ಪುತ್ತೂರ್ದ ಸುದ್ದಿ | Puttur News

ಯುವ ಜನಾಂಗ ಟ್ರೋಲ್ ಮೊಡೆಲ್‌ ಆವಂದೆ ರೋಲ್ ಮೋಡೆಲ್‌ ಆವೊಡು :ಶ್ರೀ ಈಶ ವಿಠಲದಾಸ ಸ್ವಾಮೀಜಿ

ಕಾರ್ಕಳ : ಸಂಸ್ಕಾರಯುತ ಸಮಾಜಮುಖಿ ಕಾರ್ಯಡ್ ತೊಡಗಾವೊಂದು ಮಾದರಿಯಾವೊಡು ಕೇಮಾರು ಸಾಂದೀಪನಿ ಸಾಧನಾಶ್ರಮದ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಪಂಡೆರ್ .

ಸಚ್ಚೇರಿಪೇಟೆದ ಸಮರ್ಪಿತಾ ಬಳಗ ಗಾಂದಡ್ಡು ನೆತ್ತ ಒಟ್ಟು ಸೇರಿಗೆಡ್ ಜೆಸಿಐ ಮುಂಡೂರು ಭಾರ್ಗವ ಬೊಕ್ಕ ಸೇವಾ ಭಾರತಿ ಮುಂಡ್ಕೂರು ಮೆಕ್ಲೆನ ಒಟ್ಟು ಸೇರಿಗೆಡ್ ವೆನ್‌ಲಾಕ್ ಆಸ್ಪತ್ರೆದ ರಕ್ತಪೂರಣ ಕೇಂದ್ರದ ಮುತಾಲಿಕೆಡ್ ಸಚ್ಚೇರಿಪೇಟೆದ ಪೊಸ್ರಲ್ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಡ್ ಐತಾರ ನಡತಿನ ಸ್ವಯಂಪ್ರೇರಿತ ರಕ್ತದಾನ ಶಿಬಿರಡ್ ಆಶೀರ್ವಚನ ಕೊರ್ದು ಪಾತೆರಿಯೆರ್.

ಜವಣ್ ದುಶ್ಚಟಗ್ ಬಲಿಯಾದ್ ತಮ್ಮ ಅಮೂಲ್ಯವಾಯಿನ ನೆತ್ತೆರ್ನ್ ಮಾರ್ಗಗ್ ಪಾಡoದೇ ನಾನೊರಿಯನ ಜೀವನ್ ಒರಿಪಾವುನoಚಿನ ನೆತ್ತೆರ್ ದಾನ ಶಿಬಿರಡ್ ಪಾಲ್ ಪಡೆದ್ ಆದರ್ಶ ವ್ಯಕ್ತಿಲಾವೊಡು ಪಂದ್ ಸ್ವಾಮೀಜಿ ಪಂಡೆರ್.

ಜೆಸಿಐ ವಲಯ 15ರ ನೆತ್ತೆರ್ ದಾನ ವಿಭಾಗದ ವಲಯ ಸಂಯೋಜಕೆರಾಯಿನ ಹರೀಶ್ ಕುಲಾಲ್, ವಲಯ ಒತ್ತು ಗುರ್ಕಾರ್ಲಾಯಿನ ಗಿರೀಶ್ ಎಸ್.ಪಿ, ಮುಂಡ್ಕುರು ಜೆಸಿಐ ಗುರ್ಕಾರ್ಲಾಯಿನ ಪ್ರಶಾಂತ್, ವೆನ್‌ಲಾಕ್ ಆಸ್ಪತ್ರೆದ ವೈದ್ಯಾಧಿಕಾರಿ ಡಾ.ಶರತ್, ಆಸ್ಪತ್ರೆದ ನೆತ್ತೆರ್ ದಾನ ವಿಭಾಗದ ಮುಖ್ಯಸ್ಥ ಆಂತೊನಿ, ಮುಂಡ್ಕೂರು ಸೇವಾ ಭಾರತಿ ಪ್ರಮುಖ್ ಅರವಿಂದ ಕಾಮತ್, ಪಾಲ್ ಪಡೆದಿತ್ತೆರ್.