ಬೊಲ್ತೆರ್ ಸುದ್ದಿ | Belthangady News

ಬ್ರಹ್ಮ ಶ್ರೀ ನಾರಾಯಣ ಗುರುಕ್ಲೆನ ತತ್ವ ಸಿದ್ಧಾಂತನ್ ಮೈಗೂಡಾದ್ ಜಾತ್ಯತೀತ ಮನೋಭಾವನೆರ್ದ್ ಬೇಲೆ ಮಲ್ಪುಲೇ : ಶಕುಂತಲಾ ಟಿ ಶೆಟ್ಟಿ

ಪುತ್ತೂರು : ಪುತ್ತೂರು ಬ್ಲಾಕ್ ಯುವ ಕಾಂಗ್ರೆಸ್ ಘಟಕ, ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಅಟ್ಟನೆ ಮಲ್ತಿನ ಲೇಸ್ ಡ್ ಕೊರೋನ ಪೊರ್ತುಡು ಬೇಲೆ ಮಲ್ತಿನ ಕಾಂಗ್ರೆಸ್ ಕೊರೋನ ವಾರಿಯರ್ಸ್ಲೆಗ್ ಮಾನದಿಗೆ ಮಲ್ತ್ ಪಾತೆರಿನ ಮಾಜಿ ಶಾಸಕಿ ಶ್ರೀಮತಿ ಶಕುಂತಲಾ ಟಿ ಶೆಟ್ಟಿ ಮೇರ್ ಯುವ ಕಾಂಗ್ರೆಸ್ದ ಜವಣ್ಯೆರ್ ಬ್ರಹ್ಮ ಶ್ರೀ ನಾರಾಯಣ ಗುರುಕ್ಲೆನ ತತ್ವ ಸಿದ್ಧಾಂತನ್ ಮೈಗೂಡಾದ್ ಜಾತ್ಯತೀತ ಮಾನೋಭಾವನೆ ದೀದ್ ಸಮಾಜದ ಬೇಲೆ ಮಲ್ಪೋಡು ಪಂದ್ ಪಂಡೆರ್, ದೇಶ ಕಟ್ಟುನ ಮಹತ್ತರ ಜವಾಬ್ದಾರಿ ಜವಣ್ಯೆರ್ನ ಮಿತ್ತ್ ಉಂಡು , ಸಾಮಾಜಿಕ ಪಿಡುಗುದ ಬಗ್ಗೆ ಅಂಚನೇ ಕೋಮು ವಿದ್ವೇಷನ್ ಪಸಾರಾದ್ ಶಾಂತಿ ಸಾಮರಸ್ಯನ್ ಹಾಳ್ ಮಲ್ತೊಂದು ಉಪ್ಪುನ ಕೆಲವು ಶಕ್ತಿದ ವಿರುದ್ಧ ಜನಕ್ಲೆಗ್ ಜಾಗೃತಿ ಮೂಡಾವುನ ಬೇಲೆ ಯುವ ಸಮುದಾಯರ್ದ್ ಆವೊಡು ಪಂದ್ ಪಂಡೆರ್.

ಮಾಜಿ ಬ್ಲಾಕ್ ಗುರ್ಕಾರ್ಲಾಯಿನ ಹೇಮಾನಾಥ್ ಶೆಟ್ಟಿ ಪಾತೆರ್ದ್ ಓಟು ಬರ್ಪಿನ ಪೊರ್ತುಡು ಬಿಜೆಪಿ ಬೊಕ್ಕ SDPI ದಕ್ಲೆನ ಜುಗಲ್ ಬಂದಿ ಶುರು ಆಪುಂಡು , ಈ ರಡ್ಡ್ ರಾಜಕೀಯ ಪಕ್ಷದ ಅಜೆಂಡಾ ಒಂಜೇ ಆತುಂಡು ಅವು ಕಾಂಗ್ರೆಸ್ ನ್ ಸೋಪಾವುನ , ಯುವ ಕಾಂಗ್ರೆಸ್ ದಕುಲು ಈ ರಡ್ಡ್ ರಾಜಕೀಯ ಪಕ್ಷದ ಹಿಡನ್ ಅಜೆಂಡಾದ ಬಗ್ಗೆ ಜನಕ್ಲೆಗ್ ಪನ್ಪಿನ ಬೇಲೆ ಮಲ್ಪೋಡು ಪಂದ್ ಪಂಡೆರ್.

,ಈ ಲೇಸ್ ಡ್ ಜಿಲ್ಲಾ ಕಾಂಗ್ರೆಸ್ ಪ್ರದಾನ ಕಾರ್ಯಂತೆರಾಯಿನ ಮುರಳೀಧರ ರೈ ಮಠOದಬೆಟ್ಟು , ಮಾಜಿ ಜಿಪ ಸದಸ್ಯೆಅನಿತಾ ಹೇಮಾನಾಥ್ ಶೆಟ್ಟಿಸಭೆನ್ ಉದ್ದೇಶಿಸಾದ್ ಪಾತೆರಿಯೆರ್,

ಈ ಸಭೆಟ್ ಮಾಜಿ ತಾಲೂಕು ಪಂಚಾಯತ್ ಸದಸ್ಯ ಪರಮೇಶ್ವರ ಭಂಡಾರಿ, ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಚ್ ಮಹಮ್ಮದ್ ಆಲಿ, ಬ್ಲಾಕ್ ಅಲ್ಪ ಸಂಖ್ಯಾತ ಘಟಕದ ಗುರ್ಕಾರ್ಲಾಯಿನ ವಿ ಎಚ್ ಎ ಶಕೂರ್ ಹಾಜಿ, ಬ್ಲಾಕ್ ಕಾರ್ಮಿಕ ಘಟಕದ ಗುರ್ಕಾರ್ಲಾಯಿನ ಶರೊನ್ ಸಿಕ್ವೆರಾ, ಜಿಲ್ಲಾ ಕಾಂಗ್ರೆಸ್ ಕಾರ್ಯಂತೆರಾಯಿನ ಯಾಕೂಬು ಹಾಜಿ ದರ್ಬೆ, ಮಾಜಿ ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಲ್ಯಾನ್ಸಿ ಮಸ್ಕೇರೇನಸ್, ಸೂತ್ರಬೆಟ್ಟು ಜಗನ್ನಾಥ ರೈ, ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವಿಭಾಗದ ಪ್ರದಾನ ಕಾರ್ಯಂತೆರಾಯಿನ ನಾರಾಯಣ ನಾಯಕ್, ನಗರ ಸಭಾ ಸದಸ್ಯ ರೋಬಿನ್ ತಾವ್ರೋ, ಮಾಜಿ ಸದಸ್ಯ ಅನ್ವರ್ ಕಾಸಿಂ, ಬ್ಲಾಕ್ ಕಾರ್ಯಂತೆರಾಯಿನ ಮನ ಮೋಹನ್ ರೈ, ಸಿರಿಲ್ ರೋಡ್ರಿಗಸ್, ರೋಷನ್ ರೈ ಬನ್ನೂರು, ರಾಜ್ಯ NSUI ನ ಸಂಯೋಜಕೆರಾಯಿನ ಜೈನುದ್ದಿನ್ ಅತೂರು ,ನಿಸು ದ ಪುತ್ತೂರು ಉಸ್ತುವಾರಿ ಬಾತೀಶ ಅಳಕೆಮಜಲು ಜಿಲ್ಲಾ NSUI ನ ಕಾರ್ಯಂತೆರಾಯಿನ ಲಸ್ಟರ್ ಪಿಂಟೋ, ಸೇವಾದಳದ ಜಿಲ್ಲಾ ಪ್ರತಿನಿಧಿ ಸಿದ್ದಿಕ್ ಸುಲ್ತಾನ್ ಕೂಡು ರಸ್ತೆ, ಕಾರ್ಮಿಕ ಘಟಕದ ಜಿಲ್ಲಾ ಪದಾಧಿಕಾರಿ ಅಬೂಬಕ್ಕರ್ ಮುಲಾರ್, ಅರ್ಯಾಪು ಪಂಚಾಯತ್ ಸದಸ್ಯ ನೇಮಾಕ್ಷ ಸುವರ್ಣ,ರಶೀದ್ ಪಾಲ್ ಪಡೆದಿತ್ತೆರ್.

ತಾಲಿಬಾನ್ ದಾಳಿ ಮಲ್ಪುನ ಸಾಧ್ಯತೆ : ಕಾಬೂಲ್ ವಿಮಾನ ನಿಲ್ದಾಣರ್ಡ್ ದೂರ ಉಪ್ಪುಲೆ : ಅಮೇರಿಕ

ವಾಷಿಂಗ್ಟನ್ : ಅಫ್ಗಾನಿಸ್ತಾನನ್ ತಾಲಿಬಾನ್ ಉಗ್ರ ಪಡೆ ವಶಕ್ ದೆತೊoಡಿ ಬೊಕ್ಕ ಅಲ್ಪ ತಾಲಿಬಾನ್ ನಡಪಾವೊಂದು ಉಪ್ಪುನ ಬೇನೆ ನ್ ಸಹಿಸರೆ ಸಾಧ್ಯ ಆವಂದೆ ಅಲ್ಪ ಇತ್ತಿನ ವಿದೇಶಿಲು ಅಫ್ಗಾನ್ ಬುರ್ದು ಪೋಯೆರೆ ಅಮಸರ ಮಲ್ತೊಂದು ಉಲ್ಲೆರ್,ಅವ್ವೆತೋ ಜನ ಕಾಬೂಲ್ ವಿಮಾನ ನಿಲ್ದಾಣಗ್ ಪೋವೊಂದು ಉಲ್ಲೆರ್.ಈ ನಡುಟು ಅಮೆರಿಕಾ ಅಪಾಯದ ಎಚ್ಚರಿಕೆನ್ ಕೊರ್ತುಂಡು , ಕಾಬೂಲ್ ವಿಮಾನ ನಿಲ್ದಾಣರ್ದ್ ದೂರ ಉಪ್ಪುಲೆ ಪಂದ್ ನಾಗರಿಕೆರೆಗ್ ಸೂಚನೆ ಕೊರ್ತುಂಡು ಪಂದ್ ಸುದ್ದಿ ಸಂಸ್ಥೆಲು ವರದಿ ಕೊರ್ತುಂಡು.

ಹುಷಾರ್ದಾಂತೆ ತೀರ್ ಪೋಯಿನ ಪೆರಿಯ ಪತ್ರಕರ್ತ ಬೊಕ್ಕ ರಂಗಕರ್ಮಿ ಗುಡಿಹಳ್ಳಿ ನಾಗರಾಜ್‌

ಬೆಂಗ್ ಳೂರು: ಹುಷಾರ್ ದಾಂತೆ ಇತ್ತಿನ ಪೆರಿಯ ಪತ್ರಕರ್ತ ಬೊಕ್ಕ ರಂಗಕರ್ಮಿ ಗುಡಿಹಳ್ಳಿ ನಾಗರಾಜ್‌ (67) ಮೇರ್ ಗುರುವಾರ ತೀರ್ ಪೋಯೆರ್ . ಮೇರ್ , ಬೊಡೆದಿ ಬೊಕ್ಕ ರಡ್ಡ್ ಆಣ್ ಜೋಕ್ಲೆನೆರ್ದ್ ದೂರ ಆತೆರ್ .ಶುಕ್ರವಾರ ಕಾಂಡೆ 8 ಗಂಟೆಗ್ ಅಂತಿಮ ದರ್ಶನಗ್ ಅವಕಾಶ ಕೊರ್ತೆರ್.

ಉತ್ತರಾಖಂಡ್ದ ಬ್ರಾಂಡ್ ಅಂಬಾಸಿಡರ್ ಆಯಿನ ಇಂಡಿಯನ್ ಐಡಲ್ದ ವಿನ್ನರ್ ಪವನ್ ದೀಪ್ ರಾಜನ್

ನವದೆಹಲಿ: ಇಂಡಿಯನ್ ಐಡಲ್ದ 12ನೇ ಆವೃತ್ತಿದ ರಿಯಾಲಿಟಿ ಶೋದ ವಿನ್ನರ್ ಪವನ್ ದೀಪ್ ರಾಜನ್ ಮೆರೆನ್ ಉತ್ತರಾಖಂಡ್ದ ಕಲೆ, ಪ್ರವಾಸೋದ್ಯಮ ಬೊಕ್ಕ ಸಂಸ್ಕೃತಿದ ಬ್ರಾಂಡ್ ಅಂಬಾಸಿಡರ್ ಆದ್ ನೇಮಕ ಮಲ್ದೆರ್ ಪಂದ್ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಪಂಡೆರ್.

ಪವನ್ ದೀಪ್ ರಾಜನ್ ಕೋಡೆ ಮುಖ್ಯಮಂತ್ರಿ ಪುಷ್ಕರ್ ಮೆರ್ನ ಇಲ್ಲಡ್ ಭೇಟಿ ಆದ್ ಪಾತೆರಕತೆ ನಡಪಾಯಿ ಬೊಕ್ಕ ಈ ಘೋಷಣೆ ಮಲ್ತೆರ್.

ಜೈ ತುಲುನಾಡ್(ರಿ.) ವತಿರ್ದ್ ನಡೆತಿನ‌ ಆನ್ಲೈನ್ ತುಲು ಲಿಪಿ ಪರೀಕ್ಷೆದ ಫಲಿತಾಂಶ

ಕುಡ್ಲ : ಜೂನ್ 20 ತಾರೀಕ್‌ಗ್ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್(ರಿ) ಒಟ್ಟು ಸೇರಿಗೆಡ್ ಆನ್ಲೈನ್ ಮುಖೇನ ನಡತಿನ ತುಲು ಲಿಪಿ ಪರೀಕ್ಷೆಡ್ 400 ಜನ ನೋoದಣಿ ಮಲ್ತ್‌ದ್, 375 ಜನ ಪರೀಕ್ಷೆ ಬರೆದ್ ಪಾಸ್ ಆತೆರ್. ಆನ್ಲೈನ್ ಮುಖೇನ ಪರೀಕ್ಷೆ ನಡತುಂಡಲ ಬಾರಿ ಕಟ್ಟ್ ನಿಟ್ಟಾದ್ ಎಡ್ಡೆ ರೀತಿಡ್ ಜೈ ತುಲುನಾಡ್(ರಿ) ಸಂಘಟನೆದಕುಲು ಪರೀಕ್ಷೆ ನಡಪಾಯೆರ್.ಪರೀಕ್ಷೆ ಬರೆದ್ ಸುರುತ ಮೂಜಿ ಸ್ಥಾನ ಬತ್ತಿನ ಫಲಿತಾಂಶ ನ್ ಸುಮಂತ್ ಪೂಜಾರಿ ಹೆಬ್ರಿ , ಬನಶ್ರೀ ಕಲ್ಮಾಡಿ , ಪ್ರಶಾಂತ್ ಪೂಜಾರಿ ಅಂಚನೇ ಪೃಥ್ವಿ ತುಲುವೆ ಆಗಸ್ಟ್ 27ಕ್ ರಾತ್ರೆ 8:00 ಗಂಟೆಗ್ ಪ್ರಕಟ ಮಲ್ತೆರ್.

ಈ ಪರೀಕ್ಷೆಗ್ ಮಾತಾ ರೀತಿಡ್ ಸಾಕಾರ ಕೊರಿನ ತುಲು ಲಿಪಿ ಕಮಿಟಿ ಗ್ ಅಂಚನೇ ಲಿಪಿ ಕಲ್ಪಯಿನ ಕಲ್ಪಾದಿನಗೆಲೆ (ಲಿಪಿ ಟೀಚರ್) ಜೈ ತುಲುನಾಡ್ ಸಂಘಟನೆದ ಪರವಾದ್ ಸೊಲ್ಮೆ ಸಂದೈತ ಮಲ್ದೆರ್.

ಪರೀಕ್ಷೆದ ಫಲಿತಾಂಶ :
Senior ವಿಭಾಗೊಡು ಕಡೀರ ತಾನೋ🥇 100 ಅಂಕೋ ::

Gouthami Shenava (JTON146),
Kavitha P N (JTON1591), Preethika (JTON1513), Shwethambika.N (JTON1587), Sowjanya S( JTON1688), Sudha S Bhat (JTON1457), Swasthika V N (JTON1467), Swathika (JTON1463), Vandana (JTON1627)

Senior ವಿಭಾಗೊಡು ರಡ್ಡನೇ ತಾನೋ 🥈(99 ಅಂಕೋ)::
Amrutha (JTON1650), ASHVITHA KUMARI(JTON1686), Ashwini (JTON1679), Deepthi Shetty (JTON1430), Kavya Shetty (JTON1669), Navya (JTON1663), Nishmitha.R (JTON1597), Prathima.G.K (JTON1549), Sangeetha R (JTON1637), Sarika m (JTON1417), Sharmila k Shett(JTON1610), Shravya (JTON1658), Shreya B (JTON1480), Sukanya (JTON1564), Vanishree (JTON1577)

Senior ವಿಭಾಗೊಡು ಮೂಜನೇ ತಾನೋ 🥉(98 ಅಂಕೋ)::
Akshatha Shetty (JTON1613), Amritha (JTON1668), Bharathi Vijay (JTON1451), Chaitra.S.Kavoor (JTON1567), Chandrakala (JTON1500), Chithra (JTON1656), Deeksha (JTON1468), Divya (JTON1454), Manasa R Rao (JTON1661), Rajesh Kulal (JTON1738), Shobha (JTON1476), Shobha (JTON1620), Shravya K (JTON1611), Shreeraksha (JTON1469), Shruthi (JTON1540), Sparsha (JTON1785), Suchithra (JTON1676), Sumitha K (JTON1509), Supreetha M (JTON1499), Suraksha (JTON1673), Surekha N Shetty (JTON1585), Suresha (JTON1743), Swathi J (JTON1653), Udaya M (JTON1719), Yashavanthi (JTON1475)

Junior ವಿಭಾಗೊಡು ಕಡೀರ ತಾನೋ 🥇 Yashaswini (JTON1401) – 99 ಅಂಕೋ

Junior ವಿಭಾಗೊಡು ರಡ್ಡನೇ ತಾನೋ(98 ಅಂಕೋ)
🥈 Nalini Kulal (JTON1775)

Junior ವಿಭಾಗೊಡು ಮೂಜನೇ ತಾನೋ🥉(97 ಅಂಕೋ):
Dhaneshwari (JTON1408), Prajna (JTON1406), Tejapala (JTON1774), Thrisha (JTON1410)

ತುಲು ಬಾಸೆದ ಮಿತ್ತ್ ದ ಮೋಕೆಡ್ ತುಲು ಬರವು ಕಲ್ತ್‌ದ್ ಪರೀಕ್ಷೆ ಬರೆತಿನ ಮಾತೆರೆಗ್ಲಾ ಜೈ ತುಲುನಾಡ್ ಸಂಘಟನೆದ ಪರವಾದ್ ಎಡ್ಡೆಪ್ಪು ಬಯಕುವ.