ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಎಲ್ಲೆ ಪುತ್ತೂರು ಲೈನ್ ಡ್ ಕರೆಂಟ್ ಇಜ್ಜಿ

ಪುತ್ತೂರು: ನಿರ್ವಹಣೆ ಬೊಕ್ಕ ತುರ್ತು ಕಾಮಗಾರಿದ ಲೆಕ್ಕೊಡು 110/33/11 ಕೆವಿ ಪುತ್ತೂರು ಕರೆಂಟ್ ಕೇಂದ್ರರ್ದ್ ಪಿದಾಡುನ ದರ್ಬೆ ಲೈನ್ ಡ್ (ನ.4) ಎಲ್ಲೆ ಬೊಲ್ಪು 10 ಗಂಟೆರ್ದ್ ಬಯ್ಯ 5 ಗಂಟೆ ಮುಟ್ಟ ಕರೆಂಟ್ ಇಪ್ಪುಜಿ.

ಅಂಚಾದ್ 110/33/11 ಕೆವಿ ಪುತ್ತೂರು ಕರೆಂಟ್ ಕೇಂದ್ರರ್ದ್ ಪಿದಾಡುನ ಲೈನ್ ರ್ದ್ ಕರೆಂಟ್ ಸರಬರಾಜು ಆಪುನ ಹಾರಾಡಿ, ಚಿಕ್ಕಪುತ್ತೂರು, ನೆಲ್ಲಿಕಟ್ಟೆ, ಕೆಎಸ್‌ಆರ್‌ಟಿಸಿ ಬಸ್ ಸ್ಟ್ಯಾಂಡ್, ಕಲ್ಲಾರೆ, ದರ್ಬೆ ಬೊಕ್ಕ ಏಳ್ಮುಡಿ ಪರಿಸರದ ಕರೆಂಟ್ ಗಲಸುನಕುಲು ಸಹಕಾರ ಕೊರೊಡು ಪಂದ್ ಮೆಸ್ಕಾಂ ಪ್ರಕಟಣೆ ತೆರಿಪಾದ್ಂಡ್.

ರಾಜ್ಯಡ್ ಎಲ್ಲೆರ್ದ್ ಭಾರಿ ಬರ್ಸ ಬರ್ಪಿನ ಅಂದಾಜಿ

ಬೆಂಗ್ಲೂರು: ರಾಜ್ಯದ ಸುಮಾರ್ ಕಡೆಟ್ ನವೆಂಬರ್‌ 4-8 ಮುಟ್ಟ ಭಾರಿ ಬರ್ಸ ಬರ್ಪಿನ ಅಂದಾಜಿ ಉಂಡು ಪಂದ್ ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.

ಮುಂಜಾಗ್ರತೆ ಕ್ರಮವಾದ್ ದಕ್ಷಿಣ ಒಳನಾಡ್ ದ ಶಿವಮೊಗ್ಗ, ಮಂಡ್ಯ, ಕೊಡಗು, ಹಾಸನ, ಚಿಕ್ಕಮಗಳೂರು ಜಿಲ್ಲೆಡ್ ಯೆಲ್ಲೋ ಅಲರ್ಟ್ ಘೋಷಣೆ ಮಲ್ದ್ಂಡ್.

ಚಾಮರಾಜನಗರ, ಕೋಲಾರ, ಮೈಸೂರು, ತುಮಕೂರು, ದಕ್ಷಿಣ ಕನ್ನಡ, ಒಡಿಪು, ಉತ್ತರ ಕನ್ನಡ, ಧಾರವಾಡ, ಹಾವೇರಿ, ಬೆಂಗಳೂರು ಗ್ರಾಮಾಂತರ, ಬೆಂಗಳೂರು ನಗರ ಜಿಲ್ಲೆಡ್ ಸಾಧಾರಣ ಬರ್ಸ ಬರ್ಪಿನ ನಿರೀಕ್ಷೆ ಉಂಡು.

ಸಾಹಿತಿ ಶಂಕರ್ ರಾವ್ ಉಭಾಳೆ ಮೆರೆನ ಬೂಕುಗು ಪ್ರಶಸ್ತಿ

ದೇವದುರ್ಗ: ಕುಲಾಲ ಸಂಘ ಬೊಂಬೈದ ಮುಖವಾಣಿ ಅಮೂಲ್ಯ ಸಾಹಿತ್ಯ ಪಂತೊ 2023ನೇ ಸಾಲ್ ಡ್ ತಾಲೂಕ್ ದ ಯುವ ಸಾಹಿತಿಲು, ಬರವುಗಾರೆ ಶಂಕರ್ ರಾವ್ ಉಭಾಳೆ ಮೆರೆನ ಆನೆ ಬಂದ ದಿನ ಪನ್ಪುನ ಕಥೆ ಸುರುತ್ತ ತಾನ ಪಡೆತ್ಂಡ್.

ಮಹಾರಾಷ್ಟ್ರದ ಬೊಂಬೈಡ್ ನವೆಂಬರ್ 5 ಕ್ಕ್ ಗೋರೆಗಾಂವ್ ಪೂರ್ವಡ್ ನಂದಾದೀಪ ಹೈಸ್ಕೂಲ್ ಸಭಾಗೃಹಡ್ ನಡಪುನ ಲೇಸ್ ಡ್ ಮೆರೆನ ಬೂಕು ಕಥೆ ಸುರುತ್ತ ತಾನ ಪಡೆಯಿರ್ನೆದಾವೆರ ಮೆರೆಗ್ ಪ್ರಶಸ್ತಿ ಕೊರ್ದು ಗೌರವಿಸಾಯೆರೆ ಆಪುಂಡು ಪಂದ್ ಸಂಸ್ಥೆದ ಸಂಪಾದಕೆರ್ ಶಂಕರ್ ವೈ. ಮೂಲ್ಯ ತೆರಿಪಾಯೆರ್.

ಮೇರ್ ಕಲ್ಯಾಣ ಕರ್ನಾಟಕದ ರಾಯಚೂರು ಜಿಲ್ಲೆದ ದೇವದುರ್ಗ ಹಿಂದುಳಿದ ತಾಲೂಕ್ ದಾರ್ ಆತೆರ್. ಮೆರೆನ ಬೂಕು ಪ್ರಶಸ್ತಿ ಪಡೆಯಿನವು ಜಿಲ್ಲೆಗ್ ಬೊಕ್ಕ ಕಲ್ಯಾಣ ಕರ್ನಾಟಕ ಭಾಗದ ಕನ್ನಡ ಹೃದಯಗ್ ತಿಕಿನ ಕೀರ್ತಿ ಪಂದ್ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ದ ಗುರ್ಕಾರೆ ರಂಗಣ್ಣ ಪಾಟೀಲ್ ಅಳ್ಳುಂಡಿ, ಕಸಾಪ ಗುರ್ಕಾರೆ ಹೆಚ್ ಶಿವರಾಜ, ಮಾಜಿ ಗುರ್ಕಾರೆ ನರಸಿಂಗರಾವ್ ಸರ್ಕೀಲ್, ಮೈನುದ್ದೀನ್ ಕಾಟಮಳ್ಳಿ, ಬಸವರಾಜ ಬ್ಯಾಗವಾಟ್, ಮಾಧವರಾವ ಉಭಾಳೆ ಬೊಕ್ಕ ಸಮಾಜದ ಮುಖಂಡೆರ್ ಸೇರಿನಂಚೆನೆ ಬೇತೆ ಬೇತೆ ಸಂಘಟನೆದ ಗುರ್ಕಾರೆ ಅಭಿನಂದನೆ ತೆರಿಪಾದೆರ್.

ನ.19: ಬೆಂಗ್ಲೂರ್ ರವೀಂದ್ರ ಕಲಾಕ್ಷೇತ್ರಡ್ ಬಲಿಯೇಂದ್ರ ಪರ್ಬ ಆಚರಣೆ

ತುಳುವೆರೆಂಕುಲು ಬೆಂಗ್ಲೂರ್ (ರಿ.) ದ ಮುತಾಲಿಕೆಡ್ ಬಲಿಯೇಂದ್ರ ಪರ್ಬ ಆಚರಣೆ ನ.19 ಐತಾರ ಬೆಂಗ್ಲೂರ್ ರವೀಂದ್ರ ಕಲಾಕ್ಷೇತ್ರಡ್ ನಡಪರೆ ಉಂಡು.

ಬೊಕ್ಕ ಶ್ರೀ ಆದಿ ಧೂಮಾವತಿ ಶ್ರೀ ದೇಯಿಬೈದೆತಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಗೆಜ್ಜೆಗಿರಿ ಮೇಳದಕ್ಲೆರ್ದ್ ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ ನಡಪರೆ ಉಂಡು ಪಂದ್ ಗುರ್ಕಾರ್ದಿ ಜಲಜ, ಪ್ರಧಾನ ಕಾರ್ಯದರ್ಶಿ ಮಟ್ಟಿ ರಾಮಚಂದ್ರರಾವ್, ಖಜಾಂಚಿ ಗೋಪಾಲ ಪೂಜಾರಿ ಪಟ್ಟೆ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಆಕ್ಸಿಡೆಂಟ್ ಡ್ ಬೆಂಗ್ಲೂರ್ ಗ್ 2ನೇ ತಾನ

ದೇಶಡ್ ದಿನರ್ದ್ ದಿನೊ ಆಕ್ಸಿಡೆಂಟ್ ಸಂಖ್ಯೆ ಎಚ್ಚಾವೊಂದೇ ಉಂಡು. ಮಾರ್ಗ ಆಕ್ಸಿಡೆಂಟ್ ಡ್ ಸೈತಿನಕ್ಲೆನ ಸಂಖ್ಯೆಡ್ ಬೆಂಗ್ಲೂರ್ ದೇಶಡೇ 2ನೇ ತಾನಡ್ ಉಂಡು. ‌

ಕೇಂದ್ರ ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿ ಸಚಿವಾಲಯ ಬುಡುಗಡೆ ಮಲ್ತಿನ ವರದಿಡ್ ಈ ಆಕ್ಸಿಡೆಂಟ್ ಇಚಾರ ಉಲ್ಲೇಖ ಆತ್ಂಡ್. 2022ನೇ ಸಾಲ್ ದ ವರದಿ ಉಂದಾತ್ಂಡ್. ಕರಿನ ವರ್ಷ 3822 ಆಕ್ಸಿಡೆಂಟ್ ಆತ್ಂಡ್. ‌772 ಜನ ತೀರ್ ಪೋಯೆರ್. ಒಟ್ಟು 3189 ಜನಕ್ಕ್ ಪೆಟ್ಟಾತ್ಂಡ್. ಡೆಲ್ಲಿಡ್ 1500 ಜನ ಹುಷಾರ್ ಇಜ್ಜಂದೆ ಆತೆರ್.