ಬೊಲ್ತೆರ್ ಸುದ್ದಿ | Belthangady News

ಕುಕ್ಕೆ ಸುಬ್ರಹ್ಮಣ್ಯಡ್ ಹೋಟೆಲ್‌ಡ್ ತಿನೆರೆ ತಿನೊಂದು ಇತ್ತಿನ ಪೊಂಜೊವ್ನ ಬ್ಯಾಗ್ ಕಂಡಿನ ಕಲ್ವೆ | ಆರೋಪಿ ಬೆಂಗ್ಳೂರುಡು ಪೊಲೀಸ್ ನ ಬಲೆಕ್

ಕಡಬ : ಕಡಬದ ಪ್ರಸಿದ್ಧ ಪುಣ್ಯ ಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ಪ್ರವಾಸಿಗೆರ್ನ ನೆಪಟ್ ಬಂಗಾರ್ ಕಂಡಿನ ಆರೋಪಡ್ ಪೊಂಜೊವುನು ಬೆಂಗ್ಳೂರು ಪೊಲೀಸೆರ್ ವಶಕ್ ದೆತೊನ್ದೆರ್ ,ಆಲ್ನ ದೋಸ್ತಿ ಪರಾರಿಯಾತೆ ಪಂದ್ ವರದಿಯಾತುಂಡು .

ಪ್ರಕರಣಗ್ ಸಂಬಂಧಿ ಬೆಂಗ್ಳೂರು ಯಶವಂತಪುರ ಠಾಣೆದ ಪೊಲೀಸೆರ್ ಮಮತಾ (38) ಪನ್ಪಿನಲೆನ್ ಪತ್ತ್ ದೆರ್ . ಕೃತ್ಯದಲ್ಲಿ ಸಾಕಾರ ಕೊರಿನ ಅಲೆನ ದೋಸ್ತಿ ಪರಾರಿಯಾತೆ .

ಜನಕ್ಲೆನ ಸಮಸ್ಯೆಗ್ ಪ್ರಾಮಾಣಿಕ ಪ್ರಯತ್ನ ಬರ್ಪೆ : ಸಚಿವ ಸುನಿಲ್ ಕುಮಾರ್

ಕಾರ್ಕಳ: ತಾನ್ ಸಚಿವೆಯಾದ್ ಗೆಂದೊಡ್ ಆಂಡ ಕಾರ್ಕಳದ ಜನತೆ ಎಂಕ್ ಸಂಪೂರ್ಣವಾದ್ ಸಾಕಾರ ಕೊರೊಡು. ಕಾರ್ಕಳ ಭಾಗದ ಜನಕ್ಲೆನ ಸಮಸ್ಯೆಗ್ ಸ್ಪಂದನೆ ಕೊರ್ಪಿನ ಮಾಮಲ್ಲ ಜವಾಬ್ದಾರಿ ಎನ್ನ ಮಿತ್ತ್ ಉಂಡು.ಸಚಿವೆ ಆದ್ ಇಡೀ ರಾಜ್ಯದ ಅಭಿವೃದ್ದಿ ಬೇಲೆದ ಒಟ್ಟು ಕ್ಷೇತ್ರದ ಪ್ರತೀ ಪಂಚಾಯತ್‍ದ ಅಭಿವೃದ್ದಿ ಕಾರ್ಯ ನಡಪೊ ದಾತುಂಡು , ಎನ್ನ ಶಕ್ತಿ ಮೀರ್ದ್ ಪ್ರಾಮಾಣಿಕ ಪ್ರಯತ್ನನ್ ಮಲ್ಪುವೆ ಪಂದ್ ಇಂಧನ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವ ವಿ.ಸುನೀಲ್ ಕುಮಾರ್ ಪಂಡೆರ್ .

ಮೇರ್ ಬೆಳ್ಮಣ್ ಗ್ರಾಮ ಪಂಚಾಯತ್ ಸಭಾಂಗಣಡ್ ನಡತಿನ ಸಚಿವೆರ್ನ ಜನಸ್ಪಂದನ ಲೇಸ್ ಡ್ ಪಾತೆರಿಯೆರ್ .

ಟೋಕಿಯೊ ಪ್ಯಾರಾಲಿಂಪಿಕ್ಸ್ ಡ್ ಬಂಗಾರ್ದ ಪದಕ ಗೆಂದಿನ ಭಾರತದ ಸುಮಿತ್ ಅಂತಿಲ್ನ ಒಟ್ಟುಗು ಪ್ರಧಾನಿ ನರೇಂದ್ರ ಮೋದಿ ಫೋನ್ ಡ್ ಪಾತೆರ

ನವದೆಹಲಿ: ಟೋಕಿಯೊ ಪ್ಯಾರಾಲಿಂಪಿಕ್ಸ್ ಡ್ ಜಾವೆಲಿನ್ ಥ್ರೋಡು ಬಂಗಾರ್ದ ಪದಕ ಗೆಂದಿನ ಭಾರತದ ಸುಮಿತ್ ಅಂತಿಲ್ ನ ಒಟ್ಟುಗು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಫೋನ್ ಡ್ ಪಾತೆರ್ದೆರ್ . ಸುಮಿತ್ ಮೆರ್ನ ಉಮೇದ್ ಗ್ ಸೊಲ್ಮೆ ಸಂದೈತ ಮಲ್ದೆರ್.

ಸುಮಿತ್ ಇಡೀ ದೇಶಗ್ ಪುದರ್ ಕನಯ್ದೆರ್. ಮೆರ್ನ ಪ್ರದರ್ಶನ ತೂಯಿ ಬೊಕ್ಕ ಯುವ ಪೀಳಿಗೆ ಸ್ಫೂರ್ತಿ ಆಯಿನ ಪ್ರಧಾನಿ ಸುಮಿತ್ ಮೆರೆಗ್ ವಿವರಣೆ ಡ್ ಪಂಡೆರ್.

ಕೇಂದ್ರ ಸರಕಾರರ್ದ್ ದೇಶದ ಭವಿಷ್ಯಗ್ ಪೆಟ್ಟ್ : ಬಿಪಿನ್ ಚಂದ್ರ ಪಾಲ್

ಕಾರ್ಲ : ದೇಶದ ಆರ್ಥಿಕ ಸ್ವಾಯತ್ತತೆ, ಉದ್ಯೋಗ ಬೊಕ್ಕ ಮೂಲ ಸೌಲಭ್ಯ ಸಾಧನೆದ ಗುರಿತ ಒಟ್ಟುಗು ಕಾಂಗ್ರೆಸ್ ತನ್ನ ಆಡಳಿತದುದ್ದಗ್ ಲಾ ಕಟ್ಟ್ ದ್ ಬುಳೆಪಾಯಿನ ಸರಕಾರೀ ಸ್ವಾಮ್ಯದ ಸಂಸ್ಥೆಲೆನ್ ಮಾರಾಟ ಮಲ್ಪುನ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಸರಕಾರ ದೇಶದ ಭವಿಷ್ಯಗ್ ಪೆಟ್ಟ್ ಪಾರ್ದುಂಡು ಪಂದ್ ಜಿಲ್ಲಾ ಕಾಂಗ್ರೆಸ್ ವಕ್ತಾರ ಬಿಪಿನಚಂದ್ರ ಪಾಲ್ ನಕ್ರೆ ಹೇಳಿಕೆಡ್ ತೆರಿಪಾದೆರ್.

ಮಾರ್ಗದ ಬರಿಟ್ ಪಾಡುನ ಜಾಹೀರಾತುಡು ಜನಪ್ರತಿನಿಧಿಲೆನ ಚಿತ್ರ ಪಾಡೆರೆ ಬಲ್ಲಿ : ಎಚ್.ಎಂ. ವೆಂಕಟೇಶ್

ರಾಜ್ಯದ ಮಾತಾ ನಗರ ಸ್ಥಳೀಯ ಸಂಸ್ಥೆಲು , ನಗರಾಭಿವೃದ್ಧಿ ಇಲಾಖೆದ ಅಧೀನದ ನಗರ ಯೋಜನಾ ಪ್ರಾಧಿಕಾರ, ನಿಗಮ ಬೊಕ್ಕ ಮಂಡಳಿಡ್ ಸರ್ಕಾರದ ಅನುದಾನರ್ದ್ ಪಾಡುನ ಕಾಮಗಾರಿಲೆಗ್ ಸಂಬಂಧಿ ಜನಪ್ರತಿನಿಧಿಲೆನ ಭಾವಚಿತ್ರದೊಟ್ಟುಗು ಜಾಹೀರಾತು ಪ್ರದರ್ಶನ ಮಲ್ಪುನೆನ್ ನಿಷೇದ ಮಲ್ಪರೆ ನಗರಾಭಿವೃದ್ಧಿ ಇಲಾಖೆ ಸುತ್ತೋಲೆ ಕೊರ್ತುಂಡು .

ಸರ್ಕಾರದ ಅನುದಾನಡ್ ನಡಪುನ ಕಾಮಗಾರಿಲು ಬೊಕ್ಕ ಸಾರ್ವಜನಿಕ ಬೇಲೆಗ್ ಸಂಭಂದಿ ಜಾಹೀರಾತುಡು ಜನಪ್ರತಿನಿಧಿಲೆನ ಭಾವಚಿತ್ರ ಪ್ರದರ್ಶನ ಪ್ರಶ್ನಿಸಾದ್ ಸಾಮಾಜಿಕ ಹೋರಾಟಗಾರೆರಾಯಿನ ಎಚ್.ಎಂ. ವೆಂಕಟೇಶ್ ಹೈಕೋರ್ಟ್‌ಗ್ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಕೊರ್ದು ಇತ್ತೆರ್ .

ಕಾರ್ಲಾಗ್ ಬಲೆ ನಾಯಕೆರೇ : ಕಾಂಗ್ರೆಸ್ ಕಾರ್ಯಂತೆರೆರ್ದ್ ಟ್ವಿಟ್ಟರ್ ಅಭಿಯಾನ

ಕಾರ್ಕಳ : ಕೆಪಿಸಿಸಿ ಗುರ್ಕಾರ್ಲಾಯಿನ ಡಿಕೆ ಶಿವಕುಮಾರ್ ಬೊಕ್ಕ ಮಾಜಿ ಸಿಎಂ ಸಿದ್ದರಾಮಯ್ಯನ್ ಉಲ್ಲೇಖಿಸಾದ್ ಕಾರ್ಕಳದ ಕಾಂಗ್ರೆಸ್ ಕಾರ್ಯಂತೆರ್ ಕಾರ್ಕಳಗ್ ಬನ್ನಿ ಪನ್ಪಿನ ಟ್ವಿಟ್ಟರ್ ಅಭಿಯಾನ ಆ. 27ಕ್ಕ್ ಶುರು ಮಲ್ದೆರ್ .

ಮಾಜಿ ಶಾಸಕ ಗೋಪಾಲ ಭಂಡಾರಿಲು ತೀರ್ ಪೋಯಿ ಬೊಕ್ಕ ಕಾಂಗ್ರೆಸ್ ಕಾರ್ಯಂತೆರ್ ಅನಾಥರಾತೆರ್ . ಅವ್ವೆತೋ ಕಾರ್ಯಂತೆರ್ ಪಕ್ಷರ್ದ್ ದೂರ ಪೋತೆರ್ . ಕೆಲವೆರ್ ಬಿಜೆಪಿದ ಕಡೆ ಪೋತೆರ್ . ಇಂಚಾದ್ ಕಾಂಗ್ರೆಸ್ ಕಾರ್ಯಂತೆರ್ಡ ಧೈರ್ಯ ಜಿಂಜಾವುನ ನೆಲೆಟ್ಟ್ ಕಾರ್ಕಳಗ್ ನಾಯಕೆರ್ ಬರೊಡು ಪಂದ್ ಅವ್ವೆತೋ ಜನ ಟ್ವಿಟ್ಟರ್‌ಡ್ ಅಗ್ರಹ ಮಲ್ದೆರ್.