ರಪಕ್ಕ ಸುದ್ದಿ Flash News

ನನ ದುಂಬಗ್ ಗ್ರಾಂ. ಪಂ ಮಟ್ಟಡೇ ಆದಾಯ ಬೊಕ್ಕ ಜಾತಿ ಪ್ರಮಾಣ ಪತ್ರ..!

ಬೆಂಗ್ಲೂರ್: ಆದಾಯ ಬೊಕ್ಕ ಜಾತಿ ಪ್ರಮಾಣ ಪತ್ರಲೆನ್ ನನ ದುಂಬುಗ್ ಗ್ರಾಮ ಪಂಚಾಯತ್‌ದ ಬಾಪೂಜಿ ಸೇವಾ ಕೇಂದ್ರಡ್ ಕೊರಿಯರೆ ತೀರ್ಮಾನ ಮಲ್ತ್‌ದ ಪಂದ್ ಗ್ರಾಮೀಣಾಭಿವೃದ್ದಿ ಅಂಚನೆ ಪಂಚಾಯತ್ ರಾಜ್ ಸಚಿವೆರ್ ಪ್ರಿಯಾಂಕ್ ಖರ್ಗೆ ತೆರಿಪಾದೆರ್.

ಟ್ವೀಟ್ ಮುಕೇನ ಮಾಹಿತಿ ಕೊರಿನ ಆರ್, “ರಾಜ್ಯದ ಗ್ರಾಮೀಣ ಭಾಗದ ಜನಕ್ಲೆಗ್ ಎಚ್ಚದ ಅನುಕೂಲ ಕೊರ್ಪಿನ ನಿಲೆಟ್ಟ್ ನಾಡಕಚೇರಿಡ್, ಅಟಲ್ ಜನಸ್ನೇಹಿ ಕೇಂದ್ರಲೆಡ್ ಕೊರೊಂದಿತ್ತಿನ ೪೪ ಸರ್ಕಾರಿ ಸೇವೆಲು ನನ ದುಂಬುಗ್ ಗ್ರಾಮ ಪಂಚಾಯಿತಿಡ್ ಇಪ್ಪುನ ಬಾಪೂಜಿ ಸೇವಾ ಕೇಂದ್ರಲೆಡ್ ತಿಕ್ಕರೆ ಉಂಡು” ಪಂದ್ ಆರ್ ತೆರಿಪಾದೆರ್.

ಬೆಂಗ್ಲೂರ್‌ಡು ಪುಲ್ಯಕಾಂಡೆನೇ 15 ಕಡೆಟ್ಟ್ ಐಟಿ ದಾಳಿ!

ಬೆಂಗ್ಲೂರ್: ರಾಜಧಾನಿ ಬೆಂಗ್ಲೂರ್‌ಡ್ ಪುಲ್ಯಕಾಂಡೆ ಐಟಿ ಅಧಿಕಾರಿಲು ಶಾಕ್ ಕೊರ್ದಿತ್ತ್‌ದ್, 15 ನೆರ್ದ್ ಎಚ್ಚದ ಕಡೆಟ್ಟ್ ಐಟಿ ದಾಳಿ ಮಲ್ತ್‌ದೆರ್.

ವಿಜಯನಗರ, ಬಿಟಿಎಂ ಲೇಔಟ್, ಹುಳಿಮಾವು, ಸದಾಶಿವನಗರ, ಸ್ಯಾಂಕಿ ಟ್ಯಾಂಕ್ ಸೇರಿನಂಚನೆ ಮಸ್ತ್ ಕಡೆಟ್ಟ್ ಅಧಿಕಾರಿಲು ದಾಳಿ ಮಲ್ತ್‌ದಿತ್ತ್‌ದ್, ಐಟಿ ಅಧಿಕಾರಿಲೆನ 15 ನೆರ್ದ್ ಎಚ್ಚದ ತಂಡ ದಾಳಿಗಾದ್ ಚೆನ್ನೈ, ದಿಲ್ಲಿರ್ದ್ ರಾತ್ರೆಡೇ ಬೆಂಗ್ಲೂರ್‌ಗ್ ಬೈದೆರ್.

ತೆರಿಗೆ ವಂಚನೆ ಮಲ್ತಿನ ಖಾಸಗಿ ಕಂಪನಿಲು, ಅವೆತ್ತ ಮಾಲೀಕೆರ್ ಅಂಚನೆ ಬಂಗಾರ್‌ದ ಬ್ಯಾರ ಮಲ್ಪುನ ಇಲ್ಲದಕ್ಲೆನ ಮಿತ್ತ್ ದಾಳಿ ಮಲ್ತ್‌ದಿನ ಮಾಹಿತಿ ತಿಕ್ಕ್‌ದ್ಂಡ್. ಸದ್ಯಗ್ ದಾಳಿ ಮಲ್ತ್‌ದ್ ದಾಖಲೆದ ಪರಿಶೀಲನೆ ಮಲ್ತೊಂದುಲ್ಲೆರ್.