ್ಟರ್ ಆಕರ್ಷ್ ರಾಜ್ ಜೈನ್ ಬೊಕ್ಕ ತಾರಾ ಆಚಾರ್ಯ ಪರೀಕ್ಷೆ ಬರೆಪಿನ ಮಾತಾ ಕಲ್ಪಾರ್ತಿಲೆಗ್ ಎಡ್ಡೆಪ್ಪುನು ಬಯಕಿಯೆರ್.

ಅಂಚನೇ ತುಳುಲಿಪಿ ಕಲ್ಪಾದಿನಕುಲಾಯಿನ ಆಯಿನ ಶರತ್ ಕೊಡವೂರು, ಸ್ವಾತಿ ಸುವರ್ಣ ಬೊಕ ಉಜ್ವಲ ಎನ್ ಪೂಜಾರಿ ಲಾ ಪಾಲ್ ಪಡೆದಿತ್ತೆರ್.ಅಂಚನೇ ಜೈ ತುಳುನಾಡ್ ಸಂಘಟನೆದ ಉಡುಪಿ ಸಂಚಾಲಕೆರಾಯಿನ ರಾಜೇಶ್ ತುಳುವೆ ಬೊಕ್ಕ ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲು ಸತೀಶ್ ಕೊಡವೂರು ಪಾಲ್ ಪಡೆದ್ ಎಡ್ಡೆಪ್ಪುದ ಸಾಕಾರ ಕೊರಿಯೆರ್ .

ಅಂಚನೇ ಮಾರ್ಚ್ 14 ನೇ ತಾರೀಖ್ ಗ್ 10 ಗಂಟೆಗ್ ಪರೀಕ್ಷೆ ಬರೆದ್ ಪಾಸ್ ಆಯಿನಕ್ಲೆಗ್ ಅಕಾಡೆಮಿಡು ಪ್ರಮಾಣ ಪತ್ರ ಬೊಕ್ಕ ಬೊಕ್ಕ ಬಲೆ ತುಳು ಲಿಪಿಟ್ ಪುದರ್ ಬರೆಲೆ ಇನಾಮು ಗೆಂದ್ ಲೇ ಕಜ್ಜ ದ ಅದೃಷ್ಟ ಶಾಲಿಲಾಯಿನ ವಾದಿರಾಜ್, ಪುಷ್ಪ, ಪೂಜಾ ಮೆಕ್ಲೆಗ್ ಇನಾಮು ಪಟ್ಟುನ ಲೇಸ್ ನಡಪಾಯರೇ ಉಲ್ಲ ಪಂದ್ ಶರತ್ ಕೊಡವೂರು ತೆರಿಪಾಯೆರ್.

ಅಲೆವೂರು ಗ್ರಾಮ ಪಂಚಾಯತಿ ನೂತನ ಸದಸ್ಯೆರ್ನ ಆಯ್ಕೆ

ಅಲೆವೂರು ಗ್ರಾಮ ಪಂಚಾಯತಿ ದ ಪೊಸ ಗುರ್ಕಾರ್ಲಾದ್ ಕಾಂಗ್ರೆಸ್ ಬೆಂಬಲಿತ ಸದಸ್ಯೆ ಪುಷ್ಪ ಅಂಚನ್ ಅಯ್ಕೆಯಾತೆರ್ .ಅಂಚನೇ ಉಪಾಧ್ಯಕ್ಷ ರಾದ್ ಸುಧಾಕರ್ ಪೂಜಾರಿ ಅಯ್ಕೆ ಯಾತೆರ್.

ಸಜೀಪ ಪ್ರೀಮಿಯರ್ ಲೀಗ್ -ಸೀಸನ್ 4 : ಹಿಂದೂ ಟ್ರೊಫಿ 2021 ಉದಿಪನದ ಲೇಸ್

ಉದಿಪನದ ಲೇಸ್ ನ್ ಶ್ರೀ ಎನ್. ಯೋಗೀಶ್ವರ್ ನಾಗನವಳಚ್ಚಿಲು ನಡಪಾದ್ ಕೊರಿಯೆರ್. ಬಿನ್ನೆರ್ ಆದ್ ಶ್ರೀ ಶ್ರೀಕಾಂತ್ ಶೆಟ್ಟಿ ಸಂಕೇಶ ಜಿಲ್ಲಾ ಕಾರ್ಯಕಾರಿಣಿ ಸದಸ್ಯೆರ್ ಭಾಜಪ ಶ್ರೀ ಯಶವಂತ್ ದೇವರಾಜ್ ಮಾಜಿ ತಾಲೂಕು ಪಂಚಾಯಿತಿ ಗುರ್ಕಾರ್ಲು ಶ್ರೀ ಉದಯಕುಮಾರ್ ನಗ್ರಿ ಕಾಂಜಿಲ ಕಾರ್ಯದರ್ಶಿ ಭಾಜಪ ಪಾಲ್ ಪಡೆದ್ ಇತ್ತೆರ್.

ಅಂಚನೇ ಜಿಲ್ಲಾ ಹಿಂದುಳಿದ ವರ್ಗದ ಮೋರ್ಚಾ ಪಂಚಾಯತ್ ಸದಸ್ಯೆರಾಯಿನ ಶ್ರೀ ಸೀತಾರಾಮ ಅಗೋಳಿ ಬೆಟ್ಟು, ಶ್ರೀ ನವೀನ್ ಅಂಚನ್ ಶಾಂತಿನಗರ, ಶ್ರೀ ರಾಜೇಶ್ ಕುಲಾಲ್ ಮಾರ್ತಾಜೆ, ಶ್ರೀ ಕುಶಾಲ ಸಂಕೇಶ, ಬೊಕ್ಕ ಶ್ರೀ ಹರಿಪ್ರಸಾದ್ ಭಂಡಾರಿ ಆಳ್ವಾರ ಪಾಲು, ಶ್ರೀ ಈಶ್ವರ ಪೂಜಾರಿ ಸಂಕೇಶ, ಶ್ರೀ ಎನ್ ಅರುಣ್ ಶೆಟ್ಟಿ ಪೆಲತ್ತ ಕಟ್ಟೆ ಬೊಕ್ಕ 11 ತಂಡದ ಗುರ್ಕಾರ್ಲು , ಸದಸ್ಯೆರ್ ಟೀಮ್ ಸರ್ಕಲ್ಲಿಗ್ ಅಂಚನೇ ಸಜೀಪ ಮಾಗಣೆದ ಹಿಂದೂ ಬಾಂಧವೆರ್ ಪಾಲ್ ಪಡೆದ್ ಇತ್ತೆರ್.ಈ ಲೇಸ್ ಡ್ ಸಿಎಂ ಯೋಗೀಶ್ವರ್ ನಾಗನವಳಚ್ಚಿಲು ಮೆರೆಗ್ ಮಾನದಿಗೆ ಮಲ್ತೆರ್.

ಶ್ರೀ ಗುರು ಸುಧೀಂದ್ರ ಪದವಿ ಮಹಾವಿದ್ಯಾಲಯಡ್ ಭಟ್ಕಳ ರೋರ‍್ಯಾಕ್ಟ್ ಕ್ಲಬ್ ವತಿರ್ದ್ ಇವೆಂಟ್ ಮ್ಯಾನೇಜ್‌ಮೆಂಟ್ ಕಾರ್ಯಗಾರ

ಭಟ್ಕಳ: ‘ಜಾಗತೀಕರಣ, ಉದಾರೀಕರಣ ಬೊಕ್ಕ ಖಾಸಗೀಕರಣದ ಈ ಯುಗಟ್ ಇವೆಂಟ್ ಮ್ಯಾನೇಜ್‌ಮೆಂಟ್ ಒಂಜಿ ಬುಲೆಚ್ಚಿಲ್ ಡ್ ಉಪ್ಪುನ ಉದ್ಯಮ ಆತುಂಡು , ಇಂದು ಭಾರತ ಬೊಕ್ಕ ವಿಶ್ವಡ್ ಲಕ್ಷಾಂತರ ಉದ್ಯೋಗಾವಕಾಶನ್ ಸೃಷ್ಟಿಸಾವೊಂದು ‘. ಪಂದ್ ಶಿಕ್ಷಕ ಬೊಕ್ಕ ಇವೆಂಟ್ ಮ್ಯಾನೇಜ್‌ಮೆಂಟ್‌ದ ತರಬೇತುದಾರರಾಯಿನ ಶ್ರೀಧರ ಶೇಟ್ ಪಂಡೆರ್.

ಪೇಂಟೆದ ಶ್ರೀ ಗುರು ಸುಧೀಂದ್ರ ಪದವಿ ಮಹಾವಿದ್ಯಾಲಯಡ್,ಭಟ್ಕಳ ರೋರ‍್ಯಾಕ್ಟ್ ಕ್ಲಬ್ ಅಟ್ಟನೆ ಮಲ್ತಿನ ಇವೆಂಟ್ ಮ್ಯಾನೇಜ್‌ಮೆಂಟ್ ಕಾರ್ಯಗಾರನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

Bhatkala: ‘Event Management is a booming industry in this era of globalization, liberalization and privatization, and today it is creating millions of jobs in India and the world’. Sridhara Shet, a teacher and trainer of event management, said.

Inaugurating the event management function organized by Bhatkal’s Roracat Club at the Sri Guru Sudheendra Degree College in the city, he said, “If the student develops the skills of planning, communication, agile thinking and relevant management, the functionality of event management can be easily accommodated in the future.” Gave guidance.

ಸಜೀಪ ಪ್ರೀಮಿಯರ್ ಲೀಗ್ -ಸೀಸನ್ 4 : ಹಿಂದೂ ಟ್ರೊಫಿ 2021

ಹಿಂದೂ ಸಮಾಜದ ಅವ್ವೆತೋ ಕುಟುಂಬಲು ಮಸ್ತ್ ಕಷ್ಟಲೆಗ್ ತುತ್ತಾದ್ ಆರ್ಥಿಕವಾದ್ ಸಂಕಷ್ಟದ ಜೀವನನ್ ನಡಪಾವೊಂದು ಉಲ್ಲೆರ್ ಐಕಾದ್ ಈ ಯೋಜನೆನ್ ರೂಪಿಸಾದ್ ಐಕ್ SPL – ಪ್ರೀಮಿಯರ್ ಲೀಗ್ ಪನ್ಪುನ ಪುದರ್ ದ ಒಟ್ಟುಗು ಬಾರಿ ಸರಳ ವಾದ್ ಕ್ರಿಕೆಟ್ ಪಂದ್ಯಾಟ ನಡಪಾದ್ ಈ ಪಂದ್ಯಾಟಡ್ ಸಂಗ್ರಹವಾಯಿನ ಪಣವುನು ಬಡ ಕುಟುಂಬಲೆಗ್ ಕೊರ್ಪಿನವು ನೆತ್ತ ಉದ್ದೇಶ. ಈ ಯೋಜನೆಗ್ ಉಾರ್ದ ಅಂಚನೇ ಪರ ಊರುದ ದಾನಿಲು ಬಾರಿ ಮಲ್ಲ ಮಟ್ಟ್ ದ ಸಹಕಾರ ಕೊರ್ತೆರ್ . ಈ ಸಹಕಾರದ ಪರಿಣಾಮ 2017 ಬೊಕ್ಕ 2018ಡ್ ಈ ಬಡ ಕುಟುಂಬಲೆಗ್ ನೆರವು ಕೊರ್ತ.

* 2017ಟ್ ಒಟ್ಟಾಯಿನ ಪಣವು ರೂಪಾಯಿ 50,000ನ್ ರಸ್ತೆ ಅಪಘಾತಡ್ ತೀವ್ರವಾದ್ ಗಾಯ ಆಯಿನ ಹರ್ಷಿತ್ ಮಿತ್ತಮಜಲು ಮೆರ್ನ ಚಿಕಿತ್ಸಾ ವೆಚ್ಚಗ್ ಕೊರ್ತುಂಡು .

* 2018ಡ್ ಒಟ್ಟಾಯಿನ ಪಣವು ರೂಪಾಯಿ 10,000 ನ್ ಶೇಖರ್ ಶಾಂತಿನಗರ ಸಜೀಪಮುನ್ನೂರು ರಸ್ತೆ ಅಪಘಾತಡ್ ಗಾಯ ಆಯಿನ ಪೊರ್ತುಡು ಕೊರ್ತುಂಡು.
ರೂಪಾಯಿ 5,000ನ್ ಅಕಾಲಿಕವಾದ್ ತೀರ್ ಪೋಯಿನ ಜಯಪೂಜಾರಿ ಮರ್ತಾಜೆ ಸಜೀಪಮುನ್ನೂರು ಮೆರ್ನ ಜೋಕ್ಲೆನ ವಿದ್ಯಾಭ್ಯಾಸಗ್ ಕೊರ್ತೆರ್. ರೂಪಾಯಿ 15,000ನ್ ಬಡ ಕುಟುಂಬದ ಸಜೀಪಪಂತು ಮುಂಡಗುರಿ ತನಿಯಪ್ಪ ಪೂಜಾರಿ ಮೆರೆಗ್ ದಾನಿಲು ಸೇರ್ದ್ ಇಲ್ಲ ಕಟ್ಟ್ ದ್ ಕೊರ್ಪಿನ ಕಾರ್ಯಗ್ ಕೊರಿಯೆರ್.
*2019 ಡ್ ಒಟ್ಟಾಯಿನ ಪಣವುಡು ಶ್ರೀಮತಿ ಮೀನಾಕ್ಷಿ ಗೋವಿಂದ ಕುಲಾಲ್ ನಗ್ರಿ ಮೆರೆಗ್ ಇಲ್ಲ ಕಟ್ಟರೆ 11,000/- ಕೊರ್ತೆರ್ .
*ಕೂಳಕೆ ಚೋಮು ಬೆಳ್ಚಡ ಮೆರ್ನ ಮಗಳ್ ನ ಮದಿಮೆಗ್ ರೂಪಾಯಿ 5,000/- ಕೊರ್ತೆರ್.

ನಮ್ಮ ಮಾತಾ ಜವನೆರ್ ನ ಪರಿಶ್ರಮದ ಫಲವಾದ್ SPL ಸೀಸನ್ -4 2021ನ್ ನಡಪಾಯರೇ ಅಟ್ಟನೆ ಮಲ್ದ , ಸಮಾಜಮುಖಿ ಸಹಕಾರನ್ ಕೊರ್ಪಿನ ಅವ್ವೆತೋ ಮನಸ್ಸುಲು ನಮ್ಮೊಟ್ಟಿಗೆ ಈ ಲೇಸ್ ಡ್ ಸಹಕಾರನ್ ಕೊರೊಂದು ಬೈದೆರ್. ನನಾತ್ ಎಚ್ಚ ರೀತಿದ ಎಡ್ಡೆ ಬೇಲೆ ಮಲ್ಪರೆ ಉಪ್ಪುನೆರ್ದಾವರ ಸಹೃದಯಿ ಭಂದುಲು ನನಾತ್ ಸಾಕಾರ ಕೊರೊಡು ಪಂದ್ ಬಿನ್ನಾಪು.

You Missed