Sun. Nov 22nd, 2026

ಊರ್ದ ಸುದ್ದಿ Regional News

ಬೆಟ್ಟಂಪಾಡಿ ಪದವಿ ಕಾಲೇಜ್ ಡ್ ಎನ್ನೆಸ್ಸೆಸ್‌ ವರ್ಷದ ಚಟುವಟಿಕೆದ ಉದಿಪನ

ಬೆಟ್ಟಂಪಾಡಿ : ಬೆಟ್ಟಂಪಾಡಿ, ಪದವಿ ಕಾಲೇಜ್ ಡ್ ಎನ್ನೆಸ್ಸೆಸ್‌ ವಾರ್ಷಿಕ ಚಟುವಟಿಕೆದ ಉದಿಪನ ಸರಕಾರಿ ಪ್ರಥಮ ದರ್ಜೆ ಕಾಲೇಜು ಬೆಟ್ಟಂಪಾಡಿ ಮುಲ್ಪದ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ವರ್ಷದ ಕಾರ್ಯಚಟುವಟಿಕೆಗ್ ತಾರೀಖ್ ೨೭-೧೧-೨೦೨೧ ಕ್ಕ್ ಉದಿಪನ ಕೊರಿಯೆರ್ . ಕಾಲೇಜು ಅಭಿವೃದ್ಧಿ ಸಮಿತಿದ ಪೆರಿಯ ಸದಸ್ಯೆರಾಯಿನ ಶ್ರೀ ರಂಗನಾಥ ರೈ ಗುತ್ತು ಮೇರ್ ಘಟಕನಾಯಕೆರೆಗ್ ಸಸಿ ಕೊರ್ಪಿನ ಮುಖೇನ ಉದಿಪನ ಮಲ್ತೆರ್ .

ಲೇಸ್ ಉದಿಪನ ಮಲ್ತ್ ಪಾತೆರಿನ ಮೇರ್ ಗ್ರಾಮೀಣ ಅಭಿವೃದ್ಧಿಡ್ ಎನ್ನೆಸ್ಸೆಸ್‌ದ ಪಾತ್ರ ಬಾರಿ ಮಹತ್ತರವಾಯಿನವು , ಸ್ವಯಂ ಸೇವಕೆರ್ನ ಸಕ್ರಿಯ ತೊಡಗಿಸಾವೊಡು ಯಶಸ್ವಿ ಲೇಸ್ ನ್ ಅಟ್ಟನೆ ಮಲ್ಪುನಲ್ಪ ಪ್ರಮುಖ ಪಾತ್ರ ವಹಿಸೊನುಂಡು ಪಂದ್ ಪಂಡೆರ್ .

ಮಲ್ಲ ಬಿನ್ನೆರ್ ನ ನೆಲೆಟ್ಟ್ ಪುತ್ತೂರುದ ನ್ಯಾಯವಾದಿಲಾಯಿನ ಶ್ರೀ ಚಿದಾನಂದ ಬೈಲಾಡಿ ಮೇರ್ ಪಾತೆರ್ದ್ ಎನ್ನೆಸ್ಸೆಸ್‌ ಜೋಕ್ಲೆನ ಸರ್ವತೋಮುಖ ಬುಳೆಚ್ಚಿಲ್ಗ್ ಪೂರಕ ಅವಕಾಶ ಕೊರ್ಪುಂಡು , ಪ್ರಾಮಾಣಿಕ ಪಾಲ್ ಪಡೆಯುನವು ವ್ಯಕ್ತಿತ್ವ ವಿಕಸನಗ್ ಸಾಕಾರಿ ಪಂದ್ ಪಂಡೆರ್ ಎನ್ನೆಸ್ಸೆಸ್‌ಡ್ ತಮ್ಮ ಅನುಭವ ಬೊಕ್ಕ ಕಲಿಕೆನ್ ಪಟ್ಟೋನ್ಡೆರ್ .ಲೇಸ್ ದ ಗುರ್ಕಾರ್ಮೆನ್ ವಹಿಸೊಂಡಿನ ಕಾಲೇಜ್ ದ ಪ್ರಾಂಶುಪಾಲೆರಾಯಿನ
ಡಾ. ವರದರಾಜ ಚಂದ್ರಗಿರಿ ಮೇರ್ ಲಾಕ್‌ಡೌನ್‌ ಪೊರ್ತುಡು ಸ್ವಯಂಸೇವಕೆರ್ನ ಪಾಲ್ ಪಡೆಯುವಿಕೆನ್ ನೆನೆತೊಂಡೆರ್ ಸಮಾಜಮುಖಿ ಲೇಸ್ ನ್ ಅಟ್ಟನೆ ಮಲ್ತಿನ ಎನ್ನೆಸ್ಸೆಸ್‌ ಘಟಕಲು ಯಶಸ್ಸ್ ಪಡೆಯಡ್ ಪಂದ್ ಪಂಡೆರ್ .
ಕಾಲೇಜ್ ದ ಚಾವಡಿಡ್ ನಡತಿನ ಈ ಲೇಸ್ ನ್ ಯೋಜನಾಧಿಕಾರಿಲೆನ ಶ್ರೀ ಹರಿಪ್ರಸಾದ್‌ ಎಸ್‌ ಬೊಕ್ಕ ಶ್ರೀ ಶಶಿಕುಮಾರ ಟಿ, ವಿದ್ಯಾರ್ಥಿ ಕ್ಷೇಮಪಾಲನಾಧಿಕಾರಿಲಾಯಿನ ಶ್ರೀ ದಾಮೋದರ ಕಣಜಾಲು, ಗ್ರಂಥಪಾಲಕೆರಾಯಿನ ಶ್ರೀ ರಾಮ ಕೆ, ನಿರ್ವಹಣಾ ಶಾಸ್ತ್ರ ವಿಭಾಗ ಮುಖ್ಯಸ್ಥೆರಾಯಿನ ಶ್ರೀ ದೀಕ್ಷಿತ್‌ ಕುಮಾರ್‌, ಉಪನ್ಯಾಸಕ ವೃಂದದಕುಲು ಬೊಕ್ಕ ಎನ್ನೆಸ್ಸೆಸ್‌ ಸ್ವಯಂ ಸೇವಕೆರ್ ಪಾಲ್ ಪಡೆದಿತ್ತೆರ್ . ಸ್ವಯಂ ಸೇವಕರಾಯಿನ ಕೃತಿ ರೈ ಕೆ, ಲಿಖಿತಾ ಕೆ, ಶೈಲಜಾ ಎನ್‌, ಕವಿತಾ, ಜಯಶ್ರೀ ಪ್ರಾರ್ಥನೆ ಪದ ಪಡೆಯೆರ್ , ಘಟಕ ನಾಯಕೆರಾಯಿನ ಸಾರ್ಥಕ್‌ ಟಿ ಎದುಕೊಂಡೆರ್ , ಶೋಭಿತ್‌ ಕುಮಾರ್‌ ಕೆ ಸೊಲ್ಮೆಲು ಸಂದೈತ ಮಲ್ತೆರ್ , ಸ್ವಯಂ ಸೇವಕಿ ಶೃತಿ ಸಿ ಲೇಸ್ ನಡಪಾದ್ ಕೊರಿಯೆರ್.

ಮುಲ್ಕಿ: ಬಪ್ಪನಾಡು ಶ್ರೀ ದೇವಲ್ಯೋಗು ಭೇಟಿ ಕೊರಿನ ಬಾಲಿವುಡ್ ನಟ ಸುನಿಲ್ ಶೆಟ್ಟಿ

ಮುಲ್ಕಿ: ಇತಿಹಾಸ ಪ್ರಸಿದ್ಧ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯೋಗು ಬಾಲಿವುಡ್ ನಟ ಸುನಿಲ್ ಶೆಟ್ಟಿ ಇನಿ ಭೇಟಿ ಕೊರ್ದು ಪ್ರಾರ್ಥನೆ ಮಲ್ತೆರ್ .ಅರ್ಚಕ ಶ್ರೀಪತಿ ಉಪಾಧ್ಯಾಯ ಪ್ರಸಾದ ಕೊರ್ದು , ಎಡ್ಡೆಪ್ಪುನು ಬಯಕಿಯೆರ್ . ಈ ಪೊರ್ತುಡು ಸುನಿಲ್ ಶೆಟ್ಟಿ ಪಾತೆರ್ದ್ , ತನ್ನ ಮಗೆ ಆಹನ್ ಶೆಟ್ಟಿನ ಹಿಂದಿ ಚಲನಚಿತ್ರ ಡಿಸೆಂಬರ್ 3 ತಾರೀಖ್ ಗ್ ಬುಡುಗಡೆ ಆಯರೇ ಉಂಡು, ಮಾತಾ ಕಜ್ಜ ಎಡ್ಡೆಪ್ಪುಡು ನಡಪಡ್ ಪಂದ್ ಬಿನ್ನಾಪು ಮಲ್ತೆ ಪಂದ್ ಪಂಡೆರ್.

ಈ ಪೊರ್ತುಡು ಉದ್ಯಮಿ ದೇವಾನಂದ ಶೆಟ್ಟಿ , ಗೋಪಾಲಕೃಷ್ಣ ಭಟ್, ಶಿವಶಂಕರ್ ಪಾಲ್ ಪಡೆದಿತ್ತೆರ್.

ಕುಡ್ಲ : ನಾಗಬನ ಧ್ವಂಸ ಮಲ್ತಿನ ಪ್ರಕರಣ- ಪತ್ತ್ ಸಾರ ಗ್ ಡೀಲ್

ಕುಡ್ಲ : ಕುಡ್ಲ ದ ಕೋಡಿಕಲ್ ಡ್ ನಡತಿನ ನಾಗಬನ ಅಪವಿತ್ರ ಪ್ರಕರಣಗ್ ಸಂಬಂಧಿ ಇತ್ತೆ 8 ಜನನ ಪೊಲೀಸೆರ್ ಪತ್ತ್ ದೆರ್ , ನನಲ ಕೆಲವರ್ನ ಬಂಧನ ಬಾಕಿ ಉಂಡು . ಈ ನಡುಟು ಆಶ್ಚರ್ಯಕರ ವಿಷಯ ದಾದ ಪಂಡ ನಾಗಬನ ಅಪವಿತ್ರ ಡೀಲ್‌ ನಡಪಾಯಿನವು ಕಾಲಿ 10 ಸಾರ ರೂಪಾಯಿಗ್ ಪನ್ಪಿನ ಇಸಯ ತನಿಖೆ ಮಲ್ಪುನ ಪೊರ್ತುಡು ತೆರಿದ್ ಬೈದುಂಡು.

ಕೇರಳಡ್ ನ್ಯೂರೋ ವೈರಸ್ ಪತ್ತೆ: ಕುಡ್ಲಡ್ ಕಟ್ಟೆಚ್ಚರ

ಕುಡ್ಲ : ಕೇರಳದ ವಯನಾಡ್ ಕಾಲೇಜ್ ಡ್ ಕೆಲ ದಿನರ್ದ್ ನ್ಯೂರೋ ವೈರಸ್ ಪತ್ತೆಯಾಯಿನ ನೆಲೆಟ್ಟ್ ಗಡಿ ಪ್ರದೇಶ ದ.ಕ., ಕೊಡಗು ಜಿಲ್ಲೆಡ್ ನಿಗಾ ದೀಯೋಡು ಪಂದ್, ರಾಜ್ಯ ಆರೋಗ್ಯ ಇಲಾಖೆ ಸೂಚನೆ ಕೊರ್ತುಂಡು .

ಸರಕಾರದ ಈ ಸೂಚನೆಡ್ ನ್ಯೂರೊ ಸೋಂಕು ಪ್ರಕರಣ ತೂಯರೇ ವೈದ್ಯರೆನ್ಲ ನೋಡೆಲ್ ಅಧಿಕಾರಿಯಾದ್ ನೇಮಕ ಮಲ್ದೆರ್.

ಕುಡ್ಲ : ನಾಗಬನ ಧ್ವಂಸ ಪ್ರಕರಣ; 8 ಆರೋಪಿಲೆನ್ ಪತ್ತಿನ ಪೊಲೀಸೆರ್

ಕುಡ್ಲ : ಪೇಂಟೆದ ಕೂಳೂರು ಬೊಕ್ಕ ಕೋಡಿಕಲ್ ಡ್ ನಾಗಬನಕ್ ಪೋಗ್ಗುದು ನಾಗದೇವೆರ್ನ ಬಿಂಬದ ಕಲ್ಲ್ ಗ್ ಹಾನಿ ಮಲ್ತಿನ ಪ್ರಕರಣದ ಆರೋಪಿಲೆನ್ ಪೊಲೀಸೆರ್ ಪತ್ತ್ ದೆರ್ .

ಸಫ್ವಾನ್, ಪ್ರವೀಣ್ ಅನಿಲ್ , ಮಹಮ್ಮದ್ ಸೊಹೇಲ್, ನಿಕಿಲೇಶ್, ಜಯಂತ್, ಪ್ರತೀಕ್, ಮಂಜುನಾಥ್, ನೌಶಾದ್ ಹರೇಹಳ್ಳಿ ಬೇಲೂರು ಬಂಧಿತೆರ್ .ಕುಡ್ಲಡ್ ಸಂಚಲನ ಮಲ್ತಿನ ಈ ಪ್ರಕರಣನ್ ಖಂಡಿಸಾದ್ , ಹಿಂದೂ ಸಂಘಟನೆಲು ಕೋಡಿಕಲ್ ಬಂದ್ ಮಲ್ತ್ ಪ್ರತಿಭಟನೆ ನಡಪಾದ್ ಇತ್ತೆರ್ . ಆತೆ ಅತ್ತoದೆ , ದುಷ್ಕರ್ಮಿಲೆನ ಬಂಧನಗ್ 20 ದಿನತ ಗಡುವು ಕೊರ್ದು ಇತ್ತೆರ್ . ಮೂಲ್ಕಿ, ಮೂಡುಬಿದಿರೆ, ಪಣಂಬೂರು, ಕಾವೂರು ಠಾಣೆ ಸೇರ್ದ್ 40 ಪೊಲೀಸ್ ಸಿಬಂದಿ ಕೂಟ ಮಲ್ತ್ ಇತ್ತೆರ್ ಇತ್ತೆ ಈ ಆರೋಪಿಲೆನ್ ಪತ್ತುನಲ್ಪ ಅಧಿಕಾರಿಲು ಯಶಸ್ವೀ ಆತೆರ್

ಹಾವಂಜೆ ಗ್ರಾಮ ವಿಕಾಸ ಸಮಿತಿದ ಒಟ್ಟು ಸೇರಿಗೆಡ್ ಸಂವಿಧಾನ ದಿನಾಚರಣೆ ಬೊಕ್ಕ ಬೂಕು ಕೊಡುಗೆ

ಪಾವಂಜೆ : 26-11-2021 ಕ್ಕ್ ಹಾವಂಜೆ ಗ್ರಾಮ ಪಂಚಾಯತ್ ಡ್ ಹಾವಂಜೆ ಗ್ರಾಮ ವಿಕಾಸ ಸಮಿತಿದ ಒಟ್ಟು ಸೇರಿಗೆಡ್ ಸಂವಿಧಾನ ದಿನಾಚರಣೆ ಬೊಕ್ಕ ಬೂಕು ದಾನಿಲೆರ್ದ್ ಒಟ್ಟು ಮಲ್ತಿನ ಮೌಲ್ಯಯುತ ಬೂಕುಲೆನ್ ಹಾವಂಜೆ ಗ್ರಾಮ ಪಂಚಾಯತ್ ಗ್ರಂಥಾಲಯಗ್ ಕೊರಿಯೆರ್ .

ಸಂವಿದಾನ ದಿನಾಚರಣೆದ ಮಹತ್ವ ಬೊಕ್ಕ ಹಾವಂಜೆ ಗ್ರಾಮ ವಿಕಾಸ ಸಮಿತಿದ ಪದುಕೆರ್ ಒವ್ವೆ ಫಲಾಪೇಕ್ಷೆ ಇಜ್ಜಂದೆ ಧ್ಯೇಯ ಒಂಜೇ ಗ್ರಾಮ ವಿಕಾಸ ಪನ್ಪಿನ ಧ್ಯೇಯ ವಾಕ್ಯದೊಟ್ಟುಗು ಗ್ರಾಮಡ್ ನಡಪುನ ಸ್ವಚ್ಚತಾ ಲೇಸ್ ,ನೆತ್ತೆರ್ ದಾನ ಶಿಬಿರ,ಪಾಪದ ರೋಗಿಲು ಅಂಚನೆ ಅಶಕ್ತೆರೆಗ್ ಸಾಕಾರ ಕೊರ್ಪಿನ ,ಶಾಲಾ ಜೋಕ್ಲೆಗ್ ವಿಮೆ,ಗ್ರಂಥಾಲಯಗ್ ಬೂಕು ಕೊಡುಗೆ ದಾನ ಇಂಚಿನ ಬೇಲೆ ಗ್ರಾಮದ ಬೇಟೆ ಬೇತೆ ಸಂಘ ಸಂಸ್ಥೆಗ್ ಮಾದರಿಯಾತುಂಡು ಪ್ರತಿಯೊಂಜಿ ಸಂಘಸಂಸ್ಥೆಲು ಗ್ರಾಮದ ಅಭಿವೃದ್ದಿಡ್ ಅಕ್ಲೆನ್ ತೊಡಗಾವೊಡು ಪಂದ್ ಹಾವಂಜೆ ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ಅಜಿತ್ ಗೋಳಿಕಟ್ಟೆ ಪಂಡೆರ್.

ಈ ಲೇಸ್ ಡ್ ಪಂಚಾಯತ್ ಅಭಿವೃದ್ದಿ ಅಧಿಕಾರಿಲಾಯಿನ ದಿವ್ಯ ಎಸ್,ಒತ್ತು ಗುರ್ಕಾರ್ಲಾಯಿನ ಸುಜಾತ ಶೆಟ್ಟಿ,ಕಾರ್ಯದರ್ಶಿ ವಿಮಾಲಾಕ್ಷಿ ಶೆಟ್ಟಿ,ಗ್ರಂಥಾಲಯ ಮೇಲ್ವಿಚಾರಕಿ ಸುಮತಿ ಹಾವಂಜೆ ಗ್ರಾಮ ವಿಕಾಸ ಸಮಿತಿದ ಗುರ್ಕಾರ್ಲಾಯಿನ ಸತ್ಯನಾರಾಯಣ ಆಚಾರ್ಯ ಬೊಕ್ಕ ಪದುಕೆರ್ ,ಹಾವಂಜೆದ ಅಂಗನವಾಡಿ ಕಾರ್ಯಂತೆರ್, ,ಪಂಚಾಯತ್ ಸಿಬ್ಬಂದಿಲು ಬೊಕ್ಕ ಕೈತಲ್ ದಕುಲು ಪಾಲ್ ಪಡೆದಿತ್ತೆರ್.
ಪಂಚಾಯತ್ದ ಸದಾಶಿವ ಮೇರ್ ಲೇಸ್ ನಡಪಾದ್ ಕೊರಿಯೆರ್.

ಪುಟ್ಟು ಪರ್ಬ ದಾನಿ ಹೆಗ್ಡೆರೆಗ್ ಎಡ್ಡೆಪ್ಪುನು ಬಯಕಿನ ಜೈನ ಮಠದ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ

ಉಜಿರೆ: ಧರ್ಮಸ್ಥಳಡ್ ಗುರುವಾರ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆ ಮೆರೆನ 74 ಪುಟ್ಟು ಪರ್ಬನ್ ಬಾರಿ ಸರಳ ರೀತಿದ್ ಆಚರಣೆ ಮಲ್ತೆರ್ .ಜೈನ ಮಠದ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ, ಹೆಗ್ಗಡೆ ದಂಪತಿಗ್ ವಿಶೇಷ ಪ್ರಸಾದ ಕೊರ್ದು ಎಡ್ಡೆಪ್ಪುನು ಬಯಕಿಯೆರ್ .

ಮಾಜಿ ಸಚಿವ ಕೆ. ಅಭಯಚಂದ್ರ ಜೈನ್, ಪಟ್ನಶೆಟ್ಟಿ ಸುದೇಶ್ ಕುಮಾರ್ ಜೈನ್, ಬಸದಿದ ಆಡಳಿತ ಮೊಕ್ತೇಸರ ಆನಡ್ಕ ದಿನೇಶ್ ಕುಮಾರ್ ಪಾಲ್ ಪಡೆದಿತ್ತೆರ್ .


Charu Keerthi Bhattaraka Swamiji sends birthday wishes to Veerendra Heggade.

Ujjire: Dr D. Veerendra Heggade celebrated his 74th birthday on Thursday.The Swamiji of Jain Mutt Moodbidri ,sent in his blessings and good wishes.

Former minister Abhay Chandra Jain, Patnashetty Sri Sudish Kumar, the managing trustees of the temples Sri Dinesh Kumar, Sri Adarsh also conveyed their good wishes.

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ-ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ನವೆಂಬರ್ ತಿಂಗೊಲ್ ದ ತಾರೀಖ್ 26 ನೇ ಶುಕ್ರಾರದಾನಿ ಬಯ್ಯಗ್ 6 ಗಂಟೆಗ್ ಪಾಯಿಖಾನೆದ ಸ್ವಚ್ಛತೆನ್ ತೂಪಿನ ಅಗತ್ಯತೆದ ಬಗೆಟ್ ಕಾರ್ಯಕ್ರಮ ಪ್ರಸಾರ ಆಯೆರೆ ಉಂಡು.

ಭಾರತೀಯ ಅಂಚೆ ಇಲಾಖೆದ ಉದ್ಯೋಗಿಲು ಆಯಿನ ಪೂರ್ಣಿಮಾ ಜನಾರ್ಧನ್, ಸಾಮಾಜಿಕ ಕಶರ್ಯಕರ್ತೆರ್ ದಿನಕರ ಬೆಂಗ್ರೆ, ಪ್ರತಾಪ್ ಉದ್ಯಾವರ, ಮುಕ್ತಾ ಶ್ರೀನಿವಾಸ್ ಭಟ್, ಮಣಿಪಾಲ ಬಾರತೀಯ ವಿಕಾಸ ಟ್ರಸ್ಟ್ ದ ಕಾರ್ಯಕ್ರಮ ಸಂಯೋಜಕೆರ್ ಲಕ್ಷ್ಮೀ ಬಾಯಿ ಬೊಕ್ಕ ಕಾರ್ಯಕ್ರಮ ಅಧಿಕಾರಿಲು ಪ್ರತಿಮಾ, ಗೃಹಿಣಿ ಮಾಲತಿ ರಮೇಶ್ ಭಂಡಾರಿ ಕೆಮ್ಮಣ್ಞು ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ನವೆಂಬರ್ 27 ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

ಎಕ್ಕಾರ್ ಡ್ ತುಲು ಲಿಪಿ ಕಜ್ಜಕೊಟ್ಯ ದ ಉದಿಪನ

ಎಕ್ಕಾರ್ : ತೇದಿ 28/11/2021 ನೆ ಐತಾರೋ ಬೈಯ್ಯಗ್ 4 ಗಂಟೆಗ್ ಎಕ್ಕಾರ್ ಪಂಚಾಯತ್ ಸಭಾಂಗಣ ಡ್ ” ಬಲೆ ತುಲು ಲಿಪಿ ಕಲ್ಪುಗ ” ಕಜ್ಜ ಕೊಟ್ಯ ನಡಪರೇ ಉಂಡು.

ಜೈ ತುಲುನಾಡ್ (ರಿ.)ಬೊಕ್ಕ ಇಂಡಿಯನ್ ರೂಟ್ಸ್ ಫೌಂಡೇಶನ್ ಒಟ್ಟು ಸೇರಿಗೆಡ್ ” ಗೋಡೆ ಚಿತ್ರ ಬರವು ಅಭಿಯಾನ “

ಕುಡ್ಲ : ಜೈ ತುಲುನಾಡ್ (ರಿ.)ಬೊಕ್ಕ ಇಂಡಿಯನ್ ರೂಟ್ಸ್ ಫೌಂಡೇಶನ್ ಒಟ್ಟು ಸೇರಿಗೆಡ್ ತುಲುನಾಡ್ ನ್ ಪೊರ್ಲು ದೀವೊಡು, ತುಲುನಾಡ್ ಪೊರ್ಲು ತೋಜೋಡು ಪನ್ಪಿ ದಿಟ್ಟಿಡ್ ಜನ ಜಾಗ್ರತಿದ ” ಗೋಡೆ ಚಿತ್ರ ಬರವು ಅಭಿಯಾನ ” ಪೊರ್ಲು ತುಳುನಾಡ್ ತಾರೀಖ್ 5/12/2021 ಕ್ಕ್ಕಾಂ ಡೆ 7 ಗಂಟೆರ್ದ್ 12 ಗಂಟೆ ಮುಟ ಕುಡ್ಲದ ಲಾಲ್ ಭಾಗ್ ಗ್ ನಡಪರೇ ಉಂಡು.

You Missed