ಮಣಿಪಾಲ: ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಬೊಕ್ಕ ವಾಯ್ಸ್ ಆಫ್ ಆರಾಧನಾ ಸಂಸ್ಥೆದ ಒಟ್ಟುಸೇರಿಗೆಡ್ ‘ಚಿಣ್ಣರ ದನಿ ಲೇಸ್ ದ 11ನೇ ಸಂಚಿಕೆ (ಇನಿ) ಮೇ31 ಬುಧಾರ 5.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಬಾಲ ಪ್ರತಿಭೆ ಸ್ಕಂದ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ರೇಡಿಯೊ ಮಣಿಪಾಲದ ಪ್ರಕಟಣೆ ತೆರಿಪಾದ್ಂಡ್. ನನ ಜೂನ್ 1 ಗುರುವಾರ ಮಧ್ಯಾಹ್ನ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.
ಶಾಂಘೈ ಸಹಕಾರ ಸಂಸ್ಥೆದ (SCO) ವಾರ್ಷಿಕ ಶೃಂಗಸಭೆನ್ ಭಾರತ ಆಯೋಜನೆ ಮಲ್ದ್ಂಡ್.
ಈ ಸಮ್ಮೇಳನನ್ ಜುಲೈ 4 ಕ್ಕ್ ವರ್ಚುವಲ್ ರೀತಿಡ್ ಆಯೋಜನೆ ಮಲ್ಪೆರೆ ಉಂಡು. ಪ್ರಧಾನಿ ಮೋದಿ ಗುರ್ಕಾರ್ಮೆನ್ ಒಯಿಸೊನ್ವೆರ್ ಪಂದ್ ವಿದೇಶಾಂಗ ಸಚಿವಾಲಯ ತೆರಿಪಾದ್ಂಡ್.
ಈ ಸಭೆಕ್ಕ್ ಮತ ಸದಸ್ಯ ರಾಷ್ಟ್ರಲಾಯಿನ ಚೀನಾ, ರಷ್ಯಾ, ಕಝಾಕಿಸ್ತಾನ್, ಕಿರ್ಗಿಸ್ತಾನ್, ಪಾಕಿಸ್ತಾನ, ತಜಕಿಸ್ತಾನ್ ಬೊಕ್ಕ ಉಜ್ಬೇಕಿಸ್ತಾನ್ ನ್ ಲೈದ್ಂಡ್. ಇರಾನ್, ಬೆಲಾರಸ್ ಬೊಕ್ಕ ಮಂಗೋಲಿಯಾನ್ ತೂಪುನ (ವೀಕ್ಷಕ) ರಾಜ್ಯ ಆದ್ ಲೈದ್ಂಡ್.
India to host Shanghai Cooperative organization ( SCO) summit in Virtual mode on July 4 th
The summit in Virtual mode to be held on July 4 th will be chaired by PM Narendra Modi.
All member nations of the organisation will take part virtually in the program.
ದಾವಣಗೆರೆತ್ತ ಹರಿಹರದ ಪೊಣ್ಣು ಭೂಮಿಕಾ ಭಾರತೀಯ ನೌಕಾದಳಗ್ ಆಯ್ಕೆ ಆತೆರ್.
ಇಂಚಿಪ್ಪ ನೌಕಾದಳತ್ತ ಪರೀಕ್ಷೆ ಬರೆಯಿನ ಭೂಮಿಕಾ, ಇತ್ತೆ ರಾಜ್ಯರ್ದ್ ನೌಕಾದಳಗ್ ಆಯ್ಕೆ ಆಯಿನ ಏಕೈಕ ಪೊಣ್ಣು ಆತೆರ್. ಫಾರ್ಮಸಿ ಕಲ್ತಿನ ಮೇರ್ ಇಲ್ಲಲ್ ಮಸ್ತ್ ಬಡಪತ್ತ್ ಡ್ ಬುಲೆಂಡಲ, ಒವ್ವೇ ಕೋಚಿಂಗ್ ಸಕಾಯ ಇಜ್ಜಂದೆ ಬೇಲೆ ಪಡೆತೆರ್. ಮೆರೆನ ಪೊಪ್ಪ ತೀರ್ ಪೋತೆರ್. ಆಂಡಲ ಗಟ್ಟಿ ಮನಸ್ ಡ್ ವಿದ್ಯಾಭ್ಯಾಸ ಮುಗಿತ್ ದ್ ಇತ್ತೆ ಒಡಿಶಾಗ್ ಬೇಲೆಗ್ ಪೋವರೆ ತಯಾರಾತೆರ್.
Bhumika from Davangere is the only girl to be selected for the Navy from the state
Bhumika from Harihara in Davangere district is the lone girl from the state to be selected for the Indian Navy.She had appeared for the exams conducted by the Navy wing and is a pharmacy graduate.
ಕುಡ್ಲ: ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ ಕುಡ್ಲ ಸೀಮೆದೊಡತಿ ಮಂಗಳಾದೇವಿ ತುಳು ಭಕ್ತಿ ಸುಗಿಪು ಬುಡುಗಡೆ ಲೇಸ್ ಜೂ.2 ಸುಕ್ರಾರ ಬಯ್ಯಗ್ 6 ಗಂಟೆಗ್ ಕುಡ್ಲದ ಶ್ರೀ ಮಂಗಳಾದೇವಿ ದೇವಲ್ಯ ನಡಪರೆ ಉಂಡು.
ಈ ಭಕ್ತಿ ಸುಗಿಪುನ್ ಶಾಸಕೆರ್ ಡಿ.ವೇದವ್ಯಾಸ್ ಕಾಮತ್ ಬುಡುಗಡೆ ಮಲ್ಪುವೆರ್. ಈ ಲೇಸ್ ಡ್ ಎಂಎಲ್ ಅಶ್ವಿನಿ, ಮಂಜೇಶ್ವರ ಬ್ಲಾಕ್ ಪಂಚಾಯತ್ ಸದಸ್ಯೆ, BJMM ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯೆರ್, ದೇವಲ್ಯದ ಆಡಳಿತ ಮೊಕ್ತೇಸರೆರ್ ಉಪಸ್ಥಿತಿಡ್ ಇಪ್ಪುವೆರ್.
ಹರ್ಷಲ್ ಶೆಟ್ಟಿ ಕಲ್ಲಮುಂಡ್ಕೂರು ಬರೆತಿನ ಸಾಹಿತ್ಯದ ಈ ಭಕ್ತಿ ಸುಗಿಪುನ್ ಕಟೀಲ್ದ ಐಸಿರಿ ಖ್ಯಾತಿದ ದಿಯಾ ರಾವ್. ಕೆ ಕುಡ್ಲ ಪದ ಪಂದ್ ಅಭಿನಯ ಮಲ್ದೆರ್. ಅತ್ತಂದೆ ಮೆರೆನೊಟ್ಟಿಗೆ ಗುರುರಾಜ್ ಲ ಪದ ಪಂತೆರ್. ಛಾಯಾಗ್ರಹಣ ಬೊಕ್ಕ ಸಂಕಲನನ್ ಕಿಶೋರ್ ಬೊಲ್ತೇರ್ ಮಲ್ದೆರ್. ನೆತ್ತ ಸಮಗ್ರ ನಿರ್ವಹಣೆನ್ ದಯಾನಂದ ಅಮೀನ್ ಬಾಯಾರು ಮಲ್ದೆರ್. ಈ ಭಕ್ತಿ ಸುಗಿಪು ದಯಾ ಕ್ರಿಯೇಷನ್ ಯೂಟ್ಯೂಬ್ ಡ್ ಬರಿಯೆರೆ ಉಂಡು.
June 2nd– ” Kudla Seemedodathi Mangaladevi” Tulu devotional song series to be released
The series is brought out by Bayar Daya creations and the program will be held at Mangaladevi temple at 6 p. m.
ಬಿಜೆಪಿದ ಮಹಾಜನ ಸಂಪರ್ಕ ಅಭಿಯಾನ ಇನಿರ್ದ್ ಸುರು ಆಪುಂಡು.
9 ವರ್ಷದ ಆಡಳಿತಡ್ ಕೇಂದ್ರಡ್ ಮೋದಿ ಸರ್ಕಾರ ಜಾರಿಗ್ ಕನತಿನ ಯೋಜನೆನ್ ಜನಕುಲೆಗ್ ತೆರಿಪಾವುನ ಉದ್ದೇಶರ್ದ್ ಈ ಅಭಿಯಾನನ್ ದೆತೊನಿಯೆರೆ ಆಪುಂಡು. ನೆತ್ತ ಭಾಗವಾದ್ ಪ್ರತಿ ಲೋಕಸಭೆ ಕ್ಷೇತ್ರಡ್ ಬಿಜೆಪಿ ಮುಖಂಡೆರ್ ಸಾರ ಪ್ರಮುಖೆರೆನ್ ಭೇಟಿ ಮಲ್ಪೆರೆ ಉಲ್ಲೆರ್.
ಬೊಕ್ಕ ಬಿಜೆಪಿದ ಸಾಧನೆನ್ ಅರೆಗ್ ತೆರಿಪಾಯೆರೆ ಉಂಡು. ಇನಿರ್ದ್ ಜೂನ್ 30 ಮುಟ್ಟ ಒಂಜಿ ತಿಂಗೊಲ್ದ ಕಾಲ ಈ ಲೇಸ್ ನಡಪರೆ ಉಂಡು.
ಅಡ್ಯಾರ್ ಗಾರ್ಡನ್ ಡ್ ನಡತಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಯಕ್ಷಧ್ರುವ ಕಲಾ ವೈಭವ 2023 ಪಂತೊಡು ಕಲಾಕುಂಭ ಸಾಂಸ್ಕೃತಿಕ ಕೂಟ ಕುಳಾಯಿ , ಸುರುತ್ತ ಇನಾಮು 50 ಸಾರ ರೂ. ಬೊಕ್ಕ ಶಾಶ್ವತ ಫಲಕ ಗೆಂದ್ಂಡ್.
ಈ ಲೇಸ್ ದ ಮಲ್ಲ ಬಿನ್ನೆರ್ ಕನ್ಯಾನ ಸದಾಶಿವ ಶೆಟ್ಟಿ, ಶಶಿಧರ ಶೆಟ್ಟಿ ಬರೋಡ, ಪಟ್ಲ ಸತೀಶ ಶೆಟ್ಟಿ, ಕದ್ರಿ ನವನೀತ ಶೆಟ್ಟಿ, ಕರ್ನೂರು ಮೋಹನ್ ರೈ, ಪ್ರದೀಪ್ ಆಳ್ವ ಕದ್ರಿ ಮೊಕ್ಲೆರ್ದ್ ಇನಾಮುನ್ ಕಲಾಕುಂಭ ಕುಳಾಯಿ ಕೂಟದ ಅಧ್ಯಕ್ಷೆರ್ ನಾಗೇಶ್ ಕುಲಾಲ್ ಕುಳಾಯಿ, ಕಾರ್ಯದರ್ಶಿ ನಾರಾಯಣ್ ಹೊಸಬೆಟ್ಟು, ಉಮೇಶ್ ಬಾಳ, ಮನೋಜ್ ಕುಲಾಲ್ ಕುಳಾಯಿ, ಮಾಧವ ಭಂಡಾರಿ ಕುಳಾಯಿ, ಭಗವಾನ್ ಸುರತ್ಕಲ್, ವಸಂತ ಪಡೀಲ್, ಕಾರ್ತಿಕ್, ಅಕ್ಷಯ್, ತಾರನಾಥ, ಸಪ್ತವರ್ಣ, ಪ್ರೇಮ, ನಾರಾಯಣ, ವಿಶ್ವನಾಥ ಸೂರಿಂಜೆ, ತುಳಸಿ ಕುಳಾಯಿ, ಸತೀಶ್ ತಡಂಬೈಲ್, ಕುಶಲಾಕ್ಷಿ, ವಿಶ್ವನಾಥ, ಧನಂಜಯ ಮುಲ್ಕಿ, ವೈಶಾಖ ಸೂರಿಂಜೆ, ರಕ್ಷಾ ಉನ್ನತಿ, ಮನಿಷಾ, ನಿರೀಕ್ಷಾ, ಶ್ರಾವ್ಯ, ಚಿತ್ರ ಸತೀಶ್, ದಯಾನಂದ ತಡಂಬೈಲ್, ದರ್ಶನ್, ಯಶೀಕ, ನಿಕಿಲ್, ಪ್ರಿತ್ವಿರಾಜ್, ಆಶಾ ರಾಜು ಕುಲಾಲ್, ಯಾಶಿಕಾ, ವಂಶಿತ್, ಮೋಹಿತ್, ಕಾರ್ತಿಕ್ ಕತ್ತಲ್ ಸಾರ್, ಮೋಹಿನಿ, ನಾಗೇಶ್, ದಿನೇಶ್, ಮಾಸ್ಟರ್ ಕಿರಣ್, ಪ್ರಣೀತ, ರಿಶಿತ ಪಡೀಲ್ ಮೊಕುಲು ದೆತೊಂಡೆರ್.
Yaksha Druva Kala Vaibhava Award to Kalakumbha Samskritika Kootha , Kulai
Yaksha Druva Patla Foundation had organised Kala Vaibhav 2023 compitition which carries a cash award of rupees 50,000 and a memento.
This was won by Kalakumbha Samskritika Kootha Kulai.
ಗುರು ಗ್ರಹ ಸೌರಮಂಡಲದ ಮಸ್ತ್ ಮಲ್ಲ ಗ್ರಹ. ಆಂಡ ನೇರ್ದ್ ಲ 13 ಪಟ್ಟ್ ಮಲ್ಲ ಇಪ್ಪುನ ಗ್ರಹನ್ ಅಹ್ಮದಾಬಾದ್ ಮೂಲದ ಫಿಸಿಕಲ್ ಲ್ಯಾಬೋರೇಟರಿದ ಪ್ರೊಫೆಸರ್ ಅಭಿಜಿತ್ ಚಕ್ರವರ್ತಿ ಬೊಕ್ಕ ಕೂಟ ಪತ್ತೆ ಮಲ್ದ್ಂಡ್.
ಉಂದು ಭೂಮಿರ್ದ್ 731 ಜ್ಯೋತಿರ್ವರ್ಷ ದೂರಡ್ ಉಂಡು. ಈ ಗ್ರಹದ ತಾಪಮಾನ ಪ್ರಖರ ಆತ್ಂಡ್. ಸುಮಾರ್ 1369 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ಉಂಡು ಪಂದ್ ವಿಜ್ಞಾನಿಲು ತೆರಿಪಾದೆರ್.
Indian Scientists discover a new massive planet in the solar system!!
A massive planet 13 times larger than Jupiter that is the largest planet known till date was discovered by Professor Abijeeth Chakraborty and his team from Physical Laboratory.
ಕುಡ್ಲ: ಕುಡ್ಲ ವಿಶ್ವವಿದ್ಯಾಲಯದ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ, ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜ್ ಕುಡ್ಲ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠ, ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರ, ನಾದ ನೂಪುರ ಯಕ್ಷೋತ್ಥಾನ ಟ್ರಸ್ಟ್ (NYT) ವಂಡಾರ್ ಮೊಕ್ಲೆನ ಒಟ್ಟುಸೇರಿಗೆಡ್ ಗೇನದ ಗೆಜ್ಜೆ-ನೂದನೆ ಪಜ್ಜೆ ಲೇಸ್ ಅಂಚೆನೆ ತ್ರಿಂಶತಿ ತಿರ್ಲ್ ಬೊಕ್ಕ ಅಪ್ಪೆ ಅಂಜನೆ ಬೂಕುಲೆನ ಬುಡುಗಡೆ ಜೂ.6 ಗುರುವಾರ ಬಯ್ಯಗ್ 4 ಗಂಟೆಗ್ ಹಂಪನಕಟ್ಟೆದ ರವೀಂದ್ರ ಕಲಾಭವನಡ್ ಉಂಡು.
ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಶ್ರೀ ಗುರುದೇವಾನಂದ ಸ್ವಾಮೀಜಿ ಲೇಸ್ ಉದಿಪನ ಮಲ್ತ್ ದ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಕುಡ್ಲ ವಿಶ್ವವಿದ್ಯಾಲಯದ ಗೌರವಾನ್ವಿತ ಕುಲಪತಿ ಪ್ರೊ.ಪಿ ಸುಬ್ರಹ್ಮಣ್ಯ ಯಡಪಡಿತ್ತಾಯ ಗುರ್ಕಾರ್ಮೆನ್ ಒಯಿಸೊಂದು, ಕೃತಿ ಬುಡುಗಡೆ ಮಲ್ಪೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಲಕ್ಷ್ಮೀದೇವಿ ಎಲ್, ವಂಡಾರ್ ಎನ್ ವೈ ಟಿ ಸ್ಥಾಪಕಾಧ್ಯಕ್ಷೆರ್ ಗೋವಿಂದ ವಂಡಾರ್, ಬಾಳ ಕಳವಾರ್ ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿದ ವ್ಯವಸ್ಥಾಪಕೆರ್ ಸುರೇಂದ್ರ ಮಲ್ಲಿ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠದ ಸಲಹಾ ಮಂಡಳಿ ಸದಸ್ಯೆರ್ ಪ್ರವೀಣ್ ಕುಮಾರ್ ಕೋಡಿಯಾಲ್ ಬೈಲ್, ಪ್ರವೀಣ್ ಕುಮಾರ್ ಇಂದ್ರ, ಮೋಹನ್ ಪಡಿವಾಳ್, ರಾಜಶ್ರೀ ಎಸ್ ಹೆಗ್ಡೆ ಉಲ್ಲೆರ್.
ಅಂಚೆನೆ ಜೈ ಗುರುದೇವ ಕಲಾಕೇಂದ್ರ ಒಡಿಯೂರು ಮುಲ್ತ ಜೋಕುಲೆರ್ದ್ ಜಾನಪದ ನಲಿಕೆ, ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್, ಶುಭಾಶಯ ಜೈನ್ ಬರೆತಿನ ಅಪ್ಪೆ ಅಂಜನೆ ತುಳು ಪ್ರಸೊಂಗದ ಕಡೀರ ಪ್ರದರ್ಶನ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರೆನ್ಲಾ ಲೇಸ್ ದ ಸಂಯೋಜಕೆರ್ ಜಯಲಕ್ಷ್ಮಿ ಆರ್. ಶೆಟ್ಟಿ, ಶುಭಾಶಯ ಜೈನ್, ಶ್ರೀ ಧ. ಮಂ. ತುಳುಪೀಠ ಬೊಕ್ಕ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗದ ಸಂಯೋಜಕೆರ್ ಡಾ. ಮಾಧವ ಎಂ.ಕೆ, ಕುಡ್ಲ ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜ್ ದ ಪಾಂಶುಪಾಲೆರ್ ಡಾ. ಲಕ್ಷ್ಮೀ ದೇವಿ ಎಲ್ ಎದ್ಕೊನೊಂದುಲ್ಲೆರ್.
June 6 th: Manglore University College – Books release program
Books with the following titles – Geynada Gejje Nudaney Pejjje, Trimshathi Thirlu, Appe Anjaney will be released on June 6 th at Ravindra Kala Bavan .
The program will be inaugurated and blessed by Sri Gurudeva Nanda Swamiji of Sri Guru Devadatta Sanstan , Odiooru.
ಏರ್ ನ್ಯೂಜಿಲೆಂಡ್ ಇಮಾನಯಾನ ಸಂಸ್ಥೆ ವಿನೂತನ ನಿರ್ಧಾರ ದೆತೊಂದುಂಡು.
ಜೂನ್ 2 ರ್ದ್ ಸಾಮಾನ್ಯ ಲಗೇಜ್ ದೊಟ್ಟಿಗೆ, ಪ್ರಯಾಣಿಕೆರೆನ ತೂಕನ್ ಲೆಕ್ಕ ಮಲ್ಪೆರೆ ಆಪುಂಡು ಪಂದ್ ಪ್ರಕಟಣೆಡ್ ತೆರಿಪಾದ್ಂಡ್.
ಇಂಚ ಮಲ್ಪುನೇರ್ದ್ ಇಮಾನ ಟೇಕಾಫ್ ಆಪಿನ ದುಂಬೇ ಪೈಲೆಟ್ ಗ್ ಪ್ರಯಾಣಿಕೆರೆನ ಸರಾಸರಿ ತೂಕ ಗೊತ್ತಾಪುಂಡು ಪಂದ್ ತೆರಿಪಾದ್ಂಡ್.
Weight of passengers to be taken in Air Newzealand flights from June 2 nd
This descision was taken so that the pilot can know the total weight in the aircraft along with luggage during take off of the flight.
ಸುರ್ಯ ಶ್ರೀ ಸದಾಶಿವ ರುದ್ರ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್, ನಿವೃತ್ತ ಅಸಿಸ್ಟೆಂಟ್ ಕಮಿಷನರ್ ಆಫ್ ಪೊಲೀಸ್ (ACP) ಆಯಿನ ಸುಭಾಷ್ ಚಂದ್ರ ಸುರ್ಯಗುತ್ತು, ಮೇರ್ (ಮೇ31) ಕೋಡೆ ಕಾಂಡೆ 2:45 ಕ್ಕ್ ದೇವೆರೆ ಪಾದೊ ಸೇರಿಯೆರ್.
ಕುಡ್ಲ ಅಶೋಕನಗರದ ಪಾಲ್ಗುಣಿ ಪೇಂಟೆದ ಮೆರೆನ ನಿವಾಸಡ್ ಬೊಲ್ಪುಗು 8:30 ಮುಟ್ಟ ಅಕೇರಿದ ದರ್ಶನಗ್ ವ್ಯವಸ್ಥೆ ಮಲ್ದೆರ್. ಬೊಕ್ಕ ಮೆರೆನ ಪುಟ್ಟಿನ ಊರು ಸುರ್ಯಗುತ್ತುಡ್ ಮೆರೆನ ಅಕೇರಿದ ವಿಧಿ ವಿಧಾನನ್ ಮಧ್ಯಾಹ್ನ 12 ಗಂಟೆಗ್ ನಡಪರೆ ಉಂಡು.
