ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.28 ಬುಧಾರ ಬಯ್ಯಗ್ 6 ಗಂಟೆಗ್ ತ್ಯಾಜ್ಯ ಸಂಗ್ರಹಣೆ ಬೊಕ್ಕ ಸ್ವಚ್ಛತೆದ ಬಗೆಟ್ ಪ್ರಸಾರ ಆಂಡ್.
ಈ ಲೇಸ್ ಡ್ ಪೆಜಮಾಡಿ ಗ್ರಾಮ ಪಂಚಾಯತ್ ದ ಎಸ್.ಎಲ್.ಆರ್.ಎಂ ಘಟಕದ ಮೇಲ್ವಿಚಾರಕೆರ್ ಪದ್ಮಾವತಿ ಪೆಜಮಾಡಿ ಪಾಲ್ ಪಡೆಯೆರ್. ನನ ಡಿ.29ಕ್ ಮಧ್ಯಾಹ್ನ 2 ಕ್ ಮರುಪ್ರಸಾರ ಆಪುಂಡು.
ಉಬಾರ್: ಡ್ರೈವರ್ ನ ಕೈ ತತ್ತ್ ದ್ ಲಾರಿಯೊಂಜಿ ಮಾರ್ಗಗ್ ಪಲ್ಟಿ ಆಯಿನ ಘಟನೆ ಕುಡ್ಲ ಬೆಂಗ್ಲೂರ್ ರಾಜ್ಯ ಮಾರ್ಗದ ಪೆರ್ನೆಡ್ ನಡತ್ಂಡ್.
ಈ ಘಟನೆಡ್ ಡ್ರೈವರ್ ಗ್ ಒಂತೆ ಪೆಟ್ಟಾತ್ಂಡ್. ಆಂಡ ಜೂವ ಬಚಾವ್ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ಯುರೋಕಿಡ್ಸ್ ಪ್ರಿಸ್ಕೂಲ್ ಡ್ ಡಿ.23 ಕ್ ಪ್ರತಿ ವರ್ಷದಂಚನೆ ಈ ವರ್ಷಲ ಕ್ರಿಸ್ ಮಸ್ ಪರ್ಬ ಬೊಲ್ಪುಗು 9:30 ರ್ದ್ 11:30 ಮುಟ್ಟ ನಡತ್ಂಡ್.
ಈ ಲೇಸ್ ಸಂಸ್ಥೆದ ಸಂಸ್ಥಾಪಕೆರಾಯಿನ ಚಿರಾಗ್ ರಾವ್ ಮೆರೆನ ಪಾಲ್ವಿಕೆಡ್ ನಡತ್ಂಡ್. ಬೊಕ್ಕ ಜೋಕುಲೆರ್ದ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ಲು ನಡತ್ಂಡ್. ಈ ಲೇಸ್ ಡ್ ಜೋಕುಲೆನ ಪೋಷಕೆರ್ ಪಾಲ್ ಪಡೆದಿತ್ತೆರ್.
Christmas celebrations in Eurokids preschool at Udupi
Eurokids preschool at Karkala in Udupi district have the annual Christmas celebrations in the 23rd of December every year.The celebrations started from 9.30 a.m and continued upto 11.30 a.m.
Chirag Rao the franchise owner of the institution participated in the program. Cultural program by the kids followed. Parents of the little ones attended the event with full enthusiasm.
ಒಡಿಪು: ಸರ್ಕಾರಿ ಶಾಲೆದ ಶಿಕ್ಷಕೆ ಒರಿ ಮೂಂಕು ಮುಟ್ಟ ಪರ್ದ್ ಶಾಲೆಡೇ ಜೆತ್ತಿನ ಘಟನೆ ಒಡಿಪುದ ಪೆರ್ಡೂರ್ ಗ್ರಾಮದ ಅಲಂಗಾರ್ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಡ್ ನಡತ್ಂಡ್.
ಈ ಘಟನೆದ ವಿಡಿಯೋ ಮಲ್ತಿನ ಕೈತಲ್ ದಕುಲು ಶಿಕ್ಷಕನ್ ಕೂಡ್ಲೆ ಬೇಲೆರ್ದ್ ದೆಪ್ಪೊಡು ಪಂದ್ ಬೆಚ್ಚ ಆತೆರ್. ಈ ಬಗೆಟ್ ಕೈತಲ್ ದ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಕ್ಷೇತ್ರ ಶಿಕ್ಷಣಾಧಿಕಾರಿಗ್ ಮಾಹಿತಿ ಕೊರ್ತೆರ್.
ಸುರತ್ಕಲ್: ಕೃಷ್ಣಾಪುರದ ಜಲೀಲ್ ನ್ ಕೆರ್ತಿನ ಕೇಸ್ಗ್ ಸಂಬಂಧಿಸಾದ್ ನನೊರಿ ಆರೋಪಿನ್ ಸುರತ್ಕಲ್ ಪೊಲೀಸ್ದಕುಲು ಅರೆಸ್ಟ್ ಮಲ್ತ್ದೆರ್.
ಕಾಟಿಪಳ್ಳ 4ನೇ ಬ್ಲಾಕ್ದ ಲಕ್ಷ್ಮೀಶ ದೇವಾಡಿಗ (28) ಅರೆಸ್ಟ್ ಆಯಿನ ಆರೋಪಿ. ಕರೀನ ಸನಿವಾರ ರಾತ್ರೆ 8.30 ಗು ಕೃಷ್ಣಾಪುರದ ಫ್ಯಾನ್ಸಿ ಬೊಕ್ಕ ಜೋಡುದ ಅಂಗಡಿದ ಎದುರು ಬಿಸತ್ತಿ ಪಾಡ್ದ್ ಜಲೀಲ್ನ್ ಕೆರ್ದಿತ್ತೆರ್. ಈ ಬಗೆಟ್ಟ್ 3 ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತ್ದಿತ್ತ್ದ್ ಇತ್ತೆ ನಾಲನೇ ಆರೋಪಿನ್ ಸುರತ್ಕಲ್ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್.
Manglore : Jaleel murder case; another accused arrested
Suratkal: In connection with the murder of Krishnapura Jaleel another arrest has been made by the Suratkal police.
Lakshmeesh Devadiga (28) of Katipalla 4th block was arrested. Jaleel was murdered on Saturday at around 8.30p.m near his fancy shop in Krishnapura.Already three persons have been arrested in connection with this case.
ಬೆದ್ರ ಕೈತಲ್ ದ ತೋಡಾರು ಶ್ರೀ ಕೊಡಮಂದಾಯ ದೈವೊಲ್ಯಗ್ ಪೂ ಮಾಲೆಲೆನ್ ದೀಯೆರೆ ಪೊರ್ಲ ಕೆತ್ತನೆದ ” ಪುಷ್ಪ ದಂಡಿಗೆ ” ನ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಬೆದ್ರ ಘಟಕದ ಸಂಚಾಲಕೆರಾಯಿನ ಶ್ರೀ ಕಾರಮೊಗರು ಗುತ್ತು ಪ್ರೇಮನಾಥ ಮಾರ್ಲ ಮೇರ್ ಸೇವೆದ ರೂಪಡ್ ಕೊರಿಯೆರ್.
ಬೆದ್ರ ದೇವಕೀ ಲಕ್ಷ್ಮಿ ಮಿಲ್ ದ ಮಾಲಕೆರಾಯಿನ ಪ್ರೇಮನಾಥ ಮಾರ್ಲ ಮೇರ್, ತನ್ನನೇ ಮಿಲ್ ಡ್ ನಿರ್ಮಾಣ ಮಲ್ತಿನ ಈ ಪುಷ್ಪ ದಂಡಿಗೆ ಸುಂದರವಾದ್ ಬೊಕ್ಕ ಅಪೂರ್ವದ ಕೆತ್ತನೆ ಆತ್ಂಡ್. ಎಡ್ಡೆ ಗುಣಮಟ್ಟದ ಮರರ್ದ್ ನಿರ್ಮಾಣ ಮಲ್ತಿನ ಈ ಪುಷ್ಪದಂಡಿಗೆ ಆನೆದ ನಾಲ್ ಕಾರ್ ಲೆನ್, ಮಿತ್ತ್ ದ ಭಾಗಡ್ ಆನೆದ ನಾಲ್ ಸೊಂಡಿಲ್ ಉಂಡು. ಈ ಸೊಂಡಿಲ್ ಡ್ ಪೂತ್ತ ಮಾಲೆಲೆನ್ ಒಟ್ಟು ಮಲ್ತ್ ದ್ ದೀಪುನ ರೀತಿಡ್ ನಿರ್ಮಾಣ ಮಲ್ದೆರ್.
ಪೂತ್ತ ಮಾಲೆಲೆನ್ ಒಟ್ಟು ಮಲ್ತ್ ದ್ ದೀಪುನ ಈ ಪುಷ್ಪ ದಂಡಿಗೆದ ಕಲ್ಪನೆ ಪ್ರೇಮನಾಥ ಮಾರ್ಲ ಮೆರೆನ ಆತ್ಂಡ್. ಈ ರೀತಿದ ಪುಷ್ಪ ದಂಡಿಗೆ, ದಕ್ಷಿಣ ಕನ್ನಡ ಜಿಲ್ಲೆದ ದೈವೊಲ್ಯಲೆಡ್ ಉಂದುವೇ ಸುರುತ ಆದುಂಡು. ಈ ಪುಷ್ಪ ದಂಡಿಗೆನ್ ಪ್ರೇಮನಾಥ ಮಾರ್ಲ ಮೆರೆನ ಪರವಾದ್ ಮೆರೆನ ಮಗೆ ಹಾನ್ಯಗುತ್ತು ಭುವನ್ ವೈಷ್ಣವ ಮಾರ್ಲ ಮೇರ್ ಶುಕ್ರಾರ ಸಮರ್ಪಣೆ ಮಲ್ತೆರ್. ಈ ಪೊರ್ತುಡು ಸೇವಾಕರ್ತೆರಾಯಿನ ಕಾರಮೊಗರುಗುತ್ತು ಪ್ರೇಮನಾಥ ಮಾರ್ಲ, ಕಾರಮೊಗರುಗುತ್ತು ಕಿರಣ್ ಕುಮಾರ್ ಮಾರ್ಲ, ಹಾನ್ಯಗುತ್ತು ಮನೋಜ್ ಶೆಟ್ಟಿ, ಯಕ್ಷಗಾನ ವಿಮರ್ಶಕೆರ್ ಬೊಕ್ಕ ಯಕ್ಷಸಂಗಮ ಬೆದ್ರದ ಸಂಚಾಲಕೆರಾಯಿನ ಎಂ.ಶಾಂತರಾಮ ಕುಡ್ವ, ಹಾನ್ಯಗುತ್ತು ರಿತೇಶ್ ಶೆಟ್ಟಿ, ಪಟ್ಲ ಫೌಂಡೇಶನ್ ಬೆದ್ರ ಘಟಕದ ಸಕ್ರಿಯ ಸದಸ್ಯೆರಾಯಿನ ಪುನೀತ್ ಕಟ್ಟೆಮಾರು, ವಾಸುದೇವ, ಮನೋಜ್ ಪೂಜಾರಿ ಇತ್ತೆರ್.
ಬೆಜ್ಜ ಶ್ರೀ ಜುಮಾದಿ ಬಂಟ ದೈವಲೆನ ಕ್ಷೇತ್ರಡ್ ಪ್ರತಿ ವರ್ಷದಲೆಕ್ಕನೇ ಮಾಗಂದಡಿಡ್ ಪುದ್ವರ್ ದ ಮೆಚ್ಚಿ ನೇಮಗ್ ಇನಿ ಕೈಲ್ ಕಡ್ಪುನ ಕಜ್ಜ ನಡತ್ಂಡ್.
ಈ ಉಚ್ಚಯ ಡಿಸೆಂಬರ್ 13ರ್ದ್ 15 ತಾರೀಕ್ ಮುಟ್ಟ ನಡಪರೆ ಉಂಡು. ಡಿ.15 ತಾರೀಕ್ ಗ್ ಮಾಗಂದಡಿಡ್ ನೇಮೋಚ್ಚಯ ನಡಪುಂಡು.
ಪಾವೂರು: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕಲೆರ್ದ್ ಡಿ. 6 ಅಂಗಾರೆ ಬಯ್ಯ 6.30 ಗಂಟೆರ್ದ್ 12 ಗಂಟೆ ಮುಟ್ಟ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಪಾವೂರುದ ಶ್ರೀ ಚಾಮುಂಡೇಶ್ವರೀ ದೈವಸ್ಥಾನದ ಜಾಗೆಡ್ ನಡಪರೆ ಉಂಡು.
ಈ ಲೇಸ್ಗ್ ಎಚ್ಚದ ಸಂಖ್ಯೆಡ್ ಭಕ್ತೆರ್ ಬತ್ತ್ದ್ ಶ್ರೀ ದೇವಿನ ಗಂಧಪ್ರಸಾದನ್ ದೆತೊಂದು ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಶಾರದಾ ನಿಲಯ ಪಾವೂರುದ ಅಕ್ಷಿತಾ ಬೊಕ್ಕ ಪುರುಷೋತ್ತಮ ಲೆಪ್ಪೋಲೆಡ್ ತೆರಿಪಾದೆರ್.
ಮುಲ್ಕಿ : ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಶ್ರೀ ಕುಳೂರು ಕನ್ಯಾನ ಸದಾಶಿವ ಶೆಟ್ಟಿ ಕಟ್ವಾಣದ ಪಲವೆ ಉದಿಪನ ಲೇಸ್ ನ. 24 ಗುರುವಾರ ಮುಲ್ಕಿ ರಾಜ ಮಾರ್ಗದ ಪಡುಬೈಲ್ ಡ್ ನಡತ್ಂಡ್.
ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಉದ್ಯಮಿ, ದಾನಿಲು ಕುಳೂರು ಕನ್ಯಾನ ಸದಾಶಿವ ಶೆಟ್ರ್ ಪಾತೆರ್ದ್, ಇನಿ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟಡ್ ಸುವರ್ಣಾಕ್ಷರೊಡು ಬರೆದ್ ದೀಪಿನ ದಿನ ಆದುಂಡು ಪಂಡೆರ್.
ಮುಲ್ಕಿ ರಾಜಮಾರ್ಗದ ಬರಿಟ್ಟೆ ಉಪ್ಪುನ 65 ಸೆನ್ಸ್ ಜಾಗೆನ್ ಸಮಾಜದ ಸೇವೆಗಾದ್ ಕಾಸ್ ದಂಚಿ ತೂವಂದೆ ಒಕ್ಕೂಟೊಗು ಕೈ ಏರ್ದ್ ಎಡ್ಡೆ ಮನಸ್ ಡೇ ಕೊರೊಂದುಲ್ಲೆ. ಬಂಟ ಸಮಾಜೊಗೇ ಪೆರ್ಮೆ ಆಪಿನಂಚ ಈ ಜಾಗೆನ್ ಅಭಿವೃದ್ಧಿ ಮಲ್ಪುವ ಪಂದ್ ಆರ್ ಭರವಸೆ ಕೊರಿಯೆರ್.
ಈ ಜಾಗೆಡ್ ಪಾಸಿಟಿವ್ ಎನರ್ಜಿ ತಿಕ್ ದ್ಂಡ್. ಆಂಡ ಈ ಜಾಗೆನ್ ಮನಸಾರೆ ಕೊರ್ತೆ . ಏರ್ನಲ ಒತ್ತಡಲ ಇಜ್ಜಿ. ಉಂದು ಕಟೀಲ್ದ ಬೊಕ್ಕ ಬಪ್ಪನಾಡ್ ದ ಅಪ್ಪೆನ ಕೃಪೆ ಪಂಡೆರ್.
ಈ ಪೊರ್ತುಡು ಜಾಗತಿಕ ಬಂಟರ ಸಂಘದ ಜಾಗೆದ ಪತ್ರ ಬೊಕ್ಕ ಒಪ್ಪಿಗೆ ಪತ್ರೊನು ಕನ್ಯಾನ ಸದಾಶಿವ ಶೆಟ್ರ್ ಐಕಳ ಹರೀಶದ ಶೆಟ್ರೆಗ್ ಹಸ್ತಾಂತರ ಮಲ್ತೆರ್.
ಅಂಚೆನೆ ಈ ಪೊರ್ತುಡು ಡಿ.4 ತಾರೀಕ್ ನಡಪುನ ದೇವಿ ಮಹಾತ್ಮೆ ಯಕ್ಷಗಾನ ದ ಲೆಪ್ಪೋಲೆ ಬುಡುಗಡೆ ಮಲ್ತೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಗುರ್ಕಾರೆ, ಸಾರ್ವಭೌಮ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್, ಬಂಟ ಸಮಾಜ ಮಾತ್ರ ಅತ್ತಾಂದೆ ಬೇತೆ ಸಮಾಜದಕ್ಲೆಗ್ ಲ ಸಕಾಯ ಮಲ್ಪುನ ಉದ್ದೇಶೊಡು ಈ ಕಟ್ವಾಣ ತಯಾರಾವೊಂದುಂಡು.
ಬಿಪಿಎಲ್ ಕಾರ್ಡ್ ದಕ್ಲೆಗ್ ಉಚಿತವಾದ್ ಮದಿಮೆ ಮಲ್ಪಾವುನ, ಅಂಚೆನೆ ಸಾಂಸ್ಕೃತಿಕ ಕಾರ್ಯಕ್ರಮ ಮಲ್ಪರೆ ಮೂಲು ಅವಕಾಶ ಕೊರ್ಪಿನ ಉದ್ದೇಶ ಉಂಡು ಪಂಡೆರ್.
ಮಲ್ಲ ಬಿನ್ನೆರಾದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ರ್, ಉದ್ಯಮಿಲು ಮನೋಜ್ ಶೆಟ್ಟಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಪಟ್ಲ ಫೌಂಡೇಶನ್ ದ ಪಟ್ಲ ಮುಖ್ಯಸ್ಥೆರ್ ಸತೀಶ್ ಶೆಟ್ಟಿ, ಒಕ್ಕೂಟದ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ನಿರ್ದೇಶಕೆರ್ ಶಶಿಧರ ಶೆಟ್ಟಿ ಇನ್ನಂಜೆ,ಉದ್ಯಮಿ ಚಂದ್ರಹಾಸ ಶೆಟ್ಟಿ, ಎಳತ್ತೂರು ಸದಾಶಿವ ದೇವಸ್ಥಾನದ ಅಧ್ಯಕ್ಷೆರ್ ಸಂತೋಷ್ ಹೆಗ್ಡೆ, ಮುಲ್ಕಿ ನಗರಸಭೆ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ ಉಪಾಧ್ಯಕ್ಷೆರ್ ಸತೀಶ್ ಅಂಚನ್ , ನಗರಸಭೆ ಸದಸ್ಯೆರ್ ಯೋಗೀಶ್ ಕೋಟ್ಯಾನ್, ಉದ್ಯಮಿಲಾಯಿನ ಮುಂಡ್ಕೂರು ಮೋಹನ್ ದಾಸ್ ಶೆಟ್ಟಿ,ಪ್ರವೀಣ್ ಶೆಟ್ಟಿ, ನಾಗೇಶ್ ಶೆಟ್ಟಿ ಮಸ್ಕತ್, ಮುಲ್ಕಿ ಬಂಟ್ಸ್ ಸಂಘದ ಅಧ್ಯಕ್ಷೆರ್ ಕರುಣಾಕರ ಶೆಟ್ಟಿ ಮತ್ತರ್ಮೆಡ್ ಇತ್ತೆರ್.
ಮುಲ್ಕಿ ಅರಸು ಕಂಬುಲ ಸಮಿತಿದ ಅಧ್ಯಕ್ಷೆರ್ ಕೊಲ್ನಾಡುಗುತ್ತು ಕಿರಣ್ ಕುಮಾರ್ ಶೆಟ್ಟಿ, ಸಹಕಾರಿ ಕ್ಷೇತ್ರದ ಬೆಳಪು ದೇವಿಪ್ರಸಾದ್ ಶೆಟ್ಟಿ, ಉದ್ಯಮಿ ಜೀವನ್ ಶೆಟ್ಟಿ, ತುಳು ಬರವುಗಾರೆ, ಡಿ.ಕೆ.ಶೆಟ್ಟಿ,ಸುರತ್ಕಲ್ ಬಂಟ್ಸ್ ಸಂಘದ ಅಧ್ಯಕ್ಷೆರ್ ಸುಧಾಕರ ಪೂಂಜ, ಪಿಲಿ ಚಿತ್ರ ನಿರ್ಮಾಪಕೆರ್ ಭರತ್ ಭಂಡಾರಿ, ಎಕ್ಕಾರ್ ಮುರ ಸದಾಶಿವ ಶೆಟ್ಟಿ ಮೊಕುಲು ಮಾತ ಬತ್ತಿತ್ತೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ರ್ ಬಿನ್ನೆರೆನ್ ಎದುಕೊಂಡೆರ್. ಒಕ್ಕೂಟದ ಕಾರ್ಯದರ್ಶಿ ಇಂದ್ರಾಳಿ ಜಯಕರ ಶೆಟ್ಟಿ ಸೊಲ್ಮೆ ಸಂದಾಯೆರ್. ಪಕ್ಕಳ ಅಶೋಕ್ ಶೆಟ್ಟಿ ಸಭೆ ಸುಧಾರಿಕೆ ಮಲ್ತೆರ್.
ಕುಡ್ಲದ ಕುಕ್ಕರ್ ಬಾಂಬ್ ಬ್ಲಾಸ್ಟ್ ಆರೋಪಿ ಶಾರಿಕ್ , ಜಿಹಾದಿ ಗ್ರೂಪುಡು ಬರೊಂದಿತ್ತಿನ ಮೆಸೇಜ್ ಅಂಚನೆ ವಿಡಿಯೋನ್ ತೂದು ಬಾಂಬ್ ತಯಾರ್ ಮಲ್ಪುನೆನ್ ಕಲ್ತ್ದೆ ಪಂದ್ ಪೊಲೀಸ್ ಮೂಲ ತೆರಿಪಾದ್ಂಡ್.
ಮೈಸೂರ್ದ ಮೊಬೈಲ್ ರಿಪೇರಿ ಅಂಗಡಿಡ್ ಪುದರ್ ಬದಲ್ ಮಲ್ತ್ದ್ ಬೇಲೆಗ್ ಸೇರಿನ ಆರೋಪಿ, ವೀಡಿಯೋ ತೂದು ಈ ಬೇಲೆಗ್ ಕೈ ಪಾಡ್ದೆ. ಈ ಕೇಸ್ದ ಬಗೆಟ್ ಪೊಲೀಸೆರ್ ವಿಚಾರಣೆ ಮಲ್ತೊಂದಿತ್ತ್ದ್ ಎನ್ಐಎ ದ ಬೇತೆ ಬೇತೆ ತರೊಟ್ಟು ತನಿಖೆ ಮಲ್ತೊಂದು ಉಂಡು.
