ಊರ್ದ ಸುದ್ದಿ Regional News

ಕುಕ್ಕೆ ಶ್ರೀ ಸುಬ್ರಹ್ಮಣ್ಯಗ್‌ ಬತ್ತಿನಕ್ಲೆನ ಕಾರ್‌ದ ಕನ್ನಡಿ ಪುಡತ್ತ್‌ದ್‌ ಬಂಗಾರ್ ಕಂಡಿನ ಕಲ್ವೆರ್..!‌

 ಸುಬ್ರಹ್ಮಣ್ಯ : ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಬತ್ತಿನ ಭಕ್ತೆಯೊರಿಯನ ಕಾರ್‌ದ ಕನ್ನಡಿ ಪುಡತ್ತ್‌ದ್‌ ಬಂಗಾರ್‌ ಕಂಡಿನ ಘಟನೆ ನಡತ್‌ಂಡ್. ಕೇರಳದ ಕಣ್ಣೂರು ಜಿಲ್ಲೆದ ಪಾಡೋಯೋಟು ಚಲ್ಲ್ ನಿವಾಸಿ ಸುಯಿಶ್ ಟಿ ಸಿ (34) ತನ್ನ ಕಾರ್‌ಡ್‌ ಅರೆನ ಚಿಕ್ಕಮ್ಮನ ಒಟ್ಟಿಗೆ ಕುಕ್ಕೆ ಸುಬ್ರಹ್ಮಣ್ಯಗ್‌ ಪೋದಿತ್ತೆರ್.
ರಥ ಬೀದಿದ ಕೈತಲ್‌ ಪಾರ್ಕಿಂಗ್ ಜಾಗೆಡ್‌ ಕಾರ್‌ ಉಂತಾದ್‌ ದೇವಸ್ಥಾನಗ್‌ ಪೋದಿತ್ತೆರ್.‌ ಕಾರ್‌ದ ಪಿರಾವ್‌ ಸೈಡ್‌ದ ಕನ್ನಡಿ ಪುದತ್ತ್‌ದ್‌ ಕಾರ್‌ಡ್‌ ಇತ್ತಿನ ರಡ್ಡ್‌ ಬ್ಯಾಗ್‌ನ್‌ ಪತ್ತೊಂದು ಪೋಯಿನ ತೆರಿದ್‌ ಬೈದುಂಡ್. ಬ್ಯಾಗ್‌ಡ್‌ ಅಂದಾಜ್ 14 ಗ್ರಾಂ ತೂಕದ ಬಂಗಾರ್ದ ಬ್ರಾಸ್ ಲೈಟ್‌ ಬೊಕ್ಕ ಆಧಾರ್ ಕಾರ್ಡ್ ಎಟಿಎಂ ಮಾತ ಇತ್ತ್‌ಂಡ್. ಕಂಡಿನ ಸೊತ್ತುದ ಬಿಲೆ ಅಂದಾಜ್ 42,000/ ಪಂದ್‌ ತೆರಿದ್‌ ಬೈದ್‌ಂಡ್. ಸುಬ್ರಹ್ಮಣ್ಯ ಪೊಲೀಸ್ ಸ್ಟೇಷನ್‌ಡ್‌ ಕೇಸ್‌ ದಾಖಲಾತ್‌ಂಡ್.

ಪೆರ್ನೆ-ಕಡಂಬು: ಬೀಡಿ ಉದ್ಯಮಿನ ಇಲ್ಲಗ್ ಆದಾಯ ತೆರಿಗೆ ಅಧಿಕಾರಿಲೆನ ದಾಳಿ

 ಪುತ್ತೂರು(ಪೆರ್ನೆ): ಮಾಣಿ- ಉಬಾರ್ ಹೈವೇದ ಪೆರ್ನೆ ಕಡಂಬು ನಿವಾಸಿ ಅನಿತಾ ಬೀಡಿ ಉದ್ಯಮಿ ಇಸ್ಮಾಯಿಲ್‌ ಹಾಜಿ ಅರೆನ ಇಲ್ಲಗ್ ಇನಿ ಬೊಲ್ಪುಗು ಆದಾಯ ತೆರಿಗೆ ಅಧಿಕಾರಿಲು ದಾಳಿ ಮಲ್ತ್‌ದೆರ್.
ಇಸ್ಮಾಯಿಲ್‌ ಹಾಜಿ ಮೆರೆನ ಜೋಕುಲಾಯಿನ ಮಹಮ್ಮದ್‌ ಆಲಿ, ಯೂಸೂಫ್‌, ಮುಸ್ತಫಾ ಬೊಕ್ಕ ಝಕಾರಿಯಾ ಬೀಡಿ ಉದ್ಯಮ ಅತ್ತಂದೆ ದಿನಸಿ ಅಂಗಡಿ ಬೊಕ್ಕ ಬೇಕರಿ ಅಂಗಡಿನ್‌ ನಡಪಾವೊಂದು ಉಲ್ಲೆರ್. ಮಸ್ತ್‌ ಗಾಡಿಡ್‌ ಬತ್ತಿನ ಆದಾಯ ತೆರಿಗೆ ಅಧಿಕಾರಿಲು ಇಲ್ಲಲ್ ದಾಖಲೆಗಾದ್ ತಪಾಸಣೆ ಮಲ್ತೊಂದು ಉಲ್ಲೆರ್ ಪಂದ್‌ ತೆರಿದ್‌ ❌ಬೈದುಂಡ್. ಬೈದ್ಂಡ್.

“ಬೆಂಗಳೂರು ಕಂಬುಲ ನಮ್ಮ ಕಂಬುಲ”: ಎಲ್ಲೆ (ಅ.11) ಕರೆ ಪೂಜೆ

ಕರಾವಳಿ ಭಾಗದ ಸಾಂಸ್ಕೃತಿಕ ಕ್ರೀಡೆಯಾದಿಪ್ಪುನ ಕಂಬುಲ ನವೆಂಬರ್ 25 ಬೊಕ್ಕ 26 ದಾನಿ ಬೆಂಗಳೂರುದ ಅರಮನೆ ಮೈದಾನಡ್ ಪುತ್ತೂರು ಶಾಸಕೆರ್‌ ಬೊಕ್ಕ ಉಬಾರ್ ವಿಜಯ ವಿಕ್ರಮ ಜೋಡುಕೆರೆ ಕಂಬಳ ಸಮಿತಿದ ಗುರ್ಕಾರ್ಲು ಅಶೋಕ್ ಕುಮಾರ್ ರೈ ನೇತೃತ್ವಡ್ ನಡಪರೆ ಉಂಡು.‌

ಕಂಬುಲ ತೂವೆರೆ ಲಕ್ಷಾಂತರ ಜನ ಬರ್ಪುನ ನಿರೀಕ್ಷೆ ಉಂಡು. 145 ಮೀ. ಉದ್ದದ ಕಂಬುಲದ ಕರೆ ನಿರ್ಮಾಣ ಮಲ್ಪೆರೆ ಉಲ್ಲೆರ್.‌ ಈ ಹಿನ್ನೆಲೆಡ್ ಎಲ್ಲೆ (ಅ.11) ದಾನಿ ಬೊಲ್ಪುಗು ಕರೆ ಪೂಜೆ ಕಾರ್ಯಕ್ರಮ ನಡಪರೆ ಉಂಡು.

ಪುತ್ತೂರು: ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನ್ನ ಕಾಲೇಜ್ ಕಲ್ಪಾರ್ಥಿ

ಪುತ್ತೂರು: ಕಾಲೇಜ್ ಕಲ್ಪಾರ್ಥಿ ಒರಿ ಬಲ್ಲ್ ಗೆತೊಂದು ಆತ್ಮಹತ್ಯೆ ಮಲ್ತೊಂದಿನ ಘಟನೆ ಪುತ್ತೂರುಡು ನಡತ್‌ದ್ಂಡ್.
ತೀರ್ದಿನಾಯೆ ಕುರಿಯ ಪಡ್ಪು ನಿವಾಸಿ, ಫಿಲೋಮಿನಾ ಕಾಲೇಜಿದ ಸೆಕೆಂಡ್ ಪಿಯು ಕಲ್ಪಾರ್ಥಿ ವೀಕ್ಷಿತ್(17) ಪಂದ್ ತೆರಿದ್‌ಬೈದ್ಂಡ್. ವೀಕ್ಷಿತ್ ಬಲ್ಲ್ ಪಾಡೊಂದು ಜೀವ ಕಲೆವೊನೆರ ನೆವನ ದಾದ ಪಂದ್ ತೆರಿದ್‌ಬೈದಿಜಿ. ಸಂಪ್ಯ ಪೊಲೀಸೆರ್‌ ಜಾಗೆಗ್‌ ಬತ್ತ್‌ದ್‌ ಪರಿಶೀಲನೆ ಮಲ್ತ್‌ದೆರ್.