Mon. Nov 23rd, 2026

ಊರ್ದ ಸುದ್ದಿ Regional News

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಅಕ್ಟೋಬರ್ ತಿಂಗೊಲ್ ದ ತಾರೀಖ್ 11 ನೇ ಸೋಮಾರ ಬಯ್ಯಗ್ 6 ಗಂಟೆಗ್ ಅಂತಾರಾಷ್ಟ್ರೀಯ ಪೊನ್ನು ಜೋಕುಲ್ನ ದಿನತ್ತ ಪ್ರಯುಕ್ತ ಪ್ರಾಯಗ್ ಬತ್ತಿನ ಪೊನ್ನುಲೆಡ ಉಪ್ಪುನ ಸ್ವಚ್ಛತೆ -ಪೊನ್ನು ಜೋಕುಲ್ ದಾದ ಮನ್ಪೊಡ್ ಪನ್ಪಿನ ವಿಷಯಡ್ ಪ್ರಸಾರ ಆಯರೇ ಉಂಡು. ಮಣಿಪಾಲ ಕೆ.ಎಂ.ಸಿ ದ ಸಮುದಾಯ ವೈದ್ಯಕೀಯ ವಿಭಾಗದ ಸಹ ಪ್ರಾಧ್ಯಾಪಕೆರ್ ಆಯಿನ ಡಾ. ರಂಜಿತಾ ಎಸ್.ಶೆಟ್ಟಿ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಅಕ್ಟೋಬರ್ 12 ನೇ ದಾನಿ ಮಧ್ಯಾಹ್ನ 1 ಗಂಟೆಗೆ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

ಬಂಟ್ವಾಳಡ್ ತುಲು ಬರವು ಪುದರ್ ಪಲವೆ ಉದಿಪನ

ಇಸ್ವ ತುಲು ಬರವು ದಿನ ಆಯಿನ ಅಕ್ಟೋಬರ್ 10 ತಾರೀಕ್‌ಗ್ ಬಂಟ್ವಾಳ ತಾಲೂಕುದ ಭಂಡಾರಿಬೆಟ್ಟುಡ್ ಯುವಜನ ವ್ಯಾಯಾಮ ಶಾಲೆದ ಪುದರ್ ಪಲವೆನ್ ತುಲು ಲಿಪಿಟ್ ಪಾಡ್ಯೆರ್. ತುಲು ಲಿಪಿ ಕಲ್ಪಾದಿ ಬುಕ್ಕ ಜೈ ತುಲುನಾಡ್ (ರಿ.) ಸಂಘಟನೆದ ಒತ್ತು ಸಂಘಟನಾ ಕಾರ್ಯಂತೆರ್ ಆಯಿನ ಜಗದೀಶ ಗೌಡ ಕಲ್ಕಳ ಮೇರ್ ತುಲು ಬರವುದ ಪುದರ್ ಪಲವೆನ್ ಉದಿಪನ ಮಲ್ತೆರ್. ಅಂಚೆನೇ ತುಲು ಬರವು ದಿನೊತ ಇಸೇಸತೆ ಬುಕ್ಕ ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯ (ಪುವೆಂಪು) ಮೆರೆನ ಪುಟ್ಟು ಪರ್ಬೊನು ತುಲು ಬರವು ದಿನೊ ಆತ್ ಆಚರಿಪುನೆತ ಬಗ್ಗೆ ತೆರಿಪಾಯೆರ್. ಈ ಸಂದರ್ಭೊಡು ತುಲು ಬರವುನ್ ಪೊರ್ಲುಡ್ ಬರೆಯಿನ ಜಯ ಆರ್ಟ್ಸ್‌ದ ಜಯರಾಮ, ಯುವಜನ ವ್ಯಾಯಾಮ ಶಾಲೆ ಭಂಡಾರಿಬೆಟ್ಟು ಉಂದೆತ ಗುರ್ಕಾರ್ಲು ಹೆನ್ರಿ ಪಿರೇರಾ ಒತ್ತುಪಾಲ್‌ಡಿತ್ತೆರ್.

ತುಲುನಾಡ ಯುವಸೇನೆ ಬಂಟ್ವಾಳ ಮುಕ್ಲೆನ ಮುತಾಲಿಕೆಡ್ ಈ ಲೇಸ್ ನಡತ್ಂಡ್. ತುಲು ಲಿಪಿ ಕಲ್ಪಾದಿ ಪೃಥ್ವಿ ತುಲುವೆ ಲೇಸ್‌ನ್ ನಡಪಾದ್ ಕೊರ್ಯೆರ್. ಪುದರ್ ಪಲವೆ ಉದಿಪನ ಆಯಿಬೊಕ್ಕ ಜೈ ತುಲುನಾಡ್ (ರಿ.), ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬುಕ್ಕ ತುಲುನಾಡ ಯುವಸೇನೆ ಬಂಟ್ವಾಳ ಮುಕ್ಲೆನ ಒಟ್ಟು ಸೇರಿಗೆಡ್ ನಡತ್‌ನ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ತುಲು ಲಿಪಿ ಪರೀಕ್ಷೆ ನಡತ್ಂಡ್. ತುಲು ಲಿಪಿ ಕಲ್ಪಾದಿಲಾಯಿನ ಜಗದೀಶ ಗೌಡ ಕಲ್ಕಳ, ಪೂರ್ಣಿಮಾ ಬಂಟ್ವಾಳ ಬುಕ್ಕ ಪೃಥ್ವಿ ತುಲುವೆ ಪರೀಕ್ಷೆನ್ ನಡಪಾದ್ ಕೊರ್ಯೆರ್.

“ಕಾಸ್ ದ ಮೋಕೆ” ಪನ್ಪಿನ ಆಲ್ಬಮ್ ದ ಪೋಸ್ಟರ್ ಬುಡುಗಡೆಯಾತುಂಡ್

ಒಂಜಿ ಸುಂದರವಾಯಿನ ಪ್ರೇಮ ಕಥೆ ಇತ್ತಿನ ಸುಖಿ ಶೆಟ್ಟಿ ನಿರ್ದೇಶನದ ಅಂಚನೆ ನಾಯಕೆರ್ ಆದ್ ಅಭಿನಯ ಮಲ್ತಿನ, ಜಾನಕಿರಾಮ್ ಕ್ರಿಯೇಷನ್ಸ್ ಡ್ ನಿರ್ಮಾಣವಾಯಿನ, ಅಮೃತ ಮೇರ್ ನಾಯಕಿಯಾದ್ ಅಭಿನಯ ಮಲ್ತಿನ ” ಕಾಸ್ ದ ಮೋಕೆ ” ಪನ್ಪಿನ ಆಲ್ಬಮ್ ದ ಪೋಸ್ಟರ್ ಬುಡುಗಡೆಯಾತುಂಡ್. ತೂದು ಲೈಕ್ ಮಲ್ತುದ್ ಮಾತೆರೆಗ್ಲಾ ಶೇರ್ ಮಲ್ತುಲೆ.

ತುಲುಲಿಪಿ ದಿನತ ಪರವಾದ್ ಕಾರ್ಲದ ನಾಲ್ ಶಾಲೆಡ್ ತುಲು‌ಲಿಪಿ ಪುದರ್ ಪಲವೆ ಪಾಡುನ ಲೇಸ್

ಕಾರ್ಲ: ಡಾ. ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯೆರ್ನ  ಪುಟ್ಟು ಪರ್ಬನ್ ತುಲುಲಿಪಿ ದಿನಪಂದ್ ತುಲುವರೆರ್ ಆಚರಣೆ ಮಲ್ತೊಂದು ಉಲ್ಲೆರ್ ನೆತ್ತ ಪರವಾದ್ ಜೈ ತುಳುನಾಡ್ ರಿ. ಸಂಘಟನೆ ಕಾರ್ಲ ಯೂನಿಟ್ ವತಿರ್ದ್ ಈದುಗ್ರಾಮದ ಸರಕಾರಿ ಬೊಕ್ಕ ಖಾಸಗಿ ಅನುದಾನಿತ ಶಾಲೆಗ್ ತುಲುಲಿಪಿತ ಪುದರ್ ಪಲವೆ ಪಾಡಿಯೆರ್.

ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ|‌ಆಕಾಶ್ ರಾಜ್ ಜೈನೆರ್ ಬೊಕ್ಕ ಶ್ರೀಮತಿ ಮಲ್ಲಿಕಾ ಮುನಿರಾಜ್ ಜೈನ್ ಪಾಲ್ ಪಡೆದಿತ್ತೆರ್ ಬೊಕ್ಕ ಶ್ರೀ ಮುಜಿಲ್ನಾಯ ಅನುದಾನಿತ ಖಾಸಗಿ ಶಾಲೆದ ಮುಖ್ಯೋಪಾಧ್ಯಾಯೆರಾಯಿನ ಶ್ರೀ ಜಾನೇಂದ್ರ ಕುಮಾರ್ ಜೈನ್, ಹೊಸ್ಮಾರ್ ಪಬ್ಲಿಕ್ ಸ್ಕೂಲ್ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಪ್ರಭಾವತಿ ಜೈನ್, ಚಂದ್ರನಾಥ ಖಾಸಗಿ ಶಾಲೆ ನೂರಾಳ್‌ಬೆಟ್ಟು ನೆತ್ತ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಶಕುಂತಲಾ ‌ಜೈನ್‌,ಜೈ ತುಳುನಾಡ್ ರಿ. ಕೇಂದ್ರ ಪ್ರಧಾನ‌‌ ಕಾರ್ಯಂತೆರಾಯಿನ ಶ್ರೀ ಸದಾಶಿವ ಮುದ್ರಾಡಿ, ತುಲುಲಿಪಿ ಮೇಲ್ವಿಚಾರಕೇರಾಯಿನ ಶ್ರೀ ಶರತ್ ಕೊಡವೂರು, ಕಾರ್ಲ ಯೂನಿಟಿನ ಸಂಚಾಲಕೆರಾಯಿನ ವಿಶು ಶ್ರೀಕೇರ,ಶೇಖರ್ ಶ್ರೀಗಂಗೆ, ತುಲುಲಿಪಿ ಕಲ್ಪರ್ತಿಲಾಯಿನ ಅಕ್ಷತ ಕುಲಾಲ್,ಕಿನ್ನು ಭಂಡಾರಿ, ಒಡಿಪು ಯೂನಿಟ್ ದ ಸಂಚಾಲಕೆರಾಯಿನ ರಾಜೇಶ್ ತುಳುವೆ ಬೊಕ್ಕ ಸಂಘದ ಸದಸ್ಯೆರ್ ಅಂಚನೇ ಊರುದಕುಲು ಪಾಲ್ ಪಡೆದಿತ್ತೆರ್.

Implementation of TuluLipi Nominee in four schools of Karkala as part of Tululipi Day

Karkala: Tuluvas are celebrating Pundur Venkataraja Punichinthaya’s birthday as Tulipalipi day. The Tulalipi nomination was incorporated into the Government and privately funded schools of the village by the organization Karla Unit.
The main guest of the event was Dr Akash Raj Jain, a member of Karnataka Tulu Literary Academy and Sri Jajendra Kumar Jain, Head of the Sri Mujilnayana Aided Private School
Jai Tulunad (R) Union General Secretary Shri Sadashiva Mudradi, Tulipi Supervisors Sri Sarath Kodavoor, Karla Unit Convener Visu Sreekare, Shekhar Srigange, Tulipi Teachers Akshatha Kulal, Kinu Bhandari, Odeepu Unit Convener Rajesh Tulu and members of the association

ಕುಕ್ಕೆ ಸುಬ್ರಾಯ ದೇವಲ್ಯ; ಕೋವಿಡ್ ನೆಗೆಟಿವ್ ರಿಪೋರ್ಟ್ ಬೋಡು

ಸುಬ್ರಹ್ಮಣ್ಯ, ಅ.11: ಕುಕ್ಕೆ ಸುಬ್ರಹ್ಮಣ್ಯ ದೇವಾಲಯಡ್ ದೇವೆರ್ ನ್ ತೂಯರೆ ಬೊಕ್ಕ ಸೇವೆನ್ ಮಲ್ಪರೆ ಕೋವಿಡ್-19 ನಿಯಮಲ್ ಕಡ್ಡಾಯವಾದುಂಡ್.

2 ಡೋಸ್ ಕೋವಿಡ್ ಲಸಿಕೆನ್ ದೆತೊಂದಿಪ್ಪೊಡ್. 72 ಗಂಟೆದ ಉಲಯಿ ಆರ್‌ಟಿಪಿಸಿಆರ್ ನೆಗೆಟಿವ್ ವರದಿ ಇತ್ತ್ಂಡ ಸೇವೆನ್ ಮಲ್ಪರೆ ಅವಕಾಶನ್ ಕೊರಿಯರ ಆಪುಂಡ್. ದೇವಸ್ಥಾನದ ರಾಜಗೋಪುರದ ಕೈತಲ್ ಭಕ್ತೆರೆಗಾದ್ ಕೋವಿಡ್ ಲಸಿಕಾ ಕೇಂದ್ರ ಉಂಡು. ಅಲ್ಪನೆ ಆರ್‌ಟಿಪಿಸಿಆರ್ ಪರೀಕ್ಷೆನ್ ಮಲ್ಪೊಲಿ.

ಕಾರಂತೆರ್ ಚೈತನ್ಯ ಜಿಂಜಾಯಿನ ಮಹಾತ್ಮೆರ್; ಪೇಜಾವರ ಶ್ರೀ

ಕುಡ್ಲ. ಅ.11: ಕಲೆ, ಸಾಹಿತ್ಯ, ಸಂಸ್ಕೃತಿ ಯಂಕುಲ್ನ ಬದ್ ಕ್ ಗ್ ಚೈತನ್ಯನ್ ಕೊರ್ಪುಂಡು. ಏರ್ ಯಂಕುಲ್ನ ಬದುಕ್ ಅತ್ತಂದೆ ಸಮಾಜಗ್ ಎಡ್ಡೆಪ್ಪುನ್ ಬಯಕುವೆರ್ ಅಕುಲ್ ಮಹಾತ್ಮೆರ್ ಆದುಪ್ಪುವೆರ್.

ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತೆರ್ ಡಾ| ಕೋಟ ಶಿವರಾಮ ಕಾರಂತೆರ್ ಈ ರೀತಿಡ್ ಚೈತನ್ಯನ್ ಜಿಂಜಾದೆರ್ ಪಂದ್ ಒಡಿಪು ಪೇಜಾವರ ಮಠಾಧೀಶೆರಾಯಿನ ಶ್ರೀ ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿ ಪಂಡೆರ್.

ಶಿವರಾಮ್ ಕಾರಂತೆರ್ ನ ಪುಟ್ಟು ಪರ್ಬದಾನಿ ಕಲ್ಕೂರ ಪ್ರತಿಷ್ಠಾನದ ವತಿಡ್ದ್ ಕುಡ್ಲಡ್ ಅಟ್ಟನೆ ಮಲ್ತಿನ ಲೇಸ್ ಡ್ ತರಂಗ ವ್ಯವಸ್ಥಾಪಕೆರ್ ಸಂಪಾದಕಿ ಡಾ| ಸಂಧ್ಯಾ ಎಸ್‌. ಪೈ ಮೇರೆಗ್ “ಕಾರಂತ ಪ್ರಶಸ್ತಿ’ ಕೊರ್ದು, ಸ್ವಾಮೀಜಿ ಆಶೀರ್ವಚನ ಮಲ್ತೆರ್.

ಕುಡ್ಲ ದಸರಾ ಉಚ್ಚಯಗ್ ಚಾಲನೆ ಕೊರಿನ ಜನಾರ್ದನ ಪೂಜಾರ್ಲು

ಕುಡ್ಲ, ಅ.11: ಕುಡ್ಲ ದಸರಾ ಉಚ್ಚಯಗ್ ಕುದ್ರೋಳಿ ಕ್ಷೇತ್ರದ ಅಭಿವೃದ್ಧಿ ರೂವಾರಿ ಜನಾರ್ದನ ಪೂಜಾರ್ಲು ಐತಾರದಾನಿ ಚಾಲನೆ ಕೊರಿಯೆರ್.

ಶ್ರೀ ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರಡ್ ನಡತಿನ ಲೇಸ್ ಡ್ ಕೇಂದ್ರದ ಮಾಜಿ ಸಚಿವೆರ್ ಜನಾರ್ದನ ಪೂಜಾರ್ಲು ಅಂಚನೆ ಬಿನ್ನೆರ್ ತುಡರ್ ಅರ್ಲಾದ್
ಉಚ್ಚಯಗ್ ಚಾಲನೆ ಕೊರಿಯೆರ್. ಈ ಪೊರ್ತುಡ್ ಕ್ಷೇತ್ರದ ಸಮಿತಿ ಸದಸ್ಯೆರ್, ಶಾಸಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Mangalore Dussehra festivities inaugurated

Mangalore October 11: The historical Mangalore Dussehra festivities was inaugurated by ex minister Janardhan Poojary at Sri Gokarnatheswa temple. He has also been instrumental in the development of the temple and in other progressive activities at the temple.

Members of the management committee of the temple and devotees took part in the program.

ಕಡಿಯಾಳಿ ಶ್ರೀ ಮಹಿಷಮರ್ಧಿನಿ ದೇವಸ್ಥಾನಡ್ ಶರನ್ನವರಾತ್ರಿ ಉಚ್ಚಯ

ಒಡಿಪು : ಕಡಿಯಾಳಿ ಶ್ರೀ ಮಹಿಷಮರ್ಧಿನಿ ದೇವಲೊಡು ತಾರೀಖ್ 07-10-2021 ರ್ದ್ 15-10-2021ಮುಟ ಶರನ್ನವರಾತ್ರಿ ಉಚ್ಚಯ ಬಾರಿ ಗೌಜಿಡ್ ನಡತೊಂದು ಉಂಡು.

ಈ ಪೊರ್ತುಡು ದಿನಲ ಚಂಡಿಕಾಯಾಗ, ರಥೋತ್ಸವ ಸೇವೆ, ನವರಾತ್ರಿ ಕಲ್ಲೋಕ್ತ ಪೂಜೆ, ವಿಶೇಷ ಪೂತ ಪೂಜೆ ನಡಪರೆ ಉಂಡು . ಮಧ್ಯಾಹ್ನ ಸಾರ್ವಜನಿಕೆರೆಗ್ ಮಹಾ ಅನ್ನಸಂತರ್ಪಣೆ ವ್ಯವಸ್ಥೆ ಮಲ್ದೆರ್ .

ಶ್ರೀ ದೇವಳಗ್ ಬರ್ಪಿನ ಭಕ್ತೆರೆಗ್ ಕಡಿಯಾಳಿ ಪೆರಿಯ ಪ್ರಾಥಮಿಕ ಶಾಲೆ, ಬೊಕ್ಕ ಕಡಿಯಾಳಿ ಟೆಲಿಫೋನ್ ಎಕ್ಸೆಂಜ್ ಒಳಭಾಗಡ್ ಗಾಡಿ ಪಾರ್ಕಿಂಗ್ ವ್ಯವಸ್ಥೆ ಮಲ್ದೆರ್ ಪಂದ್ ವ್ಯವಸ್ಥಾಪಕೆರಾಯಿನ ಮಂಡಳಿದ ಗುರ್ಕಾರ್ಲಾಯಿನ ಡಾ. ರವಿರಾಜ್ ಆಚಾರ್ಯೆರ್ ಪಂಡೆರ್ .

“ಅಶಕ್ತ ವಿಕಲ ಚೇತನ ಬಂಧುಲೆಗ್ ಆರೋಗ್ಯ ಕಾರ್ಡ್ ಪಟ್ಟುನ ಲೇಸ್

ಕುಡ್ಲ : “ಅಶಕ್ತ ವಿಕಲ ಚೇತನ ಬಂಧುಲೆಗ್ ಆರೋಗ್ಯ ಕಾರ್ಡ್ ಪಟ್ಟುನ ಲೇಸ್ ” ಆದಿತ್ಯ ಟ್ರಸ್ಟ್ (ರಿ ). ನಕ್ರೆ, ಲಯನ್ಸ್ ಕ್ಲಬ್ ನಕ್ರೆ, ಗ್ರಾಮ ಪಂಚಾಯತ್ ಕುಕ್ಕುಂದೂರು, ಮೊಕ್ಲೆನ ಮೂತಾಲೀಕೇಡ್ ಮಹಾತ್ಮಾ ಗಾಂಧಿ ಬೊಕ್ಕ ಲಾಲ ಬಹಾದ್ದೂರ್ ಶಾಸ್ತ್ರಿ ಜಯಂತಿದಾನಿ ಶ್ರೀ ಉದ್ಭವ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರಡು ಅಶಕ್ತ ವಿಕಲ ಚೇತನ ಬಂಧುಲೆಗ್ ಆರೋಗ್ಯ ಕಾರ್ಡ್ ಪಟ್ಟುನ ಉಚ್ಚಯ ನಡತ್ನ್ದ. ವೇದಿಕೆಡ್ ಶಿಕ್ಷಕೆರಾಯಿನ ಹರೀಶ್ ನಾಯ್ಕ್ ಮೇರ್, ಸಮಾಜ ಸೇವೆ ಮಲ್ಪುನ ಪರಪುನ ನೀರ್ದಲೆಕ ಪರತೊಂದು ಇಪ್ಪೊಡು. ಸಮಾಜೊಡು ಬದುಕೊಂದುಪ್ಪುನ ವಿಕಲಚೇತರೆಗ್ ಬೋಡಾಯಿನ ಸೌಲಭ್ಯ ಗೆತ್ದ್ ಕೊರ್ಪಿನ ಬೇಲೆ ಯಾಪೊಲ ನಡತೊಂದೆ ಉಪ್ಪಡ್. ಟ್ರಸ್ಟ್ ನನಲಾ ಆತ್ ಎಡ್ಡೆ ಬೇಲೆ ಸಮಾಜಗೋಸ್ಕರ ಮಲ್ಪಡ್ ಪಂಡ್ದ್ ಪಂಡೆರ್.

ನಿವೃತ್ತ ಶಿಕ್ಷಕಿ ಆಯಿನ ರೀನಾ ಮೇರ್, ನಕ್ರೆ ಪರಿಸರದ ವಿಕಲಚೇತನ ಬಂಧುಲೇಗ್ ವೈದ್ಯಕೀಯ ಗುರುತು ಚೀಟಿ ಯು. ಡಿ. ಐ. ಡಿ. ಮಲ್ತ್ದ್ ಕೊರೆಗ್ ಸಹಾಯ ಮಲ್ಪುವೆ ಪಂಡ್ ಪಂಡೆರ್. ಆದಿತ್ಯ ಟ್ರಸ್ಟಿದ ಅಧ್ಯಕ್ಷೆ ಮಂಜುನಾಥ್ ತೆಂಕಿಲ್ಲಾಯ ಮೇರ್, ಪರಿಸರದ ಸ್ವಚ್ಛತೆ ನಮ ಮಾತೆರ್ಲ ಪೊರ್ಲುಡು ಮಲ್ತ್ನ್ದ ಪೊರ್ಲು ಕಂಟ ಸಮಾಜ ಉದಿತ್ ಬರ್ಪುನ್ಡ್. ಸಮಾಜದ ಜನಮಾನಿಲು ಸ್ವಚ್ಛ ಪರಿಸರಗಾದ್ ಎಡ್ಡೆ ಬೇಲೆ ಮಲ್ತ್ ಪರಿಸರ ಮಾಲಿನ್ಯ ತಡೆ ಗಟ್ಟರೆ ಸಾಧ್ಯ ಉಂಡು. ಅ ಶಕ್ತೇರೆಗಾದ್ ರಾಷ್ಟ್ರ ಪಿತ ಮಹಾತ್ಮಾ ಗಾಂಧಿ ಮಸ್ತ್ ಎಡ್ಡೆ ಬೇಲೆ ಮಲ್ತ್ ದೆರ್ ಪಂಡ್ದ್ ಪಾತೆರ್ಯೆರ್. ಸುದರ್ಶನ್, ಉದ್ಯೋಗ ವಿನಿಮಯ ಕೇಂದ್ರ ಮಣಿಪಾಲ, ಅರುಣ್ ಶೆಟ್ಟಿ ಲಯನ್ಸ್ ಕ್ಲಬ್ ನಕ್ರೆ, ಶಶಿಕಲಾ ಗ್ರಾಮ ಪಂಚಾಯತ್ ಸದಸ್ಯೆ ನಕ್ರೆ, ಸುಮನಾ ಆಶಾ ಕಾರ್ಯಕರ್ತೆ ನಕ್ರೆ, ವೇದಿಕೆಡ್ ಪಾಲ್ ಪಡೆದಿತ್ತೆರ್. ರಮೇಶ್ ಕಜ್ಜನಿ ನಡಪುಡ್ದ್ ಎದ್ಕೊಂಡರ್.

ಕಡಿಯಾಳಿ ದೇವಲೊಗು ಭೇಟಿ ಕೊರಿನ ಗೃಹಸಚಿವ ಅರಗ ಜ್ಞಾನೆಂದ್ರ

ಒಡಿಪು : . ಕರ್ನಾಟಕ ರಾಜ್ಯ ಗೃಹ ಸಚಿವೆರಾಯಿನ ಆರಗಜ್ಞಾನೆಂದ್ರ ಮೇರ್ ನವರಾತ್ರಿದ ಪರ್ವಕಾಲಡ್ ಕಡಿಯಾಳಿ ಶ್ರೀ ಮಹಿಷಮರ್ಧಿನಿ ದೇವಸ್ಥಾನಗ್ ಬತ್ತಿನ ಶ್ರೀ ದೇವರ ಪ್ರಸಾದ ಸ್ವೀಕಾರ ಮಲ್ತೆರ್ . ಈ ಪೊರ್ತುಡು ದೇವಸ್ಥಾನದ ಜೀರ್ಣೋದ್ದಾರ ಕಾಮಗಾರಿ ತೂದು ಸಂತಸ ವ್ಯಕ್ತ ಮಲ್ತೆರ್ .

ಈ ಪೊರ್ತುಡು ಜೀರ್ಣೋದ್ಧಾರ ಸಮಿತಿ ಗೌರವಾಧ್ಯಕ್ಷೆರಾಯಿನ ಬೊಕ್ಕ ಒಡಿಪುದ ಶಾಸಕೆರಾಯಿನ ಕೆ ರಘುಪತಿ ಭಟ್, ಒಡಿಪು ಜಿಲ್ಲಾ ಬಿಜೆಪಿ ಗುರ್ಕಾರ್ಲಾಯಿನ ಕುಯಿಲಾಡಿ ಸುರೇಶ್ ನಾಯಕ್, ಜೀರ್ಣೋದ್ದಾರ ಸಮಿತಿ ಪ್ರಧಾನ ಕಾರ್ಯದರ್ಶಿ ಬೊಕ್ಕ ಒಡಿಪು ನಗರಾಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಕೆ ರಾಘವೇಂದ್ರ ಕಿಣಿ, ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕ ವಿಷ್ಣುವರ್ಧನ್,ಒಡಿಪು ನಗರಸಭೆದ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಗಿರೀಶ್ ಅಂಚನ್, ನಗರಸಭಾ ಸದಸ್ಯಯೆರಾಯಿನ ಶ್ರೀಮತಿ ಗೀತಾ ಶೇಟ್, ರಜನಿ ಹೆಬ್ಬಾರ್ ವ್ಯವಸ್ಥಾಪನ ಮಂಡಳಿದ ಸದಸ್ಯೆರಾಯಿನ ನಾಗರಾಜಶೆಟ್ಟಿ, ರಮೇಶ್ ಶೇರಿಗಾರ್, ಕಿಶೋರ್ ಸಾಲಿಯಾನ್, ಗಣೇಶ್ ನಾಯ್ಕ,ಶ್ರೀಮತಿ ಸಂಧ್ಯಾ ಪ್ರಭು, ಶ್ರೀಮತಿ ಶಶಿಕಲಾ ಭರತ್, ದೇವಳದ ಸರದಿ ಅರ್ಚಕ ದುರ್ಗಾಪ್ರಸಾದ್ ಉಪಾಧ್ಯಾಯ,ಜೀರ್ಣೋದ್ಧಾರ ಸಮಿತಿದ ಸದಸ್ಯೆರಾಯಿನ ಶ್ರೀಮತಿ ಪದ್ಮ ರತ್ನಾಕರ್, ಶ್ರೀಮತಿ ಭಾರತೀ ಚಂದ್ರಶೇಖರ್ ಪಾಲ್ ಪಡೆದಿತ್ತೆರ್.

Home Minister Arag Gyannendra arrives at Kadiyali temple

Udupi. Karnataka State Home Minister Arraga gnanendra arrived at the Sri Maha Mahishamardhini temple at Kadiyali in the early hours of the night and received Sri Prasada. On this occasion, the temple’s builder was pleased with the view.
The President of the Dhiroddhara Samiti in this case, the MLA of Udupi
K Raghupati Bhat, Udupi District BJP President Kuiladi Suresh Nayak, General Secretary of the Jodhpodar Samiti and K Raghavendra Kini, Chairman of Udupi Urban Development Authority, Vishnuvardhan, Udupi District Police Superintendent, Girish Sabha Nagarajashetty, Ramesh Sherigar, Kishore Saliyan, Ganesh Naik, Mrs. Sandhya Prabhu, Mrs. Sasikala Bharat, Devadasi priest Durgaprasad Upadhyaya, Mrs. Padma Ratnakar, Mrs. Bharath Chandra Shekshita, member of the Dharmadhara Samiti.

You Missed