ಜೋಕುಲೆ ಚಾವಡಿ | Children’s Corner

ತೆಲಂಗಾಣಡ್ ನಡಪುನ ಜ್ಯೂನಿಯರ್ ನ್ಯಾಶನಲ್ ಕಬಡ್ಡಿ ಪಂದ್ಯಾಟಡ್ ರಾಜ್ಯ ತಂಡನ್ ಪ್ರತಿನಿಧಿಸಾವೊಂದು ಉಪ್ಪುನ ಒಡಿಪುದ ಶೀಬಾ ಕರ್ಕೇರ

ಪಡುಬಿದ್ರಿ: ಪಡುಬಿದ್ರಿದ ಕಾಡಿಪಟ್ಣ ನಿವಾಸಿ ಶೀಬಾ ಕರ್ಕೇರ ತೆಲಂಗಾಣಡ್ ನಡಪುನ 47 ಜ್ಯೂನಿಯರ್ ನ್ಯಾಶನಲ್ ಕಬಡ್ಡಿ ಪಂದ್ಯಾಟಡ್ ರಾಜ್ಯ ತಂಡನ್ ಪ್ರತಿನಿಧಿಸಾವೊಂದು ಉಲ್ಲೆರ್ .

ಆಳ್ವಾಸ್ ಕಾಲೇಜ್ ಡ್ ಪಿಯುಸಿ ಕಲ್ತೊಂದು ಉಪ್ಪುನ ಶೀಬಾ ಪಡುಬಿದ್ರಿದ ಕಾಡಿಪಟ್ಣ ನಿವಾಸಿ ನಾರಾಯಣ ಕರ್ಕೇರ ಬೊಕ್ಕ ಹೀರಾವತಿ ಕರ್ಕೇರ ದಂಪತಿನ ಪುತ್ರಿ.ಸಾಗರ್ ವಿದ್ಯಾಮಂದಿರಡ್ ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಪಡೆಯೊಂದು ಉಪ್ಪುನ ಈ ಪೊಣ್ಣು ಕಬಡ್ಡಿ ಪಂದ್ಯಾಟಡ್ ಅವ್ವೆತೋ ಕಡೆ ಪ್ರತಿನಿಧಿಸಾದೆರ್ . ರಾಜ್ಯಮಟ್ಟದ ಕಬಡ್ಡಿ ಪಂದ್ಯಡ್ ಸಾಧನೆ ಮಲ್ದಿನ ಮೇರ್ ಉಡುಪಿ ಜಿಲ್ಲೆಡ್ ಕಬಡ್ಡಿ ಪಂದ್ಯಡ್ ರಾಜ್ಯನ್ ಪ್ರತಿನಿಧಿಸಾವೊಂದು ಉಪ್ಪುನ ಏಕೈಕ ಕ್ರೀಡಾಳು.

ಅಂತರ್ ವಲಯ ಕ್ರಿಕೆಟ್ ಪಂದ್ಯಾಟಡ್ ಪಾಲ್ ಪಡೆಪಿನ ಕುಡ್ಲ ವಲಯ ತಂಡದ ಆಯ್ಕೆ

ಕುಡ್ಲ , ಮಾ.23:ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆದ ವತಿರ್ದ್ ಬೆಂಗಳೂರುಡು ಈ ತಿಂಗೊಲ್ ದ 31ರ್ದ್ ನಡಪರೆ ಉಪ್ಪುನ 16 ವರ್ಷದುಲಯಿದ ಅಂತರ್ ವಲಯ ಕ್ರಿಕೆಟ್ ಪಂದ್ಯಾಟಡ್ ಪಾಲ್ ಪಡೆಪಿನ ಕುಡ್ಲ ವಲಯ ತಂಡನ್ ಆಯ್ಕೆ ಮಲ್ದೆರ್ .ಪ್ರಾಥಮಿಕ ಹಂತಡ್ ಮಾಜಿ ಟೆಸ್ಟ್ ಕ್ರಿಕೆಟಿಗ ರಘುರಾಮ್ ಭಟ್ ಮೆರ್ನ ಮೇಲ್ವಿಚಾರಣೆಡ್ ಉಡುಪಿ, ದಕ್ಷಿಣ ಕನ್ನಡ ಬೊಕ್ಕ ಕೊಡಗು ಜಿಲ್ಲಾ ತಂಡನ್ ಆಯ್ಕೆ ಮಲ್ತಿತ್ತೆರ್ . ಬೊಕ್ಕ ನಡತಿನ ಅಂತರ್ ಜಿಲ್ಲಾ ಪಂದ್ಯಾಟಡ್ ಪಂತಾರ್ತಿಲು ತೋಜಾಯಿನ ನಿರ್ವಹಣೆದ ಆಧಾರಡ್ ಇತ್ತೆ ಕುಡ್ಲ ವಲಯ ಕೂಟನ್ ಆಯ್ಕೆ ಮಲ್ದೆರ್.ಈ ಕೂಟಗ್ ಉಡುಪಿ ತಂಡದ ಆಶೀಷ್ ನಾಯಕ್ ನಾಯಕ ಆತೆರ್ .

ತಂಡ: ಆಶೀಷ್ ನಾಯಕ್ (ನಾಯಕ), ನಿಶ್ಚಿತ್ ಪೈ (ಉಪನಾಯಕ), ಸನಿತ್ ಶೆಟ್ಟಿ, ಶ್ರವಣ್, ಪ್ರಥಮ್ ರಾಜೇಶ್, ವಿಕಾಸ್ ಎರ್ಮಾಳ್, ರೋಹನ್ ರೇವಣ್‌ಕರ್, ಅಕ್ಷಯ್ ಕಾಮತ್, ಆದಿತ್ಯ ಕೋಟ್ಯಾನ್, ಸುಪ್ರಿತ್ ಕುಮಾರ್, ಯಕ್ಷಿತ್, ಅಮೃತ್ ಪ್ರವೀಣ್, ಪ್ರಣವ್‌ರಾಜ್, ನಿಖಿಲ್ ಐತಾಳ್, ವೈಭವ್, ವಿಕಾಸ್ ಪಾಲ್ ಪಡೆಯರೆ ಉಲ್ಲೆರ್.

ಒಂಜೇ ಕುಟುಂಬದ ರಡ್ಡ್ ಕಲಾ ಪ್ರತಿಭೆಲು

ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ಮಲ್ದಿನ ಹವೀಶ್ ಆರ್ ಪೂಜಾರಿ ಬೊಕ್ಕ ಐಶ್ವರ್ಯ ಆರ್‌ ಪೂಜಾರಿ… ರಡ್ಡ್ ಜನಲ ಬಹುಮುಖ ಪ್ರತಿಭೆಲು.ಜೋಕುಲು ಒವ್ವು ಆಂಡಲಾ ಒಂಜಿ ಕ್ಷೇತ್ರಡ್ ಸಾಧನೆ ಮಲ್ಪೊಡು ಪನ್ಪಿನ ಪ್ರತಿಯೊರಿ ಅಪ್ಪೆ ಅಮ್ಮೆರ್ನ ಕನ ಆದುಪ್ಪುoಡು… ಐತ ಪ್ರಕಾರ ಆ ಕನತ ಬೆರಿ ಬುಡoದೆ ಪಿದಾಡಿನಕುಲು ಕುಡ್ಲದ ಪಡೀಲ್ಡ್ ಉಪ್ಪುನ ರಾಜೇಶ್ ಪೂಜಾರಿ ಬೊಕ್ಕ ಶ್ರೀಮತಿ ನಿರ್ಮಾಲ ಪೂಜಾರಿಲು.

ಪ್ರತಿಭೆ ಪನ್ಪಿನವು ಪ್ರತಿ ಬಾಲೆಡ್ ಲಾ ಉಪ್ಪುನು ಸಹಜ ಅಕ್ಲೆನ ಆಸೆ ಅಭಿರುಚಿನ್ ಅರ್ಥ ಮಲ್ತೊಂದು ಸರಿಯಾಯಿನ ಮಾರ್ಗದರ್ಶನ ಕೊರ್ದು ಅಕ್ಲೆಗ್ ಅವಕಾಶ ಕೊರ್ನ್ಡ ಆ ಜೋಕುಲು ಅದ್ಭುತ ಸಾಧನೆ ಮಲ್ಪರೆ ಅನುಕೂಲ ಆಪುಂಡು.
ಅಂಚಿನ ವಿಶಿಷ್ಟ ಸಾಧನೆ ಈ ರಡ್ಡ್ ಜೋಕುಲು ಮಲ್ದ.

“ಕಾರ್ದ ಬಿರೆಲ್ ಡ್ ನೃತ್ಯ ಮಲ್ತ್ ದ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ಡ್ ದಾಖಲಾತಿನ ಐಶ್ವರ್ಯ ಆರ್‌ ಪೂಜಾರಿ ಅಂಚನೇ “Malti talented activities.”ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ಡ್ ದಾಖಲಾತಿನ ಹವೀಶ್ ಆರ್ ಪೂಜಾರಿ.

ಐಶ್ವರ್ಯ ತನ್ನ ಏಳ್ ವರ್ಷ 11 ತಿಂಗೊಲ್ ದ ಪ್ರಾಯಡೆ ನಿರಂತರ ಐನ್ ನಿಮಿಷ ಬಿರೆಲ್ ಡೇ ನೃತ್ಯ ಮಲ್ತ್ ದ್ ಬುಕ್ ಆಫ್ ರೆಕಾರ್ಡ್ಸ್ ಡ್ ದಾಖಲಾಗಿತಿನವು ಪೆರ್ಮೆದ ಇಚಾರ.ದುಂಬೇ ಪಂಡಿಲಕ ಇಂಚಿನ ವಿಶಿಷ್ಟ ಬೊಕ್ಕ ವಿಭಿನ್ನ ನೃತ್ಯ ಪ್ರಯೋಗಡ್ ಪೋಷಕೆರ್ನ ಪ್ರೋತ್ಸಾಹ ಮಸ್ತ್ ಉಂಡು. ಎಲ್ಯ ಪ್ರಾಯರ್ದೆ ನೃತ್ಯಡ್ ವಿಶೇಷ ಆಸಕ್ತಿ ಇಪ್ಪುನೆನ್ ತೂದು ಗರೋಡಿ ಶಾಖೆದ ಸೌರಭ ಕಲಾ ಪರಿಷತ್ತ್ ಡ್ ಗುರುಕುಲಾಯಿನ ಡಾ..ಶ್ರೀ ವಿದ್ಯಾ ಮುರಳೀಧರ ಮೆರೆಡ ಭರತನಾಟ್ಯ ತರಬೇತಿ ಗ್ ಸೇರಯರ್. ಮೂಜರೆ ವರ್ಷರ್ದ್ ನೃತ್ಯನ್ ಅಭ್ಯಾಸ ಮಲ್ತೊಂದು ಐಕ್ ಒಗ್ಗೊನ್ದು ಪೋತಿನ ಕಲಾವಿದೆ ಮೊಲು… ಸಂಗೀತಡ್ ಲಾ ವಿಶೇಷ ಆಸಕ್ತಿ ಉಪ್ಪುನ ಬಾಲೆ ಕುಡ್ಲದ ಕುಲಶೇಖರ ಸೇಕ್ರೆಡ್ ಹಾರ್ಟ್ ಸ್ಕೂಲ್ ಡ್ ರಡ್ಡನೇ ತರಗತಿಡ್ ಕಲ್ತೊಂದು ಉಲ್ಲಲ್.ಅಂಚನೇ ಇತ್ತೆ ಯಕ್ಷಗಾನ ಕ್ಷೇತ್ರಗ್ ಲಾ ಪಜ್ಜೆ ದೀತಲ್.ಹವೀಶ್ ಆರ್ ಪೂಜಾರಿ ಐಶ್ವರ್ಯಗ್ ಅಣ್ಣ. ಸಂಗೀತ ಕ್ಷೇತ್ರಡ್ ಬಾರಿ ಆಸಕ್ತಿ ಉಂಡು.

ಸಂಗೀತ ಗುರುಕುಲಾಯಿನ ರೇಖಾ ದಿನೇಶ್ ಮಂಜೇಶ್ವರ ಮೆರೆಡ ಸಂಗೀತಾಭ್ಯಾಸನ್ ಮಲ್ತೊಂದು ಉಲ್ಲೆ.. ಮೂಜರೆ ವರ್ಷ ಪ್ರಾಯಡೆ ವೇದಿಕೆ ಮಿತ್ತರ್ದ್ ತನ್ನ ಪ್ರತಿಭೆ ಪ್ರದರ್ಶನ ಮಲ್ತಿನಾಯೇ.

ಕರಾಟೆ , ಯಕ್ಷಗಾನ , ಸಂಗೀತ , ಇಂಚ ಬಹುಮುಖ ಪ್ರತಿಭೆಯಾದ್ ತನನ್ ತಾನ್ ತೊಡಗಿಸಾವೊಂದು ಉಪ್ಪುನ ಪ್ರತಿಭಾನ್ವಿತ ಪ್ರತಿಭೆ..

ಕರಾಟೆಡ್ ತರಬೇತಿ ಪಡೆಯೊಂದು ಅವ್ವೆತೋ ಪಂಥ ಡ್ ಪಾಲ್ ಪಡೆದ್ ಪದಕ ಗೆಂದ್ದೆರ್ … ಯಕ್ಷಗಾನ ಕಲಾವಿದೆರಾಯಿನ ಜ್ಞಾನೇಂದ್ರ ತೀರ್ಥ ಮೆರೆನ ಗರಡಿಡ್ ಯಕ್ಷಗಾನ ಕಲ್ತೊಂದು , ಇತ್ತೆ ಗೆಜ್ಜೆ ಕಟ್ಟ್ ದ್ ಅವ್ವೆತೋ ಪಾತ್ರಲೆನ್ ಮಲ್ತ್ ದ್ ಪ್ರೇಕ್ಷಕೆರ್ನ ಮೆಚ್ಚುಗೆಗ್ ಪಾತ್ರ ಆತೆರ್.

ಛದ್ಮ ವೇಷ, ಆಟೋಟ ಸ್ಪರ್ಧೆ ಡ್ಯಾನ್ ಇಂಚ ಮಾತೆಟ್ಲಾ ಅಭಿರುಚಿನ್ ಹೊಂದಿನ ಈ ಬಾಲೆ ಕುಡ್ಲ ಕುಲಶೇಖರ ಸೇಕ್ರೆಡ್ ಹಾರ್ಟ್ ಶಾಲೆಡ್ ನಾಲನೇ ತರಗತಿಡ್ ಕಲ್ತೊಂದು ಉಲ್ಲೆ. ಕಲಿಕೆಡ್ಲಾ ದುಂಬು ಉಪ್ಪುನ ಮಾತಾ ಚಟುವಟಿಕೆಡ್ ಲಾ ಸೈ ಎನ್ನ್ದೆರ್. ಬಹುಮುಖ ಪ್ರತಿಭೆಯಾದ್ ಇಂಡಿಯನ್ ಬುಕ್ ಆಫ್
ರೆಕಾರ್ಡ್ಸ್ಡ್ ದಾಖಲಾತುಂಡು …

ಇಂಚ ಒಂಜೇ ಕುಟುಂಬದ ರಡ್ಡ್ ಪ್ರತಿಭೆಲು ತನ್ನ ಎಲ್ಯ ಪ್ರಾಯಡೆ ವಿಶೇಷ ಸಾಧನೆನ್ ಮಲ್ತೊಂದು ಅವ್ವೆತೋ ಪ್ರಶಸ್ತಿಲೆನ್ ತನ್ನ ಮುಡಿಕೇರಾದೆರ್ .. ರೆಹಮಾನ್ ಕುಂಜತ್ ಬೈಲ್ ಸಾರಥ್ಯಡ್ ನಡಪುನ ರಂಗ ಸ್ವರೂಪದ ಬೇಸಿಗೆ ಶಿಬಿರಡ್ ಪಾಲ್ ಪಡೆಯೊಂದು ಬುಲೆಯಿನ ಮೇರ್ ತನ್ನ ಅಪ್ಪೆ ಅಮ್ಮೆರ್ನ ಪ್ರೋತ್ಸಾಹಡ್ ನನಾತ್ ಸಾಧನೆದ ಗುರಿ ಮುಟ್ಟರೆ ದೇವೆರ್ ಕರುಣಿಸಾವಡ್ ನಿಕ್ಲೆನ ಪ್ರತಿಭೆ ನನಾತ್ ಎತ್ತರಗ್ ಬುಲೆಯಡ್ ಪಂದ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.