ಪುತ್ತೂರ್ದ ಸುದ್ದಿ | Puttur News

ಒಡಿಪು ಜಿಲ್ಲಾ ಸ್ವಾತಂತ್ರೋತ್ಸವದ ಸೀದಾ ಪ್ರಸಾರ

ಒಡಿಪು : ಪೇಂಟೆದ ಅಜ್ಜರಕಾಡು ಕ್ರೀಡಾಂಗಣಡ್ ಆ.15ಕ್ಕ್ ನಡಪುನ 75ನೇ ವರ್ಷದ ಸ್ವಾತಂತ್ರ್ಯೋತ್ಸವ ದಿನಾಚರಣೆ ಲೇಸ್ ದ ಸೀದಾ ಪ್ರಸಾನ್ ಸಾರ್ವಜನಿಕೆರ್ ಇಲ್ಲಡೆ ತೂದು ಸೀದಾ ತೂಯರೇ ವ್ಯವಸ್ಥೆ ಮಲ್ದೆರ್ .

ಕೋವಿಡ್-19 ನೆಲೆಟ್ಟ್ ಸಾರ್ವಜನಿಕೆರ್ ಎಚ್ಚದ ಸಂಖ್ಯೆಡ್ ಕ್ರೀಡಾಂಗಣಗ್ ಬರಿಯರೆ ನಿರ್ಬಂಧ ಉಪ್ಪುನೆರ್ದಾವರ ಸಾರ್ವಜನಿಕೆರ್ ಯೂಟ್ಯೂಬ್ ವಿಳಾಸ https://youtu.be/JW746h4s0uQ- ಮುಖೇನ ಬೊಕ್ಕ ಸಿ4ಯು ಚಾನೆಲ್‌ಡ್ ಅಜ್ಜರಕಾಡು ಕ್ರೀಡಾಂಗಣಡ್ ನಡಪುನ ಸ್ವಾತಂತ್ರ್ಯೋತ್ಸವ ದಿನಾಚರಣೆದ ಸೀದಾ ಪ್ರಸಾರನ್ ತೂವೊಲಿ.

ಕರಂಬಾರ್ ಶ್ರೀ ಜ್ಞಾನೇಶ್ವರಿ ಭಜನಾ ಮಂದಿರಡ್ ತುಲುಬರವುದ ಪುದರ್ ಪಲವೆ ಗಲಸೆರೆ ಬಿನ್ನಾಪು

ಕರಂಬಾರ್ : ಕರಂಬಾರ್ ಶ್ರೀ ಜ್ಞಾನೇಶ್ವರಿ ಭಜನಾ ಮಂದಿರಡ್ ತುಲುಬರವುದ ಪುದರ್ ಪಲವೆ ಗಲಸೆರೆ ಅಂಚೆನೇ ಮಂದಿರದ ಮುತಾಲಿಕೆಡ್ ತುಲುಬರವುದ ಕಜ್ಜಕೊಟ್ಯ ನಡಪಾವೊಡು ಪಂದ್ ಜೈ ತುಲುನಾಡ್(ರಿ .) ದ ಪದುಕೆರ್ ಅರಿಕೆ ಮಲ್ತೆರ್ .

ಈ ಪೊರ್ತುಡು ಭಜನಾ ಮಂದಿರ ಗುರ್ಕಾರ್ಲು ಸಂತೋಷ್ ಹೆಗ್ಡೆ, ಅರ್ಚಕೆರ್‌ ಕರುಣಾಕರ ಹೆಗ್ಡೆ ರಮೇಶ್ ನಾಯ್ಕ, ಸುದೀಪ್ ಬೊಕ್ಕ ಜೈ ತುಲುನಾಡ್‌ (ರಿ.)ಪದುಕೆರಾಯಿನ ಪೃಥ್ವಿ ತುಲುವೆ ಸುಬ್ರಹ್ಮಣ್ಯ, ನವೀನ್, ಶ್ರವಣ್ ಪಾಲ್ ಪಡೆಯೆರ್.

ಸುಬ್ರಹ್ಮಣ್ಯದ ಅತ್ಯಾಚಾರ ಆರೋಪಿ ಮಾಸ್ಟ್ರೆನ ಬಗ್ಗೆ ತನಿಖೆ ಮಲ್ಪರೆ ಮನವಿ

ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ ಕಾಲೇಜ್ದ ಆರೋಪಿ ಮಾಸ್ಟ್ರೆನ ಬಗ್ಗೆ ತನಿಖೆ ಮಲ್ಪೊಡು ಪಂದ್ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಸುಬ್ರಹ್ಮಣ್ಯ ಘಟಕ ಆಗ್ರಹ ಮಲ್ದುಂಡು .

ಆತೆ ಅತ್ತoದೆ ಆ.16 ಕ್ಕ್ ಎಸ್ ಎಸ್ ಪಿ ಯು ಕಾಲೇಜ್ದ ಎದುರು ಸಾಂಕೇತಿಕ ಪ್ರತಿಭಟನೆ ಮಲ್ಪುವ ಪಂದ್ ಎಬಿವಿಪಿ ಜಿಲ್ಲಾ ಸಂಚಾಲಕ ಹಿತೇಶ್ ಕಟ್ರಮನೆ ಪಂಡೆರ್ .

ನೆತ್ತ ಬಗ್ಗೆ ಸೂಕ್ತ ತನಿಖೆ ನಡಪಾದ್ ಆರೋಪಿನ ಮಿತ್ತ್ ಸೂಕ್ತ ಕ್ರಮ ದೆತೊoದು ವಿದ್ಯಾಸಂಸ್ಥೆದ ಘನತೆ,ಗೌರವ,ವಿಶ್ವಾಸ,ಜೋಕ್ಲೆನ ಭವಿಷ್ಯ,ಹಿತಾಸಕ್ತಿನ್ ಕಾಪೋಡು ಪಂದ್ ಕ್ಷೇತ್ರದ ಆಡಳಿತ ಮಂಡಳಿಗ್ ಪೆರಿಯ ವಿದ್ಯಾಥಿ೯ಸಂಘ,ಅಖಿಲ ಭಾರತತ ವಿಧ್ಯಾಥಿ೯ಪರಿಷತ್,ಊರ್ದ ಸಮಸ್ತ ನಾಗರಿಕೆರ್ನ ಪರವಾದ್ ಮನವಿ ಮಲ್ತೆರ್..