ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

An accused absconding from the past 10 years caught by Hebri police 10 ವರ್ಷೊರ್ದಿಂಚ ದೆಂಗ್ ದ್ ಕುಲ್ಲುದಿತ್ತಿನ ಆರೋಪಿ ಅರೆಸ್ಟ್..!

ಒಡಿಪು: 10 ವರ್ಷೊದಿಂಚ ಕೋರ್ಟುಗು ಹಾಜರ್ ಆವಂದೆ ದೆಂಗ್ ದ್ ಕುಲ್ಲುದಿತ್ತಿನ ಆರೋಪಿನ್ ಹೆಬ್ರಿ ಪೊಲೀಸೆರ್ ನಾಡ್ ಪತ್ತ್ ದ್ ಕೋರ್ಟುಗು ಹಾಜರ್ ಮಲ್ದೆರ್.

ಚಿಕ್ಕಮಗಳೂರು ಆಲ್ದೂರು ಹಾಂದಿ ಇಂದಿರಾ ಪೇಂಟೆದ ಸಂತೋಷ್ ಶೆಟ್ಟಿ (38) ಅರೆಸ್ಟ್ ಆಯಿನ ಆರೋಪಿ. ಈ ಜನತ್ತ ಮಿತ್ತ್ 2010ಟ್ಟ್ ಹೆಬ್ರಿ ಠಾಣೆಡ್ ಕೇಸ್ ದಾಖಲ್ ಆದ್ ಕೋರ್ಟುಡು ವಿಚಾರಣೆ ನಡತೊಂದು ಇತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್.

ಅಂಚೆನೆ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕೆರ್, ಒಡಿಪು ಜಿಲ್ಲೆ ಬೊಕ್ಕ ಪೊಲೀಸ್ ಉಪಾಧೀಕ್ಷಕೆರ್, ಕಾರ್ಲ ಉಪ ವಿಭಾಗ ಬೊಕ್ಕ ವೃತ್ತ ನಿರೀಕ್ಷಕೆರ್, ಕಾರ್ಲ ವೃತ್ತ ನಿರ್ದೇಶನಡ್ ಹೆಬ್ರಿ ಠಾಣಾ ಪಿ ಎಸ್ ಐ ಸುದರ್ಶನ್ ದೊಡಮನಿ ಮೆರೆನ ಮಾರ್ಗದರ್ಶನಡ್ ಸಿ ಎಚ್ ಸಿ ಸುರೇಶ್ ಎಚ್ ಬೊಕ್ಕ ಸಿಪಿಸಿ ಸದಾನಂದ ಕಾರ್ಯಾಚರಣೆಡ್ ಪಾಲ್ ಪಡೆದಿತ್ತೆರ್.

An earthquake of 6.5 intensity rocks Phillipines ಫಿಲಿಪೈನ್ಸ್ ಡ್ 6.5 ಬಿರ್ಸ್ ದ ಭೂಕಂಪ

ಫಿಲಿಪೈನ್ಸ್ ದ ಮಿಂಡೋರೊ ದ್ವೀಪಡ್ ಇನಿ ಬೊಲ್ಪುಗು 6.5 ಬಿರ್ಸ್ ದ ಭೂಕಂಪ ಆತ್ಂಡ್ ಪಂದ್ ಜರ್ಮನ್ ಭೂಕಂಪ ಕೇಂದ್ರ ತೆರಿಪಾದ್ಂಡ್.

ಅತ್ತಂದೆ ಮನಿಲಾಡ್ಲಾ ಭೂಮಿ ನಡ್ಗ್ ದ್ಂಡ್ ಪಂದ್ ಅಂತರಾಷ್ಟ್ರೀಯ ವರದಿ ತೆರಿಪಾದ್ಂಡ್. ಆಂಡ, ನೇರ್ದ್ ತೊಂದರೆ ಆಯಿನ ಬಗ್ಗೆ ನನ ತೆರಿದ್ ಬರೊಡಾತೆ.

Fire at Netaji International Airport, Kolkata ಕೋಲ್ಕತ್ತಾದ ನೇತಾಜಿ ಅಂತರಾಷ್ಟ್ರೀಯ ಇಮಾನ ನಿಲ್ದಾಣಡ್ ತೂ

ಕೋಲ್ಕತ್ತಾ: ಪಶ್ಚಿಮ ಬಂಗಾಳದ ರಾಜಬೂಡು ಕೋಲ್ಕತದ ನೇತಾಜಿ ಸುಭಾಷ್‌ ಚಂದ್ರ ಬೋಸ್‌ ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣದ ಡಿಪಾರ್ಚರ್ ಲಾಂಜ್ ದ ಡಿ ಪೋರ್ಟಲ್ ಪ್ರದೇಶಡ್ (ಜೂ.14) ಬುಧಾರ ರಾತ್ರೆ ತೂ ಪೊತ್ತ್ ದ್ಂಡ್.

ಡಿ ಪೋರ್ಟಲ್ ಪಂಡ ಪ್ರಯಾಣಿಕೆರ್ ಬೋರ್ಡಿಂಗ್ ಪಾಸ್‌ನ್ ದೆತ್ತೊನ್ನ ಪ್ರದೇಶ ಆತ್ಂಡ್. ಅತ್ತಂದೆ ನೇರ್ದ್ ಭದ್ರತಾ ತಪಾಸಣೆ ಕೇಂದ್ರದ ಒಂಜಿ ಭಾಗಲ ಪೊತ್ತ್ ದ್ಂಡ್. ಈ ತೂನ್ ರಾತ್ರೆನೇ ತೆಕ್ಕಾದೆರ್ ಪಂದ್ ಇಮಾನ ನಿಲ್ದಾಣದ ಅಧಿಕಾರಿಲು ತೆರಿಪಾದೆರ್. ಅತ್ತಂದೆ ಮಾತ ಪ್ರಯಾಣಿಕೆರೆನ್ ಸುರಕ್ಷಿತವಾದ್ ಬೇತೆ ಜಾಗೆಗ್ ಕಡಪಾದೆರ್ ಪಂದ್ ತೆರಿದ್ ಬೈದ್ಂಡ್.

Centere hindering “Anna Baghya” yojana- CM Siddaramaiah accuses ಅರಿ ಕೊರಂದೆ ಅನ್ನಭಾಗ್ಯ ಯೋಜನೆನ್ ಉಂತಾಯೆರೆ ತೂಪಿನ ಕೇಂದ್ರ ಸರ್ಕಾರ: ಸಿಎಂ ಸಿದ್ದರಾಮಯ್ಯ ಆರೋಪ

ಬೆಂಗ್ಲೂರ್: ಕೇಂದ್ರ ಸರಕಾರ ಅರಿ ಕೊರಂದೆ ಅನ್ನಭಾಗ್ಯ ಯೋಜನೆನ್ ಅನುಷ್ಠಾನ ಮಲ್ಪಂದಿಲೆಕ್ಕ ಮಲ್ತೊಂದುಂಡು ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಆರೋಪ ಮಲ್ದೆರ್.

ಮೇರ್ ಬೆಂಗ್ಲೂರ್ ದ ಶಕ್ತಿ ಭವನಡ್ ಪತ್ರಿಕಾಗೊಷ್ಠಿಡ್ ಪಾತೆರ್ದ್, ಸರಕಾರ ಅರಿ ದೀವೊಂದು ಕೊರೊಂದು ಇಜ್ಜಿ, ಅರಿ ಕೊರ್ಪಿನ ಇಚಾರಡ್ ಕೇಂದ್ರ ಸರಕಾರ ರಾಜಕೀಯ ನಿರ್ಧಾರ ದೆತ್ತೊಂದುಂಡು. ಕೇಂದ್ರ ಎಷ್ಟೇ ಷಡ್ಯಂತ್ರ ಮಲ್ತ್ಂಡಲ ರಾಜ್ಯದ ಜನಕ್ಲೆಗ್ ಎಂಕುಲು ಅರಿ ಕೊರ್ಪಿನ ಗ್ಯಾರಂಟಿ ಪಂದ್ ಪಂಡೆರ್.

ರಾಜ್ಯ ಸರಕಾರ ಅಂತ್ಯೋದಯ ಬೊಕ್ಕ ಬಿಪಿಎಲ್ ಕಾರ್ಡ್ ದಕ್ಲೆಗ್ ಪ್ರತಿ ತಿಂಗೊಲ್ ತಲಾ 10 ಕೆಜಿ ಅರಿ ಕೊರಿಯೆರೆ ತೀರ್ಮಾನ ಮಲ್ತಿನ ಬಗೆಟ್, ಭಾರತೀಯ ಆಹಾರ ನಿಗಮಗ್ ಪ್ರತಿ ತಿಂಗೊಲ್ ಗ್ 2.28 ಲಕ್ಷ ಮೆಟ್ರಿಕ್ ಟನ್ ಅರಿತ್ತ ಅಗತ್ಯ ಉಂಡು ಪಂದ್ ಜೂ.9 ಕ್ಕ್ ಪತ್ರ ಬರೆತ್ಂಡ್. ನೆಕ್ಕ್ ಜೂ.12 ಕ್ಕ್ ಭಾರತೀಯ ಆಹಾರ ನಿಗಮ ಒಪ್ಪಿಗೆ ಕೊರ್ದು ಕ್ವಿಂಟಾಲ್‍ಗ್ 3400 ರೂ. ಡ್ ಅಕ್ಕಿ ಪೂರೈಕೆ ಮಲ್ಪುವ ಪಂದ್ ಎಂಕ್ಲೆಗ್ ಪತ್ರ ಬರೆದಿತ್ತ್ಂಡ್. ಉಂದು ಆಯಿನ ಬೊಕ್ಕ ಕೇಂದ್ರ ಸರಕಾರ ರಾಜಕೀಯ ನಿರ್ಧಾರ ದೆತ್ತೊಂದುಂಡು ಪಂದ್ ಸಿಎಂ ಬೆಚ್ಚ ಆತೆರ್.

ಜೂ.13 ಕ್ಕ್ ಕೇಂದ್ರದ ಆಹಾರ ಬೊಕ್ಕ ನಾಗರಿಕ ಪೂರೈಕೆ ಸಚಿವಾಲಯ ಭಾರತೀಯ ಆಹಾರ ನಿಗಮಗ್ ಪತ್ರ ಬರೆದ್ 15 ಲಕ್ಷ ಮೆಟ್ರಿಕ್ ಟನ್ ಗೋಧಿ ಬೊಕ್ಕ ಅರಿನ್ ಓಪನ್ ಇಪ್ಪುನ ಮಾರ್ಕೆಟ್ ಡ್ ಮಾರುನ ಯೋಜನೆಡ್ ಮಾರಿಯೆರೆ ಪಂತ್ಂಡ್.

ಅರಿ ಬುಲೆಪುನ ರಾಜ್ಯಲಾಯಿನ ಪಂಜಾಬ್, ತೆಲಂಗಾಣ, ಆಂಧ್ರ, ಛತ್ತಿಸ್‍ಗಡ, ಹರಿಯಾಣ ಮುಟ್ಟ ಇತ್ತೆನೇ ಆಹಾರ ಸಚಿವೆರ್ ಕೆ.ಎಚ್. ಮುನಿಯಪ್ಪ ಪಾರ್ತೆದೆರ್. ಜೂ.15ಕ್ಕ್ ಸಚಿವೆರ್ ಕೆ. ಎಚ್. ಮುನಿಯಪ್ಪ ತೆಲಂಗಾಣ ಮುಖ್ಯಮಂತ್ರಿನ್ ಭೇಟಿ ಆಯೆರೆ ಉಲ್ಲೆರ್. ಒಟ್ಟಾದ್ ಜನಕ್ಲೆಗ್ ಅನ್ನಭಾಗ್ಯ ತಿಕ್ಕುಲೆಕ್ಕ ಮಲ್ಪುನೆನೇ ಎಕ್ಲೆನ ಗುರಿ ಪಂದ್ ಸಿಎಂ ಪಂಡೆರ್.

A flute made with bones of birds dating 12,000 years back found in Israel 12 ಸಾರ ವರ್ಷ ಪಿರಾಕ್ ದ ಪಕ್ಕಿಲೆನ ಎಲುಟ್ಡು ತಯಾರ್ ಮಲ್ತಿನ ಪುರಲ್ ಪತ್ತೆ

ಇಸ್ರೇಲ್‌: 12 ಸಾರ ವರ್ಷದಾತ್ ಪಿರಾಕ್ ದ ಪಕ್ಕಿಲೆನ ಎಲುಟ್ಟು ತಯಾರ್ ಮಲ್ತಿನ ಪುರಲ್ (ಕೊಳಲು) ಇಸ್ರೇಲ್‌ಡ್ ಪತ್ತೆ ಆತ್ಂಡ್.

ನೆನ್ ಉತ್ತರ ಇಸ್ರೇಲ್‌ದ ಪುರಾತತ್ವ ತಜ್ಞೆರ್ ನಾಡ್ ಪತ್ತ್ ದೆರ್. ಪಕ್ಕಿ ವೀಕ್ಷಣೆಡ್ ಪುದರ್ ಪಡೆಯಿನ ಹೂಲಾ ವ್ಯಾಲಿ ಡಿಗ್ ಸೈಟ್‌ಡ್ ತೋಜಿದ್ ಬತ್ತಿನ ಪಕ್ಕಿದ ಎಲುತ್ತ ಈ ಪುರಲ್ ಡ್ ಎಲ್ಯ ರಂಧ್ರ ಉಂಡು.

ವಿಜ್ಞಾನಿಲೆನ ಪ್ರಕಾರ, ಮನುಷ್ಯೆರ್ ಪ್ರಾಣಿದೊಟ್ಟಿಗೆ ತನ್ನ ಸಂವಹನನ್ ಪರಿಷ್ಕರಣೆ ಮಲ್ಪುನಗ ಈ ಕೊಳಲುನ್ ಬಹುಶಃ ಪಕ್ಕಿದ ಸ್ವರಕ್ಕ್ ಗಲಸೊಂದು ಇತ್ತೆರ್ ಪಂದ್ ವರದಿ ಆತ್ಂಡ್.

Drugs found with a jail inmate in Mangalore ಕುಡ್ಲ ಜೈಲ್ ಡ್ ಇತ್ತಿನ ಕೈದಿಡ ಅಮಲ್ ಸೊತ್ತು ಪತ್ತೆ

ಕುಡ್ಲ: ಕುಡ್ಲ ಪೇಂಟೆದ ಜಿಲ್ಲಾ ಕಾರಾಗೃಹಡ್ ಇತ್ತಿನ ವಿಚಾರಣಾಧೀನ ಕೈದಿ ಬಂಟ್ವಾಳ ತಾಲೂಕ್ ದ ಇಬ್ರಾಹೀಂ ಖಲೀಲ್ ನ್ ಕೈಟ್ ಅಮಲ್ ಸೊತ್ತುಲು ಪತ್ತೆ ಆತ್ಂಡ್.

ಈ ಘಟನೆ ಬುಧಾರ ಕೋರ್ಟುಗು ಹಾಜರ್ ಮಲ್ತ್ ದ್ ಕುಡ ವಾಪಸ್ ಲೆತ್ತೊಂದು ಬನ್ನಗ ನಡತ್ಂಡ್. ಈ ಬಗೆಟ್ ಬರ್ಕೆ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

Drugs found with a jail inmate in Mangalore

Mangalore: Ibrahim Kalil from Bantwal who is an inmate of Central Jail Mangalore was taken to court for hearing when the drugs were found.A case has been registered in Barke police station.