ಉಡುಪಿದ ಸುದ್ದಿ | Udupi News

ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ: ಮಹಾಪೂಜೆ,ಕಲಶ ಸ್ಥಾಪನೆ ಬೊಕ್ಕ ಶನೀಶ್ವರ ಗ್ರಂಥ ಪಾರಾಯಣ

ಮುಂಬಯಿ, ಎಪ್ರಿಲ್ 26: ಮಿರಾ ರೋಡ್ ಶ್ರೀ ಶನೀಶ್ವರ ಮಂದಿರಡ್ ತಿಂಗೊಲ್ದ ಮಂಗಳಾದ್ಯಯ,ಮಹಾ ಪೂಜೆದ ಪರವಾದ್ ಬೈಯ್ಯ 3 ಗಂಟೆರ್ದ್ ಕಲಶ ಸ್ಥಾಪನೆ ಐರ್ದ್ ಬೊಕ್ಕ ಶನೀಶ್ವರ ಗ್ರಂಥ ಪಾರಾಯಣ ಬೊಕ್ಕ ಶ್ರೀ ಶನೀಶ್ವರ ಭಜನಾ ಮಂಡಳಿರ್ದ್ ಭಜನಾ ಲೇಸ್, 6 ಗಂಟೆಗ್ ಮಹಾ ಮಂಗಳಾರತಿದೊಟ್ಟುಗು ಶನಿವಾರ ನಡತುಂಡು.

ಈ ಪೂಜೆಡ್ 15ನೇಯ ವರ್ಷದ ಮದಿಮೆದ ವರ್ಷನ್ ಆಚರಣೆ ಮಲ್ತಿನ ಸುನಿಲ್ ಸಂದ್ಯ ನಾಯಕ್ ಮೆಕ್ಲೆಗ್ ಅಂಚನೇ ಧಾರ್ಮಿಕ ಕ್ಷೇತ್ರಡ್ ಸೇವೆ ಮಲ್ತೊಂದು ಉಪ್ಪುನ ಮಿಲನ್ ರಾಜ್ ಮೆಕ್ಲೆಗ್ ಮಂದಿರ ವತಿರ್ದ್ ಗೌರವ ಗುರ್ಕಾರ್ಲಾಯಿನ ವಿನೋದ್ ವಾಘಷಿ ಮೇರ್ ಪೂಜೆದ ಪ್ರಸಾದನ್ ಕೊರ್ದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಗುರ್ಕಾರ್ದಿ ವಿದ್ಯಾ ಅಶೋಕ್ ಕರ್ಕೇರಾ. ಒತ್ತುಗುರ್ಕಾರ್ಲಾಯಿನ ಗುಣಕಾಂತ ಶೆಟ್ಟಿ ಕರ್ಜೆ. ಕೋಶಾಧಿಕಾರಿ ಅಚ್ಚುತ ಕೋಟ್ಯಾನ್,ಜತೆ ಕೋಶಾಧಿಕಾರಿ ಭಾರತಿ ಅಂಚನ್ ಬೊಕ್ಕ ಜಯಕರ್ ಶೆಟ್ಟಿ ಮುದ್ರಾಡಿ,ಪೂಜಾ ಸಮಿತಿದ ಒತ್ತುಗುರ್ಕಾರ್ಲಾಯಿನ ಜಯಲಕ್ಷ್ಮಿ ಸುವರ್ಣ ಬೊಕ್ಕ ವಿಜಯಲಕ್ಷ್ಮಿ ಶೆಟ್ಟಿಗಾರ್,
ಪೂಜಾ ಸಮಿತಿದ ಜತೆ ಕೋಶಾಧಿಕಾರಿ ಶಕುಂತಲಾ ಶೆಟ್ಟಿ,ಮಹಿಳಾ ಸಮಿತಿದ ರಿಷಿಕಾ ಮೂಲ್ಯ, ಹರಿ ಅಮೀನ್ ದಿನೇಶ್ ಶೆಟ್ಟಿ ಗಾರ್ ಮಹಾಬಲ್ ಸುವರ್ಣ, ಕರಾವಳಿ ಸೌಂಡ್ದ ದಿನೇಶ್ ಸುವರ್ಣ, ಪುರ್ಷೊತಮ್,ಯುವ ಸಮಿತಿದ ಜಯೇಶ್ ಸುವರ್ಣ, ಕಾವ್ಯ ಶೆಟ್ಟಿಗಾರ್, ಪ್ರಜ್ಣ್ ಶೆಟ್ಟಿಗಾರ್,ನಿಶಿತ್ ಮೂಲ್ಯ,ಅರ್ಚಕೆರಾಯಿನ ನಿರಾವ್ ಭಟ್ ಪಾಲ್ ಪಡೆದಿತ್ತೆರ್.

ಕೋರೊನದ ನಿವಾರಣೆಗಾದ್ ವಿಶೇಷ ರೀತಿಡ್ ಜಯಲಕ್ಷ್ಮಿ ಸುವರ್ಣ ತಯಾರ್ ಮಲ್ತಿನ ಕಷಾಯ ಬೊಕ್ಕ ಲಘು ಉಪಾಹಾರದೊಟ್ಟುಗು ಲೇಸ್ ದ ನಿರೂಪಣೆ ಬೊಕ್ಕ ಸೊಲ್ಮೆ ಸಂದೈತನ್ ಕಾರ್ಕಳ ಸದಾನಂದ್ ಪೂಜಾರಿ ನಡಪಾದ್ ಕೊರಿಯೆರ್.