ಧಾರ್ಮಿಕ ನಂಬಿಕೆರ್ದ್ ಜನಕ್ಲೆನ ಕಷ್ಟನಷ್ಟ ದೂರ: ಡಾ.ಅತ್ತೂರು ಸದಾನಂದ ಶೆಟ್ಟಿ
ಕುಡ್ಲ: ಏಪಲ ದೈವ, ದೇವೆರೆನ ಮಿತ್ತ್ ಮಸ್ತ್ ಭಕ್ತಿ, ಶ್ರದ್ಧೆ, ನಂಬಿಕೆ ದೀಂಡ ಜನಕ್ಲೆನ ಕಷ್ಟ ನಷ್ಟ ದೂರವಾದ್ ನೆಮ್ಮದಿದ ಬದ್ ಕ್ ಸಾಗಯೆರೆ ಸಾಧ್ಯ ಪಂದ್ ಇಂಟರ್ ನ್ಯಾಷನಲ್ ಬಂಟ್ಸ್‌ ವೆಲ್‌ಫೇರ್‌ ಟ್ರಸ್ಟ್ (ರಿ.)ದ ಸ್ಥಾಪಕಾಧ್ಯಕ್ಷೆರ್ ಡಾ.ಅತ್ತೂರು ಸದಾನಂದ ಶೆಟ್ಟಿ ಪಂಡೆರ್.
ಮೇರ್ ಟ್ರಸ್ಟ್‌ದ ಮಹಿಳಾ ವಿಭಾಗದ ಮುತಾಲಿಕೆಡ್ ಅ.15 ಕ್ಕ್ ಕುಡ್ಲ ಪೆವಿಲಿಯನ್‌ ಸಭಾಂಗಣಡ್ ನಡತಿನ ನವರಾತ್ರಿ ದುರ್ಗಾ ಪೂಜೆ ಧಾರ್ಮಿಕ ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಅಂಚೆನೆ ಇಂಟರ್ ನ್ಯಾಷನಲ್ ಬಂಟ್ಸ್‌ ವೆಲ್‌ಫೇರ್‌ ಟ್ರಸ್ಟ್ (ರಿ.) ಮಸ್ತ್ ಕಾಲರ್ದ್ ಸಾಮಾಜಿಕ, ಸಾಂಸ್ಕೃತಿಕ, ಧಾರ್ಮಿಕ, ಕ್ರೀಡಾ ಬೊಕ್ಕ ಸಾಮಾಜಿಕ ಕಳಕಳಿದ ಸೇವೆನ್ ಒವ್ವೇ ಪ್ರತಿಫಲಾಪೇಕ್ಷೆ ಇಜ್ಜಂದೆ ನಡಪಾವೊಂದು ಬರೊಂದು ಉಂಡು. ಅತ್ತಂದೆ ಮಹಿಳಾ ವಿಭಾಗ ಟ್ರಸ್ಟ್‌ದ ಬಲವರ್ಧನೆದ ಸಂಘಟನೆ ಆತ್ಂಡ್. ಏಪಲ ಸುಮಾರ್ ಧಾರ್ಮಿಕ ಲೇಸ್ ದೊಟ್ಟಿಗೆ, ನವರಾತ್ರಿ ದುರ್ಗಾಪೂಜೆನ್ ಯಶಸ್ವಿಯಾದ್, ನೆಂಪು ದೀಪುಲೆಕ್ಕ ನಡಪಾವೊಂದು ಬರೊಂದು ಉಂಡು ಪಂದ್ ಪಂಡೆರ್.
ಮಹಿಳಾ ವಿಭಾಗದ ಗುರ್ಕಾರ್ದಿ ವಿಜಯಲಕ್ಷ್ಮೀ ಬಿ. ಶೆಟ್ಟಿ ಪಾತೆರ್ದ್, ಸುಮಾರ್ ವರ್ಷೊದಿಂಚ ಇಂಟರ್ ನ್ಯಾಷನಲ್ ಬಂಟ್ಸ್‌ ವೆಲ್‌ಫೇರ್‌ ಟ್ರಸ್ಟ್ (ರಿ.) ನವರಾತ್ರಿ ಪೂಜೆ ನಡಪಾವೊಂದು ಉಂಡು. ಇನಿ ಪೊಂಜೋವ್ ನಕುಲು ಮಾತ ಒಟ್ಟಿಗೆ ಸೇರ್ದ್ ಭಜನೆ, ಕುಂಕುಮಾರ್ಚನೆ, ಲಲಿತಾ ಸಹಸ್ರನಾಮ, ಮಂಗಳಪೂಜೆಬೊಕ್ಕ ದಾಂಡಿಯಾ ನಲಿಕೆ, ನುಪ್ಪು ಪ್ರಸಾದ ಸೇವೆದೊಟ್ಟಿಗೆ ಲೇಸ್ ಯಶಸ್ವಿಯಾದ್ ನಡಪಾಯೆರೆ ಕಾರಣಕರ್ತೆರಾಯಿನ ಮಾತ ಟ್ರಸ್ಟ್‌ದ ಆಂಜೋವ್ ಬೊಕ್ಕ ಪೊಂಜೋವ್ ನಕ್ಲೆಗ್ ಅಭಿನಂದನೆ ಸಂದಾಯೆರ್.
ಈ ಪೊರ್ತುಡು ಟ್ರಸ್ಟ್‌ದ ಪದುಕೆರ್ ರವೀಂದ್ರ ಶೆಟ್ಟಿ ಉಳಿದೊಟ್ಟು, ದೇವಿಚರಣ್‌ ಶೆಟ್ಟಿ, ರಾಜ್‌ಗೋಪಾಲ್‌ ರೈ, ಜಗನ್ನಾಥ್‌ ಶೆಟ್ಟಿ, ಮುಲ್ಕಿ ಕರುಣಾಕರ ಶೆಟ್ಟಿ, ಮಹಿಳಾ ವಿಭಾಗದ ಪದುಕೆರ್ ಪೂರ್ಣಿಮಾ ರೈ, ಮುದಲಾಕ್ಷಿ, ಆರತಿ ಆಳ್ವ, ಶಿಲ್ಪಾ ಶೆಟ್ಟಿ, ಸೌಮ್ಯ ಶೆಟ್ಟಿ, ಗೀತಾ ಶೆಟ್ಟಿ, ವತ್ಸಲಾ ಮಲ್ಲಿ, ಲಲಿತಾ ಶೆಟ್ಟಿ, ಹಂಸ ಶೆಟ್ಟಿ, ವಿಜಯಲಕ್ಷ್ಮೀ ರೈ ಪಾಲ್ ಪಡೆದಿತ್ತೆರ್.
ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ:9880425265
