ಪುತ್ತೂರ್ದ ಸುದ್ದಿ | Puttur News

ಮರ್ಕಂಜಡ್ ಗ್ರಾಮ ಒನ್ ಜನ ಸೇವಾ ಕೇಂದ್ರ ಉದಿಪನ

ಮರ್ಕಂಜ ಗ್ರಾಮದ ಗೋಳಿಯಡ್ಕಡ್ ಭರತ್ ಬೊಮ್ಮಾರು ನೇತೃತ್ವಡ್ ಗ್ರಾಮ ಒನ್ ಜನ ಸೇವಾ ಕೇಂದ್ರ ಸೆ.೧೯ ದಾನಿ ಉದಿಪನ ಆಂಡ್. ಮರ್ಕಂಜ ಗ್ರಾ.ಪಂ ದ ಗುರ್ಕಾರ್ದಿ ಗೀತಾ ಹೊಸೋಲಿಕೆ ಕೇಂದ್ರದ ಉದಿಪನ ಮಲ್ತೆರ್.

ಜಿ.ಪಂ ಮಾಜಿ ಸದಸ್ಯೆರ್ ಹರೀಶ್ ಕಂಜಿಪಿಲಿ, ಕೃಷ್ಣಪ್ಪ ಪೂಜಾರಿ, ಸುಲೋಚನಾ, ಪ್ರಜ್ಞಾ ಭರತ್ ಪೂಜಾರಿ, ಬೊಕ್ಕ ಊರುದಕುಲು ಈ ಪೊರ್ತುಡು ಇತ್ತೆರ್. ಜನಸೇವಾ ಕೇಂದ್ರದ ಭರತ್ ಬೊಮ್ಮಾರು ಮಾತೆರೆನ್ ಎದ್ಕೊಂದು, ಸೊಲ್ಮೆ ಸಂದಾಯತ ಮಲ್ತೆರ್.

ವಿಶ್ವ ಪೌಷ್ಠಿಕ ಆಹಾರ ಸಪ್ತಾಹ ಲೇಸ್

ವಿಟ್ಲ ಮುಡ್ನೂರು ಗ್ರಾಮ ಪಂಚಾಯತ್‌ ದ ಚಾವಡಿಡ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ಶಿಶು ಅಭಿವೃದ್ಧಿ ಯೋಜನೆ ವಿಟ್ಲ, ಗ್ರಾಮ ಪಂಚಾಯತ್‌ ವಿಟ್ಲ ಮುಡ್ನೂರು ನೆತ್ತ ಸಂಯುಕ್ತ ಆಶ್ರಯಡ್ ವಿಶ್ವ ಪೌಷ್ಠಿಕ ಆಹಾರ ಸಪ್ತಾಹ ಲೇಸ್, ಪೋಷಣ್‌ ಮಾಸಾಚರಣೆ, ಪೊಂಜೊವ್ ನಕ್ಲೆಗ್ ಕಾನೂನು ಮಾಹಿತಿ ಬೊಕ್ಕ ಸಖಿ ಕೇಂದ್ರದ ಬಗೆಟ್ ಮಾಹಿತಿ ಕಾರ್ಯಾಗಾರ ಗ್ರಾಮ ಪಂಚಾಯತ್‌ ಗುರ್ಕಾರೆರ್ ಪುನೀತ್‌ ಮೆರ್ ನ ಗುರ್ಕಾರ್ಮೆ ಡ್ ನಡತ್ಂಡ್.

ಈ ಲೇಸ್ ಡ್ ಶಿಶು ಅಭಿವೃದ್ಧಿ ಯೋಜನೆ ವಿಟ್ಲ ಮುಲ್ಪದ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಉಷಾ ಡಿ. ಮೇರ್ ಪ್ರಾಸ್ತವಿಕವಾದ್ ಪಾತೆರ್ದ್ ಎದ್ಕೊಂಡೆರ್. ಗ್ರಾಮ ಆರೋಗ್ಯ ಲೇಸ್ ದ ಸಂಯೋಜೆಕೆರಾಯಿನ ಅಲ್ಲಭಕ್ಷ್ ಮೇರ್ ಗ್ರಾಮ ಆರೋಗ್ಯ ಕಾರ್ಯಕ್ರಮದ ಬಗ್ಗೆ ಮಾಹಿತಿ ಕೊರಿಯೆರ್. ಇಂದಿರಾ ಆರೋಗ್ಯ ಸುರಕ್ಷಾಧಿಕಾರಿ ಇಂಜೆಕ್ಷನ್ ಪೊಂಜೊವ್ ನಕ್ಲೆನ ಆರೋಗ್ಯದ ಬಗೆಟ್ ಮಾಹಿತಿ ನೀಡಿದರು.

ಆಡಳಿತಾಧಿಕಾರಿ ಪ್ರಿಯಾ ಮೆರ್ ಸಖಿ ಒನ್‌ ಸ್ಟಾಪ್‌ ಸೆಂಟರ್‌ ಕುಡ್ಲ ಮೊಕ್ಲೆನ ದೌರ್ಜನ್ಯ ಆಯಿನ ಪೊಂಜೊವ್ ನಕ್ಲೆಗ್ ಕಾರ್ಯನಿರ್ವಹನೆ ಮಲ್ತೊಂದು ಇಪ್ಪುನ “ಸಖಿ-ಓನ್ ಸ್ಟಾಪ್”ಸೆಂಟರ್‌ ದ ಬಗ್ಗೆ ಮಾಹಿತಿ ಕೊರಿಯೆರ್. ಪೋಷಣ್‌ ಅಭಿಯಾನ ಯೋಜನೆದ ವಿಟ್ಲ ವಲಯದ ಸಂಯೋಜಕರಾಯಿನ ವಿನೀತಾ ಪೈ ಪೋಷಣ್‌ ಅಭಿಯಾನ ಯೋಜನೆದ ಉದ್ದೇಶ, ಪೋಷಣ್‌ ಮಾಸಾಚರಣೆದ ಮಹತ್ವದ ಬಗ್ಗೆ ವಿವರಣೆ ಕೊರಿಯೆರ್.

ಲೇಸ್ ಡ್ ಪಂಚಾಯತ್‌ ಉಪಾಧ್ಯಕ್ಷೆರ್ ರೋಹಿಣಿ, ಸದಸ್ಯೆರಾಯಿನ ಉಮೇಶ್‌ ಗೌಡ, ಚಂದ್ರಾವತಿ, ಮಹಾಬಲೇಶ್ವರ್‌ ಭಟ್‌, ಮರಿಯಮ್ಮ, ಪಂಚಾಯತ್‌ ಅಭಿವೃದ್ಧಿ ಅಧಿಕಾರಿ ಸುಜಯ ಕೆ. , ಆರೋಗ್ಯ ಇಲಾಖೆದ ಸಿಬ್ಬಂದಿಲು, ಅಂಗನವಾಡಿ ಕಾರ್ಯಕರ್ತೆರ್ ಬೊಕ್ಕ ಆಶಾ ಕಾರ್ಯಕರ್ತೆರ್, ಪಂಚಾಯತ್‌ ಸಿಬ್ಬಂದಿಲು, ಸ್ತ್ರೀ ಶಕ್ತಿ ಗುಂಪುದ ಪೊಂಜೊವ್ ನಕುಲು, ಸಾರ್ವಜನಿಕೆರ್ ಈ ಪೊರ್ತುಡು ಇತ್ತೆರ್. ವಲಯದ ಹಿರಿಯ ಮೇಲ್ವಿಚಾರಕಿ ರೂಪಕಲಾ ಕಾರ್ಯಕ್ರಮ ಸುಧಾರಿಕೆ ಮಲ್ತ್ ಸೊಲ್ಮೆ ಸಂದಾಯ ಮಲ್ತೆರ್.

ಡಾ| ರವೀಶ್ ಪಡುಮಲೆಗ್ ಅಕ್ಷಯ ಗುರು ಪುರಸ್ಕಾರ-2023

ಪುತ್ತೂರು: ಪುತ್ತೂರುದ ಪುಗರ್ ತೆದ ಅಕ್ಷಯ ಕಾಲೇಜ್ ರ್ದ್ ಕಲ್ಪಾದಿಲೆನ ದಿನತ ಅಂಗವಾದ್ ಕೊರ್ಪುನ ಗುರು ಪುರಸ್ಕಾರ-2023 ನೆಕ್ಕ್ ಡಾ| ರವೀಶ್ ಪಡುಮನೆ ಆಯ್ಕೆ ಆದ್, ಸೆ.12 ದಾನಿ ಅಕ್ಷಯ ಕಾಲೇಜ್ ಡ್ ನಡತ್ತಿನ ಕಲ್ಪಾದಿಲೆನ ದಿನಾಚರಣೆ ಬೊಕ್ಕ ಸಾಧಕ ಕಲ್ಪಾದಿಲೆನ ಗುರುಪುರಸ್ಕಾರ ಲೇಸ್ ಡ್ ಪುರಸ್ಕಾರನ್ ಮಲ್ತ್ ಮಾನಾದಿಗೆ ಮಲ್ತೆರ್.

ಕಾಲೇಜ್ ದ ಗುರ್ಕಾರೆರ್ ಜಯಂತ್ ನಡುಬೈಲು ಬೊಕ್ಕ ಪಾಲ್ ಪಡೆಯಿನ ಗಣ್ಯೆರೆನ್ ಈ ಪೊರ್ತುಡು ಇತ್ತೆರ್.

ವಿಟ್ಲ: ಪೋಷನ್ ಅಭಿಯಾನ ಕಾರ್ಯಕ್ರಮ

ವೀರಕಂಭ ಗ್ರಾಮ ಪಂಚಾಯತ್, ಶಿಶು ಅಭಿವೃದ್ಧಿ ಯೋಜನೆ ವಿಟ್ಲ, ಅಂಗನವಾಡಿ ಕೇಂದ್ರ ಬೊಣ್ಯಕುಕ್ಕು ಬೊಕ್ಕ ಸ್ತ್ರೀ ಶಕ್ತಿ ಗುಂಪು ಬೊಣ್ಯಕುಕ್ಕು ನೆತ್ತ ಒಟ್ಟುಸೇರಿಗೆಡ್, ಬೊಣ್ಯಕುಕ್ಕು ಅಂಗನವಾಡಿ ಕೇಂದ್ರಡ್ ಎರೆಹುಳ ಘಟಕ ಉದಿಪನ ಲೇಸ್, ಪೋಷಣ್ ಮಾಸಾಚರಣೆ, ಪೌಷ್ಟಿಕ ಆಹಾರ ಶಿಬಿರ ಬೊಕ್ಕ ಪ್ರಾತ್ಯಕ್ಷಿಕೆ ಲೇಸ್ ನಡತ್ಂಡ್.

ಈ ಲೇಸ್ ವೀರಕಂಭ ಗ್ರಾಮ‌ಪಂಚಾಯತ್ ದ ಗುರ್ಕಾರ್ದಿ ಲಲಿತಾ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್. ಈ ಪೊರ್ತುಡು ವೀರಕಂಭ ಗ್ರಾಮ‌ಪಂಚಾಯತ್ ದ ಉಪಾಧ್ಯಕ್ಷೆರ್ ಜನಾರ್ಧನ ಪೂಜಾರಿ, ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ನಿಶಾಂತ್, ನಿಕಟಪೂರ್ವ ಅಧ್ಯಕ್ಷೆರ್ ದಿನೇಶ್, ನಿಕಟಪೂರ್ವ ಉಪಾಧ್ಯಕ್ಷೆರ್ ಶೀಲಾ ನಿರ್ಮಲಾ ವೇಗಸ್ , ಪಂಚಾಯತ್ ಸದಸ್ಯೆರ್ ಸಂದೀಪ್ ಪಾಲ್ ಪಡೆದಿತ್ತೆರ್.

ಎರೆಹುಳ ಗೊಬ್ಬರ ಮಲ್ಪುನ ಪ್ರಗತಿಪರ ಕೃಷಿಕೆ, ಮಾಜಿ ಸೈನಿಕೆ ರಮೇಶ್ ನೂಜಿಪ್ಪಾಡಿ ಮಂಚಿ ಮೇರ್ ಸಂಪೂರ್ಣ ಪೊಲಬು ಕೊರಿಯೆರ್. ಸಾಂತ್ವನಾ ಕೇಂದ್ರ ಬಂಟ್ವಾಳದ ಆಪ್ತ ಸಮಾಲೋಚಕೆರ್ ವಿದ್ಯಾ ಮೇರ್ ಸಾಂತ್ವನ ಕೇಂದ್ರದ ಬಗೆಟ್ಟ್ ಪೊಲಬು ಕೊರಿಯೆರ್. ಹಿರಿಯ ಮೇಲ್ವಿಚಾರಕಿ ರೂಪಕಲಾ ಮೇರ್ ಪೋಷಣ್ ಮಾಸಾಚರಣೆ, ಪೌಷ್ಟಿಕ ಆಹಾರದ ಮಹತ್ವದ ಬಗೆಟ್ಟ್ ಸಂಪೂರ್ಣ ಪೊಲಬು ಕೊರಿಯೆರ್.

ಬಾಲ ವಿಕಾಸ ಸಮಿತಿದ ಅಧ್ಯಕ್ಷೆರ್ ಕಮರುನ್ನೀಸ, ಸಮಿತಿದ ಸದಸ್ಯೆರ್, ಸಂಜೀವಿನಿ ಒಕ್ಕೂಟದ MBK ಮಲ್ಲಿಕಾ, LCRP ಜಯಂತಿ, ಆಶಾ ಕಾರ್ಯಕರ್ತೆ ಮೋಹಿನಿ, ಸ್ತ್ರೀ ಶಕ್ತಿ ಗುಂಪುದ ಸದಸ್ಯೆರ್, ಅಂಗನವಾಡಿ ಸಹಾಯಕಿ ಸವಿತ ಬೊಕ್ಕ ಸಾರ್ವಜನಿಕೆರ್ ಇತ್ತೆರ್.
ಅಂಗನವಾಡಿ ಕಾರ್ಯಕರ್ತೆ ಶಶಿಕಲಾ ಲೇಸ್ ದ ಸುಧಾರಿಕೆ ಮಲ್ತೆರ್.

ಪುತ್ತೂರು: ಅಕ್ರಮ-ಸಕ್ರಮ ಸಮಿತಿ ರಚನೆ; ಗುರ್ಕಾರೆ ಆದ್ ಶಾಸಕ ಅಶೋಕ್ ರೈ ನೇಮಕ

ಪುತ್ತೂರು: ವಿಧಾನಸಭಾ ಕ್ಷೇತ್ರದ ಬಗರ್ ಹುಕುಂ ಸಾಗುವಳಿ ಸಕ್ರಮೀಕರಣ ಸಮಿತಿನ್ ರಚನೆ ಮಲ್ತ್ ದ್ ಕೂಡ್ಲೆ ಜಾರಿ ಬರ್ ಪುನಂಚ ಆದೇಶ ಕೊರ್ತುಂಡು

ಸಮಿತಿದ ಗುರ್ಕಾರೆರಾದ್ ಶಾಸಕೆರ್ ಅಶೋಕ್ ಕುಮಾರ್ ರೈ, ಸದಸ್ಯೆರಾದ್ ಎಂ. ಮಹಮ್ಮದ್ ಬಡಗನ್ನೂರು, ರೇಖಾ ಆಳ್ವ, ರಾಮಣ್ಣ ಪಿಲಿಂಜ ಬೊಕ್ಕ ಸದಸ್ಯ ಕಾರ್ಯದರ್ಶಿಯಾದ್ ತಹಶೀಲ್ದಾರ್ ಅರೆನ್ ನೇಮಕ ಮಲ್ತ್ ಆದೇಶ ಮಲ್ತ್ ದೆರ್.