ಪುತ್ತೂರ್ದ ಸುದ್ದಿ | Puttur News

ಮಾಜಿ ಶಾಸಕೆರಾಯಿನ ದಿ.ಗೋಪಾಲ ಭಂಡಾರಿ ಸ್ಮರಣೆ

ಕಾರ್ಕಳ, ಜುಲೈ 8: ರಾಜಧರ್ಮ ಪರಿಪಾಲನೆಗ್ ಅನುಗುಣವಾದ್ ನಡತ್ ಬತ್ತಿನ ಮಾಜಿ ಶಾಸಕ ದಿ ಗೋಪಾಲ ಭಂಡಾರಿ ಜಾತಿ- ಧರ್ಮ ಮೀರ್ದ್ ಬುಳೆಯಿನ ದಾರ್ಶನಿಕೆರ್ . ಆರ್ನ ಮಾನವೀಯತೆ, ತ್ಯಾಗ ಸೇವೆಗ್ ಬಿಲೆ ಕಟ್ಟೆರೆ ಸಾಧ್ಯ ಇಜ್ಜಿ ಪಂದ್ ಎಂದು ಮಾಜಿ ಸಚಿವ ವಿನಯಕುಮಾರ್ ಸೊರಕೆ ಪಂಡೆರ್ .

ಕಾರ್ಕಳ ಬೊಕ್ಕ ಹೆಬ್ರಿ ಬ್ಲಾಕ್ ಕಾಂಗ್ರೆಸ್ ಅಂಚನೇ ಕಾಂಗ್ರೆಸ್‌ದ ಇತರೆ ಕಾಂಗ್ರೆಸ್ ಘಟಕರ್ದ್ ಕಾರ್ಕಳದ ಪೆರ್ವಾಜೆ ಶ್ರೀ ನಾರಾಯಣ ಗುರು ಸಭಾಂಗಣಡ್ ಐತಾರ ನಡತಿನ ಮಾಜಿ ಶಾಸಕ ದಿ ಎಚ್ ಗೋಪಾಲ ಭಂಡಾರಿಲೆನ ರಡ್ಡನೆ ವರ್ಷದ ಪುಣ್ಯತಿಥಿದ ನುಡಿನಮನ ಲೇಸ್ ಡ್ ನುಡಿನಮನ ಸಲ್ಲಿಸಾದ್ ಆರ್ ಪಾತೆರಿಯೆರ್.

ಕರ್ನಾಟಕದ ನೂತನ ರಾಜ್ಯ ಪಾಲೆರಾದ್ ತಾವರ್ ಚಂದ್ ಗೆಹ್ಲೋಟ್ ಅಧಿಕಾರ ಸ್ವೀಕಾರ

ಬೆಂಗ್ಳೂರು/ ಹೊಸದಿಲ್ಲಿ, ಜುಲೈ 8: ಕೇಂದ್ರದ ಸಾಮಾಜಿಕ ನ್ಯಾಯ ಬೊಕ್ಕ ಸಬಲೀಕರಣ ಖಾತೆ ಸಚಿವ ತಾವರ್‍ಚಂದ್ ಗೆಹ್ಲೋಟ್ ಮೆರೆನ್ ಕರ್ನಾಟಕ ರಾಜ್ಯದ ಪೊಸ ರಾಜ್ಯಪಾಲೆರಾದ್ ನೇಮಕ ಮಲ್ತ್ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಮೇರ್ ಅಂಗಾರೆ ಆದೇಶ ಕೊರ್ತೆರ್ .

ಕರ್ನಾಟಕದ ಹಾಲಿ ರಾಜ್ಯಪಾಲ ವಜುಭಾಯಿವಾಲಾ ಮೇರ್ ಅವಧಿ ಪೂರ್ಣ ಆತುಂಡು . ಇಂಚಾದ್ ಆರ್ನ ಸ್ಥಾನಗ್ ತಾವರ್‍ಚಂದ್ ಗೆಹ್ಲೋಟ್ ಮೆರೆನ್ ನೇಮಕ ಮಲ್ದೆರ್ . ಕೇಂದ್ರ ಸಚಿವ ಸಂಪುಟದ ಪುನರ್‍ರಚನೆ ಚರ್ಚೆ ನಡತೊಂದು ಉಪ್ಪುನ ಈ ಪೊರ್ತುಡೆ ಈ ನೇಮಕಾತಿ ಆದೇಶ ಕೊರ್ತೆರ್ .

ಎಸ್‌ವೈಎಸ್ ಮುಡಿಪು ಘಟಕರ್ದ್ ಬಾಳೆಪುಣಿ ಬೊಕ್ಕ ಕುರ್ನಾಡು ಗ್ರಾಪಂ ವ್ಯಾಪ್ತಿಡ್ ಸ್ವಚ್ಛತಾ ಕಾರ್ಯಕ್ರಮ

ಕೊಣಾಜೆ, ಜುಲೈ 8 : ಎಸ್‌ವೈಎಸ್ ಮುಡಿಪು ಘಟಕರ್ದ್ ಬಾಳೆಪುಣಿ ಬೊಕ್ಕ ಕುರ್ನಾಡು ಗ್ರಾಪಂ ವ್ಯಾಪ್ತಿಡ್ ಸ್ವಚ್ಛತಾ ಕಾರ್ಯಕ್ರಮ ಬುಧವಾರ ನಡತುಂಡು .

ಈ ಪೊರ್ತುಡು ಪಾತೆರಿನ ಎಸ್‌ವೈಎಸ್ ಕಾರ್ಯದರ್ಶಿ ಬಶೀರ್ ಮುಡಿಪು ಸ್ವಚ್ಛತೆನ್ ಇಸ್ಲಾಂ ಬಲವಾದ್ ಪ್ರತಿಪಾದಿಸಾದುಂಡು . ಅಂಚಾದ್ ಇಲ್ಲ್ , ಪರಿಸರ, ಸಾರ್ವಜನಿಕ ಪ್ರದೇಶದ ಸ್ವಚ್ಛತೆಗ್ ಕಾಪಾಡುನವು ಪ್ರತಿಯೊರಿಲಾ ಮುಸಲ್ಮಾನನ ಕರ್ತವ್ಯವಾದುಂಡು . ಪ್ರಸ್ತುತ ಪರಿಸ್ಥಿತಿಡ್ ಜನಕುಲು ಇಲ್ಲರ್ದ್ ಪಿದಾಯಿ ಬರ್ರೆ ಪೋಡಿಯೊಂದು ಉಲ್ಲೆರ್ . ಆಂಡ ಎಸ್‌ವೈಎಸ್ ಕಾರ್ಯಂತೆರ್ ಮಾರ್ಗಗ್ ಜತ್ದ್ ತೊಡಗಿಸಾದಿನವು ಶ್ಲಾಘನೀಯ ಪಂದ್ .

ಎಸ್‌ವೈಎಸ್ ಮುಡಿಪು ಘಟಕಾಧ್ಯಕ್ಷ ಅಬ್ಬು ಹಾಜಿ ಮದ್ಯನಡ್ಕ, ಹಿಸಾಬ ಗುರ್ಕಾರ್ಲಾಯಿನ ಅಮೀರ್, ಮುಹಮ್ಮದಾಲಿ ಉಸ್ತಾದ್, ಸಾಂತ್ವನ ಕಾರ್ಯದರ್ಶಿ ಎಂಎಂಕೆ ಮುಡಿಪು, ಸಾಂಬಾರ್ ತೋಟ ಗುರ್ಕಾರ್ಲಾಯಿನ ಹಸನ್ ಹಾಜಿ, ಎಸ್‌ಎಂಎ ಗುರ್ಕಾರ್ಲಾಯಿನ ಯೂಸುಫ್ ಪಾನೇಲ, ಎಸ್‌ವೈಎಸ್ ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಎಸ್.ಎಸ್.ಮೂಸಾ ಹಾಜಿ, ಉಮ್ಮರ್ ಮುರ್ಕುಂಜ, ನಝೀರ್ ಮುಡಿಪು, ಲತೀಫ್ ಮದನಿ ವಳಾಲ್, ಬಶೀರ್ ಹಾಜಿ ಸಿ.ಟಿ., ಹಮೀದ್ ಕಿಲಾರಿ, ಲತೀಫ್ ಬೋಳಿಯಾರ್, ಎಸ್‌ವೈಎಸ್ ಮಾಜಿ ಗುರ್ಕಾರ್ಲಾಯಿನ ಎಸ್.ಕೆ.ಅಬ್ದುಲ್ ಖಾದರ್ ಹಾಜಿ, ಮುಖಂಡರಾದ ಮುಹಮ್ಮದ್ ಪರಪ್ಪು, ಹಮೀದ್ ಮುಡಿಪು, ಅಲಿ ಮುದುಂಗಾರು, ಫಝಲ್ ಮುಡಿಪು, ಮುಸ್ತಫಾ ಸಅದಿ ಬಾಳೆಪುಣಿ, ಅಬ್ದುಲ್ಲಾ ಮುಡಿಪು, ರಾಫಿ ಕಣ್ಣೂರು, ರಝಾಕ್ ತಾಜ್, ಹಬೀಬ್ ಇರಾ, ಅಝೀಝ್ ಎಚ್.ಕಲ್, ಅಝೀಝ್ ಸಖಾಫಿ ಪರಪ್ಪು, ಯಾಕೂಬ್ ಮುದುಂಗಾರು, ಯಾಕೂಬ್ ಸಖಾಫಿ ಪರಪ್ಪು, ಅಬೂಬಕರ್ ಸಖಾಫಿ ಕಡ್ವಾಯಿ, ಉಸ್ಮಾನ್ ಮುಡಿಪು, ಸಮೀರ್ ಗರಡಿಪಳ್ಳ, ಉಸ್ಮಾನ್ ಸಅದಿ ಪರಪ್ಪು ಪಾಲ್ ಪಡೆದಿತ್ತೆರ್.