ಉಡುಪಿದ ಸುದ್ದಿ | Udupi News

ಸಹಕಾರ ರತ್ನ ಡಾ.ಎಂ.ಎನ್ ರಾಜೇಂದ್ರ ಕುಮಾರ್ ಮೆರ್ನ 73 ನೇ ಪುಟ್ಟು ಪರ್ಬದ ಲೆಕ್ಕೊಡು 73 ಜನಕ್ಕ್ ಪಣವುದ ಸಕಾಯ

ಕುಡ್ಲ,ಫೆ.24: ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ 73ನೇ ಪುಟ್ಟು ಪರ್ಬ ಬೊಕ್ಕ ಮಾನಾದಿಗೆದ ಲೇಸ್ ಅಂಚನೆ ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಕಾರ್ಯಕ್ರಮ ಭಾರೀ ಗೌಜಿಡ್ ಕುಡ್ಲದ ಕೊಡಿಯಾಲ್ ಬೈಲ್ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ದ ಸಭಾಂಗಣಡ್ ನಡತ್ಂಡ್.

ಉಡುಪಿದ ಶ್ರೀ ಪುತ್ತಿಗೆ ಮಠಾಧೀಶೆರ್ ಆಯಿನ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮಿಲು ಲೇಸ್ ನ್ ತುಡರ್ ಆರ್ಲಾದ್ ಉದಿಪನ ಮಲ್ತೆರ್. ಆಯಿಬೊಕ್ಕ ಆಶೀರ್ವಚನ ಮಲ್ತಿನ ಆರ್, ಕೃಷ್ಣನ ಭಕ್ತೆಯಾಯಿನಂಚಿನ ಅರ್ಜುನಲೆಕ್ಕ ಡಾ.ಎಂ.ಎನ್ ರಾಜೇಂದ್ರ ಕುಮಾರ್ ಮೆರ್ ಸಾಧನೆನ್ ಮಲ್ತ್ ದೆರ್. ಏರ್ ಬದ್ ಕ್ ದ್ ಇಪ್ಪುನಗ ಅರೆರ್ದ್ ನೂದು ಜನ ಬದ್ ಕ್ ವೆರ ಆಪಗ ನಮ್ಮ ಜೀವನ ಸಾರ್ಥಕ ಆಪುಂಡ್. ಅಂಚಾದ್ ಆರ್ ಮಲ್ತ್ ದಿನ ಸೇವೆಲು ಇತ್ತೆ ಮಾತೆರೆಗ್ಲಾ ಸ್ಫೂರ್ತಿಯಾತ್ಂಡ್. ರಾಜ ರಾಜೆರ್ಲೆಕ್ಕ ಈ ರಾಜೇಂದ್ರ ನಾನಾತ್ ಸಾಧನೆನ್ ಮಲ್ಪಡ್ ಪಂದ್ ಶ್ರೀ ಕೃಷ್ಣನ ಪ್ರಸಾದನ್ ಕೊರ್ದ್ ಅರೆಗ್ ಅಭಿನಂದನೆ ಮಲ್ತೆರ್.

ಪೆರಿಯ ಪತ್ರಕರ್ತೆರ್ ಆಯಿನ ಮನೋಹರ್ ಪ್ರಸಾದ್ ಅಭಿನಂದನಾ ಭಾಷಣಡ್ ಪಾತೆರ್ದ್, ಪುಟ್ಟು ಆಕಸ್ಮಿಕ, ಸೈಫುಲನ ನಿಶ್ಚಿತ ಆಯಿತ್ತ ನಡುಟ್ಟ್ ನಮ ದಾದ ಮಲ್ಪುನ ಅವ್ ಮುಖ್ಯವಾದಿಪ್ಪುಂಡು. ರಾಜೇಂದ್ರ ಕುಮಾರ್ ಮೇರ್ ಮಲ್ಲಿಗೆ ಪೂತ್ತ ಬಲ್ಲ್ ಇತ್ತಿಲೆಕ್ಕ. ಇನಿ ರಾಜೇಂದ್ರೆರ್ ನಮಕ್ಕ್ ಮಾತ ಮಾದರಿಯಾದ್ ಉಲ್ಲೆರ್ ಪಂದ್ ಪಂಡೆರ್.

ಬತ್ತಿನ ಬಿನ್ನೆರ್ 73ನೇ ಪುಟ್ಟು ಪರ್ಬನ್ ಆಚರಣೆ ಮಲ್ತೊಂದ್ ಇಪ್ಪುನ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೇರೆಗ್ ಪೂ ಪಾಡ್ದ್ ಫಲಪುಷ್ಪನ್ ಕೊರ್ದ್ ಮಾನಾದಿಗೆ ಮಲ್ತೆರ್. ಅಂಚನೆ ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆದ 73 ಫಲಾನುಭವಿಲೆನ್ ಸವಲತ್ತು ಕೊರ್ಪಿನ ಲೇಸ್ ನಡತ್ಂಡ್.

ಅಭಿನಂದನಾ ಸಮಿತಿದ ಕಾರ್ಯದರ್ಶಿ ಭಾಸ್ಕರ್ ಎಸ್.ಕೋಟ್ಯಾನ್, ಸದಸ್ಯೆರ್ ಆಯಿನ ವಿನಯಕುಮಾರ್ ಸೂರಿಂಜೆ, ನಾಡೋಜ ಜಿ.ಶಂಕರ್, ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಕುಡ್ಲ ವಿಶ್ವ ವಿದ್ಯಾನಿಲಯದ ಫ್ರೊ. ಪಿ.ಎಸ್.ಯಡಪಡಿತ್ತಾಯ, ಯಶ್ ಪಾಲ್ ಸುವರ್ಣ, ಶಶಿಕುಮಾರ್ ಬೊಲ್ಯೋಟ್ಟು, ಜಯರಾಮ ರೈ, ವಾದಿರಾಜ ಶೆಟ್ಟಿ, ಸದಾಶಿವ ಉಳ್ಳಾಲ , ರಾಜು ಪೂಜಾರಿ, ಅಶೋಕ್ ಕುಮಾರ್, ಹರಿಶ್ಚಂದ್ರ, ರಾಜೇಶ್ ರಾವ್, ಬ್ಯಾಂಕ್ ದ ವ್ಯವಸ್ಥಾಪನ ನಿರ್ದೇಶಕೆರ್ ರವೀಂದ್ರ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಪುಗರ್ತೆದ ಸಂಗೀತ ಗಾಯಕೆರ್ ಆಯಿನ ವೆಂಕಟೇಶ್ ಬೊಕ್ಕ ವರ್ಷಾ ಪ್ರಾರ್ಥನೆನ್ ಪಂಡೆರ್. ಅಭಿನಂದನಾ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್.

73 beneficiaries receive aid on the occasion of the 73 birthday of ” Sahakara Rathna Dr M.N.Rajendra Kumar”

Mangalore,February 24: The 73rd birthday celebration and distributing aid to beneficiaries was organised today at the Dakshin Kannada district central cooperative bank premises at Mangalore..

Sri Sugunendra Tirtha Swamiji of Puttige Mutt inaugurated the program and conveying his blessings said compared him akin to Arjuna a devotee of Sri Krishna who achieved a lot in life.A person who can give life to many can find a meaning in life.

Senior journalist Manohar Prasad who gave the felicitation address said that birthday is an accident; death is guaranteed ; but what one achieves in life is all that really matters.M.N.Rajendra Kumar’s life is a role model to us all

He was honoured by the guests and 73 benificieries from Udupi and DK received aid.

The secretary of the felicitation committee Bhaskar S Kotian members Vinay Kumar Soorinjay , Sashikuma, Jayaram Rai, Vadiraj Shetty, Sadashiva Ullal, Rajesh Rao and Ravindra the MD of the bank participated in the program. The president of the felicitation committee Aikala Deviprasad Shetty welcomed the guests.