Sat. Nov 21st, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ನಾಪತ್ತೆ ಆದಿತ್ತಿನ ಕಲ್ಲಡ್ಕದ ಪೊಣ್ಣು ಚಿಕ್ಕಮಗಳೂರುಡ್ ಪತ್ತೆ

ಬಂಟ್ವಾಳ: ಶಾಲೆಗ್ ಪಂದ್ ಪೋಯಿನ ಕಲ್ಲಡ್ಕದ ಪೊಣ್ಣು ಶಾಲೆಗ್ ಪೋವಂದೆ ನಾಪತ್ತೆ ಆದಿತ್ತಿನಾಲ್ ಚಿಕ್ಕಮಗಳೂರುಡ್ ಪತ್ತೆ ಆತೊಲು.

ಹಾಸನ ಜಿಲ್ಲೆದ ಸಕಲೇಶಪುರ ತಾಲೂಕ್ ದ ಹುರುಡಿ ಗ್ರಾಮದ ನಿವಾಸಿ ಪುಟ್ಟರಾಜ್ ಮೆರೆನ ಮಗಲ್ ಪೃಥ್ವಿ (12) ಇತ್ತೆ ಪತ್ತೆ ಆತೊಲು.
ಕಲ್ಲಡ್ಕ ಶ್ರೀರಾಮ ಪ್ರಾಥಮಿಕ ಶಾಲೆಡ್ ಕಲ್ತೊಂದು ಇತ್ತಿನ ಮೋಲು ಕಲ್ಲಡ್ಕದ ಅಮ್ಟೂರ್ ದ ಸಂಬಂಧದಾರ್ ಆಯಿನ ರಾಜಪ್ಪ ಮೆರೆನ ಇಲ್ಲರ್ದ್ ಶಾಲೆಗ್ ಪೋವೊಂದು ಇತ್ತೊಲು.
ಪೃಥ್ವಿ ಇಲ್ಲ್ ರ್ದ್ ರಿಕ್ಷಾಡ್ ಶಾಲೆಗ್ ಪೋಯಿನಾಲ್ ಶಾಲೆಗ್ ಬರಂದಿನೆನ್ ಶಾಲೆದ ಟೀಚರ್ ಇಲ್ಲಗ್ ತೆರಿಪಾದೆರ್. ನಾಪತ್ತೆ ಆಯಿನ ವಿಷಯ ತೆರೆನ ಪೋಷಕೆರ್ ಬಂಟ್ವಾಳ ನಗರ ಪೋಲೀಸ್ ಠಾಣೆಡ್ ದೂರು ದಾಖಲ್ ಮಲ್ದ್ ಇತ್ತೆರ್. ಇತ್ತೆ ಈ ಪೊಣ್ಣು ಚಿಕ್ಕಮಗಳೂರುಡ್ ಪತ್ತೆ ಆತೊಲು ಪಂದ್ ತೆರಿದ್ ಬೈದ್ಂಡ್.

‌ಕುಡ್ಲ: ಅಮಲ್ದ ಸೊತ್ತುಲೆನ್ ಕೊನೊಂದು ಇತ್ತಿನ ಮೂಜಿ ಜನ ಅರೆಸ್ಟ್

ಕುಡ್ಲ: ಅಮಲ್ದ ಸೊತ್ತುಲೆನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ಮೂಜಿ ಜನ ಆರೋಪಿಲೆನ್ ಸಿಸಿಬಿ ಪೊಲೀಸೆರ್ ಪತ್ ದೆರ್.


ಉಳ್ಳಾಲ ಮೇಲಂಗಡಿದ ಅಬ್ದುಲ್ ರಹ್ಮಾನ್ ಅರ್ಫಾನ್ ಯಾನೆ ಜಲ್ದಿ ಅರ್ಫಾನ್ (24), ಬೋಳೂರ್ ಬೊಕ್ಕಪಟ್ಣದ ಅಬ್ದುಲ್ ಜಲೀಲ್ (42), ಬೋಳಿಯಾರ್ ಕಾಪಿಕಾಡ್‌ದ ಮುಹಮ್ಮದ್ ಮನ್ಸೂರ್ (29) ಮೊಕುಲು ಬಂಧನ ಮಲ್ಪರೆ ಆಯಿನ ಆರೋಪಿಲು.

ಸಿಲಿಂಡರ್ ಪುಡಾದ್ ತೂಟು ಪೊತ್ತಿನ ಇಲ್ಲ್

ಹುಬ್ಬಳ್ಳಿ: ಗ್ಯಾಸ್ ಸಿಲಿಂಡರ್ ಪುಡಾದ್ ಮಾಬೂಸಾಬ್ ಅಲ್ಲಿಸಾಬ ಸಂಶಿ ಮೆರೆನ ಇಲ್ಲ್ ಗ್ ತೂ ಪೊತ್ತುದುಂಡು.

ಈ ಘಟನೆ ಹುಬ್ಬಳ್ಳಿ ತಾಲೂಕ್ ದ ಕರಡಿಕೊಪ್ಪ ಗ್ರಾಮಡ್ ನಡತ್ಂಡ್. ಗ್ಯಾಸ್ ಸಿಲಿಂಡರ್ ಪುಡಾಯಿನ ಶಬ್ಧಗ್ ಪೋಡಿದ್ ಇಲ್ಲಲ್ ದಕುಲು ಪೂರ ಪಿದಯಿ ಬಲಿತೊಂದು ಬೈದೆರ್. ಯೆರೆಗ್ಲಾ ಜೂವೊಗು ದಾಕ ತೊಂದರೆ ಆತಿಜಿ. ಹುಬ್ಬಳ್ಳಿ ಗ್ರಾಮಾಂತರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಡಯಾಲಿಸಿಸ್ ಕೇಂದ್ರ ಸ್ಥಾಪನೆಗ್ ಆದ್ಯತೆ : ಲಯನ್ಸ್ ಕ್ಲಬ್ ಜಿಲ್ಲಾ ಗವರ್ನರ್ ಸಂಜಿತ್ ಯಸ್. ಶೆಟ್ಟಿ

ಮುಲ್ಕಿ : ದಕ್ಷಿಣ ಕನ್ನಡ, ಕೊಡಗು, ಹಾಸನ , ಚಿಕ್ಕಮಗಳೂರು ಜಿಲ್ಲೆ ಸೇರ್ದ್ ಉಪ್ಪುನ ಲಯನ್ಸ್ ಜಿಲ್ಲೆ 317 ಡಿ ಉಂದೆತ್ತ ಮುತಾಲಿಕೆಡ್ ಈ ಸರ್ತಿ ಡಯಾಲಿಸಿಸ್ ಕೇಂದ್ರ ಸ್ಥಾಪನೆ ಮಲ್ಪರೆ ಆದ್ಯತೆ ಕೊರ್ಪುಂಡು ಪಂದ್ ಲಯನ್ಸ್ ಜಿಲ್ಲಾ ಗವರ್ನರ್ ಸಂಜಿತ್ ಎಸ್. ಶೆಟ್ಟಿ ತೆರಿಪಾಯೆರ್.

ಆರ್ ಮುಲ್ಕಿ ಲಯನ್ಸ್ ಕ್ಲಬ್ ಬೊಕ್ಕ ಲಿಯೊ ಕ್ಲಬ್ ಗ್ ಬುಧಾರ ಭೇಟಿ ಕೊರ್ದು ಮುಲ್ಕಿ ಲಯನ್ಸ್ ಸೌಧೊಡು ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್. ಅಂತಾರಾಷ್ಟ್ರೀಯ ಲಯನ್ಸ್ ಸಂಸ್ಥೆಗ್ ಲಯನ್ಸ್ ಜಿಲ್ಲೆ ಒಟ್ಟು ಮಲ್ತ್ ಕೊರ್ತಿನ 1 ಕೋಟಿ 60 ಲಕ್ಷ ರೂ. ಪನವುನು ಅವು ಸಮಾಜಸೇವೆಗ್ ಗಲಸರೆ ವಾಪಸ್ ಕೊರ್ದಿತ್ತ್ ದ್, ಆ ನಿಧಿಟ್ಟ್ ಈ ಸರ್ತಿ ಅಲ್ಪಲ್ಪ ಡಯಾಲಿಸಿಸ್ ಕೇಂದ್ರೊಲೆನ್ ಸ್ಥಾಪನೆ ಮಲ್ಪುನ ಉದ್ದೇಶ ಉಂಡು. ಕೊಪ್ಪಡ್ 3 ಬೊಕ್ಕ ಕುಶಾಲನಗರಡ್ 1 ಡಯಾಲಿಸಿಸ್ ಸೆಂಟರ್ ಸ್ಥಾಪನೆ ಆವರೆ ಉಂಡು ಪಂಡೆರ್.

ಸಕಲೇಶಪುರತ್ತ ಮಸಣೊನು 25 ಲಕ್ಷ ರೂ. ದುಡ್ಡುಡು ಅಭಿವೃದ್ಧಿ ಮಲ್ಪುನ ಬೇಲೆ ಸುರುವಾತ್ಂಡ್. ವಗ್ಗರ್ದ್ ಪುಂಜಾಲಕಟ್ಟೆ ಅಂಚೆನೆ ವಾಮಂಜೂರುರ್ದು ಪಿಲಿಕುಲ ಮುಟ್ಟ ದೈ ನಡ್ಪುನ ಟನರಲ್ ಟ್ರೀ ಯೋಜನೆ ಉಂಡು. ಅಂಚೆನೆ ಲವ್ ಕೇರ್ ಷೇರ್ ಪನ್ಪಿನ ಯೋಜನೆ ಬೊಕ್ಕ ವೀ ಸರ್ವ್ ಪರಿಕಲ್ಪನೆಡ್ ಸರ್ಕಾರಿ ಕಾಲೇಜಿಗ್ ಕಂಪ್ಯೂಟರ್ ಪಟ್ಟುನ, ಅರಿ ಪಟ್ಟುನ , ಕಣ್ಣ್ ಪರೀಕ್ಷೆ, ಧರ್ಮಾರ್ಥ ಚಿಕಿತ್ಸೆ ಬೊಕ್ಕ ಕನ್ನಡಕ ಪಟ್ಟುನ ಲೇಸ್ ಮುಲ್ಕಿ ಲಯನ್ಸ್ ಕ್ಲಬ್ ದ ಮುತಾಲಿಕೆಡ್ ನಡತ್ಂಡ್ ಪಂದ್ ತೆರಿಪಾಯೆರ್.

ಪತ್ರಿಕಾಗೋಷ್ಠಿಡ್ ಮುಲ್ಕಿ ಲಯನ್ಸ್ ಕ್ಲಬ್ ಅಧ್ಯಕ್ಷೆರ್ ನೀರಜಾಕ್ಷಿ ಅಗರ್ ವಾಲ್, ಕಾರ್ಯದರ್ಶಿ ಶೀತಲ್ ಸುಶೀಲ್, ಟ್ರೆಶರರ್ ಸದಾಶಿವ ಹೊಸದುರ್ಗ, ಮಾಜಿ ಅಧ್ಯಕ್ಷೆರ್ ವಿನೋದ್ ಸಾಲ್ಯಾನ್ ಬೆಳ್ಳಾಯಿರು, ಸ್ಯಾಮ್ ಮಾಬೆನ್, ಲಿಯೋ ಕ್ಲಬ್ ದ ಕವನ್ ಕುಬೆವೂರು ಇತ್ತೆರ್.

Importence will be to set up Dailysis centre-Lions club governor Sanjith S Shetty

Mulki: The district governor of Lion’s club district 317, Sanjith S Shetty announced that priority will be given in setting up dailysis centres in its jurisdiction of DK district, Kodagu, Hassan and Chickmagalore.

He was speaking at a press conference in Mulki after a visit to Mulki lions club and Leo club on Wednesday.

It would make use of the fund if 1 crore sixty lakhs collected by the Lion’s district and given to the international lion’s organization which was given back to the district to be used for social causes . Dialysis centre will be set up at Koopa(3) and Kushal Nagar(1) shortly.

A Hindu Rudrabhumi has been developed with rupees 25 lakhs fund at Sakleshpur. And also tree planting programme at Pilikula and Vagga.

A social service drive named Love ,care, Share and We serve- are on the cards to provide computers to college students, health check up, free medical services and the like.

Neerajakshi Aggarwal President of lion’s club Mulki, secretary Sheetal Susheel treasurer Sadashiva Hosadurga and Kavan Kubevoor others were present.

ತಿಗಲೆ ಬೇನೆಡ್ ತೀರ್ ಪೋಯೆರ್ ಸುಬ್ರಹ್ಮಣ್ಯ ಪಿಡಿಒ ಶೇಖರ್

ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ ಗ್ರಾಮ ಪಂಚಾಯತಿಡ್ ಬೇಲೆ ಮಲ್ತೊಂದು ಇತ್ತಿನ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ(ಪಿಡಿಒ) ಯು.ಡಿ. ಶೇಖರ್ ಇನಿ ಬೊಲ್ಪುಗು ತಿಗಲೆ ಬೇನೆಡ್ ತೀರ್ ಪೋಯೆರ್.

ಬೊಲ್ಪುಗು ಇಲ್ಲಲ್ ತಿಗಲೆ ಬೇನೆ ಬತ್ತಿನ ಮೆರೆನ್ ಇಲ್ಲಲ್ ದಕುಲು ಸುಳ್ಯ ಕೆ.ವಿ.ಜಿ. ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಚಿಕಿತ್ಸೆ ಫಲಕಾರಿ ಆವಂದೆ ಮೇರ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್. ಐವರ್ನಾಡು ಗ್ರಾಮ ಪಂಚಾಯತ್ ಡ್ ಬೇಲೆ ಮಲ್ತೊಂದು ಇತ್ತಿನ ಮೇರ್ ಬೊಕ್ಕ ಸುಬ್ರಹ್ಮಣ್ಯ ಗ್ರಾ.ಪಂ. ಪಿಡಿಒ ಆದ್ ವರ್ಗ ಆದಿತ್ತೆರ್. ಮೆರೆಗ್ ಬೊಡೆದಿ ಬಿಜೆಪಿ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಗೀತಾ ಶೇಖರ್, ಬೊಕ್ಕ ರಡ್ಡ್ ಜೋಕುಲು ಉಲ್ಲೆರ್.

ಪ್ರವೀಣ್ ನೆಟ್ಟಾರುನ್ ಕೆರ್ತಿನ ಆರೋಪಿಲೆನ್ ನಾಡ್ ಪತ್ತರೆ 40 ಕಡೆಟ್ಟ್ ವಾಂಟೆಡ್ ಪೋಸ್ಟರ್

ಸುಳ್ಯ ತಾಲೂಕ್‌ದ ಬೆಳ್ಳಾರೆದ ಮಾಸ್ತಿಕಟ್ಟೆಡ್ ಬಿಜೆಪಿ ನಾಯಕೆ ಪ್ರವೀಣ್ ನೆಟ್ಟಾರ್‌ನ್ ಕೆರ್ತಿನ ಕೇಸ್‌ದ ನಾಲ್ ಆರೋಪಿಲು ಪದ್ರಾಡ್ ಪಾಡ್ದಿತ್ತ್ ದ್ ಅಕ್ಲೆನ್ ನಾಡ್ ಪತ್ತರೆ ಎನ್‌ಐಎ ಲಕ್ಷಗಟ್ಟಲೆ ಇನಾಮು ಘೋಷಣೆ ಮಲ್ದ್ಂಡ್.

ಅವ್ವತ್ತಾಂದೆ‌ ಆರೋಪಿಲೆನ್ ನಾಡ್ ಪತ್ತರೆ ಕೊಡಗು ಪೊಲೀಸೆರ್ ದುಂಬು ಸುಮಾರ್ 40 ಕಡೆಟ್ಟ್ ವಾಂಟೆಡ್ ಪೋಸ್ಟರ್ ಅಂಟಾದಿತ್ತ್‌ದ್, ತಿಕ್ಕ್ಂಡ ಪೊಲೀಸೆರೆಗ್ ಮಾಹಿತಿ ಕೊರ್ಪಿಲೆಕ್ಕ ತೆರಿಪಾದೆರ್.

ಬಿಜೆಪಿ ಸೇರಿನ ನಟೆ, ಮಾಜಿ ಸಂಸದೆರ್ ಶಶಿಕುಮಾರ್

ಬೆಂಗ್ಲೂರು: ವಿಧಾನಸಭೆ ವೋಟುಗು ತಯಾರ್ ಆವೊಂದಿಪ್ಪುನ ಪೊರ್ತುಡು ಪಕ್ಷಾಂತರ ಪರ್ವ ಸುರು ಆದಿತ್ತ್‌ದ್, ಕಾಂಗ್ರೆಸ್ ಅಂಚನೆ ಜೆಡಿಎಸ್ ನಾಯಕೆರ್ ಪಕ್ಷ ಬುಡ್ದ್ ಬಿಜೆಪಿಗ್ ಸೇರ್ದೆರ್.

ತುಮಕೂರ್‌ದ ಮಾಜಿ ಸಂಸದೆರ್ ಮುದ್ದಹನುಮೇಗೌಡ ಅಂಚನೆ ಚಿತ್ರದುರ್ಗ ಲೋಕಸಭಾ ಕ್ಷೇತ್ರದ ಮಾಜಿ ಸಂಸದೆರ್ ನಟೆ ಶಶಿಕುಮಾರ್ ಬಿಜೆಪಿಗ್ ಸೇರ್ದೆರ್. ಅತ್ತಂದೆ ನಿವೃತ್ತ ಐಎಎಸ್ ಅಧಿಕಾರಿ ಅನಿಲ್ ಕುಮಾರ್ ಬಿಜೆಪಿಗ್ ಸೇರ್ದೆರ್.

ಟಿ20 ವಿಶ್ವಕಪ್ ಟೂರ್ನಿಡ್ ಎಚ್ಚ ರನ್ ದಾಖಲ್ ಮಲ್ತಿನ ವಿರಾಟ್ ಕೊಹ್ಲಿ

ಯುಎಇಡ್ ನಡತಿನ ಏಷ್ಯಾಕಪ್ ಬೊಕ್ಕ ಇತ್ತೆ ನಡತೊಂದು ಇಪ್ಪುನ ಟಿ20 ವಿಶ್ವಕಪ್ ಟೂರ್ನಿಡ್ ಎಡ್ಡೆ ರೀತಿಡ್ ಬ್ಯಾಟಿಂಗ್ ಮಲ್ತ್‌ದಿನ ಟೀಮ್ ಇಂಡಿಯಾದ ಮಾಜಿ ನಾಯಕೆ ವಿರಾಟ್ ಕೊಹ್ಲಿ ತನ್ನ ವೃತ್ತಿ ಜೀವನಡ್ ನನೊಂಜಿ ಮೈಲಿಗಲ್ಲ್‌ ಊರುದೆರ್.

ಬಾಂಗ್ಲಾದೇಶದ ಮಿತ್ತ್ ನಡತಿನ ಪಂತೊಡು ಕೊಹ್ಲಿ ಅರ್ಧಶತಕ ದಾಖಲ್ ಮಲ್ತ್‌ದೆರ್. ಕೊಹ್ಲಿ 44 ಬಾಲ್ ಡ್ 54 ರನ್ ಮಲ್ತ್‌ದಿತ್ತೆರ್. 16 ರನ್ ಮಲ್ಪುನಗ ಟಿ20 ವಿಶ್ವಕಪ್ ಟೂರ್ನಿಡ್ ಅತಿ ಎಚ್ಚ ರನ್ ದಾಖಲ್ ಮಲ್ತಿನ ಬ್ಯಾಟ್ಸ್‌ಮನ್ ಪಂದ್ ಪುಗರ್ತೆ ಪಡೆಯೆರ್.

ಚೀನಾದ ಒಂಜಿ ಜಾಗೆಡ್ ಕುಡ ಲಾಕ್ ಡೌನ್!!

ಚೀನಾ: ಜಗತ್ತ್ ದ ಮಾಮಲ್ಲ ಐಫೋನ್ ತಯಾರ್ ಮಲ್ಪುನ ಘಟಕ ಇಪ್ಪುನ ಒಂಜಿ ಜಾಗೆಡ್ ಚೀನಾದ ಅಧಿಕಾರಿಲು ಕೋಡೆ ಲಾಕ್‌ಡೌನ್ ಘೋಷಣೆ ಮಲ್ದೆರ್.

ನಡು ಚೀನಾದ ಝೆಂಗ್‌ಝು ಏರ್ ಪೋರ್ಟ್ ಆರ್ಥಿಕ ವಲಯದ ಕೈತಲ್ ತೈವಾನ್ ಮೂಲದ ಟೆಕ್ ಕಂಪನಿ ಫಾಕ್ಸ್‌ಕಾನ್ ಐಫೋನ್‌ದ ಮಲ್ಲ ಘಟಕನ್ ನಡಪಾವೊಂದು ಉಂಡು. ಅಲ್ಪ ಇತ್ತೆ ಲಾಕ್‌ಡೌನ್ ಮಲ್ದೆರ್ ಪಂದ್ ವರದಿ ಆತ್ಂಡ್.
ಆಂಡ ಒವು ನಮುನೆದ ಪರಡು ಸೀಕ್ ಗ್ ಲಾಕ್‌ಡೌನ್ ಮಲ್ದೆರ್ ಪಂದ್ ವರದಿ ಆತಿಜಿ. ಫಾಕ್ಸ್‌ಕಾನ್ ದ ಉಲಯಿ 100ರ್ದ್ ಸಾರ ಮುಟ್ಡ ಉದ್ಯೋಗಿಲು ಬೇಲೆ ಮಲ್ತೊಂದು ಉಲ್ಲೆರ್. ಅಕುಲು ಕಂಪೆನಿಡ್ ಸಮರ್ಪಕ ವ್ಯವಸ್ಥೆ ಮಲ್ಪಂದಿನ ಬಗೆಟ್ ಸಾಮಾಜಿಕ ಜಾಲತಾಣಡ್ ದೂರುದೆರ್. ಅತ್ತಂದೆ ಕೋವಿಡ್ ಲಾಕ್‌ಡೌನ್ ನಡುಟ್ ತಿಕ್ ದ್ ಸೋತು ಪೋತಿನ ಫ್ಯಾಕ್ಟರಿ ಕುಡೊರ ಆಯಿನ ಲಾಕ್ ಡೌನ್ ರ್ದ್ ಬಚಾವ್ ಆಪಿನೆಂಚ ಪಂದ್ ಪನೊಂದೆರ್.

ಬುಲ್ಪುನಗ ಮೂಂಕುಡುಲ ನೀರ್ ಬರ್ಪಿನಿ ದಾಯೆ ಪಂಡ..

ಮಾತೆರ್‍ಲಾ ಒವ್ವೇ ಒಂಜಿ ವಿಷಯಡ್ ಒಂಜಿ ಸರ್ತಿ ಆಂಡಲ ಬುಲಿತ್ ದ್ ಇಪ್ಪುವೆರ್. ಕೆಲವೆರ್ ಪ್ರತಿಯೊಂಜೆಕ್ಕ್ ಲ ಬುಲಿಪುವೆರ್. ನಮ ಬುಲಿಪುನಗ ಕಣ್ಣ್‌ಡ್ ನೀರ್ ಬರ್ಪುನವು ಸಹಜ. ಆಂಡ ಮೂಂಕುಡ್‌ಲ ನೀರ್ ಬರ್ಪುಂಡು. ಕಣ್ಣ್‌ಡ್‌ಲ ಮೂಂಕುಡ್‌ಲ ಎಂಚ ನೀರ್ ಬರ್ಪುಂಡು ಪಂದ್ ಎಚ್ಚದ ಜನಕ್ಲೆಗ್ ತೆರಿದಿಜಿ. ಆಯಿಕ್ಕ್ ಒಂಜಿ ಕಾರಣ ಉಂಡು.

ಕಣ್ಣ್‌ದ ಬರಿಟ್ಟ್ ಇಪ್ಪುನ ಇಂಜಿ ಎಲ್ಯ ಗುಳ್ಳೆ ಉಂದೆಕ್ಕ್ ಕಾರಣ ಆತ್ಂಡ್. ಈ ಗುಳ್ಳೆ ಮೂಂಕುದೊಟ್ಟುಗು ಕನೆಕ್ಟ್ ಆದಿಪ್ಪುಂಡು. ನಮ ಬುಲಿಪುನಗ ಕಣ್ಣ ನೀರ ಪನಿ ಮೂಂಕುದ ಮುಖೇನ ಬರ್ಪುಂಡು. ಇಂಚಾದ್ ಮೂಂಕ್‌ಡ್‌ಲ ನೀರ್ ಬರ್ಪುಂಡು.

You Missed