Sun. Nov 22nd, 2026

ಊರ್ದ ಸುದ್ದಿ Regional News

ಕುಕ್ಕೆ ಸುಬ್ರಹ್ಮಣ್ಯಗ್ ಪೋಪಿನ ಭಕ್ತಾದಿಲೆಗ್ ಮಹತ್ವದ ಮಾಹಿತಿ

ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯಗ್ ಪೋಪಿನ ಭಕ್ತಾದಿಲೆಗ್ ಮಹತ್ವದ ಮಾಹಿತಿ ಮೂಲು ಉಂಡು , ರಾಜ್ಯ ಸರ್ಕಾರ ಕೊರೊನಾ ನಿರ್ಬಂಧಲೆಗ್ ಸಂಪೂರ್ಣವಾದ್ ಪಿರ ದೆತೊನಿನ ನೆಲೆಟ್ಟ್ ದೇವಲ್ಯೋಡು ದುಂಬುದಲಕನೆ ಮಾತಾ ಸೇವೆ ಸುರು ಆಯರೇ ಉಂಡು.

ದೇವಲ್ಯೊದ ಆಡಳಿತ ಮಂಡಳಿ ಈ ಬಗ್ಗೆ ಪ್ರಕಟಣೆ ಬುಡುಗಡೆ ಮಲ್ದುಂಡು , ತಾತ್ಕಾಲಿಕವಾದ್ ಉoತಾದ್ ಇತ್ತಿನ ಧಾರ್ಮಿಕ ಸೇವೆಗನ್ ಕುಡ ಸುರು ಮಲ್ದೆರ್ . ಭಕ್ತಾದಿಲು ಈ ದುಂಬುದಲಕನೇ ಮಾತಾ ಸೇವೆ ಪಡೆದ್ ದೇವೆರೆ ದರ್ಶನ ಮಲ್ಪರೆ ಅವಕಾಶ ಒದಗಾದ್ ಕೊರ್ತೆರ್.

ಕನ್ನಡ ಚಿತ್ರರಂಗದ ಪೆರಿಯ ನಟ ಅಶೋಕ್ ರಾವ್ ನಿಧನ

ಬೆಂಗ್ಳೂರು: ಕನ್ನಡ ಚಲನಚಿತ್ರರಂಗದ ಪೆರಿಯ ನಟ ಅಶೋಕ ರಾವ್ ಇನಿ ತೀರ್ ಪೋಯೆರ್ .

ಮೆರೆಗ್ ಕ್ಯಾನ್ಸರ್ ಸೀಕ್ ಇತ್ತಿನೆರ್ದಾವರ , 15 ದಿನರ್ದ್ ಮರ್ದ್ ಪಡೆಯೊಂದು ಇತ್ತೆರ್ . ಮೇರ್ ಬೊಡೆದಿ ಮಗೆ ಬೊಕ್ಕ ಮರ್ಮಲೇರ್ದ್ ದೂರ ಆತೆರ್ . ಮೇರ್ ಕನ್ನಡಡ್ ನೂದೆರ್ದ್ ಜಾಸ್ತಿ ಚಿತ್ರಡ್ ಅಭಿನಯ ಮಲ್ದೆರ್ ,

ಪೆರ್ವಾಜೆ ಶ್ರೀ ಶಿರ್ಡಿ ಸಾಯಿಬಾಬ ಮಂದಿರದ 9ನೇ ವರ್ಧಂತ್ಯೋತ್ಸವ

ಕಾರ್ಲ: ಪೆರ್ವಾಜೆ ಶ್ರೀ ಶಿರ್ಡಿ ಸಾಯಿಬಾಬ ಮಂದಿರದ ೯ನೇ ವರ್ಧಂತ್ಯೋತ್ಸವ ಫೆ.೧೪ ಸೋಮಾರ ನಡಪರೆ ಉಂಡು.
ಸೋಮಾರ ಕಾಂಡೆ ೬.೩೦ಗು ದ್ವಾರ ಪೂಜೆ, ಕಲಶಾಭಿಷೆಕ, ಕಾಕಡಾರತಿ, ಪ್ರಸಾದ ವಿತರಣೆ, ೮.೩೦ ಗಂಟೆರ್ದ್ ಪ್ರಾರ್ಥನಾ ಪೂಜೆ, ಮಹಾಪೂಜೆ , ಅನ್ನಸಂತರ್ಪಣೆ ಅಂಚೆನೆ ಬಯ್ಯಡ್ ೫.೩೦ರ್ದು ಭಜನಾ ಕಾರ್ಯಕ್ರಮ ನಡಪರೆ ಉಂಡು.


ಸಾಂಸ್ಕೃತಿಕ ಕಾರ್ಯಕ್ರಮದ ನಿಟ್ಟ್ ಕಾಂಡೆ ೧೦ ಗಂಟೆರ್ದ್ ೧೨.೩೦ ಮುಟ್ಟ ಶಿರ್ಡಿ ಸಾಯಿ ಡಿಗ್ರಿ ಕಾಲೇಜ್ ಕಲ್ಪಾರ್ಥಿಲೆರ್ದ್ ಸುಗಮ ಸಂಗೀತ ಬೊಕ್ಕ ನೃತ್ಯ ಕಾರ್ಯಕ್ರಮ ನಡಪರೆ ಉಂಡು. ಬಯ್ಯ ೫.೩೦ರ್ದು ೮.೩೦ ಮುಟ್ಟ ವೇಣಿ ಸುಬ್ರಹ್ಮಣ್ಯ ಭಟ್ ಅಂಚೆನೆ ಕೆ.ಪಿ, ಶಾಂಭವ ಸರ್ವ ಸದಸ್ಯೆರೆರ್ದ್ ಭಜನಾ ಸೇವೆ ನಡಪರೆ ಉಂಡು ಪಂದ್ ಶ್ರೀ ಶಿರ್ಡಿ ಸಾಯಿಬಾಬ ಮಂದಿರದ ಸಂಸ್ಥಾಪಕೆರ್ ಬೊಕ್ಕ ಆಡಳ್ತೆ ಮೊಕ್ತೇಸರೆರ್, ಅಂಚೆನೆ ಶಿರ್ಡಿ ಸಾಯಿ ಪದವಿ ಕಾಲೇಜಿದ ಅಧ್ಯಕ್ಷೆರ್ ಅಯಿನ ಚಂದ್ರಹಾಸ್ ಸುವರ್ಣ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.

ಶ್ರೀ ಲಕ್ಷ್ಮೀವಿಷ್ಣುಮೂರ್ತಿ ದೇವಸ್ಥಾನ ದೇವಂದಬೆಟ್ಟು :ದ್ರವ್ಯ ಮಿತ ಸಹಸ್ರ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ

ಬಂಟ್ವಾಳ : ತಾರೀಖ್ , 20-02-2022 ನೇ ಐತಾರ ಕಾಂಡೆ 8:33 ಗಂಟೆಗ್ ಒದಗುನ ಮೀನ ಲಗ್ನಡ್ ದೇವಂದಬೆಟ್ಟು ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವೆರೆಗ್ ದ್ರವ್ಯ ಮಿತ ಸಹಸ್ರ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ, ವರ್ಷದ ಉಚ್ಚಯ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಅಮೃತ ಹಸ್ತಡ್ ನಡಪೆರೆ ಉಂಡು.

ಆ ಪ್ರಯುಕ್ತ ತಾರೀಖ್ 15-02-2022 ರ್ದ್ 14-02-2022 ತಾರೀಖ್ ಮುಟ ನಡಪುನ ಬೇತೆ ಬೇತೆ ವೈದಿಕ, ಧಾರ್ಮಿಕ, ಸಾಂಸ್ಕತಿಕ ಲೇಸ್ ಡ್ ಪಾಲ್ ಪಡೆದ್ ತನು-ಮನ-ಧನರ್ದ್ ಸಾಕಾರ ಕೊರ್ದು , ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವೆರ್ನ ಪೂರ್ಣಾನುಗ್ರಹಗ್ ಪಾತ್ರರಾವೊಡು ಪಂದ್ ಬಿನ್ನಾಪು ಮಲ್ದೆರ್.

ಶ್ರೀ ಷಣ್ಮುಖಸುಬ್ರಹ್ಮಣ್ಯ ದೇವಸ್ಥಾನ : ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

ಸಜೀಪ : ತಾರೀಖ್ 09-02-2022 ಬುಧವಾರರ್ದ್ 14-02-2022 ಸೋಮವಾರ ಮುಟ ಬಂಟ್ವಾಳ ಪೇಂಟೆದ ಸಜೀಪನಡು ಗ್ರಾಮದ ಶ್ರೀ ಷಣ್ಮುಖಸುಬ್ರಹ್ಮಣ್ಯ ದೇವಸ್ಥಾನೊಡು ಬ್ರಹ್ಮಶ್ರೀ ನೀಲೇಶ್ವರ ಕೆ. ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಪೊಸ ಶಿಲಾಮಯ ಗರ್ಭಗುಡಿಟ್ ಶ್ರೀ ಷಣ್ಮುಖಸುಬ್ರಹ್ಮಣ್ಯ ದೇವೆರ್ನ ಅಂಚನೆ ಪರಿವಾರ ಸಾನ್ನಿಧ್ಯದ ಪುನಃ ಪ್ರತಿಷ್ಠೆ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಜಾತ್ರಾ ಉಚ್ಚಯ ಆಗಮೋಕ್ತವಾದ್ , ವೈದಿಕ ತಾಂತ್ರಿಕ ವಿಧಿವಿಧಾನದ ಒಟ್ಟುಗು ಶ್ರದ್ಧಾಭಕ್ತಿಡ್ , ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಒಟ್ಟುಗು ನಡಪೆರೆ ಉಂಡು , ಈ ಮಾತಾ ಪುಣ್ಯ ಕಜ್ಜಡ್ ಮಾತೆರ್ಲ ಪಾಲ್ ಪಡೆದ್ , ತನು-ಮನ-ಧನರ್ದ್ ಸಾಕಾರ ಕೊರ್ದು , ಶ್ರೀ ದೇವೆರ್ನ ಪ್ರಸಾದನ್ ಸ್ವೀಕಾರ ಮಲ್ಪೊಡು ಪಂದ್ ಬಿನ್ನಾಪು.

ಹೆಜಮಾಡಿ ಕೋಡಿ ಡ್ ಬೀಚ್ ನಿರ್ಮಲ ಮಲ್ಪುನ ಅಭಿಯಾನ

ಪಡುಬಿದ್ರಿ: ಸ್ವಚ್ಚತಾ ಲೇಸ್ ನಿರಂತರವಾದ್ ಉಪ್ಪಡ್ . ತಮ್ಮ ದಿನನಿತ್ಯದ ಕಜ್ಜಡ್ ನಿರ್ಮಲ ಮಲ್ಪುನವು ತಮ್ಮ ಜೀವನದಲ್ಲಿ ಅಳವಡಿಕೆ ಮಲ್ಪೊಡು . ಈ ಬಗ್ಗೆ ಜಾಗೃತಿ ನಮ್ಮ ಇಲ್ಲರ್ದೆ ಸುರು ಆವೊಡು ಪನ್ಪಿನವು ಮಾತೆರ್ಲ ತೆರಿಯೊನೊಡು ಪಂದ್ ಲಾಲಾಜಿ ಆರ್. ಮೆಂಡನ್ ಪಂಡೆರ್ .

ಮುಲ್ಕಿದ ವಿಜಯ ಕಾಲೇಜು ಜೋಕುಲು ಪಾಲ್ ಪಡೆಯಿನ ಈ ಲೇಸ್ ಡ್ ಮಾತಾ ಜವಣ್ಯೆರೆಗಾದ್ ಜಲ ಜಾಗೃತಿ ಅಭಿಯಾನದ ತರಬೇತಿನ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ರಾಜ್ಯ ಸಂಪನ್ಮೂಲ ವ್ಯಕ್ತಿ ಜೋಸೆಫ್ ಜಿ. ಎಂ. ರೆಬೆಲ್ಲೋ ಕೊರಿಯೆರ್.

ಈ ಪೊರ್ತುಡು ಹೆಜಮಾಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಉಪಾಧ್ಯಕ್ಷೆ ಪವಿತ್ರಾ ಗಿರೀಶ್, ವಿಜಯಾ ಕಾಲೇಜು ಆಡಳಿತ ಮಂಡಳಿ ಸದಸ್ಯ ಮಾಧವ ಸನಿಲ್, ಅನಿವಾಸಿ ಉದ್ಯಮಿ ಹರೀಶ್ ಕೋಟ್ಯಾನ್, ಪೆರಿಯೆರಾಯಿನ ನಾರಾಯಣ ಕೆ. ಮೆಂಡನ್, ಹೇಮಾನಂದ ಕೆ. ಪುತ್ರನ್, ಗ್ರಾಮ ಪಂಚಾಯಿತಿ ಸದಸ್ಯೆರಾಯಿನ ಪಾಂಡುರಂಗ ಸಿ. ಕರ್ಕೇರ, ಲೀಲೇಶ್ ವಿ. ಸುವರ್ಣ, ರೇಶ್ಮಾ ಎ. ಮೆಂಡನ್, ಕರಾವಳಿ ಯುವಕ – ಯುವತಿ ವೃಂದದ ಗುರ್ಕಾರ್ಲಾಯಿನ ಅಶೋಕ್ ವಿ. ಕೆ. ಪಾಲ್ ಪಡೆದಿತ್ತೆರ್.

ಕೋಡಿಕಲ್ ಕಟ್ಟೆ ಮೈದಾನೊಡು ಪರಕೆದ ದೇವಿ ಮಹಾತ್ಮೆ ಆಟ

ಕೋಡಿಕಲ್ : ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೆಕ್ಲೆನ ಪ್ರಸ್ತುತಿ ತಾರೀಖ್ 10/2/2022 ನೇ ಗುರುವಾರ ರಾತ್ರಿ 8:30 ಗಂಟೆಗ್ ಸರಿಯಾದ್ ಕುಡ್ಲದ ಕೋಡಿಕಲ್ ಕಟ್ಟೆ ಮೈದಾನೊಡು ಪಾರ್ದಿನ ಭವ್ಯ ರಂಗ ಚಾವಡಿಡ್ ಶ್ರೀ ದೇವಿ ಮಹಾತ್ಮೆ ಪರಕೆದ ಆಟ ನಡಪೆರೆ ಉಂಡು. ಆ ಪ್ರಯುಕ್ತ ಭಕ್ತಾಭಿಮಾನಿಲಾಯಿನ ಮಾತೆರ್ಲ ಬತ್ತ್ ದ್ ಈ ಪುಣ್ಯ ಕಜ್ಜಡ್ ಪಾಲ್ ಪಡೆಯೋಡು ಪಂದ್ ಬಿನ್ನಾಪು ಮಲ್ದೆರ್.

ಉರ್ವ ಪರ್ಪಿನ ನೀರ್ ದ ಘಟಕ ಉದಿಪನ

ಕುಡ್ಲ : ದಕ್ಷಿಣ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಕುಡ್ಲದ ಉರ್ವ ಹೊಯ್ಗೆಬೈಲ್ ದ ಜೈಭಾರತಿ ತರುಣ ವೃಂದದ ವತಿರ್ದ್ ಕರ್ಣಾಟಕ ಬ್ಯಾಂಕ್ ಒಟ್ಟು ಸೇರಿಗೆಡ್ ಉರ್ವ ಮೈದಾನದ ಕೈತಲ್ ಕಟ್ಟಿನ ಪರ್ಪಿನ ನೀರ್ ದ ಪೊಸ ಘಟಕನ್ ಕೋಡೆ ಉದಿಪನ ಮಲ್ತೆರ್.

ಪೊಸ ಘಟಕ ಉದಿಪನ ಮಲ್ತಿನ ಕರ್ಣಾಟಕ ಬ್ಯಾಂಕ್‌ದ ಸಹಾಯಕ ಮಹಾಪ್ರಬಂಧಕ ಪಸಂದನ್ ತೇನಿಸ್ಸೆರಿ ಪಾತೆರ್ದ್ ಸಮಾಜಮುಖಿ ಸೇವೆ ಮಲ್ತೊಂದು ಉಪ್ಪುನ ಜೈಭಾರತಿ ತರುಣ ವೃಂದದ ಕಾರ್ಯಗ್ ಎಡ್ಡೆಪ್ಪುದ ನುಡಿ ಪಂಡೆರ್.

ಈ ಪೊರ್ತುಡು ಕಾರ್ಪೊರೇಟರ್ ಗಣೇಶ್ ಕುಲಾಲ್ ಮೆರೆಗ್ ಮಾನಾದಿಗೆ ಮಲ್ತೆರ್ . ಮಲ್ಲ ಬಿನ್ನೆರ್ ಆದ್ ‘ನಮ್ಮ ಕುಡ್ಗ’ವಾಹಿನಿದ ನಿರ್ದೇಶಕೆರಾಯಿನ ಲೀಲಾಕ್ಷ ಕರ್ಕೇರ, ಪತ್ರಿಕಾ ಭವನ ಟ್ರಸ್ಟ್‌ದ ಗುರ್ಕಾರ್ಲಾಯಿನ ರಾಮಕೃಷ್ಣ ಆರ್,
ಮನಪಾ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಲೀಲಾವತಿ ಪ್ರಕಾಶ್, ಕಾರ್ಪೊರೇಟರ್ ಜಗದೀಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ .
ಜೈಭಾರತಿ ತರುಣ ವೃಂದದ ಗೌರವ ಗುರ್ಕಾರ್ಲಾಯಿನ ಕೇಶವ ಕರ್ಕೇರ, ಗುರ್ಕಾರ್ಲಾಯಿನ ರಾಜೇಶ್ ಸಾಲ್ಯಾನ್, ಕಾರ್ಯದರ್ಶಿ ವಿಕ್ರಮ್, ಕೋಶಾಧಿಕಾರಿ ವರದರಾಜ್‌ ಶ್ರೀಯಾನ್,ಮಾಜಿ ಗುರ್ಕಾರ್ಲಾಯಿನ ಸದಾಶಿವ ಶೆಟ್ಟಿ, ದಾವನ್ ಕುಮಾರ್, ಮಹಿಳಾ ವೃಂದದ
ಮಾಜಿ ಗುರ್ಕಾರ್ಲಾಯಿನ ಸವಿತಾ ವರದರಾಜ್ ಪಾಲ್ ಪಡೆದಿತ್ತೆರ್.

ಅಮೈ ಮಹಾಲಿಂಗ ನಾಯ್ಕೆರೆನ್ ಪುಗಾರಿನ ಪ್ರಧಾನಿ ನರೇಂದ್ರ ಮೋದಿ

ಕುಡ್ಲ : ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಐತಾರ ನಡತಿನ ಈ ವರ್ಷದ ಸುರುತ ಮನ್ ಕಿ ಬಾತ್ ದ 85 ನೇ ಆವೃತ್ತಿಡ್ ದೇಶವಾಸಿಲೆನ್ ಉದ್ದೇಶಿಸಾದ್ ಪಾತೆರಿಯೆರ್ .

ಈ ಪೊರ್ತುಡು ಪದ್ಮಶ್ರೀ ಪುರಸ್ಕಾರಗ್ ಆಯ್ಕೆಯಾಯಿನ ಕುಡ್ಲದ ರೈತ ಅಮೈ ಮಹಾಲಿಂಗ ನಾಯ್ಕೆರ್ನ ಸಾಧನೆನ್ ಪುಗರಿಯೆರ್.

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್, ಕುಕ್ಕೆ ಸುಬ್ರಮಣ್ಯ : ನಗರ ಅಭ್ಯಾಸವರ್ಗ ಉದಿಪನ

ಸುಬ್ರಮಣ್ಯ: ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಮಣ್ಯ ಘಟಕದ *ನಗರ ಅಭ್ಯಾಸವರ್ಗ* ತಾರೀಖ್ 30/01/2022 ನೇ ಐತಾರ ಎಸ್ ಎಸ್ ಪಿ ಯು ಕಾಲೇಜು ಡ್ ನಡತುಂಡು.

ಮಲ್ಲ ಬಿನ್ನೆರ್ ಆದ್ ಬಸವೇಶ್ ಕೋರಿ ಪ್ರಾಂತ ಸಹ ಸಂಘಟನಾ ಕಾರ್ಯದರ್ಶಿ ಸಂದೇಶ್ ರೈ ಮಜಕ್ಕಾರ್ ರೋಹಿತ್ ಯಕ್ಷಗಾನ ಕಲಾವಿದೆರ್ ಬೊಕ್ಕ ಉಪಾಧ್ಯಕ್ಷರು ಐತ್ತೂರು ಗ್ರಾಮ ಪಂಚಾಯತ್ ಅಂಚನೆ ಎಸ್ಎಸ್ ಪಿಯು ಕಾಲೇಜ್ದ ಪ್ರಾಚಾರ್ಯೆರಾಯಿನ ಅಂಚನೆ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ನಗರ ಗುರ್ಕಾರ್ಲಾಯಿನ ಸೋಮಶೇಖರ್ ನಾಯಕ್ ಪಾಲ್ ಪಡೆದಿತ್ತೆರ್ ಐರ್ದ್ ಬೊಕ್ಕ ಪೊಸ ಪದುಕೆರ್ನ ಆಯ್ಕೆ ನಡತುಂಡು.

ವರದಿ : ಗೋಪಿಚಂದನ್ ಕೆ. ಎಸ್ 

You Missed