Sun. Nov 22nd, 2026

ಊರ್ದ ಸುದ್ದಿ Regional News

ಕೊರೋನಾ ದೃಢ : ಕುಡ್ಲದ ಕೆಲವು ಶಾಲೆ ಬಂದ್

ಕುಡ್ಲ : ಕುಡ್ಲದ ಒವ್ವೆ ಶಾಲೆಡ್ ಐನ್ ಜನರ್ದ್ ಜಾಸ್ತಿ ಜನಕ್ ಕೊರೊನಾ ಸೋಂಕು ಬತ್ತುಂಡ ಅಂಚಿನ ಶಾಲೆನ್ ತಾತ್ಕಾಲಿಕವಾದ್ ಬಂದ್ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿಲು ಆದೇಶ ಕೊರಿನ ಬೆರಿಟ್ಟೆ ಕುಡ್ಲದ ಕೆಲವು ಶಾಲೆಡ್ ಕೊರೋನಾ ಪ್ರಕರಣ ತೊಜೀದ್ ಬೈದಿನೇರ್ದಾವರ ಅಂಚಿನ ಶಾಲೆನ್ ಒಂಜಿ ವಾರ ಬಂದ್ ಮಲ್ದೆರ್ .

ಕುಡ್ಲದ ಬೆಂಗ್ರೆ ಕಸಬಾದ ಸರಕಾರಿ ಪ್ರೌಢಶಾಲೆ, ಡೊಂಗರಕೇರಿದ ಕೆನರಾ ಸಿಬಿಎಸ್‌ಇ ಶಾಲೆ, ಬಜ್ಪೆದ ಅನ್ಸಾರ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆ, ಮುಲ್ಕಿಯ ವ್ಯಾಸ ಮಹರ್ಷಿ ಆಂಗ್ಲ ಮಾಧ್ಯಮ ಪ್ರೌಢಶಾಲೆ, ಎಡಪದವುದ ವಿವೇಕಾನಂದ ಪಿಯು ಕಾಲೇಜು ಬೊಕ್ಕ ಮುಚ್ಚೂರುದ ಸರಕಾರಿ ಪ್ರೌಢಶಾಲೆನ್ ತಾತ್ಕಾಲಿಕವಾದ್ ಬಂದ್ ಮಲ್ದೆರ್.

Corona cases: Many schools in Mangalore shutdown

Mangalore: If at all more than five cases of covid 19 is found; than such schools have to shut down temporarily said DC Ashok Kumar in an notice.
As such many schools in Mangalore have shut down for a week.
Government school Bengre, CBSC Canara school Dongarakeri, Ancer English medium school Bajpe, Vyasa Maharshi English medium school Mulki, Vivekananda college Yedapadav and Government school Mucchur have closed down temporarily.

ಬಾಚಕೆರೆ ದೇವಸ್ಥಾನ ಬ್ರಹ್ಮಕಲಶೋತ್ಸವ ಶ್ರೀ ಕ್ಷೇ.ಧ.ಗ್ರಾ.ಯೋಜನೆರ್ದ್ ಅನುದಾನ ಹಸ್ತಾಂತರ

ಬಂಟ್ವಾಳ: ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆರೆರ್ದ್ ಶ್ರೀ ಕ್ಷೇ.ಧ.ಗ್ರಾಮಾಭಿವೃದ್ಧಿ ಯೋಜನೆದ ಗ್ರಾಮ ಕಲ್ಯಾಣ ಯೋಜನೆಡ್ ಪೊಸತಾದ್ ನಿರ್ಮಾಣ ಆವೊಂದು ಉಪ್ಪುನ ಮಣಿನಾಲ್ಕೂರು ಗ್ರಾಮದ ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಸರಪಾಡಿ ನೆತ್ತ ಜೀರ್ಣೋದ್ಧಾರ ಕಾರ್ಯಗ್ 5 ಲಕ್ಷ ರೂ. ಆರ್ಥಿಕ ಪಣವುದ ಸಾಕಾರನ್ ಬುಧವಾರ ಕೊರಿಯೆರ್ .

ಈ ಪೊರ್ತುಡು
ಯೋಜನೆದ ತಾಂತ್ರಿಕ ಯೋಜನಾಧಿಕಾರಿ ಪುಷ್ಪರಾಜ್, ಬಂಟ್ವಾಳ ವಲಯ ಮೇಲ್ವಿಚಾರಕ ಕೇಶವ ಕೇಪು, ಬ್ರಹ್ಮಕಲಶೋತ್ಸವ ಸಮಿತಿ ಗುರ್ಕಾರ್ಲಾಯಿನ ಸಂಜೀವ ಪೂಜಾರಿ, ಜೀರ್ಣೋದ್ಧಾರ ಸಮಿತಿ ಪ್ರ.ಕಾರ್ಯದರ್ಶಿ ಸರಪಾಡಿ ಅಶೋಕ ಶೆಟ್ಟಿ, ಬ್ರಹ್ಮ ಕಲಶ ಸಮಿತಿ ಪದಾಧಿಕಾರಿಲಾಯಿನ ಸಂಪತ್ ಕುಮಾರ್ ಶೆಟ್ಟಿ ಮುಂಡ್ರೇಲ್ ಗುತ್ತು, ಶಿವರಾಮ ಶೆಟ್ಟಿ ದೋಟ, ಚಂದ್ರಹಾಸ ಶೆಟ್ಟಿ ಹೊಳ್ಳರಗುತ್ತು, ಶಾಂತಪ್ಪ ಪೂಜಾರಿ ಹಟದಡ್ಕ, ನಾರಾಯಣ ಬಜ, ಪುರುಷೋತ್ತಮ, ಲೋಕೇಶ್, ಅರ್ಚಕ ಗಿರಿನಾಥ ಶರ್ಮ, ಸುಂದರ ಬಾಚಕೆರೆ, ನಿರಂಜನ ಬಾಚಕೆರೆ , ಮೋಹಿನಿ ಬಾಚಕೆರೆ ಪಾಲ್ ಪಡೆದಿತ್ತೆರ್ .

Monetary aid given by Sri Dharmasthala gramabiruddi yojana to Bachekere temple.

Bantwal : An donation of rupees 5 lakhs was given for the Brahmarathotsav of Sri Durga parameshwara temple , Bachekere by the Sri Kshetra Dharmasthala gramabiruddi yojana trust.

Technical project officer Puspharaj, Bantwal region supervisor Keshav Kaup, president of the Brahmarathotsav samiti Sanjeev Poojary, secretary Ashok Shwtty, members Sampath Kumar Shetty Mandrel gutthu, Shivram Shetty, Chandrahas Shetty, and others were present.

ದೇವೆರ್ನ ಪಾದ ಸೇರಿಯೆರ್ ಕೊಕ್ಕರಕಲ್ ಸುಂದರಿ ಪೂಜಾರ್ತಿ

ಮುಲ್ಕಿ : ಕೊಕ್ಕರಕಲ್ ಲಚ್ಚಿಲ್ ಹೌಸ್ ನಿವಾಸಿ ಸುಂದರಿ ಪೂಜಾರ್ತಿ (85) ಮೇರ್ ಬುಧಾರ ಬಯ್ಯಡ್ ದೇವೆರ್ನ ಪಾದ ಸೇರಿಯೆರ್.

ಮೆರೆಗ್ ನಾಲ್ ಆಣ್ ಜೋಕುಲು ಬೊಕ್ಕ ನಾಲ್ ಪೊಣ್ಣು ಜೋಕುಲು ಉಲ್ಲೆರ್ .
ಮೇರ್ ಕೃಷಿ ಬೊಕ್ಕ ಹೈನುಗಾರಿಕೆಡ್ ಪುದರ್ ಪಡೆದಿನಾರ್.

ಶ್ರೀ ಕಾಂತೇಶ್ವರ ದೇವಸ್ಥಾನ, ಕಾಂತಾವರ: ಬ್ರಹ್ಮಕಲಶೋತ್ಸವ ಬೊಕ್ಕ ವರ್ಷಾವಧಿ ಉಚ್ಚಯ

ಕಾರ್ಲ: ಪೇಂಟೆದ ಕಾಂತಾವರ ಶ್ರೀ ಕಾಂತೇಶ್ವರ ದೇವಸ್ಥಾನಡ್ ಶ್ರೀಕಾಂತೇಶ್ವರ ದೇವೆರೆಗ್ ಅಂಚನೆ ಪರಿವಾರ ದೇವೆರೆಗ್ ಬ್ರಹ್ಮಕಲಶೋತ್ಸವ ಬೊಕ್ಕ ವರ್ಷಾವಧಿ ಜಾತ್ರೆ ಜಾತ್ರೋತ್ಸವ ವೈಭವಡ್ ನಡತುಂಡು.

ಬ್ರಹ್ಮಕಲಶೋತ್ಸವ 12 ವರ್ಷಗ್ ಒರ ನಡಪುನೆರ್ದಾವರ ,ಜನವರಿ 12 ರ್ದ್ 17 ತಾರೀಖ್ ಮುಟ ಬ್ರಹ್ಮಕಲಶೋತ್ಸವ ಬೊಕ್ಕ 17 ತಾರೀಖ್ ರ್ದ್ ಜನವರಿ 26 ಮುಟ ವರ್ಷಾವಧಿ ಜಾತ್ರೋತ್ಸವ ನಡಪರೇ ಉಂಡು .

ಬ್ರಹ್ಮಶ್ರೀ ಸ್ತಬ್ಧಚಿತ್ರ ನಿರಾಕರಣೆ ಮಾನವತೆಗ್ ಮಲ್ತಿನ ಅವಮಾನ: ಸುಶಾಂತ್ ಸುಧಾಕರ್

ಕಾರ್ಲ : ಗಣರಾಜ್ಯೋತ್ಸವ ಪಥಸಂಚಲನಗ್ ಕೇರಳ ಕಡಪಾಯಿನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಸ್ತಬ್ಧಚಿತ್ರನ್ ಕೇಂದ್ರ ಸರ್ಕಾರ ತಿರಸ್ಕಾರ ಮಲ್ದಿನವು ಮಾನವತೆಗ್ ಮಲ್ತಿನ ಅವಮಾನ ಪಂದ್ ಕಾರ್ಲ ಬ್ಲಾಕ್ ಕಾಂಗ್ರೆಸ್ದ ಪ್ರಧಾನ ಕಾರ್ಯದರ್ಶಿ ಸುಶಾಂತ್ ಸುಧಾಕರ್ ಪಂಡೆರ್ .

ಕೇರಳಡ್ ಧಾರ್ಮಿಕ ,ಸಾಮಾಜಿಕ ,ಆರ್ಥಿಕ ಶೈಕ್ಷಣಿಕ ಬೊಕ್ಕ ಸಾಂಸ್ಕೃತಿಕ ಕ್ರಾಂತಿನ್ ಮಲ್ತಿನಾರ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು .ಅಂಚಾದ್ ಇಂಚಿನ ಶ್ರೇಷ್ಠ ಮಾನವತವಾದಿನ ಸ್ತಬ್ಧಚಿತ್ರನ್ ನಿರಾಕರಣೆ ಮಲ್ತಿನವು ಖಂಡನಾರ್ಹ ಅಂಚನೆ ನನ ದುಂಬುದ ದಿನೊಟ್ಟು ನೆತ್ತ ವಿರುದ್ಧ ಹೋರಾಟ ಮಲ್ಪುವ ಪಂದ್ ಪಂಡೆರ್.

ತುಳು ಭವನದ ಕೈತಲ್ ಬಯಲು ರಂಗಮಂದಿರಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕುಡ್ಲ: ಉರ್ವಸ್ಟೋರ್‌ ಡ್ ಉಪ್ಪುನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಆವರಣಡ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ, ಕುಡ್ಲ ಉಂದೆತ್ತ ಅನುದಾನಡ್ ಬಯಲು ರಂಗ ಮಂದಿರ ನಿರ್ಮಾಣ ಮಲ್ಪರೆ ಕೆಸರ್ ಕಲ್ಲ್ ಪಾಡುನ ಲೇಸ್ ಬುಧಾರ ನಡತ್ಂಡ್. ಶಾಸಕೆರ್ ಡಿ. ವೇದವ್ಯಾಸ ಕಾಮತ್ ಶಿಲಾ ನ್ಯಾಸ ಮಲ್ತೆರ್.

ಕುಡ್ಲ ನ್ ಕೇಂದ್ರವಾದ್ ಬಯಲು ರಂಗ ಮಂದಿರ ನಿರ್ಮಾಣ ಮಲ್ಪೊಡು ಪನ್ಪಿನ ಬೇಡಿಕೆ ಮಸ್ತ್ ಸಮಯಿರ್ದು ಇತ್ತ್ಂಡ್. ಅಂದಾಜಿ 25 ಲಕ್ಷ ರೂ. ಕರ್ಚಿಡ್ ರಂಗ ಮಂದಿರ ನಿರ್ಮಾಣೊಗು ದುಂಬಾದ್ ಮುಂದಾಗಿದ್ದು, ಕೆಸರ್ ಕಲ್ಲ್ ಪಾಡುನ ಲೇಸ್ ನಡತ್ಂಡ್. ಕಲಾವಿದರೆನ ಪ್ರತಿಭೆ ಬೆಳಗರೆ ಮೂಲು ಅವಕಾಶ ತಿಕ್ಕುಂಡು. ಕಟ್ವಾಣದ ಹೆಚ್ಚುವರಿ ಅಭಿವೃದ್ಧಿ ಕಾಮಗಾರಿಗ್ ಆದ್ಯತೆ ಕೊರ್ಪ ಪಂಡೆರ್.
ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಮಟ್ಟಾರು ರತ್ನಾಕರ ಹೆಗ್ಡೆ ಗುರ್ಕಾರ್ಮೆ ಒಯಿಸ್ ದಿತ್ತೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ. ಕತ್ತಲ್‌ಸಾರ್ ಸುರೂತ್ತ ರಡ್ಡ್ ಪಂಡ್ ದ್ ಮಾತೆರೆನ್ಲ ಎದ್ಕೊಂಡೆರ್.

ಮಹಾನಗರಪಾಲಿಕೆದ ಮೇಯರ್ ಪ್ರೇಮಾನಂದ ಶೆಟ್ಟಿ ಎಡ್ಡೆ ಮದಿಪು ಮದಿತೆರ್. ತುಳು ಅಕಾಡೆಮಿದ ಪದುಕೆರಾಯಿನ ಲೀಲಾಕ್ಷ ಕರ್ಕೇರ, ನರೇಂದ್ರ ಕೆರೆಕಾಡು, ನಾಗೇಶ್ ಕುಲಾಲ್, ರವೀಂದ್ರ ಶೆಟ್ಟಿ ಬಳಂಜ, ಚೇತಕ್ ಪೂಜಾರಿ, ಸಿದ್ಧಕಟ್ಟೆ ಮಲ್ಲಿಕಾ ಶೆಟ್ಟಿ, ರಿಜಿಸ್ಟ್ರಾರ್ ಕವಿತಾ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಕಾರ್‍ಯದರ್ಶಿ ಪ್ರದೀಪ್ ಡಿಸೋಜಾ, ಮನಪಾ ಸದಸ್ಯರಾಯಿನ ಗಣೇಶ್ ಕುಲಾಲ್, ಜಯಲಕ್ಷ್ಮೀ ಶೆಟ್ಟಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ರಾಜೇಶ್ ಜಿ, ತುಳು ಅಕಾಡೆಮಿ ಮಾಜಿ ಸದಸ್ಯರಾಯಿನ ವಿ.ಜಿ ಪಾಲ್ ಬೊಕ್ಕ ಪ್ರಾಧಿಕಾರದ ಸಾರ್ವಜನಿಕ ಸಂಪರ್ಕಾಧಿಕಾರಿ ಪವನ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

An open air theatre to come up next to Tulu bawan.

Mangalore: The foundation stone of of an open air theatre was laid today by MLA Vedavyasa Kamath in the vicinity of Karnataka Tulu Sahitya Akademi at Urva stores ; with help from Coastal development authority.

The estimated cost of the project is 25 lakhs.It is being built to encourage local talent .

ಬೈಕ್ ಗ್ ಕಾರ್ ತಾಂಟ್ ದ್ ಆಟದ ಕಲಾವಿದೆ ವೇಣೂರು ವಾಮನ ಕುಮಾರ್ ತೀರಿಯೆರ್

ಬೆದ್ರ, ಜ.20: ಬೆದ್ರದ ಗಂಟಲ್ಕಟ್ಟೆ ಕೈತಲ್ ನಡತಿನ ಬೈಕ್ ಬೊಕ್ಕ ಕಾರ್ ದ ಅಪಘಾತಡ್ ಆಟದ ಕಲಾವಿದೆ ಆಯಿನ ವೇಣೂರು ವಾಮನ ಕುಮಾರ್ (47 ವರ್ಷ) ಮೇರ್ ತೀರ್ ಪೋತೆರ್.

ಹಿರಿಯಡ್ಕ ಮೇಳಡ್ ಸೇವೆ ಮಲ್ತೊಂದಿತ್ತಿನ ವಾಮನ ಕುಮಾರ್ ಮೇರ್ ದುಂಬುನಾನಿ ರಾತ್ರೆ ಬೈಂದೂರ್ ತಾಲೂಕ್ ದ ನಾಡ ಕೈತಲ್ ಕೋಣ್ಕಿ ಮುಲ್ಪ ಆಟನ್ ಮುಗಿತ್ತ್ ದ್, ಕಾಂಡೆ ಇಲ್ಲಗ್ ಬರ್ಪಿನ 6 ಗಂಟೆದ ಪೊರ್ತುಡ್ ಈ ಅಪಘಾತ ನಡತ್ ದ್ಂಡ್.

ಅಜ್ಜೆ ಕೊರಗಜ್ಜೆ ಪ್ರಸಂಗದ ಕೊರಗ ತನಿಯೆ, ಮಂಗಳಾ ದೇವಿ ಮೇಳದ ನೀಲಾವರದ ನೀಲಾಂಬರಿದ ರಾಜನ ಪಾತ್ರೊಲು ವಾಮನ್ ಕುಮಾರ್ ಮೆರೆಗ್ ಮಲ್ಲ ಪುದರ್ ಕನತ್ ಕೊರ್ದಿತ್ತ್ಂಡ್.

ಪ್ರಸಂಗಕರ್ತೆ ಮನೋಹರ್ ಕುಮಾರ್ ಡ ಪ್ರಭಾವಿತರಾದ್ ಧರ್ಮಸ್ಥಳತ್ತ ಕರ್ಗಲ್ಲು ವಿಶ್ವೇಶ್ವರ ಭಟ್ ಮೇರೆಡ್ದ್ ಆಟದ ಪಜ್ಜೆನ್ ಕಲ್ತ್ ದಿತ್ತೆರ್. ಸುರುಟ್ಟ್ ಧರ್ಮಸ್ಥಳ ಮೇಳ, ಆಯಿಬೊಕ್ಕ 4 ವರ್ಷ ಕದ್ರಿ ಮೇಳ, 15 ವರ್ಷ ಮಂಗಳಾದೇವಿ ಮೇಳ, ಕರೀನ 9 ವರ್ಷಡ್ದ್ ಹಿರಿಯಡ್ಕ ಮೇಳಡ್ ವೇಷಧಾರಿಯಾದ್ ಬೊಕ್ಕ ಮೇಳದ ಮ್ಯಾನೇಜರ್ ಆದ್ ವಾಮನ ಕುಮಾರ್ ಮೇರ್ ಸೇವೆನ್ ಸಂದಾವೊಂದ್ ಇತ್ತೆರ್.

ಮೇರ್ ತೀರಿನವ್ ಆಟದ ಕೂಟದಕ್ಲೆಗ್ ಮಾತೆರೆಗ್ಲಾ ಎನ್ಯರಾವಂದಿನ ಕಣ್ಣನೀರದ ಪನಿ ಜಪ್ಪಿಲೆಕ ಆತ್ಂಡ್.

Yakshagana artist dies in a road accident: 

Manager of Hiriadka mela and senior Yakshagana artist  Venur Vaman Kumar (47) died in an road accident near Moodbidri   on Thursday morning.He was returning home after a performance in the early hours of morning.

He has been performing for Dharmasthala mela, Kadri mela,Mangaladevi mela for the past many years. For the past 9 years he was with Hiriadka mela He is well known for his part of Neelambari in in Mangaladevi mela.

ನಾರಾಯಣ ಗುರುಕ್ಲೆನ ಸ್ತಬ್ದಚಿತ್ರ ವಿವಾದ : ರಾಷ್ಟ್ರಪತಿಗ್ ಬಿನ್ನಾಪು ಮಲ್ತಿನ ಕುಡ್ಲ ಬಿರುವೆರೆ ಸಂಘ

ಕುಡ್ಲ : ಗಣರಾಜ್ಯೋತ್ಸವದ ಪರೇಡ್‌ಡ್ ನಾರಾಯಣ ಗುರು ಸ್ತಬ್ಧಚಿತ್ರ ಪ್ರದರ್ಶನ ಮಲ್ಪರೆ ಅವಕಾಶ ನಿರಾಕರಣೆ ಮಲ್ತಿನ ಕೇಂದ್ರ ಸರಕಾರದ ನಿಲುವು ಖಂಡನೆ ಮಲ್ತ್ ಕುಡ್ಲ ತಾಲೂಕು ಬಿಲ್ಲವ ಸಂಘದ ನಿಯೋಗ ಅಂಗಾರೆ ದ.ಕ ಜಿಲ್ಲಾಧಿಕಾರಿ ಮುಖೇನ ರಾಷ್ಟ್ರಪತಿಗ್ ಬಿನ್ನಾಪು ಮಲ್ದೆರ್ .

ಈ ಪೊರ್ತುಡು ಸಂಘದ ಗುರ್ಕಾರ್ಲಾಯಿನ ಜಿತೇಂದ್ರ ಜೆ. ಸುವರ್ಣ, ಗೌರವಾಧ್ಯಕ್ಷ ರಂಜನ್ ಮಿಜಾರು, ಕಾರ್ಯದರ್ಶಿ ಲೋಕನಾಥ ಪೂಜಾರಿ ಬಿ., ಖಜಾಂಚಿ ಪುರುಷೋತ್ತಮ ಪೂಜಾರಿ, ಪದಾಧಿಕಾರಿಲಾಯಿನ ಸುರೇಶ್ಚಂದ್ರ ಕೋಟ್ಯಾನ್, ಬಿ.ಪಿ. ದಿವಾಕರ್, ರಂಜಿತ್ ಬರ್ಕೆ, ನಾಗೇಶ್ ಕದ್ರಿ, ರಾಘವ ಕೆ. ಕದ್ರಿ, ಪ್ರಜ್ವಲ್ ಮಿಜಾರು, ಸಚಿನ್ ಕದ್ರಿ, ಅವಿನಾಶ್ ಬಂಗೇರ, ಪ್ರಮೀಳಾ ಈಶ್ವರ್, ಶ್ರೀಜಾ ಪಾಲ್ ಪಡೆದಿತ್ತೆರ್ .

ಪಿ. ಎ ಪಾಲಿಟೆಕ್ನಿಕ್ ಡ್ ” ಉದ್ಯಮಶೀಲತೆ ಅಭಿವೃದ್ಧಿ ” ಕಾರ್ಯಗಾರ

ಕೊಣಾಜೆ : ಪಿ ಎ ಪಾಲಿಟೆಕ್ನಿಕ್ಡ್ ‘ಉದ್ಯಮಶೀಲತೆ ಅಭಿವೃದ್ಧಿ’ ಕಾರ್ಯಾಗಾರ, ಉಪಪ್ರಾಂಶುಪಾಲೆರಾಯಿನ ಪ್ರೋ. ಇಸ್ಮಾಯಿಲ್ ಖಾನ್ ಗುರ್ಕಾರ್ಮೆಡ್ ನಡತುಂಡು.ಮಲ್ಲ ಬಿನ್ನೆರ್ ಆದ್ ಬತ್ತಿನ ಡಾ. ಸಯ್ಯದ್ ಅಮೀನ್‌ ಅಹ್ಮದ್‌ ವಿಷಯದ ಬಗ್ಗೆ ಪಾತೆರ್ದ್ , ಜೋಕ್ಲೆಗ್ ಬೇತೆ ಬೇತೆ ಉದ್ಯೊಗಾವಕಾಶ ಬೊಕ್ಕ ಐಟ್ ಸಾಮಾಜಿಕ ಜಾಲತಾಣದ ಉಪಯೋಗದ ಬಗ್ಗೆ ಮಾಹಿತಿ ಕೊರಿಯೆರ್ .

ವಿಭಾಗ ಮುಖ್ಯಸ್ತೇರಾಯಿನ ಪ್ರೊ. ಅಲಿ ಅಶ್ರಫ್ ಮೆರೆನ ಉಪಸ್ಥಿತಿಡ್ ಜೋಕುಲಾಯಿನ ನೌಶೀರ್ ಎದುಕೊಂಡೆರ್ , ಹರ್ಶ್ ಜೈನ್ ಸಂಪನ್ಮೂಲ ವ್ಯಕ್ತಿಲಾಯಿನ ವ್ಯಕ್ತಿ ಪರಿಚಯ ಮಲ್ತೆರ್ , ರಶ್ವೀರ್ ಲೇಸ್ ನಡಪಾದ್ ಕೊರಿಯೆರ್ .

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಜನವರಿ ತಿಂಗೊಲ್ ದ ತಾರೀಖ್ 18 ನೇ ಅಂಗಾರದಾನಿ ಬಯ್ಯಗ್ 6 ಗಂಟೆಗ್ ಒಡಿಪು ಜಿಲ್ಲೆದ ಜಲಜೀವನ್ ಮಿಷನ್ ದ ಯಶೋಗಾಥೆದ ಬಗೆಟ್ ಕಾರ್ಯಕ್ರಮ ಪ್ರಸಾರ ಆಯೆರೆ ಉಂಡು.

ಹೆಗ್ಗುಂಜೆ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಅನಿಲ್ ಕುಮಾರ್ ಶೆಟ್ಟಿ , 80 ಬಡಗುಬೆಟ್ಟು ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಅಶೋಕ್ ಅಂಚನೆ ಜಲಜೀವನ್ ಮಿಷನ್ ಅನುಷ್ಠಾನ ಬೆಂಬಲ ಸಂಸ್ಥೆದ ಅಧಿಕಾರಿ ನೇತ್ರಾವತಿ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಜನವರಿ 19 ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

You Missed