ರಪಕ್ಕ ಸುದ್ದಿ Flash News

ಡಿ.31-ಜ.1: ವಿಟ್ಲ ಶ್ರೀ ಅಯ್ಯಪ್ಪ ಸ್ವಾಮಿ ದೇವಸ್ಥಾನದ ಕಾಲವಧಿ ಜಾತ್ರೆ

Dec 26, 2025

ವಿಟ್ಲ ಶ್ರೀ ಅಯ್ಯಪ್ಪ ಸ್ವಾಮಿ ದೇವಸ್ಥಾನದ ಕಾಲವಧಿ ಜಾತ್ರೆ ಡಿ.31 ಬೊಕ್ಕ ಜ.1ಕ್ಕ್ ನಡಪರೆ ಉಂಡು.

ಅಂಚೆನೆ ಗಣಪತಿ ಹೋಮ, ನಾಗತಂಬಿಲ, ಕಲಶಾಭಿಷೇಕ, ತುಲಾಭಾರ, ರಂಗ ಪೂಜೆ, ಸಾಮೂಹಿಕ ದುರ್ಗಾ ಪೂಜೆ, ಉಚ್ಚಯ ಬಲಿ, ಶ್ರೀ ಭೂತ ಬಲಿ, ದರ್ಶನ ಬಲಿ, ರಾಜಾಂಗಣ ಪ್ರಸಾದ , ಶ್ರೀ ದೇವೆರೆನ ಪೇಂಟೆ ಸವಾರಿ ನಡಪರೆ ಉಂಡು.

ಜ.1ಕ್ಕ್ ಬಯ್ಯಗ್ ಹನುಮಗಿರಿ ಶ್ರೀ ಕೋದಂಡರಾಮ ಕೃಪಾ ಪೋಷಿತ ಯಕ್ಷಗಾನ ಮಂಡಳಿದಕ್ಲೆರ್ದ್ “ವರ್ಣ ಪಲ್ಲಟ” ಪನ್ಪುನ ಯಕ್ಷಗಾನ ಬಯಲಾಟ ನಡಪರೆ ಉಂಡು

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಮುಲ್ಕಿ ತಾಲೂಕ್ ಪತ್ರಕರ್ತೆರೆನ ಸಂಘದ ಅಧ್ಯಕ್ಷೆರಾದ್ ಲೋಕೇಶ್ ಸುರತ್ಕಲ್ ಆಯ್ಕೆ

Dec 25, 2025

ಮುಲ್ಕಿ: ದಕ್ಷಿಣ ಕನ್ನಡ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ಮುಲ್ಕಿ ತಾಲೂಕ್ ಘಟಕಗ್ ಲೋಕೇಶ್ ಸುರತ್ಕಲ್ ಮೇರ್ ಅಧ್ಯಕ್ಷೆರಾದ್ ಅವಿರೋಧವಾದ್ ಆಯ್ಕೆ ಆತೆರ್.

ಉಪಾಧ್ಯಕ್ಷೆರಾದ್ ಮಿಥುನ್ ಕೊಡೆತ್ತೂರು, ಪ್ರಧಾನ ಕಾರ್ಯದರ್ಶಿಯಾದ್ ಪುನೀತ್ ಕೃಷ್ಣ, ಕಾರ್ಯದರ್ಶಿಯಾದ್ ರಘುನಾಥ ಕಾಮತ್ ಕೆಂಚನಕೆರೆ ಬೊಕ್ಕ ಕೋಶಾಧಿಕಾರಿಯಾದ್ ಶರತ್ ಶೆಟ್ಟಿ ಕಿನ್ನಿಗೋಳಿ ಮೊಕುಲು ಆಯ್ಕೆ ಆತೆರ್.

ಅಂಚೆನೆ ಕಾರ್ಯಕಾರಿ ಸಮಿತಿದ ಸದಸ್ಯೆರಾದ್ ಭಾಗ್ಯವಾನ್ ಸನೀಲ್, ಯಶೋಧರ ಕೋಟ್ಯಾನ್, ರಾಕೇಶ್ ಪೂಜಾರಿ, ನಿರಂಜನ್ ಕೃಷ್ಣಾಪುರ ಬೊಕ್ಕ ನಿಶಾಂತ್ ವಿ ಶೆಟ್ಟಿ ಮೊಕುಲು ಅವಿರೋಧವಾದ್ ಆಯ್ಕೆ ಆತೆರ್.

ಮುಲ್ಕಿ ತಾಲೂಕ್ ಘಟಕದ ಈ ವೋಟುದ ಪ್ರಕ್ರಿಯೆನ್ ಚುನಾವಣಾಧಿಕಾರಿಯಾದ್ ಸಂದೇಶ್ ಜಾರ ಬೊಕ್ಕ ಉಪಚುನಾವಣಾಧಿಕಾರಿಯಾದ್ ಸಂದೀಪ್ ಕುಮಾರ್ ಎಮ್. ಮೊಕುಲು ಮಲ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕರಾವಳಿ ಉಚ್ಚಯಡ್ ಯಕ್ಷ ಭಾರತಿ ಕೂಟದ ತಾಳಮದ್ದಳೆ

Dec 25, 2025

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲಾಡಳಿತದ ಮುತಾಲಿಕೆಡ್ ನಗರದ ಕರಾವಳಿ ಉಚ್ಚಯ ಮೈದಾನಡ್ ನಡತ್ತೊಂದು ಇಪ್ಪುನ ಜಿಲ್ಲಾ ಕರಾವಳಿ ಉಚ್ಚಯ- 2025 ದ ಲೆಕ್ಕೊಡು ಡಿ.21 ಕ್ಕ್ ದಕ್ಷಿಣೋತ್ತರ ಕನ್ನಡ ಜಿಲ್ಲೆಲೆನ ಪುಗರ್ತೆದ ಕಲಾವಿದೆರ್ದ್ ಯಕ್ಷಗಾನ ತಾಳಮದ್ದಳೆ ನಡತ್ಂಡ್.

ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ ಮುತಾಲಿಕೆಡ್ ಆಕಾಶವಾಣಿ ಬೊಕ್ಕ ದೂರದರ್ಶನ ಖ್ಯಾತಿದ ಕರ್ನಾಟಕ ಯಕ್ಷ ಭಾರತಿ ಪುತ್ತೂರ್ ಕೂಟ ಕರಾವಳಿ ಉಚ್ವಯದ ವಸ್ತು ಪ್ರದರ್ಶನ ವೇದಿಕೆಡ್ ‘ವೀರಮಣಿ ಕಾಳಗ’ ಪ್ರಸಂಗನ್ ಪ್ರದರ್ಶನ ಮಲ್ತ್ಂಡ್.

ಯಕ್ಷಗಾನ ರಂಗದ ಪ್ರಮುಖ ಅರ್ಥಧಾರಿಲಾಯಿನ ಡಾ. ಎಂ. ಪ್ರಭಾಕರ ಜೋಶಿ, ಭಾಸ್ಕರ ರೈ ಕುಕ್ಕುವಳ್ಳಿ, ಜಬ್ಬಾರ್ ಸಮೋ ಸಂಪಾಜೆ ಬೊಕ್ಕ ಪ್ರಸಾದ ಪೂಜಾರಿ ಭಟ್ಕಳ ಬೇತೆ ಬೇತೆ ಪಾತ್ರಲೆನ್ ಮಲ್ತೆರ್. ಭಾಗವತೆರ್ ಹರೀಶ ಶೆಟ್ಟಿ ಸೂಡ ಮೆರೆನ ಭಾಗವತಿಗೆಡ್ ವಿಕಾಸ್ ರಾವ್ ಕೆರೆಕಾಡ್ , ಶ್ರೀಶ ರಾವ್ ನಿಡ್ಲೆ ಬೊಕ್ಕ ಕೀರ್ತನ್ ಹಿಮ್ಮೇಳಡ್ ಸಹಕಾರ ಕೊರಿಯೆರ್.

ಜಿಲ್ಲಾಡಳಿತದ ಪರವಾದ್ ದ.ಕ.ಜಿಲ್ಲಾ ಪಂಚಾಯಿತಿದ ಉಪಕಾರ್ಯದರ್ಶಿ ಜಯಲಕ್ಷ್ಮಿ ರಾಯಕೋಡ ಮೇರ್ ಕರ್ನಾಟಕ ಯಕ್ಷ ಭಾರತಿದ ಸಂಚಾಲಕೆರ್ ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ ಮೆರೆಗ್ ಸ್ಮರಣಿಕೆ ಕೊರ್ದು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ರಾಜೇಶ್ ಜಿ., ಕರಾವಳಿ ಉಚ್ಚಯ ಸಾಂಸ್ಕೃತಿಕ ಸಮಿತಿದ ಮಂಜುನಾಥ ನಿಸರ್ಗ, ಉಮೇಶ ಕೆ.ಆರ್., ಡಾ. ಮಂಜುಳಾ ಶೆಟ್ಟಿ ಪಾಲ್ ಪಡೆದಿತ್ತೆರ್. ಡಾ.ಸಂತೋಷ್ ಆಳ್ವ ಎದ್ಕೊಂದು ಲೇಸ್ ನ್ ಸುಧಾರಿಕೆ ಮಲ್ತೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News

ಕಿನ್ನಿಗೋಳಿ ಪಟ್ಟಣ ಪಂಚಾಯಿತಿದ ಅಧಿಕಾರ ಬಿಜೆಪಿಗ್

Dec 24, 2025

ಬಿಜೆಪಿಗ್ 10 ಸೀಟ್, ಕಾಂಗ್ರೆಸ್‌ಗ್ 8

ಮುಲ್ಕಿ: ಪ್ರತಿಷ್ಠಿತ ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ಓಟುಡು ಬಿಜೆಪಿ ಗೆಂದ್‌ದ್ಂಡ್.
ಕಿನ್ನಿಗೋಳಿ ಪಟ್ಟಣ ಪಂಚಾಯಿತಿದ ಒಟ್ಟು 18 ಕ್ಷೇತ್ರಡ್ ಬಿಜೆಪಿಗೆ 10 ಸ್ಥಾನ ಕಾಂಗ್ರೆಸ್‌ಗ್ 8 ಕ್ಷೇತ್ರಡ್ ಗೆಂದ್‌ದ್ ಬಿಜೆಪಿ ಪಟ್ಟಣ ಪಂಚಾಯತ್ ಅಧಿಕಾರ ಪಡೆತ್ಂಡ್.
ಗೆಂದಿನಕ್ಲೆಡ್ ಪದ್ಮಲತಾ ರಾವ್ (ಕಟೀಲು ಬಿಜೆಪಿ), ಲೋಕಯ್ಯ ಸಾಲಿಯಾನ್ (ಕಟೀಲು ಬಿಜೆಪಿ), ಶೈಲೇಶ್ ಅಂಚನ್ (ಕಟೀಲು ಬಿಜೆಪಿ), ಗುರುರಾಜ್ ಮಲ್ಲಿಗೆಯಂಗಡಿ (ಕಟೀಲು ಬಿಜೆಪಿ), ಗೋಪಾಲ ಪುನರೂರು(ತಾಳಿಪಾಡಿ 11, ಬಿಜೆಪಿ), ಧನುಷ್ ಶೆಟ್ಟಿಗಾರ್ ( ಬಿಜೆಪಿ ತಾಳಿಪಾಡಿ 12) ಸುನೀತಾ ರೊಡ್ರಿಗಸ್ ಕಿನ್ನಿಗೋಳಿ(ತಾಳಿಪಾಡಿ 13 ಕಾಂಗ್ರೆಸ್), ವಾರ್ಡ್ ನಂಬರ್ 10 ಮೆನ್ನ ಬೆಟ್ಟು) ಚಂದ್ರ ರಾಣ್ಯ (ಕಾಂಗ್ರೆಸ್),, ಕಿಲೆoಜೂರು ವಾರ್ಡ್ 5 ಮಲ್ಲಿಕಾ ಪ್ರಕಾಶ್ (ಬಿಜೆಪಿ), ವಾರ್ಡ್ ನಂಬರ್ 15 ತಾಳಿಪಾಡಿ ಗುತ್ತಗಾಡು ಮಲ್ಲಿಕಾ (ಬಿಜೆಪಿ), ವಾರ್ಡ್ ನಂ.14, ಸಂತಾನ್ ಡಿಸೋಜ (ಕಾಂಗ್ರೆಸ್), ವಾರ್ಡ್ 6- ದಾಮೋದರ್ ಶೆಟ್ಟಿ (ಬಿಜೆಪಿ), ವಾರ್ಡ್ ನಂಬರ್ 8 ಮೆನ್ನಬೆಟ್ಟು-ಪ್ರಕಾಶ್ ಆಚಾರ್ಯ (ಕಾಂಗ್ರೆಸ್),, ವಾರ್ಡ್ ನಂ.16 ಪ್ರಣಿಕ್ ಕಿನ್ನಿಗೊಳಿ ಬಿಜೆಪಿ), ವಾರ್ಡ್ ನಂ 9–ಪ್ರತಿಮಾ ಪ್ರಶಾಂತ್ (ಕಾಂಗ್ರೆಸ್), ವಾರ್ಡ್ ನಂ.18 ಎಳತ್ತೂರು – ಕುಶಲತಾ (ಕಾಂಗ್ರೆಸ್), ವಾರ್ಡ್ ನಂ15 ಮಲ್ಲಿಕಾ ಗುತ್ತಗಾಡು,(ಬಿಜೆಪಿ), ವಾರ್ಡ್ ನಂಬರ್ 17 ಸುನೀತ (ಕಾಂಗ್ರೆಸ್) ಉಲ್ಲೆರ್.
ಸೋತಿನ ಅಭ್ಯರ್ಥಿಲೆಡ್ ಡಾ.ಸಂಜೀವ ಮಡಿವಾಳ(ಕಾಂಗ್ರೆಸ್) ಪುನರೂರು ವಾರ್ಡ್ ದ ಪವನ್ ಶೆಟ್ಟಿಗಾರ್(ಕಾಂಗ್ರೆಸ್) , ಕಟೀಲು ವಾರ್ಡ್ ದ ತಿಮ್ಮಪ್ಪ ಕೋಟ್ಯಾನ್(ಕಾಂಗ್ರೆಸ್), ತಾಳಿಪಾಡಿ ವಾರ್ಡ್ ದ ಮಯ್ಯದ್ದಿ (ಕಾಂಗ್ರೆಸ್), ಎಳತ್ತೂರು ವಾರ್ಡ್ ದ ಶ್ಯಾಮಲ ಹೆಗ್ಡೆ(ಬಿಜೆಪಿ) ಉಲ್ಲರ್.
ಓಟುದ ಎಣಿಕೆ ಆಯಿಬೊಕ್ಕ ಬಿಜೆಪಿ ಗೆಂದಿನಂಚೆನೆ ಕಾರ್ಯಕರ್ತೆರ್ ವಿಜಯೋತ್ಸವ ಆಚರಣೆ ಮಲ್ತೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್, ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷೆರ್ ಸುನಿಲ್ ಆಳ್ವ, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸತೀಶ್ ಅಂಚನ್ ,ಅಭಿಲಾಷ್ ಶೆಟ್ಟಿ ಕಟೀಲು ಈಶ್ವರ್ ಕಟೀಲು, ಶೈಲೇಶ್ ಮುಲ್ಕಿ, ನವೀನ್ ರಾಜ್ ಅಂಚೆನೆ ಬೇತೆ ಬೇತೆ ಕಾರ್ಯಕರ್ತೆರ್. ಮಂಡಲಾಧ್ಯಕ್ಷ ದಿನೇಶ್ ಪುತ್ರನ್, ಕಸ್ತೂರಿ ಪಂಜ, ದೇವಪ್ರಸಾದ್ ಪುನರೂರು , ಜೀವನ್ ಶೆಟ್ಟಿ ಅಂಗರಗುಡ್ಡೆ ಮೊಕುಲು ಮಾತ ಇತ್ತೆರ್.
ತೀವ್ರ ಕುತೂಹಲ ಪುಟ್ಟಾದಿನ ವಾರ್ಡ್ ನಂ. 11 ಪುನರೂರು ಬೊಕ್ಕ ಕಿಲೆoಜೂರು(ವಾರ್ಡ್ ನಂ 5)ಟ್ ಬಿಜೆಪಿ ಭರ್ಜರಿಯಾದ್ ಗೆಂದ್‌ದ್ಂಡ್. ಅಂಚೆನೆ ಬಿಜೆಪಿ ಭದ್ರಕೋಟೆಯಾಯಿನ ಎಳತ್ತೂರು ವಾರ್ಡ್‌ಡ್ ಶ್ಯಾಮಲ ಹೆಗ್ಡೆ ಸೋತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮಹಾರಾಷ್ಟ್ರಡ್ ನಡತ್ಂಡ್ ಗೀತಾ ಪಾರಾಯಣ ಲೇಸ್

Dec 23, 2025

ಗೀತಾ ಪಾರಾಯಣ ಲೇಸ್ ಪೇನ್ ರಾಯಘಡ ಜಿಲ್ಲೆದ ಮಹಾರಾಷ್ಟ್ರಡ್ ಡಿ.13 ಕ್ಕ್ ನಡತ್ಂಡ್.

ಈ ಲೇಸ್ ಗೀತಾ ಜಯಂತಿ ಮಹೋಚ್ಚಯ ಸಾಮಾಜಿಕ ಜಾಲತಾಣಡ್ ರಿಜಿಸ್ಟರ್ ಆತ್ಂಡ್. ಈ ಜರುಗಣೆ ಪ್ರಮಾಣ ಪಾತ್ರನ್ ಪಡೆತ್ಂಡ್.

ಈ ಲೇಸ್ ನ್ ತುಡರ್ ಅರ್ಲಾದ್, ಶಂಖ ಉರಿತ್ ದ್, ಗಣಪತಿನ‌ ಪ್ರಾರ್ಥನೆ ಬೊಕ್ಕ ಸುರುತ್ತ ಪ್ರಾರ್ಥನೆ‌ ಮಲ್ತೆರ್. ಅವೆರ್ದ್ ಬೊಕ್ಕ ಅಧ್ಯಾಯ ಓದಿಯೆರೆ ಸುರು ಮಲ್ತೆರ್. ಸುರುಕ್ಕಾದ್ ಅಧ್ಯಾಯ 1, ಬೊಕ್ಕ ಅಧ್ಯಾಯ 12, 14, 15, 16, 17, 9ನೇ ಅಧ್ಯಾಯ ಓದಿಯೆರ್. ಬೊಕ್ಕ ಸಮಾಪನೆ ಪ್ರಾರ್ಥನೆ ಆದ್ ಗೀತಾ ಆರತಿ ಮಲ್ತೆರ್.‌ ಅವೆರ್ದ್ ಬೊಕ್ಕ ಸೊಲ್ಮೆ ಸಂದಾಯೆರ್.‌ ಅಕೇರಿಗಾದ್
ಪ್ರಸಾದ ಪಟ್ಟಿಯೆರ್.

ಲೇಸ್ ಡ್ ಮಲ್ಲ ಬಿನ್ನೆರಾಯಿನ ರಾಯಘಡ ಜಿಲ್ಲೆ, ಮಹಾರಾಷ್ಟ್ರದ ಕರ್ನಾಟಕ ಸಾಮಾಜಿಕ ಸಂಸ್ಥೆ ಪೇನ್ ದ ಅಧ್ಯಕ್ಷೆರ್ ಸತೀಶ್ ಶೆಟ್ಟಿ ಬೊಕ್ಕ ಹರೀಶ್ ಶೆಟ್ಟಿ, ನಾಗೇಶ್ ಜತನ್, ಸಮೀರ್ ಸೊಡೇಕರ್, ವಿಕಾಸ್ ದಾತಾರ್,ಉತ್ತಮ್ ಗವಾಂಡ್, ಅರುಣ್ ಶೇಲಾರ್, ಸುಕನ್ಯಾ ಶೆಟ್ಟಿ, ರಕ್ಷಿತಾ ಶೆಟ್ಟಿ, ಮಲ್ಲಿಕಾ ಪೂಜಾರಿ, ಶ್ವೇತ ಪೂಜಾರಿ, ಮೇಘ ಶೇಲಾರ್, ದೀಪಾಲಿ ಸೊಡೇಕರ್, ರಜತ್ ಪೂಜಾರಿ, ದಿನ್ರಾಜ್ ಪೂಜಾರಿ, ಸಂತೋಷ್ ಸಾಲಿಯಾನ್, ಜೈನಿಲ್ ಸಾಲಿಯಾನ್, ಹಾರ್ವಿ ಶೆಟ್ಟಿ, ಪ್ರನ್ವಿ ಪೂಜಾರಿ, ಪ್ರಿಹಾನ್ ಪೂಜಾರಿ, ಸುರೇಖಾ ಪಾಟೀಲ್, ಮೀನಾಕ್ಷಿ ಶರ್ಮ, ಅಥಂಗ್ ಸೊಡೇಕರ್ ಪಾಲ್ ಪಡೆದಿತ್ತೆರ್.

ಈ ಲೇಸ್ ನ್ ಬಿಜೂರಾಜ್ ಸಾಲಿಯಾನ್ ಮೇರ್ ತನ್ನ ಸ್ವಗ್ರಹ 302, ಆದಿತ್ಯ ಅಪಾರ್ಟ್‌ಮೆಂಟ್ ಪೆಣ್, ರಾಯಗಡ ಜಿಲ್ಲೆ, ಮಹಾರಾಷ್ಟ್ರ ರಾಜ್ಯಡ್ ನಡಪಾದೆರ್. ಮೇರ್ ಗೀತಾ ಪರಿವಾರಡ್ ಪ್ರಶಿಕ್ಷಕೆರಾದ್ ಸೇವೆ ಸಂದಾವೊಂದು ಉಲ್ಲೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬಂಟ್ವಾಳ ಸುದ್ದಿ ರಪಕ್ಕ ಸುದ್ದಿ Flash News

ಆರ್ಟ್ ಆಫ್ ಲಿವಿಂಗ್ ದ ಮುತಾಲಿಕೆಡ್ ಉತ್ತಮ ಆರೋಗ್ಯಕ್ಕಾಗಿ ಧ್ಯಾನ” ಶಿಬಿರ

Dec 23, 2025

ಜೆಸಿಐ ವಿಟ್ಲ, ರೋಟರಿ ಕ್ಲಬ್ ವಿಟ್ಲ, ಶ್ರೀ ಕಾಶಿ ಯುವಕ ಮಂಡಲ ಬೊಕ್ಕ ಶ್ರೀ ಕಾಶಿ ಮಹಿಳಾ ಮಂಡಲ ಕಾಶಿಮಠತ್ತ ಒಟ್ಟುಸೇರಿಗೆಡ್ ಆರ್ಟ್ ಆಫ್ ಲಿವಿಂಗ್ ದ ಮುತಾಲಿಕೆಡ್ ಉತ್ತಮ ಆರೋಗ್ಯಕ್ಕಾದ್ ಧ್ಯಾನ”. ಪನ್ಪಿನ ಇಸೇಸ ಧ್ಯಾನ ಶಿಬಿರ ನಡತ್ಂಡ್.

ಬಿನ್ನೆರಾದ್ ವೀಣಾ ಭಟ್ ಮೇರ್ ಪಾಲ್ ಪಡೆದ್ ಧ್ಯಾನ ಲೇಸ್ ನ್ ನಡಪಾದ್ ಕೊರಿಯೆರ್.

ಈ ಪೊರ್ತುಡು ಜೆಸಿಐ ವಿಟ್ಲದ ಅಧ್ಯಕ್ಷೆರ್ ಜೆಸಿ ಸಂದೀಪ್, ರೋಟರಿ ಕ್ಲಬ್ ವಿಟ್ಲದ ಅಧ್ಯಕ್ಷೆರ್ ಜೈಕಿಶನ್ , ಕಾಶಿ ಮಹಿಳಾ ಮಂಡಳದ ಅಧ್ಯಕ್ಷೆರ್ ಸುಜಾತ ಜಗದೀಶ್, ಜೆಸಿಐ ವಿಟ್ಲದ ಕಾರ್ಯದರ್ಶಿ ಜೆಸಿ ಆರ್ಥಿಕ್ ಚಾವಡಿಡ್ ಪಾಲ್ ಪಡೆದಿತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡಿ.19-21 : ಶ್ರೀ ಕ್ಷೇತ್ರ ಕಡೆಂಬಿಸ್ಥಾನ ಕಾಂಜಾಗೋಳಿ ಶ್ರೀ ಕೋರ‍್ದಬ್ಬು ದೈವಸ್ಥಾನದ ವರ್ಷಾವಧಿ ನೇಮೋತ್ಸವ

Dec 17, 2025

ಕುಡ್ಲ : ಶ್ರೀ ಕ್ಷೇತ್ರ ಕಡೆಂಬಿಸ್ಥಾನ ಕಾಂಜಾಗೋಳಿ
ಶ್ರೀ ಕೋರ‍್ದಬ್ಬು ದೈವಸ್ಥಾನದ ಪಡ್ಡೋಡಿ, ಪೇಜಾವರ ಮುಲ್ತ ವರ್ಷಾಧಿದ ನೇಮೋತ್ಸವ ಡಿ.19 ಶುಕ್ರವಾರರ್ದ್ ಡಿ. 21 ಐತಾರ ಮುಟ್ಟ ನಡಪರೆ ಉಂಡು.
ಡಿ.19 ಶುಕ್ರವಾರ ಮಾರಿಪೂಜೆ ನಡಪರೆ ಉಂಡು. ಡಿ. 20 ಶನಿವಾರ ರಾತ್ರೆ 10 ಗಂಟೆರ್ದ್ ಕೋರ್ದಬ್ಬು ಬೊಕ್ಕ ತನ್ನಿಮಾನಿಗ ದೈವೊಲೆನ ನೇಮೋತ್ಸವ ನಡಪರೆ ಉಂಡು.
ಡಿ.21ಐತಾರ ರಾತ್ರೆ 7 ಗಂಟೆರ್ದ್ ಗುಳಿಗ ಪಂಜುರ್ಲಿ ನೇಮ ರಾತ್ರೆ 1 ರ್ದ್ ರಾಹುಗುಳಿಗ ದೈವದ ನೇಮೋತ್ಸವ ನಡಪರೆ ಉಂಡು. ಈ ನೇಮೋತ್ಸವಡ್ ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಬತ್ತ್‌ದ್ ಪಾಲ್ ಪಡೆವೊಡು ಪಂದ್ ಪಡ್ಡೋಡಿಗುತ್ತು, ದೊಡ್ಡಕಂಬಳ, ಚಿಕ್ಕಪರಾರಿ, ಚಾವಡಿದಡಿ, ಕೋಟಿಶೆಟ್ರ ಮನೆ ಗುತ್ತುದಕುಲು ಅಂಚೆನೆ ಕೋರ್ದಬ್ಬು ದೈವಸ್ಥಾನ ಟ್ರಸ್ಟ್ ‌ದ ಅಧ್ಯಕ್ಷೆರ್ ಬೊಕ್ಕ ಸರ್ವ ಸದಸ್ಯೆರ್, ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಈ ಸಂದರ್ಭೊಡು ಒವ್ವೇ ಕಾರಣೊಲ ದೈವದ ವಿಡಿಯೋಗ್ರಫಿ ಬೊಕ್ಕ ಫೋಟೋ ದೆಪ್ಪುನೆನ್ ಕಡ್ಡಾಯವಾದ್ ನಿಷೇಧ ಮಲ್ತ್‌ದ ಪಂದ್ ಟ್ರಸ್ಟ್‌ದಕುಲು ತೆರಿಪಾದೆರ್ ಮಲ್ದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಜೀವನೊಡು ಶಿಸ್ತ್, ಪರಿಶ್ರಮ ಬೊಕ್ಕ ಮೌಲ್ಯಾಧಾರಿತ ಶಿಕ್ಷಣನೇ ನಿಜವಾದ ಯಶಸ್ಸ್ ಗ್ ಸಾದಿ: ದಯಾನಂದ ಶೆಟ್ಟಿ ಎಳತ್ತೂರು ಗುತ್ತು.

Dec 15, 2025

ಇತ್ತೆದ ಶಿಕ್ಷಣ ಖಾಲಿ ಪಠ್ಯಪುಸ್ತಕದ ಮಟ್ಟಡ್ ಮಾತ್ರ ಉಂಡು, ಜೋಕುಲೆನ ಸರ್ವತೋಮುಖ ಬುಲೆಚ್ಚಿಲ್ ಗ್ ಪೂರಕವಾದ್ ಇಪ್ಪೊಡು ಪನ್ಪಿನ ಮಹತ್ವದ ವಿಷಯನ್ ಪಂಡೆರ್. ಜೀವನೊಡು ಶಿಸ್ತ್, ಪರಿಶ್ರಮ ಬೊಕ್ಕ ಮೌಲ್ಯಾಧಾರಿತ ಶಿಕ್ಷಣನೇ ನಿಜವಾಯಿನ ಯಶಸ್ಸ್ ಗ್ ಸಾದಿ ತೋಜಾವುಂಡು ಪಂದ್ ಬೊಂಬಾಯಿದ ನವೋದಯ ಕನ್ನಡ ಸೇವಾ ಸಂಘ ದ ಗುರ್ಕಾರ್ಲು ದಯಾನಂದ ಶೆಟ್ಟಿ ಎಳತ್ತೂರು ಗುತ್ತು ಪಂಡೆರ್.
ಆರ್ ಶಿಮಂತೂರುದ ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್ ದ ಶಾಲಾ ವಾರ್ಷಿಕೋತ್ಸವಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಎಡ್ಡೆಪ್ಪುಲು ಬಯಕಿಯೆರ್.
ಬಿನ್ನೆರಾದ್ ಶಾಲಾ ಹಿರಿಯ ವಿದ್ಯಾರ್ಥಿ ಸಿ.ಎ ಪಾಂಡುರಂಗ, ಪಾಲ್ ಪಡೆದ್ ಶಾಲೆದ ವಾರ್ಷಿಕೋತ್ಸವ ಜೋಕುಲೆಗ್ ತನ್ನ ಪ್ರತಿಭೆಲೆನ್ ಪ್ರದರ್ಶನ ಮಲ್ಪರೆ ಬೊಕ್ಕ ಪೊಸ ಅನುಭವನ್ ಪಡೆಯರೆ ಪ್ರಮುಖ ಅವಕಾಶ ಕೊರ್ಪುಂಡು ಪಂಡೆರ್.
ಗುರ್ಕಾರ್ಮೆ ವಹಿಸೊನಿನ ಶಿಮಂತೂರುದ ಶ್ರೀ ಶಾರದಾ ಸೊಸೈಟಿ ಗುರ್ಕಾರ್ಲು ಧರ್ಮದರ್ಶಿ ಡಾ ಹರಿಕೃಷ್ಣ ಪುನರೂರು, ಪಾತೆರ್ದ್ ಇತ್ತೆದ ಪೈಪೋಟಿದ ಯುಗಟ್ ಜೋಕುಲು ಕೌಶಲ್ಯ, ಮೌಲ್ಯ, ಶಿಸ್ತ್ ಬೊಕ್ಕ ಸ್ವಯಂ ವಿಶ್ವಾಸನ್ ಬುಲೆಪಾವುನವು ಅತ್ಯಗತ್ಯ ಪಂದ್ ಪಂಡೆರ್.
ಪಠ್ಯ ಜ್ಞಾನರ್ದ್ ಜೀವನ ಮೌಲ್ಯ ಮಹತ್ವವಾಯಿನ ಬೊಕ್ಕ ನಮ್ಮ ವಿದ್ಯಾ ಸಂಸ್ಥೆ ಆ ಮೌಲ್ಯಲೆನ್ ಜೋಕುಲೆಗ್ ಕೊರ್ಪುನ ಪ್ರಮುಖ ಚಾವಡಿ ಪಂಡೆರ್.
ಈ ಪೊರ್ತುಡು ಕರಿನ ಶೈಕ್ಷಣಿಕ ವರ್ಷಡ್ 10ನೇ ತರಗತಿತ ವಾರ್ಷಿಕ ಪರೀಕ್ಷೆಡ್ ಮಸ್ತ್ ಅಂಕೊ ಪಡೆಯಿನ 3 ಜೋಕುಲೆಗ್ ಮಾನಾದಿಗೆ ಮಲ್ತೆರ್.
ಈ ಲೇಸ್ ಡ್ ಶ್ರೀ ಶಾರದ ಸೊಸೈಟಿda ಕೋಶಾಧಿಕಾರಿ ಕೋ. ಭುವನಾಭಿರಾಮ ಉಡುಪ, ಕಾರ್ಯದರ್ಶಿ ಪುರಂದರ ಡಿ ಶೆಟ್ಟಿಗಾರ್, ಶಿಕ್ಷಕ ರಕ್ಷಕ ಸಂಘದ ಗುರ್ಕಾರ್ಲು ಸುಮನ ಉಪಸ್ಥಿತರಿತ್ತೆರ್.
ಶಾಲಾ ಸಂಚಾಲಕೆರ್ ದೇವಪ್ರಸಾದ್ ಪುನರೂರು ಪ್ರಾಸ್ತಾವಿಕ ಪಾತೆರ್ದ್ ಎದ್ಕೊಂಡೆರ್, ಶಾಲಾ ಪ್ರಾಚಾರ್ಯ ಜಿತೇಂದ್ರ ವಿ ರಾವ್ ವಾರ್ಷಿಕ ವರದಿ ಓದಿಯೆರ್, ಸಹ ಶಿಕ್ಷಕಿ ದೀಕ್ಷಿತ ಕಾರ್ಯಕ್ರಮ ನಿರೂಪಣೆ ಮಲ್ತೆರ್ ನಿಶ್ಮಿತಾ ಸೊಲ್ಮೆ ಸಂದಾಯ ಮಲ್ತೆರ್.

ಕೊಳಚಿಕಂಬಳ ಶ್ರೀ ಬೊಬ್ಬರ್ಯ ದೈವಸ್ಥಾನ ಪುನರ್‌ನಿರ್ಮಾಣಗ್ ಶಿಲಾನ್ಯಾಸ

Dec 15, 2025

ಮುಲ್ಕಿ: ಕೊಳಚಿಕಂಬಳ ಬಸವ ಮರಕಾಲ ಕುಟುಂಬಿಕೆರ್ ಬೊಕ್ಕ ಬಪ್ಪನಾಡ್ ಮೊಗವೀರ ಮಹಾಸಭಾದ ಆಶ್ರಯಡ್ ಕೊಳಚಿಕಂಬಳಡ್ ಇಪ್ಪುನ ಶ್ರೀ ಬೊಬ್ಬರ್ಯ ದೈವಸ್ಥಾನ ಪುನರ್‌ನಿರ್ಮಾಣ ಕಾಮಗಾರಿಗ್ ಸುಕ್ರಾರ ಶಿಲಾನ್ಯಾಸ ಮಲ್ತೆರ್..
ಸುಮಾರು 6೦ ಲಕ್ಷ ರೂ ವೆಚ್ಚಡ್ ಪುನರ್ ನಿರ್ಮಾಣ ಆಪುನ ದೈವಸ್ಥಾನ ಕಾಮಗಾರಿಗ್ ಗುರಿಕಾರ ಸುಜಿತ್ ಎಸ್.ಅಮೀನ್-ರೇಖಾ ಸುಜಿತ್ ದಂಪತಿ ಶಿಲಾನ್ಯಾಸ ಮಲ್ತೆರ್. ಬಪ್ಪನಾಡ್ ಕೃಷ್ಣರಾಜ್ ಭಟ್ ಧಾರ್ಮಿಕ ವಿಧಿವಿಧಾನ ಮಲ್ತೆರ್.
ಬಪ್ಪನಾಡು ಮೊಗವೀರ ಮಹಸಭಾದ ಗುರ್ಕಾರ್ಲು ಪುಂಡರಿಕಾಕ್ಷ ಎಸ್.ಕೋಟ್ಯಾನ್, ಕಾರ್ಯದರ್ಶಿ ಸಂದೀಪ್ ಕೋಟ್ಯಾನ್, ಕೋಶಾಧಿಕಾರಿ ಸೀತಾರಾಮ ಬಂಗೇರ, ಮಹಿಳಾ ಸಭಾದ ಅಧ್ಯಕ್ಷೆರ್ ಪ್ರೇಮಾ ಎಮ್.ಕುಂದರ್, ದೈವಸ್ಥಾನ ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷೆರ್ ನಾಗೇಶ್ ಬಂಗೇರ, ಗೌರವಾಧ್ಯಕ್ಷ ನವೀನ್ ಕೋಟ್ಯಾನ್, ವಿಕ್ರಂರಾಜ್, ಗ್ರಾಮದ ಪ್ರಮುಖೆರ್ ಗುರಿಕಾರ ಹರಿಶ್ಚಂದ್ರ ಪಿ.ಸಾಲ್ಯಾನ್, ಕೃಷ್ಣ ಕೋಟ್ಯಾನ್, ಕರುಣಾಕರ್ ಸುವರ್ಣ, ತೇಜ ಪೂಜಾರಿ, ಪ್ರಾಣೇಶ್ ಪೂಜಾರಿ, ಚರಣ್ ಕೊಳಚಿಕಂಬಳ, ಮೂಲ್ಕಿ 4 ಪಟ್ಣ ಮೊಗವೀರ ಮಹಾಸಭಾದ ಪೂರ್ವಾಧ್ಯಕ್ಷೆರ್ ಸುಜಿತ್ ಸಾಲ್ಯಾನ್, ರೋಹಿತ್ ಎಸ್.ಅಮೀನ್, ಹರೀಶ್‌ರಾಜ್ ಮಲ್ಪೆ ಉಪಸ್ಥಿತರಿತ್ತೆರ್.
ಶಿಲ್ಪಿ ಕೆ.ಗೋಪಾಲ್ ಕಾರ್ಕಳ, ಎಂಜಿನಿಯರ್ ಸುಹಾನ್ ಕರ್ಕೇರ ಮುತಾಲಿಕೆಡ್ ಪುನರ್ ನಿರ್ಮಾಣ ಕಾಮಗಾರಿ ನಡಪರೆ ಇತ್ತ್ ದ್ 2026 ಎಪ್ರಿಲ್ 29 ದಾನಿ ಪುನರ್ ಪ್ರತಿಷ್ಠೆ, ನೇಮೋತ್ಸವ ನಡಪರೆ ಉಂಡು.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಶ್ರೀ ಕ್ಷೇತ್ರ ಬಪ್ಪನಾಡ್ ಗ್ ಬತ್ತಿನ ಆದಿಯೋಗಿ ತೇರ್ ದ ಒಟ್ಟುಗು ಪವಿತ್ರ ಶಿವಯಾತ್ರೆ

Dec 11, 2025

ಮುಲ್ಕಿ: ಆದಿಯೋಗಿ ತೇರ್ ಒಟ್ಟುಗು ನಡಪಾವುನ 70 ದಿನತ 1000 ಕಿಮೀ ಪವಿತ್ರ ಪಾದಯಾತ್ರೆಯಾಯಿನ ಶಿವಯಾತ್ರೆ ಉಡುಪಿ ರಥ ಬೀದಿರ್ದ್ ಪಿದಾರ್ದ್ ಕರ್ನಾಟಕ–ತಮಿಳುನಾಡ್ ದ ಅವೆತೋ ಪಟ್ಟಣಲು ಬೊಕ್ಕ ಹಳ್ಳಿಲೆಗ್ ಪೋವರೆ ಉಲ್ಲ.
ಯಾತ್ರೆದ ಭಾಗವಾದ್, ಡಿ. 10 ಬುದಾರ ಮುಲ್ಕಿ ಸೀಮೆದ ಒರುಂಭ ಮಾಗಣೆದ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಗ್ ಬತ್ತ್ಂಡ್.
ಅರ್ಚಕೆರ್ ಗೋಪಾಲಕೃಷ್ಣ ಭಟ್ ದೇವಸ್ಥಾನದ ವತಿರ್ದ್ ವಿಶೇಷ ಪೂಜೆ ಸಂದಾಯರ್. ಈಶಾ ಫೌಂಡೇಶನ್ ಬೊಕ್ಕ ಶಿವಯಾತ್ರೆ ಕೂಟದ ವಾಲಂಟಿಯರ್, ಪ್ರವೀಣ್ ಕುಮಾರ್ ಪಾತೆರ್ದ್ ಶಿವನ ಕೃಪೆನ್, ಭಕ್ತಿನ್ ಬೊಕ್ಕ ಆತ್ಮಶಾಂತಿನ್ ಮಾತಾ ಕಡೆಕ್ ಮುಟ್ಟಾವುನ ಈ ಯಾತ್ರೆದ ಉದ್ದೇಶ ಪಂಡೆರ್.
ಈ ಪೊರ್ತುಡು ದೇವಸ್ಥಾನದ ಅನುವಂಶಿಕ ಮೊಕ್ತೇಸೆರೆರ್ ದುಗ್ಗಣ್ಣ ಸಾವಂತ ಅರಸುಲು, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ, ಚಂದ್ರಶೇಖರ ಸುವರ್ಣ,
ನಾಗಸ್ವರ ವಾದಕ ನಾಗೇಶ್ ಬಪ್ಪನಾಡು, ಅಕೌಂಟೆಂಟ್ ಶಿವಶಂಕರ್, ಪುನರೂರು ಪ್ರತಿಷ್ಠಾನದ ಗುರ್ಕಾರ್ಲು ದೇವಪ್ರಸಾದ್ ಪುನರೂರು, ಲಕ್ಷ್ಮಿಕಾಂತ ರಾವ್, ರಮೇಶ್ ಮೆಸ್ಕಾಂ, ಈರಣ್ಣ ಅರಳಗುಂಡಿ,
ಉದಯಕುಮಾರ್ ಶೆಟ್ಟಿ ಕಾರ್ನಾಡ್ ಬೈಪಾಸ್, ಸಾಧು ಅಂಚನ್ ಮಟ್ಟು ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.