Sat. Nov 21st, 2026

ಊರ್ದ ಸುದ್ದಿ Regional News

ಮಗನೇ ಮಹಿಷ ತುಳು ಪಿಚ್ಚರ್ ದ ಆಡಿಯೋ ಬುಡುಗಡೆ

ಕುಡ್ಲ, ಮಾ.17: ವೀರು ಟಾಕೀಸ್ ಲಾಂಛನಡ್ ತಯಾರ್ ಆಯಿನ ವೀರೇಂದ್ರ ಶೆಟ್ಟಿ ನಿರ್ಮಾಣ ಬೊಕ್ಕ ನಿರ್ದೇಶನ ಮಲ್ತಿನ “ಮಗನೇ ಮಹಿಷ” ಪಿಚ್ಚರ್ ದ ಆಡಿಯೋ ಬುಡುಗಡೆ ಲೇಸ್ ಕುಡ್ಲದ ಹೋಟೆಲ್ ಓಶಿಯನ್ ಪರ್ಲ್ ಡ್ ಬುಧಾರದಾನಿ ನಡತ್ಂಡ್.

ಪುಗರ್ತೆದ ಸಂಗೀತ ನಿರ್ದೇಶಕೆರ್ ಮನೋಮೂರ್ತಿ ಅಡಿಯೋನ್ ಬುಡುಗಡೆ ಮಲ್ತೆರ್.

ಪೆರಿಯ ಕಲಾವಿದೆರ್ ವಿಜಯಕುಮಾರ್ ಕೊಡಿಯಾಲ್ ಬೈಲ್ ಪಾತೆರ್ದ್, ಈ ಪಿಚ್ಚರ್ ಡ್ ಮಸ್ತ್ ಕಾಮಿಡಿ ಉಂಡು. ಹಾಸ್ಯಮಯವಾಯಿನ ಸಂಗೀತಲ ಉಂಡು. ತುಳು ಚಿತ್ರ ರಂಗಗ್ ಉಂದೊಂಜಿ ಪೊಸ ಆಯಾಮ ಪಂದ್ ಪಂಡೆರ್. ಪೆರಿಯ ಕಲಾವಿದೆರ್ ಆಯಿನ ದೇವದಾಸ್ ಕಾಪಿಕಾಡ್ ಪಾತೆರ್ದ್, ಕೋವಿಡ್ ಬತ್ತಿಬೊಕ್ಕ ತುಳು ಚಿತ್ರರಂಗ ಬಂಗಡ್ ಉಂಡು. ಈ ಪೊರ್ತುಡ್ ವೀರೇಂದ್ರ ಶೆಟ್ಟಿ ಮೇರ್ ಪೊಸ ಸಾಹಸಗ್ ಕೈ ಪಾಡಿನವ್ ಮಸ್ತ್ ಎಡ್ಡೆಂತಿನ ವಿಷಯ. ಚಿತ್ರ ಗೆಂದುನ ವಿಶ್ವಾಸ ಉಂಡು. ಜನಕುಲು ತುಳು ಕಲಾವಿದೆರ್ನ ಒಟ್ಟುಗ್ ಕೈ ಜೋಡಿಸಾದ್ ಚಿತ್ರನ್ ಗೆಂದಾವೊಡ್ ಪಂದ್ ಪಂಡೆರ್.

ಹಾಸ್ಯ ಕಲಾವಿದೆರ್ ನವೀನ್ ಡಿ.ಪಡೀಲ್ ಪಾತೆರ್ದ್, ಕಲಾವಿದೆರ್ ಪಿಚ್ಚರ್ ಮಲ್ಪರೆ ಮಸ್ತ್ ಬಂಗ ಬೈದೆರ್. ಆಯಿಕ್ಕಾದ್ ಪಿಚ್ಚರ್ ನ್ ಚಿತ್ರಮಂದಿರಗ್ ಪೋದ್ ತೂಲೆ ಪಂದ್ ಪಂಡೆರ್. ಪುಗರ್ತೆದ ಹಾಸ್ಯ ಕಲಾವಿದೆರ್ ಭೋಜರಾಜ್ ವಾಮಂಜೂರ್ ಪಾತೆರ್ದ್, ಚಾಲಿಪೋಲಿಲು ಪಿಚ್ಚರ್ದ್ ಮಸ್ತ್ ಕಾಮಿಡಿ ಈ ಪಿಚ್ಚರ್ ಡ್ ಉಂಡು. ಮಾತೆರ್ಲಾ ಈ ಪಿಚ್ಚರ್ ಗ್ ಬೆರಿಬಲ ಕೊರ್ಲೆ ಪಂದ್ ಬಿನ್ನಾಪು ಮಲ್ತೆರ್.

“ಮಗನೇ ಮಹಿಷ” ತುಳು ಪಿಚ್ಚರ್ ದ ನಿರ್ಮಾಪಕ-ನಿರ್ದೇಶಕೆರ್ ವೀರೇಂದ್ರ ಶೆಟ್ಟಿ ಕಾವೂರು ಪಾತೆರ್ದ್, ಚಾಲಿಪೋಲಿಲು ಪಿಚ್ಚರ್ದ್ ಮಸ್ತ್ ವಿಶೇಷವಾದ್ ಈ ಪಿಚ್ಚರ್ ನ್ ಮಲ್ತುದ. ಉಂದುವೇ ಸುರುತ್ತ ಸರ್ತಿ ಪುಗರ್ತೆದ ಸಂಗೀತ ನಿರ್ದೇಶಕೆರ್ ಮನೋಮೂರ್ತಿ ಮೆರ್ನ ಸಂಗೀತ ತುಳು ಚಿತ್ರರಂಗಗ್ ಈ ಪಿಚ್ಚರ್ ದ ಮುಖೇನ ತಿಕ್ಕ್ ದ್ಂಡ್. ಹಾಸ್ಯದ ಒಟ್ಟುಗು ಸಂಗೀತಲ ಎಡ್ಡೆ ರೀತಿಡ್ ಮೂಡ್ದ್ ಬೈದ್ಂಡ್ ಪಂದ್ ಪಂಡೆರ್.

ತುಳು ಚಿತ್ರ ನಿರ್ಮಾಪಕೆರ್ನ ಸಂಘದ ಅಧ್ಯಕ್ಷೆರ್ ರಾಜೇಶ್ ಬ್ರಹ್ಮಾವರ, ಸಹ ನಿರ್ದೇಶಕೆರ್ ರಕ್ಷಣ್ ಮಾಡೂರು, ಗಾಯಕೆರ್ ಪ್ರಶಾಂತ್ ಕಂಕನಾಡಿ ಲೇಸ್ ಡ್ ಇತ್ತೆರ್. ಉಂದುವೇ ಪೊರ್ತುಡ್ ಮನೋಮೂರ್ತಿ ಮೆರೆನ್ ಚಿತ್ರತಂಡದ ಪರವಾದ್ ಮಾನಾದಿಗೆ ಮಲ್ತೆರ್. ನಿತೀಶ್ ಶೆಟ್ಟಿ ಎಕ್ಕಾರ್ ಕಾರ್ಯಕ್ರಮನ್ ನಿರೂಪಣೆ ಮಲ್ತೆರ್.

ಸಂಗೀತಗ್ ಭಾಷೆ ಇಜ್ಜಿ. ಅಂಚಾದ್ ಸಲಿಸಾದ್ ತುಳು ಭಾಷೆದ ಪಿಚ್ಚರ್ ಡ್ ಬೇಲೆ ಮಲ್ಪರೆ ಸಾಧ್ಯ ಆಂಡ್. “ಮಗನೇ ಮಹಿಷ” ಪಿಚ್ಚರ್ ಡ್ ಮಾತ ಪದ ಪಂತಿನಕುಲು ತುಳುನಾಡ್ ದಕುಲ್ ಆದಿಪ್ಪುನವ್ ವಿಶೇಷವಾದ್ಂಡ್. ಈ ಮುಖೇನ ವೀರೇಂದ್ರ ಶೆಟ್ಟಿ ಮೆರ್ ತುಳು ಕಲಾವಿದೆರ್ನ ಹಿತಾಶಕ್ತಿನ್ ಒರಿಪಾವುನ ಬೇಲೆನ್ ಈ ಪಿಚ್ಚರ್ ಡ್ ಮಲ್ತ್ ದೆರ್. ಕುಡ್ಲ ಪಂಡ ಯಂಕ್ ಮಸ್ತ್ ಇಷ್ಟ. ಮುಲ್ಪದ ನೀರ್ ದೋಸೆ ಬೊಕ್ಕ ಐಡಿಯಲ್ ಐಸ್ ಕ್ರೀಮ್ ಯನ್ನ ಫೇವರಿಟ್.

– ಮನೋಮೂರ್ತಿ ಸಂಗೀತ ನಿರ್ದೇಶಕೆರ್

Audio release of “Maganey Mahisha” Tulu movie

Mangalore: March 17th: “Maganey Mahisha” a Tulu movie under the Veeru Talkies banner, produced and directed by Veerendra Shetty; the audio release of which was held at Hotel Ocean Pearl on Wednesday.

The audio release was conducted by renowned music director Manomurthy.

Senior artist Vijay Kumar Kodialbail spoke about the movie and said it was a comedy movie with melodious songs sure to win hearts.
Senior actor Devdas Kapikad said that covid crises had put the Tulu film industry into hard times .This movie is sure to succeed and the Tulu audience are sure to take the industry forward.

Naveen D Padil noted Tulu actor spoke and requested the people to watch Tulu movies in the theatre as a lot of effort is put to bring out the feel in the big screen.Bojaraj Vamanjoor also spoke on the humourous aspects of the movie requested the people to watch the movie.

Veerendra Shetty the producer of ‘Maganey Mahisha’ said that this was the first time that renowned music director Manomurthy was working in a Tulu movie and the music track was exceptional. Humour and music is a great combination in this movie .

Many dignitaries associated with the Tulu film industry were present at the program.

ಕನಿಲ ಶ್ರೀ ಭಗವತೀ ಕ್ಷೇತ್ರ : ಭರಣಿ ಮಹೋತ್ಸವ

ಮಂಜೇಶ್ವರ : ಕನಿಲ ಶ್ರೀ ಭಗವತೀ ಕ್ಷೇತ್ರಡ್ ತಾರಿಕ್, 28-03-2022ನೇ ಸೋಮಾರರ್ದ್ ತಾ.04-04-2022ನೇ ಸೋಮಾರ ಮುಟ ಶ್ರೀ ಕ್ಷೇತ್ರೊಡು ಭರಣಿ ಮಹೋತ್ಸವ
ಬೇರೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ದ ಒಟ್ಟುಗು ಬಾರಿ ಗೌಜಿ ಡ್ ನಡಪರೆ ಉಂಡು . ಈ ಪುಣ್ಯ ಕಜ್ಜಡ್ ಪಾಲ್ ಪಡೆದ್ , ತನು-ಮನ-ಧನರ್ದ್ ಸಾಕಾರ ಕೊರ್ದು , ಜಗನ್ಮಾತೆ
ಶ್ರೀ ಭಗವತೀ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಆಡಳಿತ ವರ್ಗದಕುಲು ಬಿನ್ನಾಪು ಮಲ್ದೆರ್.

 

ಭರಣಿ ಉಚ್ಚಯದ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ :

ತಾ. 13-03-2022ನೇ ಐತಾರ
ಕಾಂಡೆ 10.30ಕ್, ಶ್ರೀ ಕ್ಷೇತ್ರ ಕುರಿಕ್ಕಳಂ ಜ್ಯೋತಿಷ್ಯ ಪ್ರಶ್ನೆ ಚಿಂತನೆ,ಕುರಿಕ್ಕಳಂ ಲೇಸ್ ಬಯ್ಯ 3.00ಕ್ಕ್ ನಡಪರೆ ಉಂಡು.

ತಾ.21-03-2022ನೇ ಸೋಮಾರಾದಾನಿ ಕಾಂಡೆ 9.00 ಗ್ ಕಂಬಗ್ ಮೂರ್ತ (ಶ್ರೀ ಕ್ಷೇತ್ರಡ್ ) ಮಗುವಿಗೆ ಮುಹೂರ್ತ (ಭಂಡಾರ ನಿಲಯಡ್ ಐರ್ದ್ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು.

ಅಭಯಹಸ್ತ ಚಾರಿಟೇಬಲ್ ಟ್ರಸ್ಟ್ (ರಿ.) ಒಡಿಪು : ಅಭಯಹಸ್ತ ವರ್ಷದ ವ್ಯಕ್ತಿ -2022 ಬೊಕ್ಕ ಯಕ್ಷ ಕಲಾ ವೈಭವ

ಒಡಿಪು : ಅಭಯಹಸ್ತ ಚಾರಿಟೇಬಲ್ ಟ್ರಸ್ಟ್ (ರಿ, ಒಡಿಪು ಮೆಕ್ಲೆನ ಒಟ್ಟು ಸೇರಿಗೆಡ್ ಅಭಯಹಸ್ತ ವರ್ಷದ ವ್ಯಕ್ತಿ 2022 ಬೊಕ್ಕ ಯಕ್ಷ ಕಲಾವೈಭವ ಲೇಸ್ ತಾರಿಕ್ 20/3/2022 ನೇ ಐತಾರ ಮಧ್ಯಾಹ್ನ 2:30 ಕ್ಕ್ ಒಡಿಪುದ ಪುರಭವನಡ್ ನಡಪರೆ ಉಂಡು.

ಡಾ. ಜಿ. ಶಂಕರ್ ಫ್ಯಾಮಿಲಿ ಟ್ರಸ್ಟ್ (ರಿ.), ಒಡಿಪುದ ಪ್ರವರ್ತಕೇರಾಯಿನ ನಾಡೋಜ ಡಾ. ಜಿ. ಶಂಕರ್ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್.
ಒಡಿಪುದ ಶಾಸಕೆರಾಯಿನ ಶ್ರೀ ಕೆ ರಘುಪತಿ ಭಟ್ ಟೀ ಶರ್ಟ್ ಬುಡುಗಡೆ ಮಲ್ಪರೆ ಉಲ್ಲೆರ್.
ಲಾಂಛನ ಬುಡುಗಡೆನ್, ನಾಡೋಜ ಡಾ. ಕೃಷ್ಣಪ್ರಸಾದ್ ಕೂಡು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ತೆರ್ ಮಲ್ಪರೆ ಉಲ್ಲೆರ್.
ಅವ್ವೆ ದಿನ ಬಯ್ಯಗ್ 4:30 ಗಂಟೆರ್ದ್ ಶ್ರೀ ಅನಂತ ಪದ್ಮನಾಭ ಯಕ್ಷಗಾನ ಮಂಡಳಿ ಪೆರ್ಡೂರು ಬೊಕ್ಕ ಅತಿಥಿ ಕಲಾವಿದೆರೆರ್ದ್ ವೀರ ಬರ್ಬರಿಕ ಆಟ ನಡಪರೆ ಉಂಡು.

ಶ್ರೀ ಮಹಾ ವಿಷ್ಣುಮೂರ್ತಿ ದೇವಲ್ಯ : ಶ್ರೀ ಮನ್ಮಹಾಠಥೋತ್ಸವ

ಪೆರ್ಮುದೆ :ತಾರಿಕ್ 18/3/2022 ನೇ ಶುಕ್ರಾರ ದಾನಿ ಪೆರ್ಮುದೆ ಶ್ರೀ ವಿಷ್ಣು ಮೂರ್ತಿ ದೇವಲ್ಯೋಡು ವರ್ಷಲ ನಡಪುನ ಧ್ವಜಾರೋಹಣಡ್ ಸುರು ಆದ್ ತಾರಿಕ್ 21/3/2022 ನೇ ಸೋಮಾರ ಮಹಾರಥೋತ್ಸವ, , ಮಾ.22 ಕ್ಕ್ಕುಕ್ಕಿನಂತಾಯ,ಕೊಡಮಣಿತಾಯ,ಕಲ್ಕುಡ, ರಕ್ತೇಶ್ವರಿ,ಬೊಕ್ಕ ಬ್ರಹ್ಮ ಬೈದರ್ಕಳ ನೇಮ, ಮಾ.23 ಕ್ಕ್ ರಾತ್ರಿ 8:30 ಮಾಯಂದಾಲ್ ದೈವದ ನೇಮೊಚ್ಚಯ ನಡಪರೆ ಉಂಡು.

ಮಾ.17 ನೆ ಗುರುವಾರ ಬಯ್ಯ 4 ಗಂಟೆಗ್ ಪುದೆಕಾಣಿಕೆ ಮೆರವಣಿಗೆ ದೊಟ್ಟುಗು ಬಯ್ಯ 7 ಗಂಟೆಗ್ ಅಂಕುರಾರ್ಪಣೆ ನಡಪರೆ ಉಂಡು. ಮಾ.18 ನೇ ಶುಕ್ರಾರದಾನಿ ಕಾಂಡೆ ಸುಲಗ್ನಡ್ ಧ್ವಜಾರೋಹಣ, ಅಗ್ನಿ ಜನನ, ನವಕ ಪ್ರಧಾನ, ಮಧ್ಯಾಹ್ನ 12:30 ಕ್ ಮಾಹಾ ಪೂಜೆ ನಡಪರೆ ಉಂಡು. ಮಾ.19ನೇ ಶನಿಯಾರ ದಾನಿ ಕಾಂಡೆ 9 ಗಂಟೆಗ್ ದುರ್ಗಾ ಹೋಮ ನಡಪರೆ ಉಂಡು.

ಪೆರ್ಡುರುಡು ವಿದ್ಯಾಪೋಷಕ 23 ನೇ ಇಲ್ಲದ ಉದಿಪನ

ಒಡಿಪು : ಯಕ್ಷಗಾನ ಕಲಾರಂಗ ವಿದ್ಯಾಪೋಷಕ್ ಜೋಕುಲು ಪೆರ್ಡೂರುದ ಕಡೆತ ವರ್ಷದ ಇಂಜೀನಿಯರಿಗ್ ಕಲ್ಪಾರ್ಥಿ ಪ್ರಶಾಂತ್ ಕುಮಾರ್ ಬೊಕ್ಕ ಅಂತಿಮ ವರ್ಷದ ಬಿಎಸ್ಸಿ ವಿದ್ಯಾರ್ಥಿನಿ ಪವಿತ್ರಾ ಮೆರೆಗ್ ಕಟ್ಟಿನ ಅನಂತಪದ್ಮನಾಭ ನಿಲಯ ಇಲ್ಲದ ಉದಿಪನದ ಲೇಸ್ ನಡತುಂಡು.ದಾನಿಲಾಯಿನ ಗುಂಡಿಬೈಲು ಸುಬ್ರಹ್ಮಣ್ಯ ಭಟ್ ಬೊಕ್ಕ ಜಿ. ವಿಷ್ಣುಮೂರ್ತಿ ಭಟ್ ತನ್ನ ತೀರ್ಥರೂಪ ಅಚ್ಯುತ ಭಟ್ ನೆಂಪುಡು ಸುಮಾರ್ ೭ ಲಕ್ಷ ಪಣವುದ ಪೊಸ ಇಲ್ಲನ್ ಅಚ್ಯುತ ಭಟ್ ಮೆರೆನ ಬೊಡೆದಿ ಲಕ್ಷ್ಮೀ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಈ ಪೊರ್ತುಡು ನಿವೃತ್ತ ಮುಖ್ಯೋಪಾಧ್ಯಾಯ ಪಿ.ರಾಮಕೃಷ್ಣ ಐತಾಳ್, ಹರಿನಾರಾಯಣ ಭಂಡಿ, ರಾಘವೇಂದ್ರ ಅಡಿಗ, ಮೋಹನ್ ಪೆರ್ಡೂರು, ದಾನಿಗಳಾದ ಯು.ವಿಶ್ವನಾಥ ಶೆಣೈ, ಯಕ್ಷಗಾನ ಕಲಾರಂಗದ ಪದಾಧಿಕಾರಿಲಾಯಿನ ಎಸ್.ವಿ.ಭಟ್, ಕೆ.ಸದಾಶಿವ ರಾವ್, ಮನೋಹರ ಕೆ., ಎಚ್.ಎನ್ ಶೃಂಗೇಶ್ವರ ಪಾಲ್ ಪಡೆದಿತ್ತೆರ್ .

The 23rd house donated by ‘ Vidyaposhak’ Perdoor inaugurated.

Udupi: The students of Yakshgana Kalaranga ‘Vidyaposhak’ have built a house’ Anantha Padmanabha ‘ for students from Perdoor; Prashant Kumar an final year engineering student and BSc student Pavitra.The inauguration of the same was conducted by Smt Lakshmi , wife of Achut Bhat in whose memory rupees two lakh rupees was donated to build this house by Gundibail Subramanya Bhat and G Vishnu Murti Bhat.Retired teacher P Ramakrishna Ital, Harinarayan Bandi, Raghavendra Adiga, Mohan Perdoor, members of Yakshgana Kalaranga and others participated in the event.

ಒಡಿಪು : ಅಪರ ಜಿಲ್ಲಾಧಿಕಾರಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ವೀಣಾ

ಒಡಿಪು : ಹಿರಿಯ ಶ್ರೇಣಿದ ಕೆಎಎಸ್ ಅಧಿಕಾರಿ ಬೊಕ್ಕ ಮೈಸೂರು ಮೆಡಿಕಲ್ ಕಾಲೇಜು ಅಂಚನೆ ಸಂಶೋಧನಾ ಸಂಸ್ಥೆದ ಮುಖ್ಯ ಅಡಳಿತಾಧಿಕಾರಿಯಾದ್ ಇತ್ತಿನ ವೀಣ್ ಬಿ.ಎನ್. ಮೆರೆನ್ ಆಯಿನಾತ್ ಬೇಗ ಜಾರಿಗ್ ಬತ್ತ್ದ್ ದುಂಬುದ ಆದೇಶ ಮುಟ ಒಡಿಪುದ ಅಪರ ಜಿಲ್ಲಾಧಿಕಾರಿ ಬೊಕ್ಕ ಅಪರ ಜಿಲ್ಲಾ ದಂಡಾಧಿಕಾರಿಯಾದ್ ವರ್ಗಾವಣೆ ಮಲ್ದೆರ್.

ವೀಣಾ ಮೇರ್ ಒಡಿಪುಡು ಇತ್ತೇ ಮುಟ ಅಪರ ಜಿಲ್ಲಾಧಿಕಾರಿಯಾದ್ ಇತ್ತಿನ ಸದಾಶಿವ ಪ್ರಭು ಮೆರೆರ್ದ್ ಅಧಿಕಾರ ಸ್ವೀಕಾರ ಮಲ್ದೆರ್ .

ವಿನಾಯಕ ಬಾಳಿಗನ್ ಕೆರಿನ ಪ್ರಕರಣ: ರಾಜ್ಯಪಾಲೆರೆನ್ ಭೇಟಿ ಆಯಿನ ಮೆಗ್ದಿ

ಕುಡ್ಲ : ಮಾಹಿತಿ ಹಕ್ಕು ಕಾರ್ಯಕರ್ತ ವಿನಾಯಕ ಬಾಳಿಗಾ ಕೆರಿನ ಪ್ರಕರಣದ ತನಿಖೆಗ್ ವಿಶೇಷ ತನಿಖಾ ಕೂಟನ್ ಮಲ್ಪೊಡು ಪಂದ್ ಬಾಳಿಗಾ ಮೆರೆನ ತಂಗಡಿ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲಾಟ್ ಮೆರೆನ್ ಭೇಟಿಯಾದ್ ಬಿನ್ನಾಪು ಮಲ್ದೆರ್.

ಪೇಂಟೆದ ಸರ್ಕ್ಯೂಟ್ ಹೌಸ್ ಡ್ ಅಂಗಾರೆ ಕಾಂಡೆ ಸುಮಾರ್ 8.20ದ ಪೊರ್ತುಡು ವಿನಾಯಕ ಬಾಳಿಗ ಅರೇನ ಮೆಗ್ದಿ ಅನುರಾಧಾ ಬಾಳಿಗ ಮೇರ್ ರಾಜ್ಯಪಾಲೆರೆನ್ ಭೇಟಿಯಾಯೆರ್ . ಈ ಪೊರ್ತುಡು ಅನುರಾಧಾ ಬಾಳಿಗ ಮೇರ್ ಸೈತಿನ ತನ್ನ ಪಲಯಗ್ ನ್ಯಾಯ ಕೊರ್ಪಿನ ನೆಲೆಟ್ಟ್ ವಿಶೇಷ ತನಿಖಾ ಕೂಟ ಮಲ್ಪರೆ ರಾಜ್ಯಪಾಲೆರೆಗ್ ಬಿನ್ನಾಪು ಮಲ್ತೆರ್.

ಬೆಳಗಾವಿ: ಮುಳ್ಳೂರ ಆಯಿಲ್ ಮಿಲ್ ಡ್ ಭಾರಿ ತೂ ದುರಂತ; 20 ಲಕ್ಷ ರೂ. ಪಣವುದ ಶೇಂಗಾ ಎಣ್ಣೆ ನಾಶ

ಶಿವಮೊಗ್ಗ : ಪೇಂಟೆದ ರಾಮದುರ್ಗ ಪಟ್ಟಣದ ಗಾಂಧಿನಗರದ ವೆಂಕಟೇಶ್ ಟಾಕೀಸ್ ಪಿರವು ಉಪ್ಪುನ ಸಿದ್ದೇಶ್ವರ ಆಯಿಲ್ ಇಂಡಸ್ಟ್ರಿಸ್ ಮುಳ್ಳೂರ ಆಯಿಲ್ ಮಿಲ್ ಡ್ ಬುಧಾರ ನಡುರಾತ್ರಿ ತೂ ದುರಂತ ನಡತ್ಡ್ , ಸುಮಾರ್ 20 ಲಕ್ಷ ರೂ. ಪಣವುದ ಶೇಂಗಾ ಎಣ್ಣೆ ನಾಶ ಆತುಂಡು .

ನಡುರಾತ್ರಿ ಸುಮಾರ್ 2 ಗಂಟೆದ ಪೊರ್ತುಡು ಕರೆಂಟ್ ಶಾರ್ಟ್ ಸರ್ಕ್ಯೂಟ್ ರ್ದ್ ಆಯಿಲ್ ಮಿಲಗ್ ತೂ ತೊಜೀದ್ ಬೈದುಂಡು. ಈ ಆಯಿಲ್ ಮಿಲ್ ಡ್ ಶೇಂಗಾ ಎಣ್ಣೆ, ಸೂರ್ಯಪಾನ ಎಸ್ ಎಫ್ ಎಣ್ಣೆ ತಯಾರಿ ಮಲ್ತೊಂದು ಇತ್ತೆರ್ . ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ರ್ದ್ ಆಯಿಲ್ ಮಿಲಗೆ ತೂ ಪೊತ್ತುದುಂಡು .

ಅಪಗನೆ ಬತ್ತಿನ ಅಗ್ನಿಶಾಮಕ ದಳದ ಸಿಬ್ಬಂದಿ ತೂ ತೆಕ್ಕಾವುನ ಬೇಲೆ ಮಲ್ದೆರ್.ಸುಮಾರ್ 18 ರ್ದ್ 20 ಲಕ್ಷ ಮುಟ ನಷ್ಟ ಆತುಂಡು.

ಮಾರ್ಚ್ 27 ಲೆರ್ದ್ ಏಪ್ರಿಲ್ 3 ಮುಟ್ಟ ಕುಂಪಲದ ಶ್ರೀ ಬಾಲಕೃಷ್ಣ ಮಂದಿರಡ್ ಅಖಂಡ ಭಜನಾ ಸಪ್ತಾಹ

ಕುಡ್ಲದ ಕುಂಪಲ ಶ್ರೀ ಬಾಲಕೃಷ್ಣ ಮಂದಿರ(ರಿ.) ಮುಲ್ಪ ಮಾರ್ಚ್ 27 ಲೆರ್ದ್ ಏಪ್ರಿಲ್ 3 ಮುಟ್ಟ ಅಖಂಡ ಭಜನಾ ಸಪ್ತಾಹ ನಡಪರೆ ಉಂಡು.

ಮಾರ್ಚ್ 27ಕ್ಕ್ ಪುಲ್ಯ ಕಾಂಡೆ ಸೂರ್ಯ ಉದಯ ಆಪಿನಗ ಭಜನೇ ಸುರು ಆಯರೇ ಉಂಡು. ಮಸ್ತ್ ಮಲ್ಲ ಮಲ್ಲ ಬಿನ್ನೆರ್ ತುಡರ್ ಆರ್ಲಾದ್ ಈ ಭಜನಾ ಸಪ್ತಾಹನ್ ಉದಿಪನ ಮಲ್ತೆರೇ ಉಲ್ಲೆರ್. 8 ದಿನತ್ತ ಕಾಲ ನಡಪರೆ ಇಪ್ಪುನ ಈ ಭಜನಾ ಸಪ್ತಾಹಡ್ ಮಸ್ತ್ ಭಜನಾ ಮಂಡಿಲು ಪಾಲ್ ಪಡೆಯರೇ ಉಲ್ಲೆರ್. ಮಾತ ಭಕ್ತಾಧಿಮಾನಿಲು ದೇವರ್ನ ಸನ್ನಿಧಾನಗ್ ಬತ್ತ್ ದ್, ಈ ಭಜನಾ ಕಾರ್ಯಕ್ರಮಡ್ ಪಾಲ್ ಪಡೆಯೊಡ್ ಪಂದ್ ದೇವಲ್ಯದ ಆಡಳಿತ ಮಂಡಳಿದಕುಲು ಬಿನ್ನಾಪು ಮಲ್ತೆರ್.

Akanda Bajana Saptah week from March 27th to April 3rd at Sri Balakrishna Mandir (R) Kumpala Mangalore.

On the 27 th of March at dawn the Bajana Saptah will start at Balakrishna Mandir ; and will continue for the next 8 days. Many Bajana Mandals are expected to take part in the event.
The temple management has invited all devotees to come over and take part in this auspicious event.

ಮಾ.19 ತಾರೀಕ್ ಗ್ ಪುತ್ತೂರುಡು “ಕೋಟಿ ಚೆನ್ನಯ “ಕಂಬುಲ

ಪುತ್ತೂರು: 29ನೇ ವರ್ಷದ ಹೊನಲು ಬೊಲ್ಪುದ `ಕೋಟಿ-ಚೆನ್ನಯ’ ಜೋಡುಕರೆ ಕಂಬುಲ ಮಾ. 19 ಗ್ ಪುತ್ತೂರುದ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಎದುರುದ ದೇವರಮಾರು ಕಂಡಡ್ ನಡಪರೆ ಉಂಡು ಪಂದ್ ಕಂಬಳ ಸಮಿತಿ ಅಧ್ಯಕ್ಷ ಎನ್. ಚಂದ್ರಹಾಸ ಶೆಟ್ಟಿ ಪಂಡೆರ್ .

ಮೇರ್ ಸೋಮಾರ ಪುತ್ತೂರು ಪ್ರೆಸ್‍ಕ್ಲಬ್‍ದ ಸುದ್ದಿಗೋಷ್ಠಿಡ್ ಪಾತೆರ್ದ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.
ಡಿ. ವೀರೇಂದ್ರ ಹೆಗ್ಗಡೆರ್ನ ಶುಭಾಶೀರ್ವಾದದ ಒಟ್ಟುಗು ಮಾಜಿ ಸಚಿವ ವಿನಯ ಕುಮಾರ್ ಸೊರಕೆ ಬೊಕ್ಕ ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೆಕ್ಲೆನ ಒಟ್ಟು ಸೇರಿಗೆಡ್ ಕೋಟಿ-ಚೆನ್ನಯ ಜೋಡುಕರೆ ಕಂಬುಲ ನಡಪರೆ ಉಂಡು ಪಂದ್ ಪಂಡೆರ್.

ಮಾ.19 ತಾರಿಕ್ ಗ್ ಕಾಂಡೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯೊದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಮುಳಿಯ ಕೇಶವ ಪ್ರಸಾದ್ ಕಂಬುಲದ ಉದಿಪನ ಮಲ್ಪರೆ ಉಲ್ಲೆರ್. ಸವಣೂರು ವಿದ್ಯಾರಶ್ಮಿ ಶಿಕ್ಷಣ ಸಂಸ್ಥೆದ ಸಂಚಾಲಕ ಕೆ. ಸೀತಾರಾಮ ರೈ ಸವಣೂರು ಲೇಸ್ ದ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

You Missed