ಡಿ.1: ಅಂಗರಗುಡ್ಡೆಡ್ ದಿ.ಸುಖಾನಂದ ಶೆಟ್ಟಿ ನೆಂಪುಗಾದ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ, ಬಲ್ಲ್ ಒಯಿಪುನ ಪಂತೊ
ಮುಲ್ಕಿ: ರಾಮನಗರದ ಅಂಗರಗುಡ್ಡೆ ಶ್ರೀ ರಾಮ ಫ್ರೆಂಡ್ಸ್ ದ ಮುತಾಲಿಕೆಡ್ ದಿ.ಸುಖಾನಂದ ಶೆಟ್ಟಿ ಮೆರೆನ ನೆಂಪುಗಾದ್ ನೂದೆರ್ದ್ ಎಚ್ಚ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ ಬೊಕ್ಕ ಬಲ್ಲ್ ಒಯಿಪುನ ಪಂತೊ ಡಿ.1 ಸುಕ್ರಾರ ಅಂಗರಗುಡ್ಡೆ ಶ್ರೀ ರಾಮ ಭಜನಾ ಮಂದಿರಡ್ ನಡಪರೆ ಉಂಡು.
ಈ ಪಂತೊಡು ಗೆಂದಿನಕ್ಲೆಗ್ ಸುರುತ್ತ ಇನಾಮು 10 ಸಾರ ನಗದು, ಸುಖಾನಂದ ಶೆಟ್ಟಿ ಟ್ರೋಫಿ, ರಡ್ಡನೇ ಇನಾಮು 7 ಸಾರ ನಗದು, ಟ್ರೋಫಿ, ಮೂಜಿನೇ ಇನಾಮು 3 ಸಾರ ನಗದು ಟ್ರೋಫಿ ಬೊಕ್ಕ ನಾಲ್ ನೇ ಇನಾಮು 1 ಸಾರ ನಗದು ಬೊಕ್ಕ ಟ್ರೋಫಿ ತಿಕ್ಕುಂಡು.
ಈ ಕೂಟೊಡು ಪಾಲ್ ಪಡೆಪುನ ಕ್ರೀಡಾಪಟುಲು ಮುಲ್ಕಿ, ಬೆದ್ರ ವಿಧಾನಸಭೆ ವ್ಯಾಪ್ತಿದಕುಲು ಆದಿಪ್ಪೊಡು. ಮುಲ್ಪ ಸಂಘಟಕೆರೆನ ತೀರ್ಮಾನನೇ ಅಕೇರಿ. ಅಂಚೆನೆ ಬಯ್ಯಗ್ 5:30 ತ್ತೊಲಯಿ ಬಲ್ಲ್ ಒಯಿಪುನ ಪಂತೊ ಸುರು ಆಪುಂಡು.
ಅತ್ತಂದೆ ಬಯ್ಯಗ್ ಕೆಂಚನಕೆರೆ ಕುಸಲ್ ಕಲಾವಿದೆರೆರ್ದ್ ಬಲೆ ತೆಲಿಪಾಲೆ ಖ್ಯಾತಿದ ರಾಜೇಶ್ ಕೆಂಚನಕೆರೆ ನಿರ್ದೇಶನ ಮಲ್ತ್ ದ್, ನಟನೆ ಮಲ್ತಿನ ಬಲೆ ತೆಲಿಪುಲೆ ಲೇಸ್ ನಡಪರೆ ಉಂಡು. ಅಂಚೆನೆ ಸಾರ್ವಜನಿಕೆರೆಗ್ ತೆನಸ್ ದ ವ್ಯವಸ್ಥೆ ಉಂಡು ಪಂದ್ ರಾಮನಗರ, ಅಂಗರಗುಡ್ಡೆ ದಿ. ಸುಖಾನಂದ ಶೆಟ್ಟಿ ಅಭಿಮಾನಿ ಬಳಗದಕುಲು ಲೆಪ್ಪೋಲೆಡ್ ತೆರಿಪಾದೆರ್.
