ಸಮಾಜದ ಏಳಿಗೆಗಾದ್ ಶ್ರೀ ಭಗವತೀ ತೀಯಾ ಸಮಾಜ (ರಿ.) ನೇಜಾರ್, ಕಲ್ಯಾಣಪುರ ಮೊಕ್ಲೆರ್ದ್ ಪೊಂಜೋವುಲೆನ ಕೂಟದ ಉದಿಪನ
ಒಡಿಪು: 1957 ಟ್ಟ್ ಒಡಿಪುಡ್ ಭಗವತೀ ತೀಯಾ ಸಮಾಜ ಸೇವಾ ಸಂಘ ಸ್ಥಾಪನೆ ಆದಿತ್ತ್ ದ್ ಸುಮಾರಾತ್ ಧಾರ್ಮಿಕ ಅಂಚೆನೆ ಸಮಾಜಮುಖಿ ಕಾರ್ಯಲೆನ್ ಮಲ್ತೊಂದು ಬರೊಂದು ಉಂಡು.
ಇತ್ತೆ ತಾರೀಕ್ 24-10-2023ನೇ ಅಂಗಾರೆದಾನಿ ಕಲ್ಯಾಣಪುರಟ್ಟ್ ಸ್ವಂತ ಜಾಗೆಡ್ ಇಪ್ಪುನ ಸಮಾಜ ಮಂದಿರದ ಚಾವಡಿಡ್ ಪೊಂಜೋವುಲೆನ ಪೊಸ ಕೂಟದ ಉದಿಪನ ಆಂಡ್.
ತೀಯಾ ಸಮಾಜಡ್ ಮಸ್ತ್ ಬಡವೆರ್ ಇತ್ತ್ ದ್, ಅವಿದ್ಯಾವಂತೆರ್ ಇತ್ತ್ ದ್, ಸಮಾಜದ ಏಳಿಗೆಗಾದ್ ಸಮಾಜಡ್ ಆಪುನಂಚಿತ್ತಿನ ಮದಿಮೆ, ಮರಣ, ವಿದ್ಯೆ, ಉದ್ಯೋಗ ಸೇರಿನಂಚ ಧಾರ್ಮಿಕ ಕಾರ್ಯಕ್ರಮಟ್ಟ್ ತೀಯಾ ಸಮಾಜನ್ ಬಲಪಡಿಸಾವೂನ ಉದ್ದೇಸೊಡು ಪೊಂಜೋವುಲೆನ ಕೂಟನೊ ಮಲ್ತ್ ದ ಪಂದ್ ಸಂಘಟಕೆರ್ ತೆರಿಪಾದೆರ್.
ಈ ಪೊಸ ಕೂಟದ ಮಾನಾದಿದ ಗುರ್ಕಾರ್ಲಾದ್ ಟಿ.ಕಲ್ಯಾಣಿ ಟೀಚರ್, ಗುರ್ಕಾರ್ಲಾದ್ ಶಕುಂತಳ ಟಿ ಪ್ರಗತಿ ನಗರ, ಒತ್ತು ಗುರ್ಕಾರ್ಲಾದ್ ವನಜ ಪಾಲನ್ ತೊಟ್ಟಂ, ಕಾರ್ಯಂತೆರಾದ್ ಶಶಿಕಲಾ ಎಸ್ ಕರ್ಕೇರ ಹೊನ್ನಪ್ಪಕುದ್ರು, ಒತ್ತು ಕಾರ್ಯಂತೆರಾದ್ ಸಂಧ್ಯಾ ಪೂರ್ಣೇಶ್ ನೇಜಾರ್, ಬೊಕ್ಕ ಪ್ರೀಯಾ ವಿಕಾಸ್ ಹಂಪನಕಟ್ಟೆ, ಸಂಘಟನಾ ಕಾರ್ಯಂತೆರಾದ್ ಮನಿಷಾ ಪದ್ಮನಾಭ ಕೆಮ್ಮಣ್ಣು, ಶಾಲಿನಿ ಹರಿಪ್ರಸಾದ್ ಮುದಲಕಟ್ಟೆ, ಸಾಂಸ್ಕೃತಿಕ ಕಾರ್ಯಂತೆರಾದ್ ಶಾರದ ತಿಮ್ಮಪ್ಪ ಸಾಲ್ಯಾನ್ ಬೈಲಕೆರೆ, ಬೊಕ್ಕ ಸುಧಾ ಸದಾಶಿವ ರಂಗತೋಟ, ಕಾರ್ಯಕ್ರಮ ಸಂಯೋಜಕಿಯಾದ್ ಸೀಮಾ ಸುರೇಶ ಪಾಲನ್ ಮೂಡುಬೆಟ್ಟು ಅಂಚೆನೆ ಈ ಪೊರ್ತುಡು ಒತ್ತು ಮಾನಾದಿಗೆದ ಸಲಹೆಗಾರೆರೆನ್ ಬೊಕ್ಕ ಪದುಕೆರೆನ ಕೂಟನ್ ರಚನೆ ಮಲ್ತ್ಂಡ್.
ವರದಿ: ಪುರಂದರ ಸಾಲ್ಯಾನ್ ಮುಂಬೈ
ಪೋಟೋ: ಪ್ರಶಾಂತ್ ಸಾಲ್ಯಾನ್
