ಬೊಲ್ತೆರ್ ಸುದ್ದಿ | Belthangady News

ಕ್ಲಾಕ್ ಟವರ್ ಮಾರ್ಗಡ್ ಏಕಮುಖ ಸಂಚಾರ : ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್

ಕುಡ್ಲ : ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ ಕ್ಲಾಕ್ ಟವರ್ ವೃತ್ತ- ಎ.ಬಿ.ಶೆಟ್ಟಿ ವೃತ್ತ- ಹ್ಯಾಮಿಲ್ಟನ್ ವೃತ್ತ- ರಾವ್ ಆಯಂಡ್ ರಾವ್ ವೃತ್ತ- ಕ್ಲಾಕ್ ಟವರ್ ವೃತ್ತ ಮುಟ ಮಾರ್ಗನ್ ಏಕಮುಖ ಸಂಚಾರದ ಮಾರ್ಗ ಆದ್ ಮಾರ್ಪಡ್ ಮಲ್ತ್ ಕುಡ್ಲ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಗುರುವಾರ ಆದೇಶ ಕೊರ್ತೆರ್ .

ಕ್ಲಾಕ್ ಟವರ್ ಮಾರ್ಗರ್ದ್ ಎ.ಬಿ.ಶೆಟ್ಟಿ ವೃತ್ತ ಮುಟ ಪೋಪಿನ 550 ಮೀ. ಉದ್ದದ ಮೈದಾನ ಮಾರ್ಗ ಆದ್ ಏಕಮುಖ ಮಾರ್ಗ ಪಂದ್ ಘೋಷಣೆ ಮಲ್ದೆರ್ . ಈ ಮಾರ್ಗಡ್ ವಿರುದ್ಧ ದಿಕ್ಕುಡ್ ಬರ್ಪಿನ ಮಾತಾ ತರತ ಗಾಡಿದ ಸಂಚಾರನ್ ನಿಷೇಧ ಮಲ್ದೆರ್ . ಎ.ಬಿ. ಶೆಟ್ಟಿ ವೃತ್ತರ್ದ್ ಹ್ಯಾಮಿಲ್ಟನ್ ವೃತ್ತ ಮುಟ ಪೋಪಿನ 250 ಮೀಟರ್ ಉದ್ದದ ಮೈದಾನ ಮಾರ್ಗದ ಏಕಮುಖ ಮಾರ್ಗ ಪಂದ್ ಘೋಷಣೆ ಮಲ್ದೆರ್ .
ಈ ಆದೇಶದನ್ವಯ ಕೆಲವು ಮಾರ್ಗಡ್ ಏಕಮುಖ ಸಂಚಾರಗ್ ಅವಶ್ಯ ಉಪ್ಪುನ ಸೂಚನಾ ಫಲಕನ್ ಮಲ್ಪುನ ಕುರಿತು ಬೊಕ್ಕ ಆ ಆದೇಶ ಅನುಷ್ಠಾನ ಮಲ್ಪರೆ ಕುಡ್ಲ ಸಂಚಾರ ಉಪ ವಿಭಾಗದ ಸಹಾಯಕ ಪೊಲೀಸ್ ಆಯುಕ್ತೆರ್ ಕ್ರಮ ದೆತೊನೆರೆ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಆದೇಶಡ್ ತೆರಿಪಾದೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತುಲು ಲಿಪಿ ಪರೀಕ್ಷೆ

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತೇದಿ 19.09.2021 ಗ್ ನಡತಿನ ತುಲು ಬರವು ಕಜ್ಯಕೊಟ್ಯದ ಪರೀಕ್ಷೆಡ್ ಸೀನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು. ಕಡೀರ ಸ್ತಾನ(100 ಅಂಕೊ)ಪದ್ಮನಾಭ ಬೊಕ್ಕ ಅಕ್ಷಿತ್ ಶೆಟ್ಟಿ ಪಡೆತೆರ್.ರಡ್ಡನೇ ಸ್ತಾನ(99 ಅಂಕೊ)ನವೀನ ಪಡೆತೆರ್.

ಅಂಚನೇ ಮೂಜನೆ ಸ್ತಾನ(98 ಅಂಕೊ) ಕೀರ್ತನಾ ಕುಮಾರಿ ಟಿ,ಎಸ್ ಮಂಜುನಾಥ ತೆಂಕಿಲ್ಲಾಯ ಪಡೆತೆರ್.ಜೂನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು ಕಡೀರ ಸ್ತಾನ(99 ಅಂಕೊ) ಉಷಾ ದೇವಿ ಪಿ ಎಲ್ ಪಡೆತೆರ್.ರಡ್ಡನೇ ಸ್ತಾನ(98 ಅಂಕೊ)
ತನ್ವಿ ಅರುಣ್ ಕುಮಾರ್ .ಪರೀಕ್ಷೆಗ್ ವಿಟ್ಲ ಬೊಕ ಉಡುಪಿದ್ಲಾ ಬತ್ತುದ್ ಎಕ್ಸಾಮ್ ಬರೆತರ್..ಒಟ್ಟು 20 ಜನ ಮುಟ ಎಕ್ಸಾಮ್ ಬರೆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.ಹರಿಶ್ಚಂದ್ರ ಕುಂದರ್, ಗೀತಾ ಲಕ್ಷ್ಮೀಶ್ ಬೊಕ ರೇಷ್ಮಾ ವಸಂತ್ ಕಲ್ಪಾದಿಲು ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾಸ್ರೋಡು ರಿಕ್ಷಾಡ್ ಅಕ್ರಮ ಮಧ್ಯ ಸಾಗಾಟ : 1,050 ಬಾಟಲ್ ಪತ್ತೆ

ಕಾಸ್ರೋಡು : ಪೊಲೀಸ್ ತಪಾಸಣೆ ಪೊರ್ತುಡು ಈ ತಾದಿಯಾದ್ ಬತ್ತಿನ ರಿಕ್ಷಾಡ್ ರಿಕ್ಷಾ ಬುರ್ದು ಚಾಲಕ ಪರಾರಿಯಾಯಿನ ಘಟನೆ ಮಂಜೇಶ್ವರ ಠಾಣಾ ವ್ಯಾಪ್ತಿದ ಮೂಡಂಬೈಲ್ ಪಜಿಂಗಾರ್ಡ್ ನಡತುಂಡು .

ರಿಕ್ಷಾನ್ ತಪಾಸಣೆ ನಡಪಾನಗ 1,050 ಬಾಟಲ್ ಮದ್ಯ ಪತ್ತೆಯಾತುಂಡು . ಕರ್ನಾಟಕರ್ದ್ ಅಕ್ರಮ ಮದ್ಯ ಕೊನೊವೊಂದು ಉಲ್ಲೆರ್ ಪನ್ಪಿನ ಖಚಿತ ಮಾಹಿತಿ ದೊಟ್ಟುಗು ಮಂಜೇಶ್ವರ ಠಾಣಾ ಪೊಲೀಸೇರ್ ಮೂಡಂಬೈಲ್ ಕೈತಲ್ ಆಟೋ ರಿಕ್ಷಾನ್ ಉಂತಾಯೆರ್ ಸೂಚನೆ ಕೊರ್ತೆರ್ , ಉಲಯಿ ಸಾದಿಯಾಡ್ ಪರಾರಿಯಾನಗ ಪೊಲೀಸೇರ್ ಬೆರಿ ಪತ್ತ್ ದೆರ್ , ಪಜಿಂಗಾರ್ ಪನ್ಪಿನ ಜಾಗೆಡ್ ಆಟೋ ರಿಕ್ಷಾನ್ ಬುರ್ದು ಚಾಲಕ ಪರಾರಿಯಾತೆ.

ಪುತ್ತೂರು: ಲಾಡ್ಜ್ ಗ್ ದಾಳಿ ನಡಪಾಯಿನ ಪ್ರಕರಣ; ರಡ್ಡ್ ಹಿಂದೂ ಸಂಘಟನೆದ ಕಾರ್ಯಂತೆರ್ನ ಬಂಧನ

ಪುತ್ತೂರು: ಬೇತೆ ಜಾತಿದ ಪುರುಷೆರ್ನ ಒಟ್ಟುಗು ಪೊಂಜೊವ್ ಒರ್ತಿ ಲಾಡ್ಜ್ ಡ್ ಇತ್ತಿನ ಮಾಹಿತಿ ಪಡೆಯಿನ ಹಿಂದೂ ಜಾಗರಣ ವೇದಿಕೆ ಕಾರ್ಯಂತೆರ್ ಲಾಡ್ಜ್ ಗ್ ದಾಳಿ ಮಲ್ತ್ ಪೊಂಜೊವ್ ಬೊಕ್ಕಹಾಗೂ

ಆಲ್ನ ಒಟ್ಟುಗು ಇತ್ತಿನಕ್ಲೆನ ಮಿತ್ತ್ ದೌರ್ಜನ್ಯ ಮಲ್ತಿನ ದೂರು ದಾಖಲಾತುಂಡು . ಪುತ್ತೂರುದ ಬೈಪಾಸ್ ಮಾರ್ಗಡ್ ಉಪ್ಪುನ ಆಸ್ಮಿ ಲಾಡ್ಜ್(lodge) ಡ್ ಕರಿನ ರಡ್ಡ್ ದಿನರ್ದ್ ಬೆಂಗ್ಳೂರು ಮೂಲದ ರಾಜೇಶ್ವರಿ ಪನ್ಪಿನ ಮಹಿಳೆ ಸೆಪ್ಟೆಂಬರ್ 17 ಕ್ಕ್ ಬೆಂಗ್ಳೂರುಡು ಪುತ್ತೂರುಗು ಬೈದೆರ್ , ಸೆಪ್ಟಂಬರ್ 18 ಗ್ ಪುತ್ತೂರುಗು ಮುಟ್ಟುದು ಲಾಡ್ಜ್ ಡ್ ಇತ್ತೆರ್.

ಒಡಿಪುದ ಹಾಜಿ ಅಬ್ದುಲ್ಲಾ ಅಪ್ಪೆ ಬೊಕ್ಕ ಜೋಕ್ಲೆನ ಆಸ್ಪತ್ರೆನ್ ಸರಕಾರನೇ ತೂಯರೇ ಉಂಡು : ಆರೋಗ್ಯ ಸಚಿವ ಡಾ.ಸುಧಾಕರ್

ಬೆಂಗ್ಳೂರು: ಒಡಿಪುದ ಹಾಜಿ ಅಬ್ದುಲ್ಲಾ ಅಪ್ಪೆ ಬೊಕ್ಕ ಜೋಕ್ಲೆನ ಆಸ್ಪತ್ರೆನ್ ಸರಕಾರನೆ ನನ ದುಂಬುಗು ವ್ಯವಸ್ಥಿತವಾದ್ ಅಭಿವೃದ್ಧಿ ಮಲ್ತ್ ತೂಯರೇ ಉಂಡು ಪಂದ್ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸಚಿವೆರಾಯಿನ ಡಾ| ಕೆ. ಸುಧಾಕರ್‌ ಪಂಡೆರ್ .

ಒಡಿಪುದ ಶಾಸಕ ರಘುಪತಿ ಭಟ್‌ ಮೆರ್ನ ಪ್ರಶ್ನೆಗ್ ಉತ್ತರ ಕೊರಿನ ಸಚಿವೆರ್ ಆಸ್ಪತ್ರೆನ್ 70 ಹಾಸಿಗೆರ್ದ್ 200 ಹಾಸಿಗೆಗ್ ಜಾಸ್ತಿ ಮಲ್ತ್ ಅಭಿವೃದ್ಧಿ ಮಲ್ಪರೆ ಬಿ.ಆರ್‌.ಶೆಟ್ಟಿ ಸಂಸ್ಥೆದೊಟ್ಟುಗು ಒಪ್ಪಂದನ್ ಮಲ್ದೆರ್ . ಇತ್ತೆ ಸಂಸ್ಥೆದ ಗುರ್ಕಾರ್ಲಾಯಿನ ಬಿ.ಆರ್‌. ಶೆಟ್ಟಿ ಮೇರ್ ಆಸ್ಪತ್ರೆನ್ ಅಭಿವೃದ್ಧಿಮಲ್ಪರೆ ಸಾಧ್ಯ ಆಪುಜಿ ಪಂದ್ ಪಂತೆರ್.

Udupi’s Haji Abdullah to be run by mother and children’s hospital – Health Minister Dr Sudhakar

Bangalore: Haji Abdullah, mother and child hospital of Udupi, will be developed and maintained by the government in the future, Health and Family Welfare Minister Dr | K. Sudhakar said.

Responding to a query from Udupi MLA Raghupati Bhat, the minister said an agreement was reached with BR Shetty to develop the hospital from 70 beds to 200 beds. Now the head of the organization is BR. Shetty says she will not be able to develop the hospita

‘ಟವರ್ ಟ್ರೇಡಿಂಗ್’ ಚೈನ್‌ಲಿಂಕ್ ಮಾದರಿದ ಆ್ಯಪ್ ಮುಖೇನ ಲಕ್ಷ ಲಕ್ಷ ಬೆನ್ಪಿನ ಆಸೆ ಪುಟ್ಟಾದ್ ಜನಕ್ಲೆಗ್ ಡೋಂಗಿ

ಕಾರವಾರ : ‘ಟವರ್ ಟ್ರೇಡಿಂಗ್’ ಪನ್ಪಿನ ಗೂಗಲ್ ಪ್ಲೇ ಸ್ಟೋರ್‌ಡ್ ಉಪ್ಪುನ ಒಂಜಿ ಆಪ್. ಈ ಆಪ್ ಮುಖೇನ ಕ್ರಿಪ್ಟೋ ಕರೆನ್ಸಿಲಾಯಿನ ಬಿಟ್ ಕಾಯಿನ್, ಎಕ್ಸ್ ಆರ್ ಪಿ, ಇಥಿರಿಯಂ, ಡಾಗಿ ಕಾಯಿನ್ ಇಂಚ  ಕರೆನ್ಸಿಲೆನ್ ಖರೀದಿ ಮಲ್ತ್ ಕಾಸ್ ಹೂಡಿಕೆ ಮಲ್ತ್ ಲಕ್ಷ ಲಕ್ಷ ಬೆನೊಲಿ ಪಂದ್ ಆಸೆ ಪುಟ್ಟಾದೆರ್.

ಉಂದೆನ್ ನಂಬಿನ ಉತ್ತರ ಕನ್ನಡ ಜಿಲ್ಲೆದ ಜನಕುಲು ‘ಟವರ್ ಟ್ರೇಡಿಂಗ್’ ಆಪ್ ಡೌನ್‌ಲೌಡ್ ಮಲ್ತ್ ಸುರುಟು 5 ಸಾರ ರೂಪಾಯಿ ಇನ್ವೆಸ್ಟ್ ಮಲ್ದೆರ್ , ಇಂಚ 5 ಸಾವಿರ ಹೂಡಿಕೆ ಮಲ್ತಿನಕ್ಲೆಗ್ ಸುರುತ್ತೆ 8750 ರೂಪಾಯಿ ಅಕ್ಲೆನ ಖಾತೆಗ್ ಬತ್ದ್ ಇತ್ತುಂಡು ಐರ್ದ್ ಬೊಕ್ಕ ವಾಟ್ಸಾಪ್ ಗ್ರೂಪ್ ಮಲ್ತ್ ಅವು ಚೈನ್ ಲಿಂಕ್ ರೀತಿ ಬುಲೆವೊಂದು ಪೋತುಂಡು.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಿ ದೇವಸ್ಥಾನದ ಸ್ವರ್ಣ ಕಳಶ ನಿರ್ಮಾಣ ಸಮಿತಿದ ಕುಂದಾಪುರ ವಲಯದ ಸಭೆ

ಕುಂದಾಪುರ :ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಸ್ವರ್ಣ ಕಳಶ ನಿರ್ಮಾಣ ಸಮಿತಿದ ಕುಂದಾಪುರ ವಲಯದ ಸಭೆ ಕುಂದಾಪುರ ವಲಯದ ಗುರ್ಕಾರ್ಲಾಯಿನ ಶ್ರೀ ಉದಯ ಕುಮಾರ್ ಹಟ್ಟಂಗಡಿ ಮೆರೆನ ಗುರ್ಕಾರ್ಮೆಡ್ ಕುಂದಾಪುರದ ಹೆಮ್ಮಾಡಿ ಮೀನುಗಾರರ ಸಹಕಾರಿ ಸಂಘದ ಮತ್ಸ್ಯ ಜ್ಯೋತಿ ಸಭಾಂಗಣಡ್ ನಡತುಂಡು. ಕೇಂದ್ರೀಯ ಮಂಡಳಿದ ಗುರ್ಕಾರ್ಲಾಯಿನ ಶ್ರೀ ಮನೋಜ್ ಸಾಲ್ಯಾನ್ ಉಳ್ಳಾಲ ಮೇರ್ ಸಭೆಕ್ ಸ್ವರ್ಣ ಕಳಶ ನಿರ್ಮಾಣದ ಸಂಪೂರ್ಣ ಮಾಹಿತಿನ್ ‌ಕೊರಿಯೆರ್ .

ಕೇಂದ್ರೀಯ ಮಂಡಳಿದ ಪ್ರಧಾನ ಕಾರ್ಯಂತೆರಾಯಿನ ಶ್ರೀ ಶಿವರಾಮ್ ಕೆ ಎಂ ಮೇರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ ಅಂಚನೇ ಮಾತಾ ವಲಯದ ಸಮಿತಿ ಸದಸಯೆರ್ನ ಸಾಕಾರ ಕೇಂಡೆರ್ . ಈ ಸಭೆಟ್ ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾಯಿನ ಶ್ರೀ ಜಯ ಸಿ ಕೋಟ್ಯಾನ್, ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ಶ್ರೀ ಗುಂಡು ಅಮೀನ್,ಕ್ಷೇತ್ರಾಡಳಿತ ಗುರ್ಕಾರ್ಲಾಯಿನ ಶ್ರೀ ವಾಸುದೇವ ಸಾಲ್ಯಾನ್, ಮೊಗವೀರ ಸಮಾಜದ ಪೆರಿಯೆರಾಯಿನ ಶ್ರೀ ಸದಾನಂದ ಬಂಗೇರ ಉಳ್ಳಾಲ, ಕೇಂದ್ರೀಯ ಮಂಡಳಿದ ಪ್ರಧಾನ ಸಂಚಾಲಕೆರಾಯಿನ ಶ್ರೀ ವಿನಯ್ ಕರ್ಕೇರ ಮಲ್ಪೆ, ಕುಡ್ಲ ವಲಯ ಗುರ್ಕಾರ್ಲಾಯಿನ ಶ್ರೀ ದಯಾನಂದ ಬಂಗೇರ ಉಳ್ಳಾಲ, ಬಗ್ವಾಡಿ ‌ಹೋಬಳಿ ಪ್ರಮುಖೆರಾಯಿನ ಶ್ರೀ ಕೆ ಕೆ ಕಾಂಚನ್, ಹಿರಿಯಣ್ಣ,ಎಂ ಎಂ ಸುವರ್ಣ, ಜಗದೀಶ್ ಬೊಕ್ಕ ಕುಂದಾಪುರ ವಲಯದ ಮಾತಾ ಸಮಿತಿದ ಪದುಕೆರ್ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್.