ತುಳುನಾಡ್ದ ಸ್ಯಾಮ್ಸಂಗ್ ಡಿಸ್ಟ್ರಿಬ್ಯೂಟರ್ಸ್ ಮುತಾಲಿಕೆಡ್ ಮಿಥುನ್ ಅತಿಕಾರಿ ಬೊಕ್ಕ ಪ್ರಕಾಶ್ ಗ್ ಮಾನಾದಿಗೆ
ತುಳುನಾಡ್ದ ಸ್ಯಾಮ್ಸಂಗ್ ಡಿಸ್ಟ್ರಿಬ್ಯೂಟರ್ಸ್ ಮುತಾಲಿಕೆಡ್ 4 ವರ್ಸ ಮಲ್ತಿನ ಸೇವೆಗ್ ವಿದಾಯ ಪಂಡಿನ ಏರಿಯಾ ಬಿಸಿನೆಸ್ ಮ್ಯಾನೇಜರ್ ಮಿಥುನ್ ಅತಿಕಾರಿ ಅಂಚೆನೆ ಟೀಮ್ ಲೀಡರ್ ಪ್ರಕಾಶ್ ಮೇರೆಗ್ ಮಾನಾದಿಗೆ ಮಲ್ಪು ಲೇಸ್ ಇಂಚೊಗು ನಡತ್ಂಡ್.
ಲೇಸ್ಡ್ ಪಾತೆರಿನ ಮಿಥುನ್ ಅತಿಕಾರಿ ಮೇರ್ 4 ವರ್ಸದ ಅನುಭವನ್ ನೆಂಪು ಮಲ್ತ್ದ್ ಅವೆನ್ ಮಾರ್ತೆಡಲ ಪಂಡೆರ್. ಮಾತ ಡಿಸ್ಟ್ರಿಬ್ಯೂಟರ್ ನಕ್ಲೆಗ್ ಸೊಲ್ಮೆ ಸಂದೈತ ಮಲ್ತೆರ್.
ಲೇಸ್ಡ್ ವೆಸ್ಟ್ ಕೋಸ್ಟ್ದ ಮಾಲಕೆರ್ ಖಾದರ್ ಹಾರೂನ್, ಚಂದನ್ ಟ್ರೇಡರ್ಸ್ದ ಮಾಲಕೆರ್ ಶ್ರೀಕಾಂತ್ ಭಟ್, ಬ್ರಾಂಡ್ಸ್ ಎಂಟರ್ಪ್ರೈಸಸ್ದ ಮಾಲಕೆರ್ ಫವಾಸ್ ಹುಸೈನ್, ಕಲ್ಲಾರಿ ಕಮ್ಯುನಿಕೇಷನ್ದ ಮಾಲಕೆರ್ ಜಗದೀಶ್ ಆಚಾರ್ಯ, ವಿಜಯಲಕ್ಷ್ಮಿ ಎಂಟರ್ಪ್ರೈಸಸ್ದ ಮಾಲಕೆರ್ ಪ್ರಶಾಂತ್ ಶೆಣೈ,ಸನ್ ಶೈನ್ ಟ್ರೇಡರ್ಸ್ದ ಮಾಲಕೆರ್ ಶೇರಾಜ್ ಹುಸೈನ್, ಶೈನ್ ಎಂಟರ್ಪ್ರೈಸಸ್ದ ಮಾಲಕೆರ್ ಶಮೀಮ್, ಸೇಲ್ಸ್ ಆಫೀಸರ್, ಏರಿಯಾ ಸೇಲ್ಸ್ ಮ್ಯಾನೇಜರ್ ಇತ್ತೆರ್. ಜಗದೀಶ್ ಆಚಾರ್ಯ ಕಲ್ಲಾರಿ ಬತ್ತಿನ ಬಿನ್ನೆರೆನ್ ಎದ್ಕೊಂದು ಸೊಲ್ಮೆ ಸಂದೈತ ಮಲ್ತೆರ್.
