ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

“Will strive to get the state language status to Tulu ” MLA Yashpal Suvarna ತುಳುಕ್ಕು ರಾಜ್ಯಭಾಷೆದ ಮಾನಾದಿಗೆ ಕೊರ್ಪಾವರೆ ಪ್ರಯತ್ನ ಮಲ್ಪುವೆ: ಶಾಸಕೆರ್ ಯಶ್ ಪಾಲ್ ಸುವರ್ಣ

ಒಡಿಪು: ತುಳು ಭಾಷೆಗ್ ರಾಜ್ಯಭಾಷೆದ ಮಾನಾದಿಗೆಗ್ ಬೋಡಾದ್ ಸುಮಾರ್ ವರ್ಷೊರ್ದಿಂಚ ಪೊರ್ಂಬಾಟ ನಡತೊಂದು ಉಂಡು.

ವಿಧಾನಸಭೆಟ್ಟ್ ತುಳು ಭಾಷೆದ ಪರವಾದ್ ಒಡಿಪು ಶಾಸಕೆರ್ ಯಶ್ ಪಾಲ್ ಸುವರ್ಣ ಪಾತೆರ್ದ್, ತುಳು ಜನಕುಲೆಗ್ ನ್ಯಾಯ ಕೊರ್ಪಿನ ದಿಟ್ಟಿಡ್ ಪ್ರಾಮಾಣಿಕ ಪ್ರಯತ್ನ ಮಲ್ಪುವ ಪಂದ್ ಪಂಡೆರ್.

ಮೇರ್ ಪೇಂಟೆಡ್ ಒಡಿಪು ತುಳುಕೂಟದ ವತಿರ್ದ್ ನಡತಿನ ಲೇಸ್ ಡ್ ತಮ್ಮನ ಸ್ವೀಕಾರ ಮಲ್ತ್ ದ್ ಪಾತೆರಿಯೆರ್.

“Will strive to get the state language status to Tulu ” MLA Yashpal Suvarna

Udupi: Will strive to get status for Tulu language and will voice the sentiments of the Tulu people in the Vidhana Sabha said Udupi MLA Yashpal Suvarna while attending a program organised by Tulu koota Udupi.

Rains take a toll of 69 lives from January to date in the state !! ಈ ಸರ್ತಿದ ಬರ್ಸಗ್ ರಾಜ್ಯಡ್ 69 ಜನ ತೀರ್ ಪೋತೆರ್!

ರಾಜ್ಯಡ್ ಬರ್ಸಗ್ ಜನವರಿರ್ದ್ ಮೇ ಮುಟ್ಟ 69 ಜನ ತೀರ್ ಪೋಯೆರ್ ಪಂದ್ ಕಂದಾಯ ಸಚಿವೆರ್ ಕೃಷ್ಣಭೈರೇಗೌಡ ತೆರಿಪಾದೆರ್.

60 ಜನತ್ತ ಕುಟುಂಬಗ್ ಪರಿಹಾರ ಕೊರ್ತೆರ್. ಒರಿನಕ್ಲೆಗ್ ಪರಿಹಾರ ಕೊರ್ಪ ಪಂದ್ ಪಂತೆರ್. 487 ಜಾನುವಾರು ಪ್ರಕೃತಿ ವಿಕೋಪಗ್ ಸೈದ್ಂಡ್. 1400 ಇಲ್ಲ್ ಗ್ ತೊಂದರೆ ಆತ್ಂಡ್. 20160 ಹೆಕ್ಟೇರ್ ಪ್ರದೇಶ ಬರ್ಸಗ್ ಹಾಳ್ ಆದ್ ಬುಲೆಕ್ಕ್ ತೊಂದರೆ ಆತ್ಂಡ್. ಅಂಚಾದ್ ರೈತೆರೆನ ಅಕೌಂಟ್ ಗ್ ಕಾಸ್ ಪಾಡುವ ಪಂದ್ ಪಂಡೆರ್.

The compound wall of Sarve Shri Subramanya temple collapsed due to heavy rains!! ಬರ್ಸಗ್ ಬೂರ್ದುಂಡು ಸರ್ವೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಕಾಂಪೌಂಡ್

ಸವಣೂರು: ಬುಧಾರ ರಾತ್ರೆ ಬತ್ತಿನ ಭಾರಿ ಗಾಳಿ ಬರ್ಸಗ್ ಸರ್ವೆ ಶ್ರೀ ಸುಬ್ರಹ್ಮಣ್ಯೇಶ್ವರ ದೇವಲ್ಯದ ಕಾಂಪೌಂಡ್ ಬೂರ್ದುಂಡು.

ಕರಿನ ಜಾತ್ರೆದ ಪೊರ್ತುಡು ದೇವಲ್ಯಗ್ ಕಾಂಪೌಂಡ್ ನಿರ್ಮಾಣ ಮಲ್ದೆರ್. ಇತ್ತೆ ಬರ್ಸರ್ದ್ ಕಾಂಪೌಂಡ್ ಬೂರ್ದುಂಡು.

The compound wall of Sarve Shri Subramanya temple collapsed due to heavy rains!!

Savanur: Heavy rains and winds in the area brought down the compound wall of Sarve Shri Subramanya temple.

The wall was built very recently at the time of the previous Jatra celebration.

” Yan Superstar” Tulu movie all set for release “ಯಾನ್ ಸೂಪರ್ ಸ್ಟಾರ್” ತುಳು ಪಿಕ್ಚರ್ ರಿಲೀಸ್ ಗ್ ರೆಡಿ

ಕುಡ್ಲ: ಆನಂದ ಫಿಲಂಸ್ ಬೊಕ್ಕ ದ ಮ್ಯಾಂಗಲೋರಿಯನ್ಸ್ ಲಾಂಛನಡ್ ರಾಮ್ ಶೆಟ್ಟಿ ಅರ್ಪಣೆ ಮಲ್ಪುನ, ದಯಾನಂದ ಶೆಟ್ಟಿ ನಿರ್ಮಾಣದ, ಸಂತೋಷ್ ಶೆಟ್ಟಿ ನಿರ್ದೇಶನಡ್ ತಯಾರ್ ಆಯಿನ “ಯಾನ್ ಸೂಪರ್ ಸ್ಟಾರ್” ತುಳು ಪಿಕ್ಚರ್ ದ ಶೂಟಿಂಗ್, ಡಬ್ಬಿಂಗ್ ಬೇಲೆ ಪೂರ ಮುಗಿದ್ಂಡ್.

ಈ ಪಿಕ್ಚರ್ ಅಗೋಸ್ಟ್ ತಿಂಗೊಲ್ಡ್ ರಿಲೀಸ್ ಆಪುಂಡು. ‌ಒಡಿಪು ಸುತ್ತಮುತ್ತ ಒಂಜೇ ಹಂತಡ್ 25 ದಿನ ಮುಟ್ಟ ಯಾನ್ ಸೂಪರ್ ಸ್ಟಾರ್ ಪಿಕ್ಚರ್ ದ ಶೂಟಿಂಗ್ ನಡತ್ಂಡ್. ಮುಖ್ಯವಾದ್ ಮುಲ್ಪ ಜನಮನ್ನಣೆ ಪಡೆಯಿನ ಸಿಐಡಿ ಧಾರಾವಾಹಿದ ಬೊಂಬೈ ಕಲಾವಿದೆರ್ ಈ ಪಿಕ್ಚರ್ ಡ್ ಮುಖ್ಯ ಪಾತ್ರಡ್ ಅಭಿನಯ ಮಲ್ದೆರ್.

ದಯಾನಂದ ಶೆಟ್ಟಿ, ಹರೀಶ್ ವಾಸು ಶೆಟ್ಟಿ, ಸಾಯಿ ಬಲ್ಲಾಲ್ ನೊಟ್ಟಿಗೆ ತುಳುನಾಡ್ ದ ಪುಗರ್ತೆದ ಕಲಾವಿದೆರ್ ನವೀನ್ ಡಿ ಪಡೀಲ್, ಭೋಜರಾಜ ವಾಮಂಜೂರು, ಮಾನಸಿ ಸುಧೀರ್, ಅನು ಷಾ, ಅಶೋಕ್ ಪಕ್ಕಳ, ಮಾಸ್ಟರ್ ಅತಿಶ್ ಶೆಟ್ಟಿ, ಮಾಸ್ಟರ್ ಅರುಷ್ ಯು ಪೂಜಾರಿ, ಕುಮಾರಿ ಶ್ರೀಯಾ ಹೆಗ್ಡೆ ತಾರಾಗಣಡ್ ಉಲ್ಲೆರ್.

ಸಂತೋಷ್ ಶೆಟ್ಟಿ ಮೆರೆನ ಕತೆಕ್ಕ್ ಸಚಿನ್ ಶೆಟ್ಟಿ ಕುಂಬಳೆ ಸಂಭಾಷಣೆ ಬರೆತೆರ್. ಚಿತ್ರಕತೆನ್ ಅಂಕಣ ಜೋಷಿ, ಸಂತೋಷ್ ಶೆಟ್ಟಿ, ಮಲ್ದೆರ್. ಸಾಹಿತ್ಯ ಬೊಕ್ಕ ಪದ ವಿ. ಮನೋಹರ್, ಗುರುಕಿರಣ್ ಪಂತೆರ್. ಹಿನ್ನೆಲೆ ಸಂಗೀತ ಸಂಜಯ್ ವಾಂದ್ರೇಕರ್ ಕೊರ್ತೆರ್. ಕ್ಯಾಮರಾ ಕೃಷ್ಣರಾಜ್ ಕೋಟ್ಯಾನ್ ಕೊರ್ತೆರ್. ಅತ್ತಾಂದೆ ಈ ಪಿಕ್ಚರ್ ಡ್ ಸಾಹಸ ಆನಂದ ಶೆಟ್ಟಿ, ಎಕ್ಸಿಕ್ಯೂಟಿವ್ ಪ್ರೊಡ್ಯುಸರ್ ಸತೀಶ್ ದುಬೆ, ಕ್ರಿಯೇಟಿವ್ ಡೈರಕ್ಟರ್ ಕ್ರಿಸ್ತಬೆಲ್ಲೆ ಡಿ ಸೋಜ, ಪ್ರೊಡಕ್ಷನ್ ಹೆಡ್ಡ್ ಚಂದ್ರಕಾಂತ್ ಭಂಡಾರಿ ಬೇಲೆ ಮಲ್ದೆರ್.‌

ಮನರಂಜನೆದ ಪಿಕ್ಚರ್

ಯಾನ್ ಸೂಪರ್ ಸ್ಟಾರ್ ಪುದರ್ ಇಪ್ಪುನಂಚೆನೆ ಉಂದು ತುಳುತ್ತ ಪೊಸ ಬಗೆತ್ತ ಪಿಕ್ಚರ್. ಪ್ರೇಕ್ಷಕೆರೆನ್ ತೆರಿದ್ ನಿರ್ದೇಶಕೆರ್ ಮುಲ್ಪ ಪಿಕ್ಚರ್ ದ ಕತೆನ್ ಮಲ್ದೆರ್.‌

ಈ ಪಿಕ್ಚರ್ ಡ್ ಕಾಮಿಡಿ, ಸಂದೇಶ ಉಂಡು. ಪ್ರೇಕ್ಷಕೆರೆಗ್ ಪಿಕ್ಚರ್ ದ ಬಗೆಟ್ ಮಸ್ತ್ ಕುತೂಹಲ ಉಂಡು. ಆನಂದ್ ಫಿಲಂಸ್ ಡ್ ರಿಲೀಸ್ ಆಯಿನ ಪಿಕ್ಚರ್ ಲು ಯಶಸ್ವೀ ಪ್ರದರ್ಶನನ್ ಆಯಿರ್ನೇದಾವೆರ ಪ್ರೇಕ್ಷಕೆರ್ ಯಾನ್ ಸೂಪರ್ ಸ್ಟಾರ್ ಪಿಕ್ಚರ್ ದ ಬಗೆಟ್ ಮಸ್ತ್ ನಿರೀಕ್ಷೆ ದೀತೆರ್.

” Yan Superstar” Tulu movie all set for release

Mangalore: The film is brought out under the Mangaloreins Banner by Anand films, presented by Ram Shetty . It is produced by Dayanand Shetty and directed by Santosh Shetty.

The cast includes actors from the popular serial CID and we’ll known faces from the Tulu film industry.

Mangalore: Enterpreneur Vishwanath Shetty from Mumbai arrested in Mangalore in connection with Cash misappropriation case ಕುಡ್ಲ: ಕಾಸ್ ವಂಚನೆ ಮಲ್ತಿನ ಕೇಸ್- ಬೊಂಬೈ ಉದ್ಯಮಿ ವಿಶ್ವನಾಥ್ ಶೆಟ್ಟಿ ಅರೆಸ್ಟ್

ಕುಡ್ಲ: ಕಾಸ್ ವಂಚನೆ ಮಲ್ತಿನ ಕೇಸ್ ಗ್ ಸಂಬಂಧ ಪಟ್ಟಿನಂಚೆನೆ ಬೊಂಬೈ ಉದ್ಯಮಿ ಕಳತ್ತೂರು ವಿಶ್ವನಾಥ ಶೆಟ್ಟಿ ಮೆರೆನ್ ಕುಡ್ಲ ಸೈಬರ್ ಕ್ರೈಂ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ರಡ್ಡ್ ದಿನತ್ತ ಪಿರವು ಬೊಂಬೈರ್ದ್ ಕುಡ್ಲ ಇಮಾನ ನಿಲ್ದಾಣಗ್ ಬತ್ತಿನ ಮೆರೆನ್ ಪೊಲೀಸೆರ್ ವಶಕ್ಕ್ ದೆತೊಂದು ತನಿಖೆ ನಡಪಾದ್ ನ್ಯಾಯಾಲಯಗ್ ಹಾಜರ್ ಮಲ್ತೆರ್.

ಕುಡ್ಲದ ರೋಹನ್ ಕಾರ್ಪೊರೇಷನ್ ಆಡಳಿತ ನಿರ್ದೇಶಕೆರ್ ರೋಹನ್ ಮೊಂತೆರೋ ಬೊಕ್ಕ ತೊಕ್ಕೊಟ್ಟುದ ಹರ್ಷ ಫೈನಾನ್ಸ್ ಮಾಲೀಕೆರ್ ಹರೀಶ್ ಪನ್ಪುನಾರೆಗ್, 1.75 ಕೋಟಿ ರೂ.ನ್ ವಿಶ್ವನಾಥ್ ಶೆಟ್ಟಿ ವಂಚನೆ ಮಲ್ದೆರ್ ಪಂದ್ ಪೊಲೀಸೆರ್ ತೆರಿಪಾದೆರ್.

Biruver Kudla (R); Mulki unit-Donate rupees 25,000 to Manampadi School ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕರ್ದ್ ಮಾನಂಪಾಡಿ ಶಾಲೆಗ್ 25 ಸಾರ ರೂ. ಪನವುದ ಸಕಾಯ

ಮುಲ್ಕಿ: ಪುಗರ್ತೆದ ಸಮಾಜಸೇವಕೆರ್ ಉದಯ ಪೂಜಾರಿ ಬಲ್ಲಾಳ್ ಭಾಗ್ ಮೆರೆನ ಸಾರಥ್ಯದ ಬಿರುವೆರ್ ಕುಡ್ಲ (ರಿ.) ಸಮಾಜಸೇವಾ ಸಂಘಟನೆದ ಮುಲ್ಕಿ ಘಟಕದ ವತಿರ್ದ್ ಮಾನಂಪಾಡಿ ಶಾಲೆಗ್ 25 ಸಾರ ರೂ.ದ ಪನವುದ ಸಕಾಯೊನು ಕೊರ್ಪಿನ ಲೇಸ್ ಮೇ31 ಕ್ಕ್ ನಡತ್ಂಡ್.

ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್ ಬೊಕ್ಕ ಮಾತ ಸದಸ್ಯೆರ್ ಮುಲ್ಕಿ ಕೈತಲ್ದ ಮಾನಂಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಬುಧಾರ ನಡತಿನ ಲೇಸ್ ಡ್ ಮೇ ತಿಂಗೊಲ್ದ 71ನೇ ಸ್ಪಂದನ ಸೇವಾ ಯೋಜನೆಯಾದ್ ಶಾಲೆಗ್ ಅಗತ್ಯದ ಸೊತ್ತುಲೆನ್ ದೆತೊನರೆ 25000 ರೂಪಾಯಿನ್ ಚೆಕ್ ಮುಖೇನ ಕೊರಿಯೆರ್.

ಈ ಪೊರ್ತುಡು ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್, ಉಪಾಧ್ಯಕ್ಷೆರ್ ಉಮೇಶ್ ಮಾನಂಪಾಡಿ, ದೀಪಕ್ ಪಡುಬೈಲ್, ವಿನೀತ್ ಮಾನಂಪಾಡಿ, ಕಾರ್ಯದರ್ಶಿ ಗಿರಿಧರ ಅಮೀನ್, ಸದಸ್ಯೆರ್ ಮಾಧವ ಕಿಲ್ಪಾಡಿ ಅಂಚೆನೆ ಶಾಲಾ ಆಡಳಿತ ಸಮಿತಿದ ಸದಸ್ಯೆರ್, ಶಾಲಾ ಶಿಕ್ಷಕೆರ್ ಇತ್ತೆರ್.

Biruver Kudla (R); Mulki unit–Donate rupees 25,000 to Manampadi School

With lead from well known social worker Uday Poojary, Ballal Bagh Biruver Kudla, Mulki unit an aid of rupees 25,000 was given to Manampadi School at a program on 31 st May.

ಶಿಮಂತೂರು ದೇವಸ್ಥಾನಗ್ ನಟೆ ಸುನಿಲ್ ಶೆಟ್ಟಿ ಭೇಟಿ

ಮುಲ್ಕಿ: ಮುಲ್ಕಿ ಸೀಮೆದ 9 ಮಾಗಣೆದ ಶಿಮಂತೂರು ಶ್ರೀ ಆದಿ ಜನಾರ್ಧನ ದೇವಲ್ಯಗ್ ಬಾಲಿವುಡ್ ನಟೆ ಸುನಿಲ್ ಶೆಟ್ಟಿ ಭೇಟಿ ಕೊರ್ದು, ಪ್ರಸಾದ ದೆತೊಂಡೆರ್.

ಈ ಪೊರ್ತುಡು ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ದಿನೇಶ್ಚಂದ್ರ ಅಜಿಲ, ಹರೀಶ್ ಶೆಟ್ಟಿ, ಪ್ರಬಂಧಕೆರ್ ಕಿಶೋರ್ ಶೆಟ್ಟಿ, ಅಶ್ವಿನ್ ಆಳ್ವ ಕುಬೆವೂರು ಇತ್ತೆರ್. ಬೊಕ್ಕ ಸುನಿಲ್ ಶೆಟ್ಟಿ ಅಭಿಮಾನಿಲು ಸೆಲ್ಫಿ ದೆತ್ ದ್ ಕುಸಿ ಪಡೆಯೆರ್.

ಮಗಲೆಗ್ 25 ಸರ್ತಿ ಬಿಸತ್ತಿಡ್ ಕುತುದ್ ಕೆರಿನ ಅಮ್ಮೆ!!

ಸೂರತ್ : ರಾತ್ರೆಡ್ ಮಗಲ್ ಟೆರೆಸ್ ದ ಮಿತ್ತ್ ಜೆಪ್ಪುನ ಇಚಾರಗ್ ಅಪ್ಪೆ ಅಮ್ಮಗ್ ಸುರುವಾಯಿನ ಲಡಾಯಿನ್ ತಪ್ಪಾವರೆ ಬತ್ತಿನ ಮಗಲೆನ್ ಅಮ್ಮೆನೇ 25 ಸರ್ತಿ ಬಿಸತ್ತಿ ಪಾಡ್ದ್ ಕೆರಿನ ಘಟನೆ ಸೂರತ್ ಡ್ ನಡತ್ಂಡ್.

ಮಗಲೆನ್ ಕೆರ್ಪಿನ ಭಯಂಕರ ಘಟನೆ ಸಿಸಿಟಿವಿಡ್ ದಾಖಲ್ ಆತ್ಂಡ್. ಈ ವಿಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆವೊಂದು ಉಂಡು.ಮಗಲೆನ್ ಕೆರಿನ ಆರೋಪಿ ರಾಮಾನುಜ (45) ನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್. ಮೆರೆನ ಬೊಡೆದಿ ರೇಖಾ ಪೊಲೀಸೆರೆಗ್ ದೂರು ಕೊರ್ತೆರ್. ಅಂಚಾದ್ ಘಟನೆ ನಡೆತ್ತ್ ದ್ 2 ದಿನತ್ತ ಬೊಕ್ಕ ಆರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಕೇಸ್ ದ ದಾದ ?:
ರಾಮಾನುಜ ಮೆರೆನ ಕುಟುಂಬ ಸೂರತ್‌ದ ಸತ್ಯ ನಗರ ಸೊಸೈಟಿಡ್ ಅಪಾರ್ಟ್ಮೆಂಟ್‌ಡ್ ವಾಸ ಮಲ್ತೊಂದು ಇತ್ತ್ಂಡ್. ರಡ್ಡ್ ದಿನತ್ತ ಪಿರವು ರಾಮಾನುಜ ಮೆರೆನ ಮಗಲ್ ಟೆರೇಸ್ ದ ಮಿತ್ತ್ ಜೆತ್ತ್ ದ್ ಇತ್ತಲ್. ಈ ಇಸಯಗ್ ಸಂಬಂಧ ಪಟ್ಟಿನಂಚೆನೆ ರಾಮಾನುಜನ್ ಬೊಡೆದಿಡ ಗಲಾಟೆ ಮಲ್ತ್ ದ್ ಇತ್ತೆರ್.‌

ರಾಮಾನುಜ ಸುಮಾರ್ ರಾತ್ರೆ 11.20 ಕ್ಕ್, ತನ್ನ ಜೋಕುಲೆನ ಎದುರು ತನ್ನ ಬೊಡೆದಿನ ಮಿತ್ತ್ ಬಿಸತ್ತಿರ್ದ್ ಪೆಟ್ಟ್ ಮಲ್ದೆ. ಅಪ್ಪೆಗ್ ಪೆಟ್ಟಾಯಿನೆನ್ ತೂಯಿನ ಮಗಲ್ ಅಪ್ಪೆನ್ ಕಾಪಾಡಿಯೆರೆ ಪೋಯಲ್. ಕೋಪಡ್ ಇತ್ತಿನ ರಾಮಾನುಜನ ಕೈಕ್ಕ್ ತಿಕಿನ ಮಗಲೆನ್ ಗೋಡೆಗ್ ನೂಕುದು 25ರ್ದ್ ಎಚ್ಚ ಸರ್ತಿ ಬಿಸತ್ತಿ ಪಾಡ್ದೆ ಪಂದ್ ತೆರಿದ್ ಬೈದ್ಂಡ್.

PUC classes to begin from tomorrow ಎಲ್ಲೆ ಪಿಯುಸಿ ಕ್ಲಾಸ್ ಸುರು

ರಾಜ್ಯಡ್ ಜೂ.1 ರ್ದ್ ಫಸ್ಟ್ ಬೊಕ್ಕ ಸೆಕೆಂಡ್ ಪಿಯುಸಿ ಕ್ಲಾಸ್ ಸುರು ಆಪುಂಡು.

ಮಾತ ಸರ್ಕಾರಿ, ಅನುದಾನಿತ ಬೊಕ್ಕ ಅನುದಾನ ಇಜ್ಜಂದಿನ ಪಿಯು ಕಾಲೇಜ್ ಲು ಸುರು ಆಪುಂಡು. ಪಿಯು ಬೋರ್ಡ್ ಪಠ್ಯಕ್ರಮನ್ ಮಾತ ಕಾಲೇಜ್ ಅನುಸರಿಸಾವೊಂಡು ಪಂದ್ ವರದಿ ಆತ್ಂಡ್.

ಅಕ್ಟೋಬರ್ 14-29 ಮುಟ್ಟ ಮಧ್ಯಂತರ ರಜೆ ಉಂಡು. 2024 ನೇ ಇಸವಿಡ್ ಮಾರ್ಚ್ 31 ರ್ದ್ ಅರೆಗಲದ ರಜೆ ಸುರು ಆಪುಂಡು.

PUC classes to begin from tomorrow

The first and second puc classes will start from June 1 st.

ರಾಷ್ಟ್ರಮಟ್ಟದ ವಾಲಿಬಾಲ್ ಆಟಗಾರ್ತಿ ತಿಗಲೆ ಬೇನೆಡ್ ತೀರ್ ಪೋಯೆರ್

ರಾಷ್ಟ್ರಮಟ್ಟದ ವಾಲಿಬಾಲ್ ಆಟಗಾರ್ತಿ ಸಾಲಿಯತ್ ಮೇರ್ ತಿಗಲೆ ಬೇನೆಡ್ ತೀರ್ ಪೋಯೆರ್.

ಮಸ್ತ್ ತಿಗಲೆ ಬೇನೆ ಇತ್ತಿರ್ನೆದಾವೆರ ಮೆರೆನ್ ಕುಡ್ಲದ ಆಸ್ಪತ್ರೆಗ್ ದಾಖಲ್ ಮಲ್ತೆರ್. ಮುಲ್ಪ ಮೆರೆಗ್ ಚಿಕಿತ್ಸೆ ಫಲಕಾರಿ ಆವಂದೆ ಇನಿ ತೀರ್ ಪೋಯೆರ್ ಪಂದ್ ಆಸ್ಪತ್ರೆದ ವೈದ್ಯೆರ್ ತೆರಿಪಾದೆರ್.

ಪಡ‌ಂಗಡಿ ಪೊಯ್ಯೆಗುಡ್ಡೆ ನಿವಾಸಿ ಆದಂ ಬೊಕ್ಕ ಹವ್ವಮ್ಮ ದಂಪತಿಲೆನ ಮಗಲಾಯಿನ ಸಾಲಿಯತ್ ಮೇರ್ ಒಂಜಿ ವರ್ಷದ ಪಿರವು ಮದಿಮೆ ಆತೆರ್. ಅತ್ತಂದೆ ಮೇರ್ ರಾಷ್ಟ್ರೀಯ ವಾಲಿಬಾಲ್ ಕೂಟಡ್ ಗೊಬ್ಬುದೆರ್. ಕರ್ನಾಟಕದ ಪರವಾದ್ ಗೊಬ್ಬುದು ಸುಮಾರ್ ಪದಕ ಕನದೆರ್. ಮೇರ್ ದಕ್ಷಿಣ ಕನ್ನಡದ ಉಜಿರೆಡ್ ಕಲ್ತ್ ದೆರ್.