Uncategorized

Shimoga Airport to be named after Rashtra Kavi Kuvempu-BS Yeddyurappa ಶಿವಮೊಗ್ಗ ಇಮಾನ ನಿಲ್ದಾಣಗ್ ರಾಷ್ಟ್ರಕವಿ ಕುವೆಂಪು : ಬಿಎಸ್‌ವೈ ಸ್ಪಷ್ಟನೆ

ಶಿವಮೊಗ್ಗಡ್ ನಿರ್ಮಾಣ ಆಯಿನ ಇಮಾನ ನಿಲ್ದಾಣಗ್ ರಾಷ್ಟ್ರಕವಿ ಕುವೆಂಪು ಮೆರೆನ ಪುದರ್ ದೀಯರೆ ತೀರ್ಮಾನ ಮಲ್ತ್‌ದ ಪಂದ್ ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ತೆರಿಪಾದೆರ್.

ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಶಿವಮೊಗ್ಗ ಇಮಾನ ನಿಲ್ದಾಣನ್ ಉಂದುವೇ 27 ಕ್ಕ್ ಪ್ರಧಾನಿ ನರೇಂದ್ರ ಮೋದಿ ಮೇರ್ ಬತ್ತ್‌ದ್ ಉದಿಪನ ಮಲ್ಪರೆ ಉಲ್ಲೆರ್. ಅಂಚನೆ ಈ ಇಮಾನ ನಿಲ್ದಾಣಗ್ ಯನ್ನ ಪುದರ್ ಬೊಡ್ಚಿ. ಕುವೆಂಪು ಮೆರೆನ ಪುದರ್ ದೀಯರೆ ತೀರ್ಮಾನ ಮಲ್ತ್‌ದ ಪಂದ್ ಪಂಡೆರ್.

Shimoga Airport to be named after Rashtra Kavi Kuvempu– BS Yeddyurappa

The new Airport at Shimoga will be named after Rashtra Kavi Kuvempu said former CM Yedurappa at a press conference here.The new Airport will be inaugurated by PM Narendra Modi on the 27 th of this month.

Boy faints after seeing 500 girls in the exam hall ಪರೀಕ್ಷೆದ ಹಾಲ್ ಡ್ 500 ಪೊಣ್ಣುಲೆನ್ ತೂದು ಅಕಲ್ ತತ್ತ್‌ದ್ ಬೂರಿನ ಆಣ್..!

ಬಿಹಾರ: ಪರೀಕ್ಷೆದ ಹಾಲ್ ಡ್ 500 ಜನ ಪೊಂಜೋಕ್ಲೆನ ನಡುಟ್ಟು ಒರಿಯೇ ಇತ್ತಿನ ಆಣ್ ಅಕಲ್ ತತ್ತ್‌ದ್ ಬೂರಿನ ಘಟನೆ ಬಿಹಾರಡ್ ನಡತ್ಂಡ್.

ಅಲ್ಲಮ ಇಕ್ಬಾಲ್ ಕಾಲೇಜಿದ ಮನೀಶ್ ಶಂಕರ್ ಪ್ರಸಾದ್ (17) ಬಿಹಾರದ ಬೋರ್ಡ್ ಪರೀಕ್ಷೆಡ್ ಗಣಿತ ಪರೀಕ್ಷೆ ಬರೆಯರೆ ಪಂದ್ ಸುಂದರ್‌ಗಢ್‌ದ ಬ್ರಿಲಿಯಂಟ್ ಕನ್ವೆನ್ಷನ್ ಸ್ಕೂಲ್‌ದ ಪರೀಕ್ಷಾ ಕೇಂದ್ರಗ್ ಬತ್ತಿತ್ತೆರ್. ಅಲ್ಪ 500 ಪೊಂಜೋಕುಲು ಮಾತ್ರ ಇತ್ತಿನಿ. ಅಲ್ಲೆನ್ ತೂದು ಶಾಕ್ ಆಯಿನ ಪ್ರಸಾದ್ ಮತಿ ತತ್ತ್‌ದ್ ಬೂರ್ದೆರ್ ಪಂದ್ ಆಯನ ಚಿಕ್ಕಮ್ಮ ತೆರಿಪಾದೆರ್.

Mangaluru: Police arrest three drug peddlers, seize ganja, car worth over Rs 32 lac ಕುಡ್ಲ: ಗಾಂಜಾ ಕೊನೊವೊಂದಿತ್ತಿನ ಮೂಜಿ ಜನ ಅರೆಸ್ಟ್, 32 ಲಕ್ಷ ರೂ. ಬಿಲೆತ್ತ ಸೊತ್ತುಲು ಪೊಲೀಸೆರ್‍ನ ವಶಕ್ಕ್

ಕುಡ್ಲ: ನೆತ್ತಿಲಪದವು ಪನ್ಪಿನ ಜಾಗೆಡ್ ಕಲ್ವಸಾದಿಡ್ ಗಾಂಜಾ ಕೊನೊವೊಂದಿತ್ತಿನ ಮೂಜಿ ಜನಕ್ಲೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್. ಅಕ್ಲೆರ್ದ್ ಸುಮಾರ್ 27 ಲಕ್ಷ ರೂ. ಬಿಲೆತ್ತ ಗಾಂಜಾ ಸೇರಿನಂಚನೆ ಒಟ್ಟು 32,07,000 ರೂಪಾಯಿ ಬಿಲೆತ್ತ ಸೊತ್ತುಲೆನ್ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಮಂಜೇಶ್ವರದ ಹೊಸಬೆಟ್ಟು ಕಡಪುರಂದ ನಿವಾಸಿ ಅಬೂಬಕ್ಕರ್ ಸಿದ್ದೀಕ್ ಅಲಿಯಾಸ್ ಹ್ಯಾರೀಸ್ (35), ಕುಂಬ್ಳೆ ಮಂಬ್ರಾನ್ ಗ್ರಾಮದ ಆರಿಕ್ಕಾಡಿ ಬೀರಂಟಿಕಾರದ ಅಖಿಲ್ ಎಂ (25), ಅಂಚನೆ ಹೈದರ್ ಆಲಿ ಅಲಿಯಾಸ್ ಗಾಡಿ ಹೈದರ್ (39) ಅರೆಸ್ಟ್ ಆಯಿನ ಆರೋಪಿಲು.

ಮೊಕುಲು ಸುಮಾರು 27 ಲಕ್ಷ ರೂ. ಬಿಲೆತ್ತ ಗಾಂಜಾ, ಅಂಚನೆ ಅವೆನ್ ಕೊನಯರೆ ಗಲಸ್‌ದಿನ ಫೋರ್ಡ್ ಕಾರ್ ಸೇರಿನಂಚನೆ ಒಟ್ಟು 32 ಲಕ್ಷ ರೂಪಾಯಿ ಬಿಲೆತ್ತ ಸೊತ್ತುಲೆನ್ ವಶಕ್ಕ್ ದೆತೊಂದೆರ್.

ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಎನ್. ಶಶಿಕುಮಾರ್, ಉಪ ಪೊಲೀಸ್ ಆಯುಕ್ತೆರ್ (ಕಾನೂನು ಬೊಕ್ಕ ಸುವ್ಯವಸ್ಥೆ) ಅಂಶುಕುಮಾರ್ ಬೊಕ್ಕ ಉಪ ಪೊಲೀಸ್ ಆಯುಕ್ತೆರ್ (ಅಪರಾಧ ಬೊಕ್ಕ ಸಂಚಾರ) ದಿನೇಶ್‌ಕುಮಾರ್ ಮೆರೆನ ನಿರ್ದೇಶನದೆಲೆಕ ಸಹಾಯಕ ಪೊಲೀಸ್ ಆಯುಕ್ತೆರ್ ಧನ್ಯ ನಾಯಕ್ ಮೆರೆನ ಮಾರ್ಗದರ್ಶನಡ್ ಕೊಣಾಜೆ ಪೊಲೀಸ್ ನಿರೀಕ್ಷಕೆರ್ ಪ್ರಕಾಶ್ ದೇವಾಡಿಗ ಮೆರೆನ ಮುತಾಲಿಕೆಡ್ ಪಿಎಸ್‌ಐ ಶರಣಪ್ಪ ಭಂಡಾರಿ, ಸಿಬ್ಬಂದಿಲು ಆಯಿನ ಶೈಲೇಂದ್ರ, ನವೀನ್, ವಿನ್ಸೆಂಟ್ ರೋಡ್ರಿಗಸ್, ಸುರೇಶ್, ಬರಮ ಬಡಿಗೇರ, ಹೇಮಂತ್, ಪುರುಷೋತ್ತಮ, ದೇವರಾಜ್, ಶಿವಕುಮಾರ್, ದೀಪಕ್, ಸುನೀತಾ, ಮಹಮ್ಮದ್ ಗೌಸ್ ಅಂಚನೆ ತಾಂತ್ರಿಕ ವಿಭಾಗದ ಮನೋಜ್ ಈ ಕಾರ್ಯಾಚರಣೆಡ್ ಪಾಲ್ ಪಡೆದಿತ್ತೆರ್.