Sat. Nov 21st, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ವಿಯೆಟ್ನಾಂಡ್ ಉಂಡು ಬಂಗಾರ್‌ದ ಹೋಟೆಲ್

ಏಷ್ಯಾದ ವಿಯೆಟ್ನಾಂಡ್ ಒಂಜಿ ಬಂಗಾರ್‌ದ ಲೇಪ ಪಾಡ್ದ್ ಮಲ್ತಿನ ಹೋಟೆಲ್ ಉಂಡು. ಈ ಹೋಟೆಲ್‌ದ ಪುದರ್ ಡೋಲ್ಸ್ ಹನೋಯಿ ಗೋಲ್ಡನ್ ಲೇಕ್ ಪಂದ್.

ಈ ಹೋಟೆಲ್‌ಡ್ ಇಪ್ಪುನವು ಮಾತ ಬಂಗಾರ್‌ದನೆ. ಜೆಪ್ಪುನ ಕೋಣೆ, ಸ್ವಿಮಿಂಗ್ ಪೂಲ್, ಅಟಿಲ್ ಮಲ್ಪುನ ಕೋಣೆ, ವಾಶ್‌ರೂಮ್ ಮಾತ ಬಂಗಾರ್‌ಡ್ ಡಿಸೈನ್ ಆತ್ಂಡ್.

ಈ ಹೋಟೆಲ್ ವಿಶ್ವದ ಸುರುತ್ತ ಬಂಗಾರ್‌ದ ಹೋಟೆಲ್ ಪಂದ್ ಪುದರ್ ಪಡೆತ್ಂಡ್.

24 ಕ್ಯಾರೆಟ್ ಬಂಗಾರ್‌ರ್ದ್ ನಿರ್ಮಾಣ ಆಯಿನ ಈ ಹೋಟೆಲ್‌ನ್ ಕಟ್ಟರೆ 200 ಮಿಲಿಯನ್ ದಾತ್ ಪನವು ಕರ್ಚಿ ಆತ್ಂಡ್. ಈ ಹೋಟೆಲ್‌ದ ಧನಿ ಹೋವಾ ಬಿನ್ಹ್ ಗ್ರೂಪ್ ದ ಅಧ್ಯಕ್ಷೆರ್ ನ್ಗುಯೆನ್ ಹುಡುವಾಂಗ್ ಆದುಲ್ಲೆರ್.

ಲೇಸ್ ಪ್ಯಾಕೆಟ್ ದ ಉಲಯಿ ಗಾಳಿ ದಿಂಜಿದಿಪ್ಪುನ‌ ಕಾರಣ ಉಂದು!!

ಮಾತೆರೆಗ್ಲಾ ತಿಂಡಿ ಪಂಡ ಭಾರೀ ಇಷ್ಟ. ಬೇತೆ ರೀತಿದ ತಿಂಡಿ ತಿನ್ಪುನೆರ್ದ್ ಅಂಗಡಿಡ್ ಮಾರುನ ಲೇಸ್ ಬೊಕ್ಕ ಇಂಚ ಗಾಳಿ ದಿಂಜಿದ್ ಇತ್ತಿನ ಲೇಸ್‌ದ ಪ್ಯಾಕೆಟ್‌ನ್ ಮಸ್ತ್ ಜನ ದೆತೊನ್ವೆರ್. ಅಂಗಡಿಗ್ ಪೋದು ಚಿಪ್ಸ್ ಅತ್ತ್ಂಡ ಸ್ನ್ಯಾಕ್ಸ್ ಪ್ಯಾಕೆಟ್‌ನ್ ದೆತೊನರೆ ಪೋನಗ ಒಂಜಿ ಅಂಶನ್ ಗೇನ ಮಲ್ತ್ ದಿಪ್ಪುವರ್. ಆ ಪ್ಯಾಕೆಟ್‌ಡ್ ಮಸ್ತ್ ಗಾಳಿ ದಿಂಜಾದ್ ದೀಪೆರ್. ಆ ಪ್ಯಾಕೆಟ್‌ಡ್ ಚಿಪ್ಸ್ ಕಮ್ಮಿ ಇಪ್ಪುಂಡು ಗಾಳಿ ಜಾಸ್ತಿ ಇಪ್ಪುಂಡು. ಈ ಪ್ಯಾಕೆಟ್‌ಲೆಗ್ ದಿಂಜಾವುನ ಗಾಳಿ ಒವ್ ಪಂದ್ ಏರೆಗ್ಲಾ ಗೊತ್ತುಜಿ.

ಈ ಗಾಳಿದ ಪುದರ್ ನೈಟ್ರೋಜನ್ ಗ್ಯಾಸ್. ಈ ಗಾಳಿನ್ ದಿಂಜಾಯರೆ ಕಾರಣ ಪ್ಯಾಕೇಟ್ ಮಲ್ಲ ಆದ್ ತೋಜರೆ. ಉಂದು ಬುಡ್ದ್ ನನೊಂಜಿ ಕಾರಣ ಉಂಡು. ಈ ನೈಟ್ರೋಜನ್ ಗ್ಯಾಸ್ ಚಿಪ್ಸ್ ಕೊನೊವೊಂದಿಪ್ಪುನ ಪೊರ್ತುಡು ಆಯಿತ್ತ ಉಲಯಿ ಇಪ್ಪುನ ತಿಂಡಿ ತುಂಡಾಪುನೆನ್ ತಡೆಪುಂಡು. ಒಂಜಿ ಕಡೆರ್ದ್ ನನೊಂಜಿ ಕಡೆಗ್ ಪೋನಗ ಆಯಿತ್ತ ಉಲಯಿ ಪಾಡ್ದಿನ ತಿಂಡಿ ಹಾಳಾಪುನೆನ್ ಈ ನೈಟ್ರೋಜನ್ ಗ್ಯಾಸ್ ತಡೆಪುಂಡು.

ಪುತ್ತೂರ್ ಕೂರ್ನಡ್ಕದ ಖಲಂದರ್ ಶಾಫಿ ಸೌದಿ ರಿಯಾದ್ ಡ್ ನಾಪತ್ತೆ..!!!

ಪುತ್ತೂರ್ : ಕೂರ್ನಡ್ಕ ಮರೀಲ್ ನಿವಾಸಿ ಯೂಸುಫ್ ಪನ್ಪುನರೆನ ಮಗೆ ಖಲಂದರ್ ಶಾಫಿ ಸೌದಿ ಅರೇಬಿಯಾದ ರಿಯಾದ್ ಡ್ ನಾಪತ್ತೆ ಆತೆರ್.


ಅ. 29 ದಾನಿ ರಾತ್ರೆ ಸೌದಿದ ಪೊರ್ತು 9:30ಕ್ ಪಿದಯಿ ಪೋದು ಬರ್ಪೆ ಪಂದ್ ಪೋಯಿನಾರ್ ಪಿರ ಬೈದಿಜೆರ್. ಮೆರೆನ ಮೊಬೈಲ್ ಫೋನ್ ಸ್ವಿಚ್ ಆಫ್ ಆತ್ಂಡ್ ಪಂದ್ ಕುಟುಂಬದಕುಲು ಮಂಡೆಬೆಚ್ಚಡ್ ಉಲ್ಲೆರ್, ಏರಾಂಡಲ ಮೆರೆನ್ ತೂಂಡ ಈ ಮೊಬೈಲ್ ನಂಬರ್ ಗ್ (ಸೌದಿ ಮೊಬೈಲ್ ನಂ. 0507039795) ಕೂಡ್ಲೆ ತೆರಿಪಾಲೆ ಪಂದ್ ಇಲ್ಲದಕುಲು ಬಿನ್ನಾಪು ಮಲ್ದೆರ್.

ದಿ.ಪ್ರವೀಣ್ ನೆಟ್ಟಾರ್ ನ ಕನತ ಇಲ್ಲ್ ಗ್ ಕೆಸರ್ ಕಲ್ಲ್ ಪಾಡಿನ ಸಂಸದೆರ್ ನಳಿನ್ ಕುಮಾರ್ ಕಟೀಲ್

ಬೆಳ್ಳಾರೆ: ಕೊಲೆ ಆಯಿನ ಬಿಜೆಪಿ ಯುವ ನಾಯಕೆರ್ ಬೆಳ್ಳಾರೆದ ಪ್ರವೀಣ್ ನೆಟ್ಟಾರ್ ಮೆರೆನ ಕನತ್ತ ಇಲ್ಲ್ ಗ್ ಬಿಜೆಪಿ ರಾಜ್ಯಾಧ್ಯೆಕ್ಷೆರ್ ಸಂಸದ ನಳಿನ್ ಕುಮಾರ್ ಕಟೀಲ್ ಇನಿ ಕೆಸರ್ ಕಲ್ಲ್ ಪಾಡಿಯೆರ್.


ಇನಿ ಬೊಲ್ಪುಗು ಪ್ರವೀಣೆರೆನ ಇಲ್ಲ್ ಗ್ ಪ್ರವೀಣ್ ಸಮಾಧಿದ ಕೈತಲ್ ಜಾಗಡೇ 2,700 ಚದರ ಅಡಿತ್ತ ಪೊಸ ಇಲ್ಲ್ ನಿರ್ಮಾಣಗ್ ಕೆಸರ್ ಕಲ್ಲ್ ಪಾಡಿಯೆರ್. ಮೊಗರೋಡಿ ಕನ್ಸ್ ಸ್ಟ್ರಕ್ಷನ್ ಕಂಪನಿಗ್ ಇಲ್ಲ್ ನಿರ್ಮಾಣದ ಜಬದಾರಿನ್ ಕೊರ್ತೆರ್. ಈ ಪೊರ್ತುಡು ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಸಚಿವೆರ್ ಎಸ್.ಅಂಗಾರ, ಶಾಸಕೆರ್ ಸಂಜೀವ ಮಠಂದೂರು, ಪ್ರವೀಣ್ ಮೆರೆನ ಬೊಡೆದಿ ನೂತನಾ ಬೊಕ್ಕ ಕುಟುಂಬಸ್ಥೆರ್ ಇತ್ತೆರ್.

ನಾಪತ್ತೆ ಆಯಿನ ಅಣ್ಣನ ಮಗಕ್ಕಾದ್ ಕಣ್ಣೀರ್ ಪಾಡೊಂದುಲ್ಲೆರ್ ಶಾಸಕೆರ್ ರೇಣುಕಾಚಾರ್ಯ

ಹೊನ್ನಾಳಿ: ಮುಖ್ಯಮಂತ್ರಿಲೆನ ರಾಜಕೀಯ ಕಾರ್ಯದರ್ಶಿ, ಹೊನ್ನಾಳಿ ಕ್ಷೇತ್ರದ ಬಿಜೆಪಿ ಶಾಸಕೆರ್ ಎಂ.ಪಿ ರೇಣುಕಾಚಾರ್ಯ ಮೆರೆನ ಪಲಯೆ ಎಂ.ಪಿ ರಮೇಶ್ ಮೆರೆನ ಮಗೆ ಚಂದ್ರಶೇಖರ್ ರಡ್ಡ್ ದಿನರ್ದಿಂಚಿ ನಾಪತ್ತೆಯಾತೆರ್.

ಐತಾರರ್ದ್ ನಾಪತ್ತೆಯಾದಿತ್ತ್‌ದ್, ಹೊನ್ನಾಳಿ ಪಟ್ಟಣ ಪೊಲೀಸ್ ಠಾಣೆಡ್ ಅಂಗಾರೆದಾನಿ ದೂರು ದಾಖಲಾತ್ಂಡ್. ಐತಾರ ಬಯ್ಯ ಶಿವಮೊಗ್ಗಡ್ ವಿನಯ್ ಗುರೂಜಿ ಬೊಕ್ಕ ದೋಸ್ತಿ ಕಿರಣ್‌ನ್ ಭೇಟಿಯಾದಿತ್ತ್‌ದ್ ಅಲ್ಪರ್ದ್ ರಾತ್ರೆ 11.56 ಕ್ಕ್ ಪಿರ ಬತ್ತಿನವು ಸಿಸಿ ಕ್ಯಾಮೆರಡ್ ತೋಜಿದ್ ಬೈದ್ಂಡ್. ಸೋಮಾರ ಕಾಂಡೆ 6.48 ರ್ದ್ ಬೊಕ್ಕ ಮೊಬೈಲ್‌ಡ್ ಲಾಸ್ಟ್ ಲೊಕೇಶನ್ ತೋಜ್ಪಾವೊಂದು ಉಂಡು. ಇಂಚಾದ್ ಅಣ್ಣನ ಮಗನ್ ಎನ್ನಿನ ಶಾಸಕೆರ್ ಎಂ.ಪಿ ರೇಣುಕಾಚಾರ್ಯ ಕಣ್ಣನೀರ್ ದೆತ್ತೊಂದುಲ್ಲೆರ್.

ಪೊಸ ಡೀಸಿಯಾದ್ ಅಧಿಕಾರ ದೆತೊಂಡೆರ್ ರವಿ ಕುಮಾರ್ ಎಂ.ಆರ್

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ ಪೊಸ ಜಿಲ್ಲಾಧಿಕಾರಿಯಾದ್ ಐಎಎಸ್ ಅಧಿಕಾರಿ ರವಿಕುಮಾರ್ ಎಂ ಆರ್ ಇನಿ ಅಧಿಕಾರ ಸ್ವೀಕಾರ ಮಲ್ತೆರ್.

ನೆರ್ದ್ ದುಂಬುದ ಡೀಸಿ ಡಾ. ರಾಜೇಂದ್ರ ಕೆ.ವಿ ವರ್ಗಾವಣೆ ಆಯಿಬೊಕ್ಕ ಹೆಚ್ಚುವರಿಯಾದ್ ಜಬದಾರಿ ಒಯಿಸ್ ದಿತ್ತಿನ ಡಾ. ಕುಮಾರ್ ಮೇರ್ ರವಿಕುಮಾರ್ ಮೆರೆಗ್ ಅಧಿಕಾರೊನು ಕೊರಿಯೆರ್.

ಮಿಲಿಟ್ರಿದ ತೆನ್ಕಾಯಿ ಕಮಾಂಡ್ ಮುಖ್ಯಸ್ಥೆರಾದ್ ಅಧಿಕಾರ ಒಹಿಸೊಂಡೆರ್ ಅಜಯ್ ಕುಮಾರ್ ಸಿಂಗ್

ದಿಲ್ಲಿ : ಲೆಫ್ಟಿನೆಂಟ್ ಜನರಲ್ ಅಜಯ್ ಕುಮಾರ್ ಸಿಂಗ್ ಮೇರ್ ಭಾರತೀಯ ಸೇನೆದ ತೆನ್ಕಾಯಿ ಭಾಗೊದ ಕಮಾಂಡ್‌ದ ಜನರಲ್ ಆಫೀಸ್ ಕಮಾಂಡಿಂಗ್-ಇನ್-ಚೀಫ್ ಆದ್ ಅಂಗಾರೆ ಅಧಿಕಾರ ಒಯಿಸೊಂದೆರ್.


ಅಧಿಕಾರ ಒಯಿಸೊನ್ನ ಬೊಕ್ಕ ಅಜಯ್ ಕುಮಾರ್ ಸಿಂಗ್ ಪುಣೆದ ಸದರ್ನ್ ಕಮಾಂಡ್ ವಾರ್ ಮೆಮೋರಿಯಲ್‌ಡ್ ಪೂಗೊಂಚಿಲ್ ದೀದ್ ದೇವೆರ್ನ ಪಾದೊ ಸೇರ್ದಿನ ಸೈನಿಕೆರೆಗ್ ಗೌರವ ಸಂದಾಯೆರ್. ಅಜಯ್ ಕುಮಾರ್ ಸಿಂಗ್ ಮೆರೆನ ಕರ್ತವ್ಯ ನಿಷ್ಠೆನ್ ಗುರುತಿಸಾದ್ ಅತಿ ವಿಶಿಷ್ಟ ಸೇವಾ ಪದಕ, ಯುದ್ಧ ಸೇವಾ ಪದಕ, ಸೇನಾ ಪದಕ, ವಿಶಿಷ್ಟ ಸೇವಾ ಪದಕ, ರಡ್ಡ್ ಸೇನಾ ಮುಖ್ಯಸ್ಥೆರೆನ ಕಮೆಂಡೇಶನ್ ಕಾರ್ಡ್ ಬೊಕ್ಕ ಮುಖ್ಯ ಕಮಾಂಡಿಂಗ್ ಕಾರ್ಡ್‌ ಡ್ ಜನರಲ್ ಆಫೀಸರ್ ಪ್ರಶಸ್ತಿ ಕೊರ್ತೆರ್.

ಭಾರತದ ಗಡುತ್ತಲ್ಪ ಪಾಕಿಸ್ತಾನ ಇಮಾನದ ಪುದರ್ ದ ಪುಗ್ಗೆಲು ಪತ್ತೆ!

ದಿಲ್ಲಿ: ಜಮ್ಮು ಕಾಶ್ಮೀರ ಬೊಕ್ಕ ರಾಜಸ್ಥಾನದ ಗಡಿ ಪ್ರದೇಶಡ್ ಪಾಕಿಸ್ತಾನ್ ಇಂಟರ್ನ್ಯಾಷನಲ್ ಏರ್ಲೈನ್ಸ್ ಪಂದ್ ಬರೆದ್ ಇಪ್ಪುನ ಪುಗ್ಗೆಲು ಪತ್ತೆ ಆತ್ಂಡ್.


ಜಮ್ಮು ಬೊಕ್ಕ ಕಾಶ್ಮೀರ ನಡ್‌ದ ಸಾಂಬಾ ಪ್ರದೇಶಡ್ ಬಿಎಚ್‌ಎನ್‌ ಬೊಕ್ಕ ಎಮಿರೇಟ್ಸ್ ಪಂದ್ ಬರೆದ್ ಇಪ್ಪುನ ಪಚ್ಚೆ ಬೊಕ್ಕ ಬೊಲ್ದು ಬಣ್ಣದ ಇಮಾನ ಆಕಾರದ ಪುಗ್ಗೆಲು ಪತ್ತೆ ಆತ್ಂಡ್. ಸಾಂಬಾಡ್ ಪತ್ತೆ ಆಯಿನಂಚನೆ, ಪಾಕಿಸ್ತಾನ ಇಂಟರ್‌ನ್ಯಾಷನಲ್ ಏರ್‌ಲೈನ್ಸ್‌ದ ಪುದರ್ ನ್ ಬರೆದ್ ಇಪ್ಪುನ ವಿಮಾನದ ಆಕಾರದ ಪುಗ್ಗೆ ಅಂಗಾರೆ ರಾಜಸ್ಥಾನದ ಬಿಕಾನೇರ್ ಜಿಲ್ಲೆಡ್ ಪತ್ತೆ ಆತ್ಂಡ್. ಬೊಲ್ದು ಬೊಕ್ಕ ಪಚ್ಚೆ ಬಣ್ಣದ ಪುಗ್ಗೆ ದಂಟೌರ್ ಪೊಲೀಸ್ ಠಾಣೆ ವ್ಯಾಪ್ತಿಡ್ ಪತ್ತೆ ಆತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

ಬೊಲ್ತೇರ್: ಕೈಕಂಜಿಲೆನ್ ಕೊನೊಂದಿತ್ತಿನ ಆರೋಪಿಲೆನ್ ಪೊಲೀಸೆರೆಗ್ ಕೊರಿನ ಹಿಂದೂ ಕಾರ್ಯಕರ್ತೆರ್

ಬೊಲ್ತೇರ್: ಪಿಕಪ್ ಡ್ ಕಲ್ವ ಸಾದಿಡ್ ಕೈಕಂಜಿಲೆನ್ ಕೊನೊಂದು ಇತ್ತಿನ ರಡ್ಡ್ ಆರೋಪಿಲೆನ್ ಬಜರಂಗದಳ ಕಾರ್ಯಕರ್ತೆರ್ ಪತ್ ದ್, ಪೊಲೀಸೆರೆಗ್ ಒಪ್ಪಿಸಾಯಿನ ಘಟನೆ ದಕ್ಷಿಣ ಕನ್ನಡ ಜಿಲ್ಲೆದ ಬೊಲ್ತೇರ್ ಪುದುವೆಟ್ಟುದ ಬಾಯಿತರ್ ಡ್ ನಡತ್ಂಡ್.


ಆರೋಪಿಲು ಕಾಯರ್ತಡ್ಕರ್ದ್ ಅಣಿಯೂರ್ ಗ್ ಪಿಕಪ್ ಡ್ ಕೈಕಂಜಿಲೆನ್ ಕೊನೊಂದು ಇತ್ತೆರ್ ಪಂದ್ ಮಾಹಿತಿ ತೆರಿದ್ 6 ಬಜರಂಗದಳ ಕಾರ್ಯಕರ್ತೆರ್ ಕೈಕಂಜಿಲೆನ್ ರಕ್ಷಣೆ ಮಲ್ದೆರ್. ಈ ಕೇಸ್ ಗ್ ಸಂಬಂಧಪಟ್ಟಿನ ಆರೋಪಿಲಾಯಿನ ಅಜೀದ್ ಕಕ್ಕಿಂಜೆ, ರಫೀಕ್ ನೆರಿಯ ಮೊಕ್ಲೆನ್ ಪೊಲೀಸೆರ್ ಬಂಧಿಸಾದೆರ್. ಈ ಬಗೆಟ್ ಧರ್ಮಸ್ಥಳ ಠಾಣೆದ ಪೊಲೀಸೆರ್ ತನಿಖೆ ಮಲ್ತೊಂದು ಉಲ್ಲೆರ್.

ರಾಜ್ಯಡ್ ನನ ಐನ್ ದಿನ ಭಾರೀ ಬರ್ಸ !!

ಬೆಂಗ್ಲೂರ್: ರಾಜ್ಯಡ್ ನನ ಐನ್ ದಿನ ತೆಡಿಲ್ ದೊಟ್ಟಿಗೆ ಭಾರೀ ಬರ್ಸ ಆಪುನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.


ಬಂಗಾಳ ಕೊಲ್ಲಿಡ್ ಬದಲಾಯಿನ ಪರಿಸ್ಥಿತಿದ ಬಗೆಟ್ ರಾಜ್ಯಡ್ ಬರ್ಸ ಆಪುಂಡು ಪಂದ್ ಎಂದು ಹವಾಮಾನ ಇಲಾಖೆ ಎಚ್ಚರಿಕೆ ಕೊರ್ತುಂಡು.

You Missed