ಉಡುಪಿದ ಸುದ್ದಿ | Udupi News

ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021

ಸುಳ್ಯ, ಎಪ್ರಿಲ್ 09: ಓಡಿಯೂರು ಶ್ರೀಲೆನ ಷಷ್ಟಬ್ಧ ಸಂಭ್ರಮ ಸುಳ್ಯ ತಾಲೂಕು ಸಮಿತಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕುಡ್ಲ, ತುಡರ್ ತುಳು ಕೂಟ ಸುಳ್ಯ ಬೊಕ್ಕ ಕಳಂಜ ಬಾಲ ಪ್ರಾಕೃ.ಪ.ಸಹಕಾರಿ ಸಂಘ ನಿ.ಜ್ಞಾನ ವಾಹಿನಿ ಪ್ರಾದೇಶಿಕ ಸಮಿತಿ ಸುಳ್ಯ ಮೊಕ್ಲೆನ ಕೂಡುಕೂಟೊಡು ದಿವಂಗತ ಕೋಟೆ ವಸಂತ ಕುಮಾರ್ (ಚಾವಡಿ)ಡ್ ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021 ಲೇಸ್ ತೇದಿ ಪಗ್ಗು 6 ಪೋಪುನಾನಿ , 19-04-2021 ಸೋಮಾರ ಕಾಂಡೆ 9-30 ಗಂಟೆರ್ದ್ ಬಜನಿ ದಿ| ರಾಮಯ್ಯ ರೈ ಸಭಾಂಗಣ ಕೋಟೆ ಮುಂಡುಗಾರು ಶಾಲೆ ಕಳಂಜ, ಸುಳ್ಯ ತಾಲೂಕು ಡು ನಡಪರೆ ಉಂಡು.

ಶ್ರೀ ನಂದನೇಶ್ವರ ದೇವಸ್ಥಾನ ಪಣಂಬೂರು : ಪ್ರಾಯಶ್ಚಿತ್ತ ಲೇಸ್

ಪಣಂಬೂರು, ಎಪ್ರಿಲ್ 09 : ಜಾತ್ರಾ ಪೊರ್ತುಡು ನಡತಿನ ಆಕಸ್ಮಿಕ ಘಟನೆದ ಪರಿಹಾರಾರ್ಥವಾದ್ ಶ್ರೀ ನಾಗದೇವೆರ್ನ , ಕ್ಷೇತ್ರದ ದೈವದ ಅಪ್ಪಣೆದ ಪ್ರಕಾರ , ತಂತ್ರಿಲೆನ ಮುತಾಲಿಕೆಡ್ ತಾರೀಖ್ 9-04-2021ನೇ ಶುಕ್ರವಾರ ಪ್ರಾಯಶ್ಚಿತ್ತ ಕಾರ್ಯಕ್ರಮ ನಡಪರೆ ಉಂಡು.

ಕುಡ್ಲ ವಿಶ್ವವಿದ್ಯಾಲಯದ ಪರೀಕ್ಷೆ ತಾರೀಖ್ ಬದಲಿ

ಮಂಗಳೂರು, ಎ.8: ಕೆಎಸ್ಸಾರ್ಟಿಸಿ ನೌಕರೆರ್ನ ಬೇಡಿಕೆ ಈಡೇರಿಸಾಯರೇ ಆಗ್ರಹ ಮಲ್ತ್ ದ್ ಮುಷ್ಕರ ನಡಪಾಯರೇ ನಿರ್ಧಾರ ಮಲ್ತಿನ ನೆಲೆಟ್ಟ್ ಎ.7 ತಾರೀಖ್ ಗ್ ನಡಪರೆ ಇತ್ತಿನ ಮಂಗಳೂರು ವಿವಿದ ಪದವಿ ಪರೀಕ್ಷೆಲೆನ್ ದುಂಬು ಪಾರ್ದೆರ್ .

ದುಂಬುದ ತಾರೀಖ್ ನನ ತೆರಿಪಾವ ಪಂದ್ ಮಂಗಳೂರು ವಿವಿದ ಪರೀಕ್ಷಾಂಗ ಕುಲಸಚಿವೆರ್ನ ಪ್ರಕಟನೆ ತೆರಿ ಪಾದುಂಡು.

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಭಕ್ತವೃಂದದ ಗುರ್ಕಾರ್ಲಾದ್ ಶ್ರೀ ಸಾಧು ಸಾಲಿಯಾನ್ ಆಯ್ಕೆ

ಒಡಿಪು, ಎಪ್ರಿಲ್ 08: ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಭಕ್ತವೃಂದದ ಗುರ್ಕಾರ್ಲಾದ್ ಶ್ರೀ ಸಾಧು ಸಾಲಿಯಾನ್ ಆಯ್ಕೆ ಆತೆರ್ ಅಂಚನೇ ಕಾರ್ಯದರ್ಶಿಯಾದ್ ಪ್ರಕಾಶ್ ಜಿ ಕೊಡವೂರು, ಕೋಶಾಧಿಕಾರಿಯಾದ್ ಶ್ರೀ ರಾಮ ಸೇರಿಗಾರ್ ಆಯ್ಕೆ ಆತೆರ್.

ಉಬಾರಮಣ್ಣು ಶ್ರೀ ಕೋಡ್ದಬ್ಬು ದೈವಸ್ಥಾನ ವಾರ್ಷಿಕ ನೇಮೋಚ್ಚಯ

ಕುಡ್ಲ, ಎಪ್ರಿಲ್ 08: ತಾರೀಖ್ 9/4/2021 ನೇ ಶುಕ್ರವಾರ ಅಂಚನೇ 10/4/2021 ನೇ ಶನಿವಾರ ಉಬಾರಮಣ್ಣು ಶ್ರೀ ಕೋಡ್ದಬ್ಬು ದೈವಸ್ಥಾನ ವಾರ್ಷಿಕ ನೇಮೋಚ್ಚಯ ನಡಪರೆ ಉಂಡು. ಅವ್ವೆ ದಿನ ರಾತ್ರಿ ಬೇತೆ ಬೇತೆ ರಿಯಾಲಿಟಿ ಶೋಡ್ ಅಂಚನೇ ಅನೇಕ ವೇದಿಕೆಡ್ ಅವ್ವೆತೋ ವರ್ಷರ್ದ್ ಪಾಲ್ ಪಡೆಯಿನoಚಿನ, ಅನೇಕ ಮಾನದಿಗೆ ಪಡೆತಿನoಚಿನ ಪೆರ್ಮೆದ ಕಲಾ ಕೂಟ ಮಕ್ಕಿ ಮನೆ ಕಲಾವೃಂದ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಲಾ ನಡಪರೆ ಉಂಡು ಪಂದ್ ಪ್ರಕಟಣೆಗ್ ತೆರಿಪಾದೆರ್.

ಅಶೋಕ್ ಕಾಮತ್ ಮೇರ್ ಮಂಡಣೆ ಮಲ್ತಿನ ಸಂಶೋಧನಾ ಮಹಾಪ್ರಬಂಧಗ್ ಪಿಎಚ್‌ಡಿ ಪದವಿ

ಒಡಿಪು , ಎ.8: ಉಡುಪಿ ಡಯಟ್‌ದ ಉಪಪ್ರಾಂಶುಪಾಲೆರಾಯಿನ ಅಶೋಕ್ ಕಾಮತ್ ಮೇರ್ ಮಂಡಣೆ ಮಲ್ತಿನ ಸಂಶೋಧನಾ ಮಹಾಪ್ರಬಂಧಗ್ ಹಂಪಿದ ಕನ್ನಡ ವಿಶ್ವವಿದ್ಯಾನಿಲಯ ಪಿಎಚ್‌ಡಿ ಪದವಿನ್ ಕೊರ್ದು ಮಾನದಿಗೆ ಮಲ್ದುಂಡು.

ಅಶೋಕ ಕಾಮತ್ ಮೇರ್ ಡಾ.ನಿಕೇತನ ಮೆರ್ನ ಮಾರ್ಗದರ್ಶನಡ್ ಹಂಪಿದ ಕನ್ನಡ ವಿಶ್ವವಿದ್ಯಾನಿಲಯಗ್ ‘ಕನ್ನಡ ಆತ್ಮಕಥನಡ್ ಶಾಲಾ ಶಿಕ್ಷಣದ ನೆಲೆಕುಲು ‘ ವಿಷಯದ ಮಹಾಪ್ರಬಂಧಗ್ ಪಿಎಚ್‌ಡಿ ಪದವಿ ತಿಕ್ಕ್ ದ್oಡ್ . ಉಡುಪಿದ ವಳಕಾಡು ಸರಕಾರಿ ಸಂಯುಕ್ತ ಪ್ರೌಢ ಶಾಲೆ ಬೊಕ್ಕ ಬ್ರಹ್ಮಾವರದ ಸರಕಾರಿ ಪ್ರೌಢ ಶಾಲೆದ ಮುಖ್ಯೋಪಾಧ್ಯಾಯೆರಾದ್ ಐತ ಉನ್ನತಿಗ್ ಶ್ರಮಿಸಿ ಜನಮನ್ನಣೆ ಪಡೆತಿನ ಕಾಮತ್, ರಾಜ್ಯ ಶಿಕ್ಷಕ ವಿಶೇಷ ಪ್ರಶಸ್ತಿ ಪುರಸ್ಕೃತೆರ್ . ಮೇರ್ ಕೆ.ನಾರಾಯಣ ಕಾಮತ್ ಬೊಕ್ಕ ರೋಹಿಣಿ ಕಾಮತ್ ದಂಪತಿಲೆನ ಪುತ್ರೆ.