ಬೊಲ್ತೆರ್ ಸುದ್ದಿ | Belthangady News

ಪ್ರವಾಹ ಸಂತ್ರಸ್ತೆರೆಗ್ ಸೂಕ್ತ ಪರಿಹಾರ – ಸಿಎಂ ಬಿಎಸ್‌ವೈ

ಬೆಳಗಾವಿ, ಜುಲೈ 26: ಬರ್ಸ ಬತ್ತಿನೆರ್ದವರ ಪ್ರವಾಹರ್ದ್ ಭಾಧಿತ ಆಯಿನ ಹಿರಣ್ಯಕೇಶಿ ನದಿಪಾತ್ರದ ಬೇತೆ ಬೇತೆ ಜಾಗೆಗ್ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಮೇರ್ ಐತಾರ ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .

ಕರಿನ ಒಂಜಿ ವಾರರ್ದ್ ಮಹಾರಾಷ್ಟ್ರ ರಾಜ್ಯ ಬೊಕ್ಕ ಜಿಲ್ಲೆಡ್ ವ್ಯಾಪಕವಾದ್ ಬರ್ಸ ಬರೊಂದು ಉಂಡು , ಜಿಲ್ಲೆದ ಸಪ್ತ ನದಿಟ್ ಬೊಕ್ಕ ಬೆಳಗಾವಿ ಕೈತಲ್ ದ ಬಳ್ಳಾರಿ ನಾಲಾಡ್ ನೀರ್ದ ಹರಿವುಹೆಚ್ಚಾಗಿ
ಜಾಸ್ತಿ ಆದ್ ಅಕ್ಕಪಕ್ಕದ ಕೆಲವು ಗ್ರಾಮ ಜಲಾವೃತ ಆತುಂಡು.

ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ ಬಂಗಾರ್ದ ಪದಕ ಗೆಂದಿನ ಭಾರತದ ಪ್ರಿಯಾ ಮಲಿಕ್

ಟೋಕಿಯೋ, ಜುಲೈ 25: ಭಾರತದ ಕುಸ್ತಿ ಪಟು ಪ್ರಿಯಾ ಮಲಿಕ್ (Priya Malik) ಮೇರ್ ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ (World Cadet Wrestling Championship) ಬಂಗಾರ್ದ ಪದಕ ಗೆಂದ್ ದೆರ್ . ಪೊಂಜೊವ್ಲೆನ 73 ಕೆಜಿ ವಿಭಾಗಡ್ ಸ್ಪರ್ದೆ ಮಲ್ತಿನ ಪ್ರಿಯಾ ಮಲಿಕ್, ಅಧಿಕಾರಯುತ ಪ್ರದರ್ಶನ ಕೊರ್ಪಿನ ಮುಖೇನ ಬೆಲರೂಸ್‌ನ ಸೆನಿಯಾ ಪಟಾಪೊವಿಚ್‌ ಮೆರೆನ್ 5-0 ಅಂತರಡ್ ಸೋಪಾದ್ ಪದಕ ಗೆಂದ್ ದೆರ್ .

ಟೋಕಿಯೋ ಒಲಿಂಪಿಕ್ಸ್ ಡ್ ಮೀರಾ ಬಾಯ್ ಚಾನು ಶನಿವಾರ ವೆಯ್ಟ್ ಲಿಫ್ಟಿಂಗ್ ಪಂಥಡ್ ಬೆಳ್ಳಿ ಪದಕ ಪಡೆತೇರ್ . ಅವ್ವಯಿನ ಮನದಾನಿಯೇ ಪ್ರಿಯಾ ಮಲಿಕ್ ಮೇರ್ ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ ಬಂಗಾರ್ ದ ಪದಕ ಗೆಂದಿನ ಭಾರತಕಗ್ ಪೆರ್ಮೆದ ಹೆಮ್ಮೆಯ ಸಂಗತಿಯಾತುಂಡು .

ಆಸ್ಕರ್ ಅರೋಗ್ಯ ವಿಚಾರಣೆ ಮಲ್ತಿನ ವೀರೇಂದ್ರ ಹೆಗಡೆ ಬೊಕ ಅದಮಾರು ಶ್ರೀ

ಕುಡ್ಲ : ಪೇಂಟೆದ ಯೇನೆಪೋಯ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಪ್ಪುನ ಹಿರಿಯ ರಾಜಕಾರಣಿ, ರಾಜ್ಯಸಭಾ ಸದಸ್ಯ ಆಸ್ಕರ್ ಫರ್ನಾಂಡಿಸ್‌ ಮೆರೆನ್ ಶನಿವಾರ ಭೇಟಿ ಮಲ್ತಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆ ಮೇರ್ ಆಸ್ಕರ್ ಫರ್ನಾಂಡಿಸ್‌ ಮೆರ್ನ ಯೋಗಕ್ಷೇಮ ವಿಚಾರಣೆ ಮಲ್ತೆರ್.

ಈ ಪೊರ್ತುಡು ಮಾಜಿ ಸಚಿವ ಬಿ.ರಮಾನಾಥ ರೈ, ವಿನಯ ಕುಮಾರ್ ಸೊರಕೆ, ಪಕ್ಷದ ಮುಖಂಡೆರಾಯಿನ ಎಂ.ಎ.ಗಫೂರ್, ಶಶಿಧರ ಹೆಗ್ಡೆ ಇತ್ತೆರ್ .

ಅದಮಾರು ಶ್ರೀ ಭೇಟಿ: ಪರ್ಯಾಯ ಅದಮಾರು ಮಠದ ಪೆರಿಯ ಯತಿಲಾಯಿನ ವಿಶ್ವಪ್ರಿಯ ತೀರ್ಥರು ಶನಿವಾರ ಆಸ್ಪತ್ರೆಗ್ ಭೇಟಿ ಕೊರಿಯೆರ್ .

ಬಲ್ಮಠ ನಜರೆತ್ ಶಾಲೆ : ಶಾಲಾ ಮಂತ್ರಿ ಮಂಡಲದ ಪ್ರಮಾಣ ವಚನ ಸ್ವೀಕಾರ

ಕುಡ್ಲ, ಜುಲೈ 25: ಜೋಕುಲು ಭರವಸೆನ್ ಕಲೆಯoದೆ , ಸಕರಾತ್ಮಕ ಮನಸ್ಥಿತಿಟ್ ಉಪ್ಪೊಡು ಪಂದ್ ಒಡಿಪುದ ಫಾ. ರಿಚರ್ಡ್ ಕ್ವಾಡ್ರಸ್ ಪಂಡೆರ್ .

ಬಲ್ಮಠದ ನಜರೆತ್ ಶಾಲೆಡ್ ಬುಧವಾರ ನಡತಿನ ಪ್ರಸಕ್ತ ಸಾಲ್ದ ಶಾಲಾ ಮಂತ್ರಿ ಮಂಡಲದ ಪ್ರಮಾಣ ವಚನ ಸ್ವೀಕಾರ ಲೇಸ್ ದ ಮಲ್ಲ ಬಿನ್ನೆರ್ ಆದ್ ಪಾತೆರಿಯೆರ್.

ಫಾ. ರಿಚರ್ಡ್ ಕ್ವಾಡ್ರಸ್, ಶಾಲಾ ಸಂಚಾಲಕ ಸಿ. ಮಾರ್ಸೆಲಿನ್ ಡಿಸೋಜ, ಮುಖ್ಯ ಶಿಕ್ಷಕಿ ಸಿ. ಮಾರಿಯೆಟ್ ಡಿಕುನ್ಹಾ, ಶಾಲಾ ವಿದ್ಯಾರ್ಥಿ ನಾಯಕ ಫರ್ಹಾನ್, ನಾಯಕಿ ಪ್ರೇಕ್ಷಾ ತುಡರ್ ಅರ್ಲಾಯೆರ್. ಮುಖ್ಯ ಶಿಕ್ಷಕಿ ಸಿ. ಮಾರಿಯೆಟ್ ಡಿಕುನ್ಹಾ ಪ್ರಮಾಣ ವಚನ ಬೋಧನೆ ಮಲ್ತೆರ್ ..

ಎಲ್ಲೆರ್ದ್ ಪದವಿ ಕಾಲೇಜು ಸುರು : ಸುರುತ ಡೋಸ್ ವ್ಯಾಕ್ಸಿನ್ ಕಡ್ಡಾಯ

ಬೆಂಗ್ಳೂರು, ಜುಲೈ 25: ರಾಜ್ಯೊಡು ಎಲ್ಲೆರ್ದ್ ಪದವಿ ಕಾಲೇಜುಡು ಭೌತಿಕ ತರಗತಿಲು ಸುರು ಆಯರೇ ಉಂಡು , ಕಾಲೇಜ್ ಗ್ ಬರ್ಪಿನ ಜೋಕುಲು ಕನಿಷ್ಠ 1 ಡೋಸ್ ಲಸಿಕೆ ಪಡೆದಿಪ್ಪೊಡು.

ಉನ್ನತ ಶಿಕ್ಷಣ ಕೋರ್ಸ್‌ ಕಲ್ತೊಂದು ವ್ಯಾಸಂಗ ಮಲ್ತೊಂದು ಉಪ್ಪುನ ಶೇಕಡ.75 ದಾತ್ ಜೋಕ್ಲೆಗ್ ಲಸಿಕೆ ಪಾರ್ದಿನೆರ್ದಾವರ 26 ರ್ದೇ ಭೌತಿಕ ತರಗತಿಲೆನ್ ಸುರು ಮಲ್ಪುವ ಪಂದ್ ರಾಜ್ಯ ಸರ್ಕಾರ ತೆರಿಪಾದುಂಡು .

ಕಲ್ಲಾಪು “ಗ್ಲೋಬಲ್ ಕಮರ್ಶಿಯಲ್ ಸೆಂಟರ್” ಮಾರುಕಟ್ಟೆ ಉದಿಪನ

ಕುಡ್ಲ, ಜುಲೈ 25: ರೈತೆರೆಗ್ , ಜನಸಾಮಾನ್ಯೆರೆಗ್ ಅನುಕೂಲವಾಯಿನ ವಿಶ್ವಗ್ ಮಾದರಿಯಾಯಿನ್ ವಿಶೇಷ ಮಾರುಕಟ್ಟೆಯಾದ್ ಗ್ಲೋಬಲ್ ಕಮರ್ಷಿಯಲ್ ಸೆಂಟರ್ ಅಭಿವೃದ್ಧಿ ಆವಡ್ ಪಂದ್ ಶಾಸಕ ಬೊಕ್ಕ ಮಾಜಿ ಸಚಿವ ಯು.ಟಿ.ಖಾದರ್ ಪಂಡೆರ್ .

ಕಲ್ಲಾಪು ರಾಷ್ಟ್ರೀಯ ಹೆದ್ದಾರಿ 66 ದ ಕೈತಳ್ ಕಟ್ಟಿನ ಗೋಬಲ್ ಕಮರ್ಷಿಯಲ್ ಸೆಂಟರ್ ಸಗಟು ಮಳಿಗೆದ ವಿಭಾಗನ್ ಉದಿಪನ ಮಲ್ತ್ ಸಮಾರಂಭದ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.