ಪುತ್ತೂರ್ದ ಸುದ್ದಿ | Puttur News

ಬಡಗನ್ನೂರು : ಆಣಗ್ ನಾಯಿ ಚುಚ್ಚಿದ್ ಗಂಭೀರ | ಕುಡ್ಲದ ಆಸ್ಪತ್ರೆಗ್ ದಾಖಲ್

ಪುತ್ತೂರು: ಸಂಭಂದ ದಕ್ಲೆನ ಇಲ್ಲಗ್ ಪೋಯಿನ ಒರಿ ಆಣಗ್ ನಾಯಿ ಚುಚ್ಚಿದ್ ಗಂಭೀರ ಗಾಯ ಆಯಿನ ಘಟನೆ ಬಡಗನ್ನೂರುದ ಸುಳ್ಯಪದವು ಪನ್ಪಿ ಜಾಗೆಡ್ ನಡತುಂಡು .

ಗಾಯ ಆಯಿನ ಆಣನ್ ವಿಟ್ಲದ ಕುದ್ದುಪದವುದ ರಿಕ್ಷಾ ಚಾಲಕ ಹರಿಶ್ಚಂದ್ರ ಮೆರ್ನ ಮಗೆ ಸಂಪ್ರೀತ್ (12) ಪಂದ್ ಗುರ್ತಿಸಾದೆರ್ .

ಪ್ಯಾರಾಲಂಪಿಕ್ಸ್ ಟೇಬಲ್ ಟೆನ್ನಿಸ್ದ ಫೈನಲ್ ಪಂಥೋಡು ಬೊಳ್ಳಿದ ಪದಕ ಗೆಂದಿನ ಭಾವಿನಾ ಪಟೇಲ್

ಟೋಕಿಯೋ : ಜಪಾನ್ ರಾಜಧಾನಿ ಟೋಕಿಯೊದ ಪ್ಯಾರಾಲಿಂಪಿಕ್ಸ್ ಡ್ ನಡತಿನ ಮಹಿಳಾ ಸಿಂಗಲ್ಸ್ ಕ್ಲಾಸ್ 4 ಪಂಥದ ಫೈನಲ್ಡ್ ಭಾರತದ ಪ್ಯಾರಾ ಟೇಬಲ್ ಟೆನಿಸ್ ಪಂತಾರ್ತಿ ಭಾವಿನಾ ಪಟೇಲ್ ಮೇರ್ ಬೊಳ್ಳಿದ ಗೆಂದುನ ಮುಖೇನ ಟೆನಿಸ್‌ಡ್ ಭಾರತದ ಸುರುತ ಫೈನಲ್ ಗ್ ಮುಟ್ಟಿನ ಪಂತಾರ್ತಿ ಆದ್ ಪಿದಾಯಿ.

ಟೇಬಲ್ ಟೆನಿಸ್‌ದ ಫೈನಲ್ ಪಂಥಡ್ ಚೀನಾದ ಝೇ ಯಿಂಗ್ ವಿರುದ್ಧ 0-3 ಅಂತರಡ್ ಸೋಪುನ ಮುಖೇನ ಭಾವಿನಾ ಬಂಗಾರ್ದ ಪದಕ ಗೆಂದುನಲ್ಪ ಸೋತೆರ್ ಆಂಡ , ಪ್ಯಾರಾಲಿಂಪಿಕ್ಸ್‌ದ ಟೇಬಲ್ ಟೆನಿಸ್‌ಡ್ ಭಾರತ ಇತ್ತೆ ಫೈನಲ್‌ಗ್ ಕಾರ್ ದೀತೆರ್.

ಉಗ್ರೆರ್ ಒಲ್ಪ ಇತ್ತುಂಡಲ ಬೆರಿ ಪತ್ದ್ ಕೆರ್ಪಾವ : ಜೋ ಬೈಡೆನ್ ಶಪಥ

ಜನಕ್ಲೆನ ಜೀವದೊಟ್ಟುಗು ಗೊಬ್ಬೊoದು ಉಪ್ಪುನ ಉಗ್ರೆರ್ ಒಲ್ಪ ಇತ್ತುಂಡಲ ಅಕ್ಲೆನ್ ಬೆರಿ ಪತ್ದ್ ಕೆರ್ಪ ಪಂದ್ ಅಮೆರಿಕಾ ಗುರ್ಕಾರ್ಲಾಯಿನ ಜೋ ಬೈಡೆನ್ ಪ್ರತಿಜ್ಞೆ ಮಲ್ದೆರ್ . ಕಬೂಲ್ ಏರ್ಪೋಟ್್ರ ಮಿತ್ತ್ ನಡತಿನ ಆತ್ಮಾಹುತಿ ದಾಳಿಗ್ ಪ್ರತಿಕ್ರಿಯೆ ಮಲ್ತಿನ ಜೋ ಬೈಡೆನ್ ಅವ್ವೆತೋ ಅಮಾಯಕೆರ್ ಸೈಯೊಂದು ಉಪ್ಪೆರೆ ಅಕುಲೆ ಕಾರಣ . ಅಕುಲು ಒಲ್ಪ ದೆಂಗ್ ದ್ ಕುಲ್ದು ಇತ್ತುಂಡಲ ಅಕ್ಲೆನ್ ಬೇಟೆ ಮಲ್ತ್ ತಕ್ಕ ಉತ್ತರ ಕೊರ್ಪ ಪಂದ್ ಪಂಡೆರ್.

ವಯೋಸಹಜ ಅನಾರೋಗ್ಯರ್ದ್ ತೀರ್ ಪೋಯಿನ ವಿಶ್ವನಾಥ ರೈ ಮೇಗಿನಗುತ್ತು

ಪುತ್ತೂರು, ಕಾಂಗ್ರೆಸ್ ಮುಖಂಡ, ಪುತ್ತೂರು ತಾಲೂಕುದ ಮುಂಡೂರು ಗ್ರಾಮದ ಮೇಗಿನಗುತ್ತು ನಿವಾಸಿ ವಿಶ್ವನಾಥ ರೈ(76) ವಯೋಸಹಜ ಅನಾರೋಗ್ಯರ್ದ್ ಗುರುವಾರ ರಾತ್ರಿ ತನ್ನ ಇಲ್ಲಡೆ ತೀರ್ ಪೋಯೆರ್.

ಪ್ರಗತಿಪರ ಬೆನ್ನಿ ದಾರ್ ಆಯಿನ ವಿಶ್ವನಾಥ ರೈ 15 ವರ್ಷ ಮುಂಡೂರು ಗ್ರಾಮ ಪಂಚಾಯತ್ ಸದಸ್ಯೆರಾದ್ ಭಕ್ತಕೋಡಿ ಪೇರ್ದ ಸೊಸೈಟಿದ ಸದಸ್ಯೆರಾದ್ ಅಂಚನೇ ಬೇತೆ ಬೇತೆ ಸಂಘ ಸಂಸ್ಥೆಡ್ ಬೇಲೆ ಮಲ್ದೆರ್ .