ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕಾರ್ಕಳ ತಾಲೂಕು ರಾಜಪುರ ಸಾರಸ್ವತ ಬ್ರಾಹ್ಮಣ ಸಂಘದ ಗುರ್ಕಾರ್ಲಾದ್ ಕಡ್ತಲ ಸದಾಶಿವ ಪ್ರಭು ಆಯ್ಕೆ

ಕಾರ್ಕಳ : ನನ ದುಂಬುದ ಐನ್ ವರ್ಷ ಕಾರ್ಕಳ ತಾಲೂಕು ರಾಜಪುರ ಸಾರಸ್ವತ ಬ್ರಾಹ್ಮಣ ಸಂಘದ ಗುರ್ಕಾರ್ಲಾದ್ ಕಡ್ತಲ ಸದಾಶಿವ ಪ್ರಭು ಆಯ್ಕೆಯಾತೆರ್.

ಉಪಾಧ್ಯಕ್ಷರಾದ್ ಸತೀಶ್ ಅಂಬೆಲ್ಕರ್ ಅಂಚನೇ ಮಾಣಿಬೆಟ್ಟು ಪ್ರಕಾಶ್ ಪ್ರಭು ಆಯ್ಕೆ ಯಾತೆರ್ .
ಕಾರ್ಯದರ್ಶಿಯಾದ್ ಬಾಲಕೃಷ್ಣ ನಾಯಕ್, ಜತೆ ಕಾರ್ಯದರ್ಶಿಯಾದ್ ನಿತ್ಯಾನಂದ ನಾಯಕ್ , ಕೋಶಾಧಿಕಾರಿಯಾದ್ ರೂಪೇಶ್ ನಾಯಕ್, ಸಂಘಟನಾ ಕಾರ್ಯದರ್ಶಿಯಾದ್ ಸುಧೀರ್ ನಾಯಕ್,ಮಹೇಂದ್ರ ಕಾಮತ್,ಶಶಿಧರ್ ವಾಗ್ಳೆ,ಪ್ರದೀಪ್ ನಾಯಕ್, ಕ್ರೀಡಾ ಕಾರ್ಯದರ್ಶಿಯಾದ್ ವಿವಿದ್ಯಾನಂದ ನಾಯಕ್,ಲಕ್ಷ್ಮಣನಾಯಕ್ ,ಹರೀಶ್ ಕಂಗಿತ್ಲು,ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ವಿಶ್ವನಾಥ,ರಾಧಾಕೃಷ್ಣ ಭಟ್,ಸುಂದರ ಬೊರ್ಕರ್,
ಗೌರವ ಸದಸ್ಯೆರಾದ್ ನಾಗೇಶ್ ನಾಯಕ್, ಪ್ರೇಮಾನಂದ ಪಾಟ್ಕರ್,ರಘುಪತಿ, ಬಾಲಕೃಷ್ಣ ನಾಯಕ್,ಜಗದೀಶ್ ಪ್ರಭು, ವಿಶ್ವನಾಥ ನಾಯಕ್ ಆಯ್ಕೆಯಾತೆರ್ ಪಂದ್ ಸಂಘದ ಪ್ರಕಟಣೆ ತೆರಿಪಾದುಂಡು .

ಕಂಬಳ ಕ್ರೀಡೆ ಅಟ್ಟನೆ ಮಲ್ಪುನ ಸಂಸ್ಥೆದ ವಿವರ ಸರ್ಕಾರಗ್ ಕೊರ್ಪಿನ ಕಡ್ಡಾಯ

ಒಡಿಪು ಮಾರ್ಚ್ 3 : ತುಳು ನಾಡ ಸಂಸ್ಕೃತಿ, ಪರಂಪರೆ ಬೊಕ್ಕ ಜಾನಪದ ವೈಭವಗ್ ಮೆರುಗು ಕೊರ್ದು ಜಿಲ್ಲೆದ ಸಾಂಸ್ಕೃತಿಕ ಶ್ರೀಮಂತಿಕೆಗ್ ಕಳಸಪ್ರಾಯ ಕ್ರೀಡೆಯಾತಿನ ಕಂಬಳ ಕ್ರೀಡೆನ್ ರಾಷ್ಟ್ರೀಯ , ಅಂತರಾಷ್ಟ್ರೀಯ ಮಟ್ಟಡ್ ಗುರ್ತ ಮಲ್ತ್ ದ್ ಪ್ರತಿಬಿಂಬಿಸಾವುನ ಅಗತ್ಯ ಉಪ್ಪುನೆರ್ದಾವರ ಕಂಬಳ ಕ್ರೀಡೆನ್ ಅಟ್ಟನೆ ಮಲ್ಪುನ ಸಂಸ್ಥೆದ ವಿವರ ಸಂಗ್ರಹಿಸಾದ್ ಸರ್ಕಾರಗ್ ಮಾಹಿತಿ ತೆರಿಪಾಯರೇ ನಿರ್ಧಾರ ಮಲ್ದೆರ್ .

ಐರ್ದಾವರ ಜಿಲ್ಲೆಡ್ ಇಡೀ ಜನ ಸಮುದಾಯನ್ ಸಾಂಸ್ಕೃತಿಕವಾದ್ ಒಟ್ಟು ಮಲ್ತ್ ದ್ ಕಂಬಳ ಕ್ರೀಡೆನ್ ಪ್ರಚಾರ ಮಲ್ತೊಂದು ಉಪ್ಪುನ ಸಂಘ ಸಂಸ್ಥೆಲು ತಮ್ಮ ಸಂಪೂರ್ಣ ವಿವರನ್ ಮಾರ್ಚ್ 6 ತಾರೀಖ್ ದ ಉಲಯಿ ಸಹಾಯಕ ನಿರ್ದೇಶಕೆರ್ , ಪ್ರವಾಸೋದ್ಯಮ ಇಲಾಖೆ, ರಜತಾದ್ರಿ, ಮಣಿಪಾಲ, ಉಡುಪಿ ಮೊ.ನಂ:9480201994 ಕಚೇರಿಗ್ ಸಲ್ಲಿಸಾವೊಡು ಪಂದ್ ಜಿಲ್ಲಾಧಿಕಾರಿ ಬೊಕ್ಕ ಜಿಲ್ಲಾ ಪ್ರವಾಸೋದ್ಯಮ ಅಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಜಿ.ಜಗದೀಶ್ ಪ್ರಕಟಣೆಡ್ ತೆರಿಪಾದೆರ್ .

ತುಳು ಪ್ರತಿಭಾ ಪುರಸ್ಕಾರ

ತುಳುಕೂಟ ಕುಡ್ಲ, ಮೇರಿಹಿಲ್ ವಿಕಾಸ್ ಪದವಿಪೂರ್ವ ಕಾಲೇಜು ಮೆಕ್ಲೆನ ಒಟ್ಟು ಸೇರಿಗೆಡ್ ವಿಕಾಸ್ ಸಮೂಹ ಸಂಸ್ಥೆದ ಗುರ್ಕಾರ್ಲಾಯಿನ ಕೃಷ್ಣ ಪಾಲೆಮಾರ್ ಮೆರ್ನ ಗುರ್ಕಾರ್ಮೆಡ್ ವಿಕಾಸ್ ಸಮೂಹ ಸಂಸ್ಥೆದ ಕಾರ್ಯದರ್ಶಿ ಜೆ. ಕೊರಗಪ್ಪ, ವಿಕಾಸ್ ಪ್ರಥಮ ದರ್ಜೆ ಕಾಲೇಜ್ ದ ಪ್ರಾಚಾರ್ಯೆ ಐಶ್ವರ್ಯಾ ಕೆ, ಉಡುಪಿ ತುಳುಕೂಟದ ಪ್ರಧಾನ ಕಾರ್ಯದರ್ಶಿ ಗಂಗಾಧರ ಕಿದಿಯೂರು ಮೆಕ್ಲೆನ ಮುತಾಲಿಕೆಡ್ ಪ್ರಿಯಾಂಕಾ ಎಚ್, ಚೇತನ್ ಎನ್ (ಪಿಯುಸಿ), ಶ್ರಾವ್ಯಾ (ಎಸ್ಸೆಸ್ಸೆಲ್ಸಿ) ಮೆಕ್ಲೆಗ್ ತುಳು ಪ್ರಶಸ್ತಿ ಮಾನದಿಗೆ ಮಲ್ಪುನ ಲೇಸ್ ವಿಕಾಸ್ ಕಾಲೇಜ್ ಡ್ ತಾರೀಖ್ 06-03-2021, ಕಾಂಡೆ 10.30ಕ್ ನಡಪರೆ ಉಂಡು ಪಂದ್ ಪ್ರಕಟಣೆಗ್ ತೆರಿಪಾದೆರ್.