ಬೊಲ್ತೆರ್ ಸುದ್ದಿ | Belthangady News

ಡಾ. ಇನ್ಶಾ ಹುದಾಗ್ ಯುಎಇ ಸರಕಾರರ್ದ್ ‘ಗೋಲ್ಡನ್ ವೀಸಾ ಸಮ್ಮಾನ್’

ಒಡಿಪು ಸೆ.18: ಕಾಪು ಮೂಲದ ಆಯುರ್ವೇದ ತಜ್ಞ ವೈದ್ಯೆ ಡಾ. ಇನ್ಶಾ ಹುದಾ ಸಂಯುಕ್ತ ಅರಬ್ ಗಣರಾಜ್ಯ (ಯುಎಇ) ಸರಕಾರರ್ದ್ ‘ಗೋಲ್ಡನ್ ವೀಸಾ ಸಮ್ಮಾನ್’ ಪಡೆಯುನ ಮುಖೇನ ಕುಡ್ಲಗ್ ಪುಗಾರ್ತೆ ಕನಯ್ದೆರ್. ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆರ್ದ್ ಗೋಲ್ಡನ್ ವೀಸಾ ಸಮ್ಮಾನ ಪಡೆಯಿನ ಸುರುತ ಆಯುರ್ವೇದ ವೈದ್ಯೆ ಮೇರ್ .

ಪ್ರಧಾನಿ ನರೇಂದ್ರ ಮೋದಿ ಪುಟ್ಟು ಪರ್ಬದ ಪ್ರಯುಕ್ತ ದೇವಸ್ಥಾನಡ್ ಸೇವೆ

ಕುಡ್ಲ ಸೆಪ್ಟೆಂಬರ್ 18: ಪ್ರಧಾನಮಂತ್ರಿ ನರೇಂದ್ರ ಮೋದಿ 71ನೇ ವರ್ಷದ ಪುಟ್ಟು ಪರ್ಬದ ಪ್ರಯುಕ್ತ , ನರೇಂದ್ರ ಮೋದಿ ಅಭಿಮಾನಿಲು ಕುಡ್ಲದ ಪ್ರಸಿದ್ಧ ಧಾರ್ಮಿಕ ಕ್ಷೇತ್ರಡ್ ವಿಶೇಷ‌ ಸೇವೆ ಮಲ್ಪುನ ಮುಖೇನ ಅಕ್ಲೆನ ಅಭಿಮಾನನ್ ತೋಜಾದ್ ಕೊರ್ತೆರ್.

ಕುಡ್ಲದ ಅಧಿದೇವತೆ ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನಡ್ ದೇವಿಗ್ ಬಾರಿ ಇಷ್ಟ ಆಯಿನ ಪೂತ ಪೂಜೆ ನ್ ಪ್ರಧಾನಮಂತ್ರಿ ನರೇಂದ್ರ ಮೋದಿನ ಪುದರ್ ಡ್ ಮಲ್ದೆರ್.

ಪ್ರಧಾನಿ ನರೇಂದ್ರ ಮೋದಿನ ಪುಟ್ಟು ಪರ್ಬದ ಪ್ರಯುಕ್ತ ನೆತ್ತೆರ್ದಾನ ಶಿಬಿರ

ಕುಡ್ಲ , ಸೆ.18: ಭಾರತೀಯ ಜನತಾ ಪಾರ್ಟಿ, ದಕ್ಷಿಣ ಕನ್ನಡ ಜಿಲ್ಲೆ ಬೊಕ್ಕ ಸೇವಾಂಜಲಿ ಚಾರಿಟೇಬಲ್ ಟ್ರಸ್ಟ್, ಕುಡ್ಲ ನೆತ್ತ ಒಟ್ಟು ಸೇರಿಗೆಡ್ ಕೆಎಂಸಿ ಆಸ್ಪತ್ರೆ ಕುಡ್ಲ ನೆತ್ತ ಒಟ್ಟು ಸೇರಿಗೆಡ್ ಪ್ರಧಾನಿ ನರೇಂದ್ರ ಮೋದಿನ ಪುಟ್ಟು ಪರ್ಬದ ಪರವಾದ್ ನೆತ್ತೆರ್ದಾನ ಶಿಬಿರ ಬೊಕ್ಕ ಉಚಿತ ಕೋವಿಡ್ ಲಸಿಕಾ ಶಿಬಿರ ನಡತುಂಡು .

ಟಿ.ವಿ.ರಮಣ್ ಪೈ ಸಭಾಂಗಣಡ್ ಶುಕ್ರವಾರ ನಡೆದ ಶಿಬಿರನ್ ಭಾಜಪಾ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಸುದರ್ಶನ್ ಮೂಡುಬಿದಿರೆ ಉದಿಪನ ಮಲ್ತೆರ್ . . ಶಿಬಿರಡ್ ನಾಗರಿಕ ಹಿತರಕ್ಷಣಾ ಸಮಿತಿದ ಗುರ್ಕಾರ್ಲಾಯಿನ ಹನುಮಂತ್ ಕಾಮತ್, ಸೇವಾಂಜಲಿ ಚಾರಿಟೇಬಲ್ ಟ್ರಸ್ಟ್ ಪ್ರಮುಖೇರಾಯಿನ ಮಂಗಲ್ಪಾಡಿ ನರೇಶ್ ಶೆಣೈ, ನರೇಶ್ ಪ್ರಭು, ಚೇತನ್ ಕಾಮತ್ ಬೊಕ್ಕ ಹಿತೈಷಿಲು , ಪಾಲ್ ಪಡೆತೆರ್ .

ರಾಜಕೀಯವಾದ್ ಬುಲೆವರೆ ಜವನೆರೆಗ್ ಅವಕಾಶ ಕೊರ್ತಿನಾರ್ ಆಸ್ಕರಣ್ಣೆ : ನೆಂಪು ಮಲ್ತೆರ್ ಅಭಯಚಂದ್ರ ಜೈನ್

ಕುಡ್ಲ : ಕಾಂಗ್ರೆಸ್ ದ ಮಾಮಲ್ಲ ನಾಯಕೆರ್ ಶ್ರೀ ಮಾನ್ ಆಸ್ಕರ್ ಫರ್ನಾಂಡೀಸೆರ್. ಆರ್ ರಾಜಕೀಯವಾದ್ ಜವನೆರೆಗ್ ಎಚ್ಚ ಅವಕಾಶ ಕೊರ್ತಿನಾರ್.ವಸಂತ ಸಾಲ್ಯಾನ್, ಪ್ರತಾಪ್ ಚಂದ್ರ ಶೆಟ್ಟಿ ರಮಾನಾಥ ರೈ, ವಿನಯ ಕುಮಾರ್ ಸೊರಕೆನಂಚಿನ ಜವನೆರೆಗ್ ಅವಕಾಶ ಮಲ್ತ್ ಕೊರ್ತೆರ್. ಎಂಕ್ ನಿರೀಕ್ಷೆ ಇತ್ತಿಜಿಡಲ ಮುಲ್ಕಿ ಮೂಡುಬಿದಿರೆ ಕ್ಷೇತ್ರೊಡು ಅವಕಾಶ ಮಲ್ತ್ ಕೊರ್ದು ಮಂತ್ರಿ ಆವರೆಲ ಆರ್ ಕಾರಣ ಆತೆರ್.ಆರ್ ಒರಿ ಧೀಮಂತ ವ್ಯಕ್ತಿ ಪಂದ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಪಂಡೆರ್.
ಆರ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ದಿ.ಆಸ್ಕರ್ ಫರ್ನಾಂಡೀಸೆರೆಗ್ ಸನಿಯಾರ ಪಕ್ಷದ ಕಚೇರಿ ಡ್ ನಡತಿನ ಶ್ರದ್ಧಾಂಜಲಿ ಸಭೆಟ್ಟ್ ಪಾತೆರಿಯೆರ್.

ಆಸ್ಕರಣ್ಣೆ ಒರಿ ಸರಳ ಜೀವಿ. ಎಂಪಿ ಆದಿತ್ತ್ಂಡಲ ಬಸ್ ಟ್ ಸಂಚಾರ ಮಲ್ತೊಂದಿತ್ತೆರ್. ಏರೆಡಲ
ಬೇಧಬಾವ ದೀವಂದೆ ಸಮಾನವಾದ್ ತೂತಿನಾರ್.ಆಸ್ಕರಣ್ಣೆಲ ಅಂಚೆನೇ ಜನಾರ್ಧನ ಪೂಜಾರ್ಲು ಬಂಗ್ಲೆ, ದುಡ್ಡು ಮಲ್ಪಂದೆ ಶ್ರೀಮಂತಿಕೆ ತೋಜಾವಂದೆ ತುಳುನಾಡ್ ದ ಮಣ್ಣ್ ದ ಗುಣ ದಾದ ಪಂದ್ ತೆರಿಪಾದ್ ಕೊರ್ತೆರ್. ಆರ್ ಒರಿ ದೇವತಾ ಮನುಷ್ಯೆ ಪಂದ್ ಆರೆನ್ ನೆನೆತೊಂಡೆರ್.
ಯುವ ನಾಯಕೆ ಮಿಥುನ್ ರೈ ಪಾತೆರ್ದ್, ಕಾಂಗ್ರೆಸ್ ಪಂಡ ಆಸ್ಕರಣ್ಣೆ. ಆಸ್ಕರಣ್ಣೆ ಪಂಡ ಕಾಂಗ್ರೆಸ್ ಪನ್ಪಿಲೆಕ್ಕ ಇತ್ತೆರ್ ಆಸ್ಕರ್ ಫರ್ನಾಂಡೀಸೆರ್. ಓಲಾಂಡಲ ಕಾಂಗ್ರೆಸ್ ದ ಸಭೆ ಇತ್ತ್ಂಡ ಕಾರ್ಯಕರ್ತೆ ರೆನ್ ಮೆಟಡೋರ್ ಡ್ ಆರೇ ಡ್ರೈವ್ ಮಲ್ತ್ ಲೆತೊಂದು ಪೋವೊಂದಿತ್ತೆರ್. ಆತೊಂಜಿ ಸರಳಜೀವಿ ಆರ್ ಪಂಡೆರ್.ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ ಬೆರ್ನಾಡ್, ಕೆಪಿಸಿಸಿ ಹಿಂದುಳಿದ ವರ್ಗದ ಕಾರ್ಯದರ್ಶಿ ಪ್ರವೀಣ್ ಬೊಳ್ಳೂರು, ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ಅಶೋಕ್ ಪೂಜಾರ್, ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆರ್ ಪದ್ಮಾವತಿ ಶೆಟ್ಟಿ, ಪ್ರತಿಭಾ ಕುಳಾಯಿ, ಪ್ರಮೋದ್ ಕುಮಾರ್ , ಹಸನಬ್ಬ ಮೊಕುಲು ಮಾತ ಇತ್ತೆರ್.ಮಾತೆರ್ಲ ಒಂಜಿ ನಿಮಿಷ ಮೌನ ಪ್ರಾರ್ಥನೆ ಮಲ್ತ್ ದ್ ಆಸ್ಕರ್ ಫೆರ್ನಾಂಡಿಸೆರ್ನ ಭಾವಚಿತ್ರೊಗು ಪುಷ್ಪಾರ್ಚನೆ ಮಲ್ತೆರ್.

ಹಳೆಯಂಗಡಿ ಪ್ರಿಯದರ್ಶಿನಿ ಸಹಕಾರ ಸಂಘೊಡು ಠಸೆ ಪೇಪರ್ ಮಾರುನ ವಿಭಾಗ, ನೆಫ್ಟ್, ಆರ್ ಟಿಜಿಎಸ್ ಸೇವೆ ಸುರು

ಹಳೆಯಂಗಡಿ : ದೇಶದ ಮಾಜಿ ಪ್ರಧಾನಿ ದಿ. ಇಂದಿರಾ ಪ್ರಿಯದರ್ಶಿನಿ ಮೆರೆನ ಪುದರ್ ಡ್ ಇಂಚೊಗು ಸುರುವಾಯಿನ ಪ್ರಿಯದರ್ಶಿನಿ ಸಹಕಾರ ಸಂಘೊಡು ಇ – ಸ್ಟ್ಯಾಂಪಿಂಗ್ (ಠಸೆ ಪೇಪರ್) ಮಾರುನ ವಿಭಾಗದ ಉದಿಪನ ಬೊಕ್ಕ ನೆಫ್ಟ್ , ಆರ್ ಟಿಜಿಎಸ್ ಸೇವೆ ಸನಿಯಾರೊರ್ದು ಸುರುವಾತ್ಂಡ್.ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಈ ಸೇವೆನ್ ಉದಿಪನ ಮಲ್ತೆರ್.
ಈ ಪೊರ್ತುಡು ಪಾತೆರಿನ ಆರ್, ದಿ. ರಾಜೀವ ಗಾಂಧಿಯೆರ್ನ ಕಾಲೊಡು ಕಂಪ್ಯೂಟರ್ ಕ್ರಾಂತಿ ಆಂಡ್. ಪ್ರತಿಪಕ್ಷದಕುಲು ಅವೆನ್ ವಿರೋಧ ಮಲ್ತೆರ್ಡಲ ದಿ.ರಾಜೀವ್ ಗಾಂಧಿಯೆರ್ ಕಂಪ್ಯೂಟರ್ ಯುಗ ಆರಂಭ ಮಲ್ತಿನೆರ್ದಾವರ ಇತ್ತೆ ಬ್ಯಾಂಕೆಲೆಡ್ ಸಾಮಾನ್ಯ ಜನೊಕ್ಲೆಗ್ ಲ ನೆಫ್ಟ್, ಆರ್ ಟಿಜಿಎಸ್ ದಂಚಿನ ಸವಲತ್ತು ತಿಕ್ಕೊಂದುಂಡು ಪಂಡೆರ್.

ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತಿನ ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್ ಪಾತೆರ್ದ್ ಒಂಜಿ ಕಾಲೊಡು ಬ್ಯಾಂಕ್ ದ ಸವಲತ್ತುಲು ಶ್ರೀಮಂತ ರೆಗ್ ಮಾತ್ರ ತಿಕ್ಕೊಂದಿತ್ತ್ಂಡ್ .ಆಂಡ ಇತ್ತೆ ಜನ ಸಾಮಾನ್ಯೆರ್ ಲ ಐತ ಪ್ರಯೋಜನ ಪಡೆವೊಂದುಲ್ಲೆರ್ ಪಂಡೆರ್.
ಯುವ ನಾಯಕೆ ಮಿಥುನ್ ರೈ, ಉದ್ಯಮಿ ಹರಿಓಂ ದ ಹರಿಶ್ಚಂದ್ರ ಕೆ. ಅಮೀನ್ , ಪ್ರಿಯದರ್ಶಿನಿ ಸಹಕಾರಿ ಸಂಘದ ಅಧ್ಯಕ್ಷೆರ್ ವಸಂತ ಬೆರ್ನಾಡ್, ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ಸಿಇಒ ಸುದರ್ಶನ್ ಪಂಜ ಮಿತ್ತರ್ಮೆಡ್ ಇತ್ತೆರ್.
ನಿರ್ದೇಶಕೆರಾಯಿನ ಡಾ.ಗಣೇಶ್ ಅಮೀನ್ ಸಂಕಮಾರ್, ಧನಂಜಯ ಮಟ್ಟು, ಗೌತಮ್ ಜೈನ್, ಶರತ್ ಶೆಟ್ಟಿ ಪಂಚವಟಿ, ಉಮಾನಾಥ್ ಜೆ.ಶೆಟ್ಟಿಗಾರ್, ಜೈಕೃಷ್ಣ ಕೋಟ್ಯಾನ್, ಗಣೇಶ್ ಪ್ರಸಾದ್ ದೇವಾಡಿಗ, ಧನರಾಜ್ ಕೋಟ್ಯಾನ್, ಮಿರ್ಜಾ ಅಹಮ್ಮದ್, ಚಿರಂಜೀವಿ ಅಂಚನ್, ಶೆರಿಲ್ ಐಯೋನ ಐಮನ್,ಹರೀಶ್ ಎನ್. ಪುತ್ರನ್ , ನವೀನ್ ಸಾಲ್ಯಾನ್ ಪಂಜ , ಸಂದೀಪ್ ಅಂಚೆನೇ ಸಂಘದ ಸಿಬ್ಬಂದಿನಕುಲು ಪಾಲ್ ಪಡೆದಿತ್ತೆರ್.ಸಿಇಒ ಸುದರ್ಶನ್ ಪಂಜ ಮಾತೆರೆನ್ಲ ಎದ್ಕೊಂಡೆರ್.ಡಾ.ಗಣೇಶ್ ಅಮೀನ್ ಸಂಕಮಾರ್ ಲೇಸ್ ಸುಧಾರಿಕೆ ಮಲ್ತೆರ್. ವಸಂತ ಬೆರ್ನಾಡ್ ಸೊಲ್ಮೆ ಸಂದಾಯೆರ್.