ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಮುಲ್ಕಿ ಸೀಮೆದ ಅರಸು ದುಗ್ಗಣ್ಣ ಸಾವಂತೆರೆಗ್ ಮಾಗಣೆದ ಬಿರುವೆರ್ನ ಮಾನಾದಿಗೆ

ಮುಲ್ಕಿ ಸೀಮೆದ ಅರಸು ಪರಂಪರೆನ್ ಒರಿತೊಂದು ಕಾತೊಂದು ಬೈದಿನ ಅಂಚನೇ ಜನಮಾನಿಲೆಗ್ ಮಸ್ತ್ ಕೈತಲ್ ಆದುಪ್ಪುನ ಅರಸು ಮನೆತನೊಕು ನಮ್ಮ ಏಪಲ್ಲಾ ಗೌರವ ಸಂದೈತ ಮಲ್ಪೊಡು ಪಂಡ್‌ದ್ ಹಳೆಯಂಗಡಿ ಬಿರುವ ಸಮಾಜ ಸೇವಾ ಸಂಘದ ಗುರ್ಕಾರ್ಲಾಯಿನ ಚಂದ್ರಶೇಖರ ನಾನಿಲ್ ಪಂಡೆರ್ .

ಪಡುಪಣಂಬೂರು ಅರಮನೆಟ್ ಮುಲ್ಕಿ ಸೀಮೆ ಅರಸು ದುಗ್ಗಣ್ಣ ಸಾವಂತೆರ್ನ , 12ವರ್ಸೊದ ಪಟ್ಟಾಭಿಷೇಕ ವರ್ಧಂತಿದ ಒರುಟು ಒರಂಬ ಮಾಗಣೆದ ಬಿರುವ ಸಮುದಾಯದ ಪರವಾದ್ ಶನಿಯಾರ ನಡತಿನ ಇಸೇಸ ಗೌರವ ಸಂದೈತ್ಯ ಲೇಸ್ಡ್ ಆರ್ ಮುಲ್ಕಿದ ಅರಸುಲು ದುಗ್ಗಣ್ಣಸಾವಂತೆರ್ ಮಾಗಣೆದ ದೈವ ದೇವರ ಗುಡಿ, ದೇವಸ್ಥಾನ ಗರೋಡಿದ ಜೀರ್ಣೋದ್ದಾರೊಗು ಲೆಪ್ಪು ಕೊರ್ದು ಮಾರ್ಗದರ್ಶನ ಮಲ್ದಿನಾರ್ ಪಂಡ್‌ದ್ ಮುಲ್ಕಿದ ಬಿರುವ  ಸಮಾಜಸೇವಾ ಸಂಘದ ದುಂಬುದ ಗುರ್ಕಾರ್ಲು ಗೋಪಿನಾಥ ಪಡಂಗ ಪಂಡೆರ್.

ಬಿರುವ  ಸಮುದಾಯದ ಮಾನಾದಿಗೆ ಕೈಕೊನಿನ ಸಾವಂತೆರ್ , ನಿಕ್ಲೆನ ಮಾತೆರ್ನಲ್ಲಾ ಸಾಕಾರೊಡು ಈ ಮಣ್ಣ್ದ ಸತ್ಯೋನು , ಪರಂಪರೆನ್ ಒರಿಪಾವರೆ ಸಾಧ್ಯ ಅಂಡ್, ಈ ಸರ್ತಿ ಪಟ್ಟ ಏರ್ ದಿನ ದಿನೊನು ಆಡಂಬರದಾಂತೆ ಮಳ್ತೊಂದುಲ್ಲ ಪಂಡೆರ್.

ಮೂಲ್ಕಿ ಅರಮನೆತ ಆಶಾಲತಾ, ಗೌತಮ್ ಜೈನ, ರಕ್ಷಾ ಪವಿತ್ರೇಶ್ , ಹಳೆಯಂಗಡಿ ಕೊಪ್ಪಳ ಧೂಮಾವತಿ ಕ್ಷೇತ್ರದ ಗಂಗಾಧರ್ ಅಮೀನ್ ಯಾನೆ ಬಂಕಿ ನಾಯ್ಕೆರ್ . ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ರಮೇಶ್ ಕೊಕ್ಕರಕಲ್, ತೆಲಾರ್ ಬಿರುವೆರ್ನ  ಸಂಘದ ಗುರ್ಕಾರ್ಲು ಶ್ರೀನಿವಾಸ ಅಮೀನ್, ಎಸ್ಕೋಡಿ ಬಿರುವೆರೆ  ಸಂಘದ ಗುರ್ಕಾರ್ಲು ಅಶೋಕ್ ಕರ್ಕೇರ, ದೈಬಿತ್ತಿಲ್ ಬಿಲ್ಲವ ಸಂಘದ ಮಧುಸೂದನ್, ಹಳೆಯಂಗಡಿ ಬಿರುವ  ಸಂಘದ ಒತ್ತು ಗುರ್ಕಾರು ಜೈಕೃಷ್ಣ ಕೋಟ್ಯಾನ್, ಕಟ್ಟೋಣ ಸಮಿತಿದ ಗುರ್ಕಾಲು ಮೋಹನ್ ಸುವರ್ಣ,ಪಣವುದ ಪಾಲವೆರ್ಯಶೋಧರ ಸಾಲ್ಯಾನ್,ಪಯ್ಯೊಟ್ಟು ಇಲ್ಲದ ಶಶೀಂದ್ರ ಎ.ಸಾಲ್ಯಾನ್, ಹಳೆಯಂಗಡಿ ಲಿಯೋ ಕ್ಲಬ್ ದ ಸುರೂತ್ತಾ ಗುರ್ಕಾರ್ಲು ಪ್ರಜ್ವಲ್ ಪೂಜಾರಿ, ಚೈತನ್ಯ ವ್ಯಾಯಾಮ ಶಾಲೆದ ಗುರ್ಕಾರ್ಲು ಪಿ. ಉಮೇಶ್ ಪೂಜಾರಿ, ಹಳೆಯಂಗಡಿ ಅಮೀನ್ ಮೂಲಸ್ಥಾನದ ಗುರ್ಕಾರ್ಲು ರಮೇಶ್ ಜೆ.ಕೋಟ್ಯಾನ್, ಲಯನ್ಸ್ ಕ್ಲಬ್ದ ಪಣವುದ್ದ ಪಾಲವೆರ್ ದಾಮೋದರ್ ಸಾಲ್ಯಾನ್, ಮೊಕುಲು ಮಾತಾ ಲೇಸ್ ಡ್ ಪಾಲ್ ಪಡೆಯೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ದ ಪದುಕೆರ್ ನರೇಂದ್ರ ಕೆರೆಕಾಡ್ ಲೇಸ್ ನಡಪಾದ್ ಕೊರಿಯೆರ್.