ಇನಿ ಒಡಿಪುಡು ಲಸಿಕಾ ಶಿಬಿರ ಇಜ್ಜಿ
ಒಡಿಪು ,ಆಗಸ್ಟ್ 7: ಶನಿವಾರ ಒಡಿಪು ಜಿಲ್ಲೆಡ್ ಒವ್ವೆ ಕೋವಿಡ್-19 ಲಸಿಕಾ ಶಿಬಿರ ಇಜ್ಜಿ ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್ .
ಒಡಿಪು ,ಆಗಸ್ಟ್ 7: ಶನಿವಾರ ಒಡಿಪು ಜಿಲ್ಲೆಡ್ ಒವ್ವೆ ಕೋವಿಡ್-19 ಲಸಿಕಾ ಶಿಬಿರ ಇಜ್ಜಿ ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್ .
ಕುಡ್ಲ, ಆಗಸ್ಟ್ 7: ಸಂಸದ ಶ್ರೀ. ನಳಿನ್ ಕುಮಾರ್ ಕಟೀಲ್, ಓಡಿಪು -ಚಿಕ್ಕಮಗಳೂರು ಸಂಸದೆ ಕು.ಶೋಭಾ ಕರಂದ್ಲಾಜೆ ಇನಿ ಮಾನ್ಯ ಕೇಂದ್ರ ಗೃಹ ಸಚಿವೆರಾಯಿನ ಶ್ರೀ.ರಾಜನಾಥ್ ಸಿಂಗ್ ಮೆರೆನ್ ಪಾರ್ಲಿಮೆಂಟ್ ಹೌಸ್ ಡ್ ಭೇಟಿಯಾದ್ ತುಳು ಭಾಷೆನ್ 8 ನೇ ಪರಿಚ್ಛೇದಗ್ ಸೇರಾವೊಡು ಪಂದ್ 2019 ನೇ ಇಸವಿಡ್ ಕೊರಿನ ಬಿನ್ನಾಪು ಇತ್ತೆ ಕುಡ ಸೋಶಿಯಲ್ ಮೀಡಿಯಡ್ ವೈರಲ್ ಆವೊಂದು ಉಂಡು . ಕರಾವಳಿ ಸಂಸದೆರ್ನ ಬಿನ್ನಾಪುಗು ಸಕಾರಾತ್ಮಕವಾದ್ ಸ್ಪಂಧನೆ ಕೊರಿನ ಗೃಹ ಸಚಿವೆರ್ ತುಳು ಭಾಷೆನ್ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರಾವುನ ಭರವಸೆ ಕೊರಿಯೆರ್ ಪಂದ್ ಸಂಸದೆರ್ ಪ್ರಕಟಣೆಡ್ ತೆರಿಪಾದಿತ್ತೆರ್ .

ಕುಡ್ಲ : ಕೊರೊನಾ 3ನೇ ಅಲೆ ಭೀತಿ ನೆಲೆಟ್ಟ್ ಮುನ್ನೆಚ್ಚರಿಕೆ ಕರ್ನಾಟಕ ಸರ್ಕಾರ ಬೇತೆ ಬೇತೆ ಮುನ್ನೆಚ್ಚರಿಕೆ ಕ್ರಮಕ್ಲೆನ್ ದೆತೊನ್ದುಂದು. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಈ ಬಗ್ಗೆ ಇನಿ ಮಧ್ಯಾಹ್ನ ಆದೇಶ ಕೊರ್ತೆರ್ .
ಇತ್ತೆ ರಾತ್ರಿ ಕರ್ಫ್ಯೂ ಬೊಕ್ಕ ವೀಕೆಂಡ್ ಕರ್ಫ್ಯೂ ಗೈಡ್ಲೈನ್ಸ್ ಪ್ರಕಟ ಆತುಂಡು . ಆಗಸ್ಟ್ 16 ಮುಟ ಪೊಸ ಮಾರ್ಗಸೂಚಿ ಅನ್ವಯ ಆಯರೇ ಉಂಡು . ರಾತ್ರಿ 9 ಗಂಟೆರ್ದ್ ಕಾಂಡೆ 5 ಮುಟ ನೈಟ್ ಕರ್ಫ್ಯೂ ಉಂಡು . ಮಹಾರಾಷ್ಟ್ರ, ಕೇರಳ ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಫ್ಯೂ ಉಂಡು . ರಾಜ್ಯೋಡು ಇನಿ ನೈಟ್ ಕರ್ಫ್ಯೂ ಜಾರಿ ಆತುಂಡು .
ರಾಜ್ಯ ಸರ್ಕಾರದ ವೀಕೆಂಡ್ ಕರ್ಫ್ಯೂ ಗೈಡ್ಲೈನ್ಸ್ :
ಒಡಿಪು : ಯಕ್ಷಗುರು ರಾಕೇಶ್ ರೈ ಅಡ್ಕ ಮುತಾಲಿಕೆಡ್ ಸನಾತನ ಯಕ್ಷಾಲಯ ಕುಡ್ಲ ಸಂಸ್ಥೆ ತನ್ನ 12ನೇ ವರ್ಷದ ಉಚ್ಚಯನ್ 10ನೇ ಆಗಸ್ಟ್ 2021 ರನೇ ಅಂಗಾರೆ ಆಚರಣೆ ಮಲ್ತೊಂದು ಉಂಡು . ಈ ಪ್ರಯುಕ್ತ ಸಂಸ್ಥೆದ ಜೋಕ್ಲೆನೆರ್ದ್ ಬೈಯ್ಯಗ್ 4.00 ಗಂಟೆರ್ದ್ ಪೂರ್ವರಂಗ ಬೊಕ್ಕ ಬೈಯ್ಯಗ್ 4.30 ರ್ದ್ ಪಣಂಬೂರು ವೆಂಕಟ್ರಾಯ ಐತಾಳ ಸಾಂಸ್ಕೃತಿಕ ಪ್ರತಿಷ್ಠಾನ, ಒಡಿಪು ನೆತ್ತ ಜೋಕ್ಲೆನೆರ್ದ್ ಅತೀ ಅಪರೂಪದ ಯಕ್ಷಗಾನ ಪ್ರದರ್ಶನ ನಡಪರೆ ಉಂಡು.

ಇಂಚೋಗು ಯಕ್ಷಗಾನ ಪ್ರದರ್ಶನಲು ಪ್ರೇಕ್ಷಕೆರ್ನ ಅನುಕೂಲಗ್ ತಕ್ಕ ಕಾಲಮಿತಿಯಾದ್ ಗೊಬ್ಬಾವೊಂದು ಉಲ್ಲೆರ್ ಪೂರ್ವರಂಗ ಬೊಕ್ಕ ಓಡ್ಡೋಲಗ ತೂಯರೇ ತಿಕ್ಕೊಂದು ಇಜ್ಜಿ . ಯಕ್ಷಗುರು ರಾಕೇಶ್ ರೈ ಅಡ್ಕ ಮೇರ್ ತನ್ನ ಜೋಕ್ಲೆನೆರ್ದ್ ಒಂಜೇ ಮತ್ತರ್ಮೆಡ್ ಪೂರ್ವರಂಗ ಬೊಕ್ಕ ಬೇತೆ ಬೇತೆ ಬಗೆತ ಬಗೆಯ ಓಡ್ಡೋಲಗ ಬೊಕ್ಕ ತೆರೆ ಕಲಾಸುದ ಅಪೂರ್ವ ಪ್ರದರ್ಶನನ್ ಪ್ರೇಕ್ಷಕಕೆರೆಗ್ ಕೊರೊಂದು ಉಲ್ಲೆರ್ .
ಐರ್ದ್ ಬೊಕ್ಕ ಸಭಾ ಕಾರ್ಯಕ್ರಮ ಬೊಕ್ಕ ಮಾನಾದಿಗೆ ಲೇಸ್ ನಡಪರೆ ಉಂಡು. ಕೋವಿಡ್ ರ್ದ್ ಮಾತಾ ಲೇಸ್ ” ಮಲ್ಯಾಡಿ ಲೈವ್” ಯೂ ಟ್ಯೂಬ್ ಚಾನೆಲ್ಡ್ ನೇರವಾದ್ ಪ್ರಸಾರ ಆಯರೇ ಉಂಡು .
ಒಡಿಪು : ಒಡಿಪು ಉಸ್ತುವಾರಿ ಸಚಿವೆರ್ ಆಯಿನ ಸುನಿಲ್ ಕುಮಾರ್ ಮೆರೆಗ್ ತುಲು ಬಾಸೆನ್ ರಾಜ್ಯದ ಅಧಿಕೃತ ಮಲ್ಪರೆಗ್ ವಿಧಾನಸಭೆಟ್ ಸ್ವರ ದೆಪ್ಪೊಡು ಪನ್ಪಿನ ಮನವಿದ ಒಟ್ಟುಗು ತುಲು ಬಾಸೆದ ಪುಸ್ತಕನ್ ಕೊರ್ದು ಎಡ್ಡೆಪ್ಪುಲು ಬಯಕಿನ ಪೊರ್ತು.

ಈ ಪೊರ್ತುಡು ಜೈ ತುಲುನಾಡ್ (ರಿ) ದ ಪ್ರಧಾನ ಸಂಘಟನಾ ಕಾರ್ಯಂತೆರ್ ರವಿಚಂದ್ರ ಕಾರ್ಲ ಬೊಕ್ಕ ಪದುಕೆರಾಯಿನ ವಿಶು ಶ್ರೀಕೆರ, ಶೇಖರ್ ಶ್ರೀಗಂಗೆ, ಸುದರ್ಶನ್ ಬಾರಡಿ, ಪ್ರಸಾದ್, ತುಳು ಪಾತೆರ್ಗ ತುಳು ಒರಿಪಾಗ (ರಿ.) ಕುಡ್ಲ – ದುಬೈ ಉಂದೆತ್ತ ಪದುಕೆರ್ ಸುಧೀರ್, ತುಲುನಾಡ್ ಒಕ್ಕೂಟ ಕಾರ್ಲ ಎಗ್ಗೆದ ಗುರ್ಕಾರ್ಲು ವಿನಯ್ ಒತ್ತುಪಾಲ್ಡಿತ್ತೆರ್.
ಕುಡ್ಲ : ಕೋವಿಡ್ 19 ಸೋಂಕು ಪಸರುನೆನ್ ತಡೆಯುನ ನೆಲೆಟ್ಟ್ ರಾಜ್ಯದ ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ ಪಾಡೆರೆ ರಾಜ್ಯ ಸರ್ಕಾರ ತೀರ್ಮಾನ ದೈದುಂಡು . ಈ ಬಗ್ಗೆ ಸಿಎಂ ಬಸವರಾಜ ಬೊಮ್ಮಾಯಿ ಮಾಹಿತಿ ಕೊರ್ತೆರ್ .
ರಾಜ್ಯೋಡು ಕೋವಿಡ್ ಸ್ಥಿತಿಗತಿ ಬಗ್ಗೆ ಇನಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಬೆಂಗ್ಳೂರುಡು ಇನಿ ತಮ್ಮ ಗೃಹ ಕಚೇರಿ ಕೃಷ್ಣಾಡ್ ಸಚಿವೆರ್ , ಕೋವಿಡ್ ಟಾಸ್ಕ್ ಫೋರ್ಸ್ ಬೊಕ್ಕ ಬೇತೆ ಬೇತೆ ಇಲಾಖೆದ ಪೆರಿಯ ಅಧಿಕಾರಿಲೆನ ಒಟ್ಟುಗು ಸಭೆ ನಡಪಾಯೆರ್ .

ಸಭೆರ್ದ್ ಬೊಕ್ಕ ಪಾತೆರಿನ ಆರ್ , ಕೋವಿಡ್ ನಿಯಂತ್ರಣಗ್ ನನಾತ್ ಬಿಗಿ ಕ್ರಮ ದೆತೊoದ . ಈ ನೆಲೆಟ್ಟ್ ಕೇರಳ ಬೊಕ್ಕ ಮಹಾರಾಷ್ಟ್ರ ಗಡಿ ಭಾಗದ ಜಿಲ್ಲೆಡ್ ವಾರಾಂತ್ಯದ ಕರ್ಪೂ ಜಾರಿ ಮಲ್ದ . ರಾಜ್ಯೋಡು ನೈಟ್ ಕರ್ಪೂ ರಾತ್ರಿ 9 ಗಂಟೆರ್ದ್ ಕಾಂಡೆ 5 ಗಂಟೆ ಮುಟ ಜಾರಿ ಆಯರೇ ಉಂಡು ಪಂದ್ ಪಂಡೆರ್ .
ಕುಡ್ಲ :. ಕೊರೋನಾ ಜಾಸ್ತಿ ಆವೊಂದು ಉಪ್ಪುನ ಪೊರ್ತುಡು ಡೆಲ್ಟಾ ಸೋಂಕುದ ಒಟ್ಟುಗು ಇತ್ತೆ ಕುಡೊಂಜಿ ಶಾಕ್ಗ್ ಕುಡ್ಲದ ಜನಕುಲು ಪೋಡಿದ್ ಪೋತೆರ್.

ರಡ್ಡ್ ತಿಂಗೊಲ್ ದ ಪಿರವು ಕತರ್ರ್ದ್ ಕುಡ್ಲಗ್ ಬತ್ತಿನ ಒರಿಯಾಗ್ ಗುರುವಾರದಾನಿ ಕೊರೋನಾ ಸೋಂಕುದ ಪೊಸ ತಳಿ ‘ಇಟಾ’ (ಬಿ.1.525) ವೈರಾಣು ಪತ್ತೆಯಾತುಂಡು . ನೆತ್ತೊಟ್ಟುಗು ಪೊಸತಾದ್ ಒಂಜಿ ಡೆಲ್ಟಾ ಪ್ಲಸ್ ಪ್ರಕರಣ ಲಾ ತೊಜಿದ್ ಬೈದುಂಡು, ರಾಜ್ಯಡ್ ಡೆಲ್ಟಾ ಪ್ಲಸ್ ವೈರಾಣು ಇಪ್ಪುನಕ್ಲೆನ ಸಂಖ್ಯೆ 4ಕ್ ಏರ್ದುಂದು .
ಮಲ್ಪೆ : ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್ ಮಲ್ಪೆ ವಲಯದ 14 ಒಕ್ಕೂಟದ ಪದುಕೆರೆಗ್ ನಾಯಕತ್ವ ತರಬೇತಿ ಕಜ್ಜ ಕೊಟ್ಯನ್ ತೆಂಕನಿಡಿಯೂರು ಸಮುದಾಯ ಭವನಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ನ್ ಉದಿಪನ ಮಲ್ತಿನ ಮಲ್ಪೆ ಪೋಲೀಸ್ ಠಾಣೆ ಸಬ್ಇನ್ಸ್ಪೆಕ್ಟರ್ ಸಕ್ತಿವೇಲು ಪಾತೆರ್ದ್ , ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಮುಖೇನ ಪೊಂಜೊವ್ಲೆಗ್ ನಾಯಕತ್ವ ಗುಣ ಬೈದುಂಡು . ಇಂಚಿನ ತರಬೇತಿ ಲೇಸ್ ಸಮಾಜದ ಮಾತಾ ಪೊಂಜೊವ್ಲೆಗ್ ನಾಯಕತ್ವ ಗುಣನ್ ನನಾತ್ ಬುಳೆಪಾಯೆರೆ ಸಾಕಾರಿ ಆಪುಂಡು ಪಂದ್ ಪಂಡೆರ್.
ಬೆಂಗ್ಳೂರು : ರಾಜ್ಯಡ್ ಗುರುವಾರ 1,785 ಪೊಸ ಕೊರೋನ ಪ್ರಕರಣ ದೃಢ ಆತುಂಡು . 25 ಜನ ಸೋಂಕುಗು ಬಲಿ ಆತೆರ್, 1,651 ಜನ ಹುಷಾರ್ ಆತೆರ್ .ರಾಜ್ಯಡ್ ಇತ್ತೆ ಒಟ್ಟು ಒಟ್ಟು ಸೋಂಕಿತೆರ್ನ ಸಂಖ್ಯೆ 29,13,512ಕ್ಕ್ ಮುಟ್ಟುದುಂಡು . ಇತ್ತೆ ಮುಟ ಒಟ್ಟು ಸೈತಿನಕ್ಲೆನ ಸಂಖ್ಯೆ 36,705ಕ್ಕ್ ಜಾಸ್ತಿ ಆತುಂಡು.
ಕುಡ್ಲ : ಕೊರೋನಾ ಪ್ರಕರಣ ಜಾಸ್ತಿ ಆಯಿನಿ ನೆಲೆಟ್ಟ್ ಕುಡ್ಲಡ್ ಜಿಲ್ಲಾಡಳಿತ ಆಗಸ್ಟ್ 15 ತಾರೀಖ್ ಮುಟ ಜಿಲ್ಲೆದ ಪ್ರಸಿದ್ಧ ದೇವಸ್ಥಾನಗ್ ಪೊಸ ನಿರ್ಬಂಧಲೆನ್ ಜಾರಿ ಮಲ್ದುಂಡು . ಶ್ರೀಕ್ಷೇತ್ರ ಧರ್ಮಸ್ಥಳ, ಕುಕ್ಕೆ ಸುಬ್ರಹ್ಮಣ್ಯ, ಕಟೀಲು ದುರ್ಗಾ ಪರಮೇಶ್ವರಿ ದೇವಸ್ಥಾನ ಸೋಮವಾರರ್ದ್ ಶುಕ್ರವಾರ ಮುಟ ಕಾಂಡೆ 7 ಗಂಟೆರ್ದ್ ಬೈಯ್ಯಗ್ 7 ಗಂಟೆ ಮುಟ ಮಾತ್ರ ಭಕ್ತೆರೆಗ್ ಪ್ರವೇಶ ಉಂಡು . ಆಂಡ ತೀರ್ಥ, ಪ್ರಸಾದ ಬೊಕ್ಕ ಅನ್ನಸಂತರ್ಪಣ ಇಜ್ಜಿ . ಶನಿವಾರ ಬೊಕ್ಕ ಐತಾರ ದೇವಸ್ಥಾನಗ್ ಪ್ರವೇಶ ಇಜ್ಜಿ.