ಕುಡ್ಲದ ಸುದ್ದಿ | Mangalore News

ಬೆದ್ರಡ್ ಉದಿಪನ ಆವೊಂದುಂಡು 30,000 ಚದರಡಿ ಜಾಗೆದ ಮಾಮಲ್ಲ ಜವುಳಿದ ಅಂಗಡಿ; ನ. 6 ಕ್ಕ್ ಬೆದ್ರಡ್ ಪ್ರಭಾತ್ ಸಿಲ್ಕ್ಸ್ ಪೊಸ ಷೋರೂಮ್ ಉದಿಪನ ಲೇಸ್

ಬೆದ್ರ: ಬೆದ್ರದ ಪ್ರಭಾತ್ ಸಿಲ್ಕ್ಸ್‌ದ ಪೊಸ ಜವುಳಿ ಅಂಗಡಿದ ಉದಿಪನ ಲೇಸ್ ನ.6 ತಾರೀಕ್‌ಗ್ ಕಾಂಡೆ 11 ಗಂಟೆಗ್ ಮಾರ್ಕೆಟ್ ರಸ್ತೆಡ್ ನಡಪರೆ ಉಂಡು.

ಗಿರಾಕಿಲೆನ ಮನಸ್ ಗೆಂದ್ ದ್ ದ್ ಮಿನ್ಕೊಂದುಪ್ಪುನ ಬೆದ್ರದ “ಪ್ರಭಾತ್ ಸಿಲ್ಕ್ಸ್” ಉಂದು ಪ್ರಭಾತ್ ಜೈನ್ ಮೆರೆನ ಮೋಕೆದ ಬಾಲೆ. ಈ ಬಾಲೆ ಇತ್ತೆ ಬುಳೆದ್ ಉಂತುದು ಯಶಸ್ಸ್ ದ ಮುಟ್ಟುಲೆನ್ ಏರ್ ದ್ ತುಳುನಾಡ್‌ದ ಮಾಮಲ್ಲ ಪುಗರ್ತೆದ ಜವಳಿ ಮಳಿಗೆಯಾದ್ ಲಕ್ ದ್ ಉಂತ್‌ದ್ಂಡ್.

1975 ಟ್ಟ್ ಬೆದ್ರದ ಮಾರ್ಕೆಟ್‌ದ ಉಲಯಿ 100 ಚದರ ಅಡಿ ಬಾಡಿಗೆದ ಕೋಣೆಡ್ ಎಲ್ಯ ಪಜ್ಜೆ ದೀತಿನ ಈ ಸಂಸ್ಥೆ, ಇನಿ ಜನಕ್ಲೆನ ಆಶೀವಾರ್ದರ್ದ್ ಗ್ರಾಹಕೆರ್ನ ಎಡ್ಡೆ ಮದಿಪುರ್ದು ನಾಲರೆ ದಶಕಡ್ ಎಡ್ಡೆ ರೀತಿಡ್ ಸೇವೆನ್ ಮಲ್ತೊಂದು ಜನಕ್ಲೆನ ಮನಸ್ಸ್‌ನ್ ಗೆಂದ್‌ದ್ಂಡ್. ನನಲ ಎಚ್ಚದ ಜನಕ್ಲೆನ ಸ್ಪಂದನೆಗಾದ್ “ಪ್ರಭಾತ್ ಸಿಲ್ಕ್ಸ್” ಪೊಸ ಮಳಿಗೆಯಾದ್ ಬದಲ್ ಆತ್ಂಡ್. 30,000 ಚದರ ಅಡಿತ್ತ ಜಾಗೆಡ್ ಸಂಪೂರ್ಣವಾದ್ ಹವಾನಿಯಂತ್ರಿತ ವಿಶಾಲವಾಯಿನ ಮಳಿಗೆ, ಎಡ್ಡೆ ರೀತಿದ ಪಾಕಿಂಗ್ ಸೌಲಭ್ಯದೊಟ್ಟುಗು ಪ್ರಭಾತ್ ಸಿಲ್ಕ್ಸ್ ಮಿನ್ಕೊಂದುಂಡು. ಆಂಜೋವುಲು, ಪೊಂಜೋವುಲು, ಜೋಕುಲು, ಪಾರಂಪರಿಕ, ಸಾಂಪ್ರದಾಯಿಕ ಬೊಕ್ಕ ಆಧುನಿಕ ದೇಕಿದ ತುತ್ತೈತೊ ಪ್ರಭಾತ್ ಸಿಲ್ಕ್ಸ್ ಡ್ ತಿಕ್ಕುಂಡು.

ನ.6 ಐತಾರ ನಡಪುನ ಉದಿಪನದ ಲೇಸ್ ಡ್ ಬೆದ್ರ ಶ್ರೀ ಜೈನ ಮಠತ್ತ ಪರಮಪೂಜ್ಯ ಭಾರತ ಭೂಷಣ ಸ್ವಸ್ತಿಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿ, ಬೆದ್ರದ ಕಥೋಲಿಕ್ ಸಭಾ ಅಧ್ಯಾತ್ಮಿಕ ನಿರ್ದೇಶಕೆರ್ ರೆ| ಫಾ| ದೀಪಕ್ ನೊರೊನ್ಹಾ, ಬೆದ್ರ ಟೌನ್‌ದ ಬದ್ರಿಯಾ ಪಲ್ಲಿದ ಖತೀಬೆರ್ ಉಸ್ತಾದ್ ಅಬೂಬಕ್ಕರ್ ಸಿದ್ದೀಖ್ ದಾರಿಮಿ ಕಡಬ ಎಡ್ಡೆಪ್ಪುನು ಬಯಕ್ಯೆರ ಉಲ್ಲೆರ್.

ಇಂಧನ ಅಂಚನೆ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಅಂಚನೆ ದಕ್ಷಿಣ ಕನ್ನಡ ಜಿಲ್ಲೆದ ಉಸ್ತುವಾರಿ ಸಚಿವೆರ್ ವಿ. ಸುನೀಲ್ ಕುಮಾರ್ ಲೇಸ್‌ದ ಗುರ್ಕಾರ್ಮೆ ವಹಿಸೊನರೆ ಉಲ್ಲೆರ್. ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಹರ್ಷೇಂದ್ರ ಕುಮಾರ್ ಉದಿಪನ ಮಲ್ಪರೆ ಉಲ್ಲೆರ್.

ಬೆದ್ರ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಉಮಾನಾಥ ಕೋಟ್ಯಾನ್,ಮಾಜಿ ಸಚಿವೆರ್ ಕೆ. ಆಭಯಚಂದ್ರ ಜೈನ್, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ(ರಿ.)ದ ಅಧ್ಯಕ್ವೆರ್ ಡಾ| ಮೋಹನ್ ಆಳ್ವ ಸೇರಿನಂಚ ಮಸ್ತ್ ಜನ ಮಾಮಲ್ಲ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ಜನಕುಲು ಬೊಕ್ಕ ಅಭಿಮಾನಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆಯೋಡು ಪಂದ್ ಸಂಸ್ಥೆದ ಧನಿಕುಲು ಸುನಂದಾ ಪಿ.ಜೈನ್ ಬೊಕ್ಕ ಪ್ರಭಾಚಂದ್ರ ಜೈನ್, ಅಪೇಕ್ಷಾ ಪಿ. ಜೈನ್ ಬೊಕ್ಕ ಪೂರ್ಣಚಂದ್ರ ಜೈನ್, ಐಶ್ವರ್ಯ ಪಿ. ಜೈನ್ ಬೊಕ್ಕ ಪ್ರತಾಪ್ ಚಂದ್ರ ಜೈನ್ ಬಿನ್ನಾಪು ಮಲ್ತ್‌ದೆರ್.