ಊರ್ದ ಸುದ್ದಿ Regional News

ಪಂಜ ಕೊಯಿಕುಡೆ ಶ್ರೀ ವಿಠೋಬ ಭಜನಾ‌ ಮಂದಿರಡ್ ಶ್ರದ್ಧಾ ಭಕ್ತಿದ ಭಜನಾ ಮಂಗಳ ಉಚ್ಚಯ

ಪಂಜ ಕೊಯಿಕುಡೆ : ಶ್ರೀ ವಿಠೋಬ ಭಜನಾ‌ ಮಂದಿರಡ್ 64ನೇ ವಾರ್ಷಿಕ ಭಜನಾ ಮಂಗಳ ಉಚ್ಚಯ ಜ.15 ಐತಾರ ಪಂಜ ಶ್ರೀ ಮಹಾಗಣಪತಿ ಮಂದಿರದ ಪ್ರಧಾನ ಅರ್ಚಕೆರ್ ಸುರೇಶ್ ಭಟ್ ಮೆರೆನ ಮುತಾಲಿಕೆಡ್ ಭಾರಿ ಶ್ರದ್ಧಾ ಭಕ್ತಿಡ್ ನಡತ್‌ಂಡ್.

ಪೊರ್ತು ಮೂಡುನಗ ಭಜನೆ ಸುರುವಾದ್ ಪೊರ್ತು ಪೊರ್ತುಡು ಜಾಮಪೂಜೆ ಆದ್ ಮಹಾ ಮಂಗಳಾರತಿ ನಡತ್ಂಡ್. ಪ್ರಸಾದ ವಿತರಣೆ ಆಯಿ ಜೊಕ್ಕ ಅನ್ನಸಂತರ್ಪಣೆ ನಡತ್ಂಡ್.

ಬೇತೆ ಬೇತೆ ಭಜನಾ ಮಂಡಳಿದ ಭಜಕೆರ್ ಪೊರ್ತು ಮೂಡುನೆರ್ದ್ ಪೊರ್ತು ಕಂತುನ ಮುಟ್ಟ ನಡತಿನ ಈ ಭಜನಾ ಸೇವೆಡ್ ಪಾಲ್ ಪಡೆಯೆರ್. ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ ಬೊಕ್ಕ ಬೇತೆ ಬೇತೆ ಗಣ್ಯೆರ್ ಶ್ರೀ ಕ್ಷೇತ್ರೊಗು ಬತ್ತ್ ದ್ ಪ್ರಸಾದ ಸ್ವೀಕಾರ ಮಲ್ತೆರ್.

ವರ್ಧಂತಿ ಉಚ್ಚಯ:

ಜ.18 ಬುಧಾರ ಕಾಂಡೆ ಶ್ರೀ ವಿಠೋಬ ಭಜನಾ ಮಂದಿರದ ವರ್ಧಂತಿ ಉಚ್ಚಯ ನಡಪರೆ ಉಂಡು. ಬೊಲ್ಪುಗು ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ, ಭಜನೆ, ಮಂಗಳಾರತಿ, ಪ್ರತಿಭಾ ಪುರಸ್ಕಾರ ಅಂಚೆನೆ ಹಿರಿಯ ಯಕ್ಷಗಾನ ಕಲಾವಿದೆರ್ ಶಶಿಧರ ಶೆಟ್ಟಿ ಪಂಜ ಮೆರೆಗ್ ಸನ್ಮಾನ ನಡಪರೆ ಉಂಡು. ಬಯ್ಯಗ್ 5 ಗಂಟೆರ್ದ್ ದಿ. ಪಂಜ ಲಕ್ಕಪ್ಪ ಶೆಟ್ರೆನ ನೆಂಪುಗಾದ್ ಅರೆನ ಇಲ್ಲದಕ್ಲೆನ ಪ್ರತಿವರ್ಷದ ಸೇವೆ, ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಸೇವೆ ಯಕ್ಷಗಾನ ಮಂಡಳಿದಕ್ಲೆರ್ದ್ ಯಕ್ಷಗಾನ ಬಯಲಾಟ ನಡಪರೆ ಉಂಡು.

“ಮಿಸ್ ಕುಡ್ಲ” ಕಿರೀಟ ಗೆಂದಿನ ಕಾಫಿನಾಡ್‌ದ ಪ್ರತಿಭೆ ಸುಷ್ಮಾ ಎಸ್.ಶೆಟ್ಟಿ

ಕುಡ್ಲದ ಶ್ರೀ ದೇವಿ ಕಾಲೇಜಿಡ್ ಹೆವೆನ್ ರೋಜ್ ಆಂಡ್ ಸಿಜ್ಲಿಂಗ್ ಗೈಸ್ ಮುತಾಲಿಕೆಡ್ ನಡತಿನ ಸೌಂದರ್ಯ ಪಂತೊಡು ಕಾಫಿನಾಡ್‌ ಚಿಕ್ಕಮಗಳೂರುದ ಪ್ರತಿಭೆ ಸುಷ್ಮಾ ಎಸ್.ಶೆಟ್ಟಿ “ಮಿಸ್ ಕುಡ್ಲ” ಕಿರೀಟನ್ ಗೆಂದ್‌ದೆರ್.

ಮೇರ್ ಬಿ.ಸುರೇಶ್ ಶೆಟ್ಟಿ ಬೊಕ್ಕ ಸೌಮ್ಯ ಎಸ್.ಶೆಟ್ಟಿ ಮೆರೆನ ಮಗಲ್. ಈ ಪಂತೊಡು ನೂದೆರ್ದ್ ಎಚ್ಚದ ಸ್ಪರ್ಧಿಲು ಪಾಲ್ ಪಡೆದಿತ್ತೆರ್. ಕಡೆತ್ತ ಸುತ್ತುಗು 10 ಜನ ಆಯ್ಕೆ ಆದಿತ್ತ್‌ದ್ ಆಯಿಟ್ಟ್ ಸುಷ್ಮಾ ಎಸ್. ಶೆಟ್ಟಿ ಇತ್ತೆರ್. ಮೇರ್ ಮೂಲತಃ ಚಿಕ್ಕಮಗಳೂರ್‌ದಾರ್ ಆತೆರ್.

Miss Manglore crown bagged by a beauty from Coffee land

Mangalore: Talanted and beautiful Sushma S Shetty from Kottigehara in Chickmanglore district has bagged the Miss Mangalore crown.

A MBA from Sri Devi institute of technology in Manglore she has vast interests ranging from dance ,music, elocution, anchoring and modelling . She was actively involved in NCC air wing and was a winner of many cultural compititions during her school and College days. More than 100 participants participated in the beauty pagent and of the ten top finalists Sushma won the crown.

ಜಾರಿಗೆಕಟ್ಟೆ ಶ್ರೀ ಕೊರಗಜ್ಜ ಬೊಕ್ಕ ಕೊರಗರ ಪಂಜುರ್ಲಿ ಕ್ಷೇತ್ರಡ್ ಪರಕೆದ ನೇಮೋಚ್ಚಯ

ಜಾರಿಗೆಕಟ್ಟೆ ಶ್ರೀ ಕೊರಗಜ್ಜ ಬೊಕ್ಕ ಕೊರಗರ ಪಂಜುರ್ಲಿ ಕ್ಷೇತ್ರಡ್ ಜ.19 ತಾರೀಕ್ ಗುರುವಾರ ಮಧ್ಯಾಹ್ನ 2.30 ಗಂಟೆರ್ದ್ ಶ್ರೀ ಸತ್ಯದೇವತೆ, ಪಿಲಿಚಾಮುಂಡಿ, ಮಂತ್ರದೇವತೆ, ವರ್ತೆ ಪಂಜುರ್ಲಿ, ಕೊರಗರ ಪಂಜುರ್ಲಿ, ಕೊರತಿ ಅಂಚನೆ ಕೊರಗಜ್ಜ ದೈವದ ಪರಕೆದ ನೇಮೋಚ್ಚಯ ನಡಪರೆ ಉಂಡು.

ಈ ಲೇಸ್‌ಗ್ ಮಾತ ಭಕ್ತೆರ್ ಬತ್ತ್‌ದ್ ದೈವದ ಗಂಧ ಪ್ರಸಾದನ್ ದೆತೊಂದು ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀಧರ ಪೂಜಾರಿ ಬಜಗೋಳಿ ಅಂಚನೆ ಸಮಿತಿದ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಆಳ್ವಾಸ್‌ಡ್ 27 ಸಾರರ್ದ್ ಎಚ್ಚದ ಕಲ್ಪಾರ್ಥಿಲೆರ್ದ್ ಯೋಗಥಾನ್

ಬೆದ್ರ: “ಯೋಗದ ಮಹತ್ವನ್ ಅಯಿತ್ತ ಪ್ರಯೋಜನನ್ ಜಗತ್ತ್‌ಗ್ ಸಾರಿನ ದೇಶ ಭಾರತ. ಇಂಚಿನ ಯೋಗದ ಪ್ರಾಮುಖ್ಯತೆನ್ ಸಾರುನ ವಿಶಿಷ್ಟವಾಯಿನ ಉಚ್ಚಯನ್ ಕರ್ನಾಟಕ ಯೋಗಥಾನ್ ಅಟ್ಟನೆ ಮಲ್ತಿನವು ಸಂತೋಷದ ಇಚಾರ” ಪಂದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್. ತೆರಿಪಾಯೆರ್.

ರಾಜ್ಯ ಸರ್ಕಾರದ ನಿರ್ದೇಶನಡ್ 26ನೇ ರಾಷ್ಟ್ರೀಯ ಯುವಜನೋಚ್ಚಯದ ಅಂಗವಾದ್ ದಕ್ಷಿಣ ಕನ್ನಡ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಯುವಜನಸೇವೆ ಬೊಕ್ಕ ಕ್ರೀಡಾ ಇಲಾಖೆ ಅಂಚನೆ ಆಳ್ವಾಸ್ ಪ್ರತಿಷ್ಠಾನದ ಮುತಾಲಿಕೆಡ್ ಗಿನ್ನೆಸ್ ದಾಖಲೆದ ಪ್ರಯತ್ನವಾದ್ “ಯೂತ್ ಫಾರ್ ಯೋಗ” ಪನ್ಪಿನ ಕಲ್ಪನೆದೊಟ್ಟುಗು “ಯೋಗಥಾನ್ 2023” ನ್ ಪುತ್ತಿಗೆದ ವನಜಾಕ್ಷಿ ಕೆ. ಶ್ರೀಪತಿ ಭಟ್ ವೇದಿಕೆಡ್ ಜ. 15 ಐತಾರ ಉದಿಪನ ಮಲ್ತ್‌ದ್ ಪಾತೆರಿಯೆರ್.

ಈ ಪೊರ್ತುಡು ಮುಲ್ಕಿ-ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್, ಜಿಲ್ಲಾ ಪಂಚಾಯತಿ ಸಿಇಒ ಡಾ.ಕುಮಾರ್, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷೆರ್ ಡಾ.ಎಂ.ಮೋಹನ ಆಳ್ವ ಸೇರಿನಂಚನೆ ಮಸ್ತ್ ಬಿನ್ನೆರ್ ಇತ್ತೆರ್.

ಟೈಮ್ಸ್ ಆಫ್ ಕುಡ್ಲದ “ಕಾನೂನು ಕಟ್ಟೆ” ಅಂಕಣ ಬರೆಪಿನ ಕಾನೂನು ತಜ್ಞೆರ್ ಅಕ್ಷತಾ ಆದರ್ಶ್ ಮೆರೆಗ್ ಡಾಕ್ಟರೇಟ್

ಬೆಂಗ್ಲೂರು : ತುಳುನಾಡ್ ದ ಪುಗರ್ತೆದ ಕಾನೂನು ತಜ್ಞೆರ್, ಪುಗರ್ತೆದ ನೋಟರಿ, ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ “ಕಾನೂನು ಕಟ್ಟೆ” ಅಂಕಣ ಪುಗರ್ತೆದ ಅಕ್ಷತಾ ಆದರ್ಶ್ ಮೆರೆಗ್ ಅಲಯನ್ಸ್ ಯೂನಿವರ್ಸಿಟಿದ ಡಾಕ್ಟರೇಟ್ ಪದವಿ ಪ್ರದಾನ ಮಲ್ತೆರ್.

ಆನೆಕಲ್ ದ ಅಲಯನ್ಸ್ ಯುನಿವರ್ಸಿಟಿ ಕ್ಯಾಂಪಸ್ ಡ್ ಜ.14 ಸನಿಯಾರ ನಡತಿನ ವಾರ್ಷಿಕ ಘಟಿಕೋತ್ಸವ ಲೇಸ್ ಡ್ ಅಕ್ಷತಾ ಆದರ್ಶ್ ಮೇರ್ ಡಾಕ್ಟರೇಟ್ ಸ್ವೀಕಾರ ಮಲ್ತೆರ್.

ಉನ್ನತ ಶಿಕ್ಷಣ , ಐಟಿ ಬೊಕ್ಕ ಬಿಟಿ ಸಚಿವೆರ್ ಡಾ.ಅಶ್ವಥನಾರಾಯಣ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಮಲ್ಲ ಬಿನ್ನೆರಾದ್ ಜಸ್ಟಿಸ್ ಎಸ್.ಆರ್. ಬನ್ನೂರುಮಠ, ಕರ್ನಾಟಕ ಕಾನೂನು ಆಯೋಗದ ಚೇರ್ ಮನ್ ಡಾ. ಹರ್ಷಿತ್ ಸಿಂಘಾಲ್ ಬೊಕ್ಕ ಎಂಡಿ ಹ್ಯಾಶ್ಡ್ಲೆನ್ ಬೈ ಡಿಲೈಟೆ ಬತ್ತಿತ್ತೆರ್. ಪದವಿ ಪಡೆದಿನಕುಲು ಬೊಕ್ಕ ಕುಟುಮದಕುಲು ಮಲ್ಲ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.

ಲೇಸ್ ಡ್ ಪ್ರತಿಭಾವಂತ ವಿದ್ಯಾರ್ಥಿ ಲೆಗ್ ಡಿಗ್ರಿ ಪ್ರದಾನ ಬೊಕ್ಕ ಅಕ್ಷತಾ ಆದರ್ಶ್ ಸೇರ್ದ್ 16 ಜನ ಸಾಧಕೆರೆಗ್ ಡಾಕ್ಟರೇಟ್ ಪ್ರದಾನ ಮಲ್ತೆರ್. ಅಕ್ಷತಾ ಆದರ್ಶ್ ತುಳುನಾಡ್ ದ ಪುಗರ್ತೆದ ವಕೀಲೆರ್ ಬೊಕ್ಕ ನೋಟರಿ ಆದುಲ್ಲೆರ್. ಮೇರ್ ಬರೆತಿನ ” A comparative study on the right to privacy as a human right with special reference to India, USA and UK” ಪ್ರಬಂಧೊಗು ಡಾಕ್ಟರೇಟ್ ತಿಕ್ ದ್ಂಡ್.
ಅಕ್ಷತಾ ಮೇರ್ ಬೆದ್ರದ ಚೌಟರ ಅರಮನೆತ್ತ ಆದರ್ಶ್ ಮೇರ್ನ ಧರ್ಮಪತ್ನಿ. ಮೇರ್ ಒಡಿಪು ಜಿಲ್ಲೆ ಬೈಂದೂರು ತಾಲೂಕು ಬೋಳಂಬಳ್ಳಿದ ಧರ್ಮರಾಜ್ ಜೈನ್ ಬೊಕ್ಕ ವನಿತಾ ದಂಪತಿನ ಮಗಲ್. ಮೆರೆನ್ ಈ ಸಾಧನೆಗ್ ಆಳುಪ ವಂಶಸ್ಥೆರ್ ಡಾ.ಆಕಾಶ್ ರಾಜ್ ಜೈನ್ ಅಂಚೆನೆ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆ ಕೂಟ ಉಡಲ್ ದಿಂಜಿನ ಅಭಿನಂದನೆ ಸಂದಾದ್ಂಡ್.

Alliance University hosts Annual convocation- Akshhatha Adarssh awarded with a doctorate

Bangalore, January 14: One of the leading private universities Alliance University hosted its  annual convocation at its central campus at Anekal on the 14 th of January.

Degree holders and their families participated in large numbers.The convocation was presided by the minister of higher education, BT and IT government of Karnataka Dr Aswathanarayan. Justice S R Bannurmutt, chairman of Karnataka Law Commission and Harshit Singhal MD HashedIn by Deloitte were guests of honour.

The keynote address was delivered by Dr C N Aswathanarayan who congratulated the gratuates and urged them to use their education for the betterment of the society. The event concluded with the presentation of degrees and awards with 14 persons receiving doctoral degree.

Akshhatha Adarssh notary and arbitrator and law coloumnist with the Times of Kudla received her doctorate as doctor of philosophy in law for her work on ” A comparative study on the right to privacy as a human right with special reference to India, USA and UK”

She is married to Adarsh M, Chowtar Aramane, Moodbidri and is the proud daughter of Dharmaraj Jain and Vanitha from Bolamballi in Udupi district, Byndoor taluk.