Sun. Nov 22nd, 2026

ಕಾಸ್ರೋಡ್ ಸುದ್ದಿ | Kasargod News

ಕೇರಳ, ಕರ್ನಾಟಕ ರಾಜ್ಯಡ್ ಇನಿರ್ದ್ ಭಾರೀ ಬರ್ಸ

 

ಕೇರಳಡ್ ಪನಿ ಬರ್ಸ ಬರೊಂದಿತ್ತ್ ದ್, ರಾಜ್ಯಡ್ ಇನಿರ್ದ್ ಬರ್ಸ ಸುರು ಆಯರೇ ಉಂಡು. ದುಂಬುದ 3 ದಿನಟ್ಟ್ ಕೇರಳ ಅಂಚನೆ ಮಾಹೆ ಲಕ್ಷ ದ್ವೀಪಲೆಡ್ ತೆಡಿಲ್ ದೊಟ್ಟುಗ್ ಬರ್ಸ ಬರ್ಪಿನ ಸಾಧ್ಯೆತೆ ಉಂಡು.

ಆಂಧ್ರಪ್ರದೇಶ, ತೆಲಂಗಾಣ, ಕರ್ನಾಟಕ ಅಂಚನೆ ತಮಿಳುನಾಡು, ಪುದುಚೇರಿ ಅಂಚೆನೆ ಕಾರೈಕಲ್ ಡ್ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತ್ಂಡ್. ದುಂಬುದ 3-4 ದಿನತ್ತ ಕಾಲ ಕೆಲ ಭಾಗಲೆಡ್ ಬರ್ಸ ಬರ್ಪಿನ ಸಾಧ್ಯೆತೆ ಉಂಡು.

Heavy rains likely in the state

The monsoons have entered Kerala and rains aer likely to begin in the state soon.In the next 3 days heavy rains with lightning are predicted in Kerala, Mahe and the Lakshadweep islands.

Rains are likely in Andhra Pradesh, Telangana, Karnataka Tamil Nadu, Pondicherry and Karaikal.

ಕುಡ್ಲದ ಕೇಶವ್ ಶಕ್ತಿನಗರ ಮೇರೆಗ್ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ

ಕುಡ್ಲ: ಯಕ್ಷಗಾನ ಕಲಾವಿದೆರ್ ಬೊಕ್ಕ ವೇಷಭೂಷಣ ತಯಾರ್ ಮಲ್ಪುನ ಸೇವೆನ್ ಗುರ್ತಿಸಾದ್ ಕೇಶವ್ ಶಕ್ತಿನಗರ ಮೇರೆಗ್ ಆರ್ಯಭಟ ಕಲ್ಚರಲ್ ಆರ್ಗನೈಸೇಶನ್ ಮುತಾಲಿಕೆಡ್ “ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ” ನ್ ಬೆಂಗ್ಳೂರ್ ದ ರವೀಂದ್ರ ಕಲಾ ಕ್ಷೇತ್ರಡ್ ಗುರುವಾರದಾನಿ ನಡತಿನ ಲೇಸ್ ಡ್ ಕೊರಿಯೆರ್.

ಈ ಪೊರ್ತುಡ್ ಕಸಾಪ ಅಧ್ಯಕ್ಷೆರ್ ಡಾ| ಮಹೇಶ್ ಜೋಶಿ, ಉಚ್ಚ ನ್ಯಾಯಾಲಯದ ವಿಶ್ರಾಂತ ನ್ಯಾಯಮೂರ್ತಿ ಅರಳಿ ನಾಗರಾಜ್, ಚಲನಚಿತ್ರ ನಟಿ ಭಾರತಿ ವಿಷ್ಣುವರ್ಧನ್, ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆದ ಸ್ಥಾಪಕಾಧ್ಯಕ್ಷೆರ್ ಡಾ| ಎಚ್.ಎಲ್.ಎನ್. ರಾವ್ ಇತ್ತೆರ್.

Keshav Shaktinagar from Mangalore gets the Aryabhatta international award.

Mangalore: Keshav Shaktinagar from Mangalore well known Yakshagana artist and also famous for making the Yakshagana costumes was selected for the Aryabhatta international award given by the Aryabhatta cultural organisation.
The award presentation was held on Thursday at Ravindra Kalakshetra Bangalore.

Dr Mahesh Joshi , president Kannada Sahitya Parishad A.Nagaraj retired judge of the supreme court, cini star Bharthi Vishnuvardhan and the founder president of Aryabhatta cultural organisation Dr H L N Rao were present on the occasion.

ಭದ್ರತಾ ಸಿಬ್ಬಂದಿ ಚಾ ಪರಿಯೆರೆ ಪೋದುಪ್ಪುನಗ ಬಿಜೆಪಿ ನಾಯಕನ್ ಕೆರಿನ ದುಷ್ಕರ್ಮಿಲು

ಭದ್ರತಾ ಸಿಬ್ಬಂದಿ ಚಾ ಪರಿಯೆರೆ ಪೋದುಪ್ಪುನಗ ಬಿಜೆಪಿ ನಾಯಕನ್ ಕೆರಿನ ದುಷ್ಕರ್ಮಿಲು

ತಮಿಳುನಾಡು ಬಿಜೆಪಿ ಎಸ್ಸಿ -ಎಸ್ಟಿ ಘಟಕದ ಕೇಂದ್ರ ಜಿಲ್ಲಾಧ್ಯಕ್ಷ ಬಾಲಚಂದ್ರನ್​​ ನ್ ಮೂಜಿ ಜನ ಗುರ್ತ ದಾoತಿ ದುಷ್ಕರ್ಮಿಲು ಕೊಚ್ಚಿದ್ ಕೆರ್ತೆರ್.ಚೆನ್ನೈದ ಚಿಂತಾದ್ರಿಪೇಟೆಡ್ ಅಂಗಾರೆ ಬಯ್ಯಗ್ ಈ ಘಟನೆ ನಡತುಂಡು .

ತೀರ್ ಪೋಯಿನ ಬಾಲಚಂದ್ರನ್​​ಗ್ ದುಂಬೇ ಜೀವ ಬೆದರಿಕೆ ಕೊರ್ದು ಇತ್ತೆರ್ . ಇಂಚಾದ್ ಬಾಲಚಂದ್ರನ್​ ತಮಿಳುನಾಡು ಸರ್ಕಾರರ್ದ್ ವೈಯಕ್ತಿಕ ಭದ್ರತಾ ಅಧಿಕಾರಿರ್ದ್ ಭದ್ರತೆ ಪಡೆಯೊಂದು ಇತ್ತೆರ್. ಆಂಡ ಭದ್ರತಾ ಅಧಿಕಾರಿ ಚಾ ಪರಿಯೆರೆ ಪೋಯಿನ ಪೊರ್ತುಡು ಬಾಲಚಂದ್ರನ್​ ಮಿತ್ತ್ ಬೈಕ್​ಡ್ ಬತ್ತಿನ ಮೂಜಿ ಜನ ದುಷ್ಕರ್ಮಿಲು ದಾಳಿ ಮಲ್ದೆರ್ .

ಈ ಘಟನೆ ಸಂಬಂಧ ಪಾತೆರಿನ ಚೆನ್ನೈ ಪೊಲೀಸ್​ ಆಯುಕ್ತ ಶಂಕರ್​ ಜಿವಾಲ್​, ಉಂದು ವೈರತ್ವ ಕಾರಣಡ್ ನಡತಿನ ಪ್ರಕರಣ ಪ್ರತ್ಯಕ್ಷದರ್ಶಿಲು ಈ ಘಟನೆದ ಬಗ್ಗೆ ಸಾಕ್ಷ್ಯ ಕೊರ್ತೆರ್, ಕೆರಿನಾಕ್ಲೆನ್ ಪತ್ತೆರೆ ವಿಶೇಷ ಕೂಟ ರಚನೆ ಮಲ್ದ ಆಯಿನಾತ್ ಬೇಗ ಬಂಧನ ಮಲ್ಪುವ ಪಂದ್ ಪಂಡೆರ್.

ತುಳುನಾಡೊರ್ಮೆ ಬುಡುಗಡೆ ಆಂಡ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ತುಳು ಪಿಚ್ಚರ್

ಕುಡ್ಲ: ಒಂದು ಮೊಟ್ಟೆಯ ಕಥೆ ಪಿಚ್ಚರ್ ದ ಮುತಾಲಿಕೆಡ್ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್‌ ಸೌಂಡ್ಸ್‌ ಆ್ಯಂಡ್‌ ಲೈಟ್ಸ್‌” ತುಳು ಪಿಚ್ಚರ್ ಇನಿ ತುಳುನಾಡ್ ಡ್ ಗೌಜಿಡ್ ಬುಡುಗಡೆ ಆಂಡ್ . ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದಿತ್ತ್ ದ್, ಪಿಚ್ಚರ್ ದ ಟೀಸರ್ ಕೆಲ ದಿನಟ್ಟೆ ಲಕ್ಷರ್ದ್ ಲ ಮಿತ್ತ್ ವೀಕ್ಷಣೆ ಪಡೆದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

 

ಕುಡ್ಲ ದಕ್ಷಿಣ ವಲಯದ ಶಾಸಕೆರ್ ಆಯಿನ ವೇದವ್ಯಾಸ ಕಾಮತ್, ಯು.ಟಿ ಖಾದರ್ ತುಡರ್ ಅರ್ಲಾದ್ ದ್ ಲೇಸ್ ನ್ ಉದಿಪನ ಮಲ್ತೆರ್.

 

ಆಯಿಬೊಕ್ಕ ಶಾಸಕೆರ್ ಆಯಿನ ವೇದವ್ಯಾಸ ಕಾಮತ್ ಪಾತೆರ್ದ್, ಶಾಸಕೆರ್ ಆದ್ ಯಾನ್ ನಿಕುಲ್ನೊಟ್ಟುಗ್ ಉಲ್ಲೇ. ನಮ ತುಳು ಚಿತ್ರರಂಗ ಅಂಚನೆ ತುಳು ಭಾಷೆನ್ ನಾನಾತ್ ಒರಿಪಾಗ. ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ನಾನಾತ್ ಸೌಂಡ್ ನ್ ಮಲ್ಪಡ್ ಪಂದ್ ಪಂಡೆರ್. ಯು.ಟಿ. ಖಾದರ್ ಪಾತೆರ್ದ್, ತುಳುನಾಡ್ ದ ಜವನ್ಯೆರ್ ಇಂಚಿನ ಪಿಚ್ಚರ್ ನ್ ಮಲ್ತ್ ದ್ ದುಂಬು ಬರೊಂದಿಪ್ಪುನೆನ್ ತೂಯರೇ ಮಸ್ತ್ ಕುಷಿ ಆಪುಂಡು. ರಾಜ್ಯ ಮಾತ್ರ ಅತ್ತ್ ಪಿದಯ್ ಊರುಡುಲ ತುಳು ಪಿಚ್ಚರ್ ದ ಸೌಂಡ್ ನ್ ಮಲ್ತ್ ದೆರ್. ಉಂದೆರ್ದಾವರೆ ನಮ್ಮ ತುಳು ಭಾಷೆ ನಾನಾತ್ ಒರಿಯುಂಡ್. ತುಳು ಭಾಷೆನ್ ಒರಿಪಾವುನ ಪ್ರಯತ್ನನ್ ನಾನಾತ್ ಮಲ್ಪುಗ ಪಂದ್ ಪಂಡೆರ್.

ತೆಲಿಕೆದ ಬೊಲ್ಲಿ ದೇವದಾಸ್ ಕಾಪಿಕಾಡ್ ಪಾತೆರ್ದ್, ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ಪಿಚ್ಚರ್ ಇತ್ತೆ ಸೌಂಡ್ ಮಲ್ತ್ ದ್ಂಡ್. ನನ ಕಾಸ್ ಪಾಡಿನ ನಿರ್ಮಾಪಕೆರ್ನ ಇಲ್ಲಗ್ ಲೈಟ್ ಪೊತ್ತಾವುನ ಮುಖೇನ ಬೊಲ್ಪು ತೂಜಾಗ ಪಂದ್ ಪಿಚ್ಚರ್ ಪಂಡೆರ್.

ಕ್ರೇನ್ ಡ್ ವಿಶೇಷವಾದ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ಪಿಚ್ಚರ್ ದ ತುಳು ಲಿಪಿತ್ತ ಬರವುದ ಬ್ಯಾನರ್ ನ್ ಜಪ್ಡಾಯೆರ್.

ಪಿಚ್ಚರ್ ನ್ ತೂಯಿನ ಜನಕುಲು ಒಂಜಿ ಕುಟುಂಬ ಅಂಚನೆ ಮದಿಮೆ, ಮದರಂಗಿದ ಕಥೆ ಇತ್ತಿನ ಪಿಚ್ಚರ್ ಉಂದಾತ್ತ್ಂಡ್. ಮಸ್ತ್ ಕ್ರೀಯೆಟಿವ್ ಆದ್ ಪಿಚ್ಚರ್ ನ್ ಮಲ್ತ್ ದೆರ್. ನಿಕುಲ್ ಮಾತ ಈ ಪಿಚ್ಚರ್ ನ್ ತೂಯರೇ ಬಲೆ. ಇಂಚಿನ ಪಿಚ್ಚರ್ ನಾನಾತ್ ನಮ್ಮ ತುಳುನಾಡ್ ಡ್ ಬರಡ್ ಪಂದ್ ಪಂಡೆರ್.
ಈ ಪಿಚ್ಚರ್ 11 ದೇಶಲೆಡ್ ಬೊಕ್ಕ ಭಾರತದ 6 ಪ್ರಮುಖ ನಗರಡ್ ಸುರುತ್ತ ಪ್ರದರ್ಶನ ನಡತ್ತ್ ದ್, ಪಿಚ್ಚರ್ ದ ಅಭಿಮಾನಿಲೆನ ಪುಗರ್ತೆಗ್ ಕಾರಣ ಆತ್ಂಡ್.

USA, ಯುನೈಟೆಡ್ ಕಿಂಗ್‌ಡಮ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ (ದುಬೈ, ಅಬುಧಾಬಿ, ಶಾರ್ಜಾ) ಬೊಕ್ಕ ಒಮಾನ್‌ ಡ್ ಪಿಚ್ಚರ್ ದ ಪ್ರೀಮಿಯರ್ ಶೋ ನಡತ್ತ್ ದ್ಂಡ್.

ಭಾರತದ ಆಜಿ ಪೇಂಟೆಯಾಯಿನ ಬೊಂಬೈ, ಪುಣೆ, ಬರೋಡಾ, ಮೈಸೂರ್ ಡ್ ರಾಜ್ ಸೌಂಡ್ಸ್ ಬೊಕ್ಕ ಲೈಟ್ಸ್ ದ ವಿಶ್ವ ಸುರುತ್ತ ಪ್ರದರ್ಶನಗ್ ಸಾಕ್ಷಿಯಾತ್ಂಡ್. ಉಂದು 11 ದೇಶ ಬೊಕ್ಕ ಭಾರತದ ಆಜಿ ನಗರಡ್ ಪ್ರೀಮಿಯರ್ ಶೋ ಆಯಿನ ಸುರುತ್ತ ಚಿತ್ರ ಆತ್ಂಡ್. ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತ್ತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆನ್ ಬರೆತ್ತೆರ್. ಪಿಚ್ಚರ್ ಗ್ ಪದನ್ ಸೃಜನ್ ಕುಮಾರ್ ತೋನ್ಸೆ ಸಂಯೋಜನೇ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್‌ ಮ್ಯಾನೇಜರ್‌. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

 

ಈ ಪೊರ್ತುಡ್ ದೇವದಾಸ್ ಕಾಪಿಕಾಡ್, ದಯಾನಂದ್ ಕತ್ತಲ್ಸಾರ್, ನವರಸ ರಾಜೆ ಬೋಜರಾಜ್ ವಾಮಂಜೂರ್, ನವೀನ್ ಡಿ ಪಡೀಲ್, ವೇದವ್ಯಾಸ ಕಾಮತ್, ಯು.ಟಿ. ಖಾದರ್, ಕದ್ರಿ ನವನೀತ್ ಶೆಟ್ಟಿ, ಅರ್ಜುನ್ ಕಾಪಿಕಾಡ್ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಎಲ್ಲೆ ಜೋರು ಬರ್ಸ: ರಾಜ್ಯಡ್ ರೆಡ್ ಅಲರ್ಟ್ ಘೋಷಣೆ

ಬೆಂಗ್ಳೂರ್: ಬರ್ಸ ಒಂತೆ ಕಮ್ಮಿ ಆವೊಂದ್ಂಡ್ ಪನ್ನಗನೇ ಇನಿರ್ದ್ ರಾಜ್ಯಡ್ ನಾಲು ದಿನತ್ತ ಕಾಲ ಭಾರೀ ಬರ್ಸ ಬರ್ರೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್..

ಮೇ 18 ಗ್ ಕರ್ನಾಟಕದ ದಕ್ಷಿಣ ಒಳನಾಡು, ಕರಾವಳಿ ಪ್ರದೇಶಲೆಡ್ ಭಾರೀ ಬರ್ಸ ಬರ್ರೆ ಉಂಡು. ಅಂಚಾದ್ ರೆಡ್ ಅಲರ್ಟ್ ನ್ ಘೋಷಣೆ ಮಲ್ತ್ ದೆರ್. ಮೇ ತಿಂಗೋಲ್ ಡ್ ಈ ವರ್ಷದ ಸುರುತ್ತ ರೆಡ್ ಅಲರ್ಟ್ ಉಂದಾತ್ತ್ಂಡ್.

ಕರ್ನಾಟಕ ಮಾತ್ರ ಅತ್ತಂದೆ ತಮಿಳ್ ನಾಡ್, ಕೇರಳಡ್ ಲ ಭಾರೀ ಬರ್ಸ ಬರೊಂದಿತ್ತ್ ದ್, ಮೂಜಿ ರಾಜ್ಯಡ್ ನಾಲು ದಿನತ್ತ ಕಾಲ ಬರ್ಸದ ಆರ್ಭಟ ಜಾಸ್ತಿ ಆಯರೇ ಉಂಡು. ರಾಜ್ಯದ ಕರಾವಳಿ, ಮಲೆನಾಡು ಭಾಗಲೆಡ್ ತೆಡಿಲ್, ಮಿಂಚ್, ಗಾಳಿದೊಟ್ಟುಗ್ ಭಾರೀ ಬರ್ಸ ಬರ್ರೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್..

ಕೇರಳಡ್ ಬರ್ಸದ ಅಬ್ಬರ: 5 ಜಿಲ್ಲೆಲೆಡ್ ರೆಡ್ ಅಲರ್ಟ್

ತಿರುವನಂತಪುರ: ಕೇರಳದ ಮಸ್ತ್ ಜಿಲ್ಲೆಲೆಡ್ ಐತಾರ ಭಾರೀ ಬರ್ಸ ಬತ್ತ್ ದ್ಂಡ್. ಶನಿವಾರ ಕತ್ತಲೆಡ್ದ್ ಭಾರೀ ಬರ್ಸ ಬರೊಂದಿತ್ತ್ ದ್, ನನ 5 ದಿನತ್ತ ಕಾಲ ಬರ್ಸ ಬರ್ರೆ ಉಂಡು ಪಂದ್ ಭಾರತೀಯ ಹವಾಮಾನ ಇಲಾಖೆ ಕೇರಳಗ್ ಎಚ್ಚರಿಕೆ ಕೊರ್ತ್ಂಡ್. 5 ಜಿಲ್ಲೆಲೆಡ್ ಸೋಮಾರ ರೆಡ್ ಅಲರ್ಟ್ ನ್ ಘೋಷಣೆ ಮಲ್ತ್ ದೆರ್.

ಅರೇಬಿಯನ್ ಸಮುದ್ರರ್ದ್ ದಕ್ಷಿಣ ಭಾರತದ ಕರಾವಳಿ ಭಾಗದ ಕಡೆಕ್ಕ್ ಗಾಳಿ ಬೀಜೊಂದುಂಡು. ಕರ್ನಾಟಕದ ಕರಾವಳಿ ಭಾಗ, ಕೇರಳ, ತಮಿಳುನಾಡು ಬೊಕ್ಕ ಮಾಹೆ ಪ್ರದೇಶಲೆಡ್ ಮೇ 16 ಮುಟ್ಟ ಭಾರೀ ಪ್ರಮಾಣಡ್ ಬರ್ಸ ಬರ್ರೆ ಉಂಡು ಪಂದ್ ಐಎಂಡಿ ಎಚ್ಚರಿಕೆನ್ ಕೊರ್ತೆರ್. ಈ ಪ್ರದೇಶಲೆಡ್ 64ಮಿ.ಮೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಪಂತೆರ್. ಅವ್ವೆ ಕಾರಣಗ್ ಎರ್ನಾಕುಲಂ , ಇಡುಕ್ಕಿ, ತೃಶ್ಶೂರ್, ಕೋಯಿಕೋಡ್ ಬೊಕ್ಕ ಕಣ್ಣೂರು ಜಿಲ್ಲೆಲೆಡ್ ರೆಡ್ ಅಲರ್ಟ್ ನ್ ಘೋಷಣೆ ಮಲ್ತ್ ದೆರ್.

ಕಾಸ್ರೋಡ್: ಪುಗರ್ತೆದ ನಟಿ ಸಹನಾ ತೀರ್ ಪೊಯೆರ್; ಕಂಡನಿ ಸಜ್ಜಾದ್ ವಿರುದ್ಧ ಕುಟುಂಬದಕ್ಲೆನ ಕೆರಿನ ಆರೋಪ

ಕೇರಳ, ಮೇ 13: ಕಾಸ್ರೋಡ್ ದ ಮಾಡೆಲ್ ಅಂಚನೆ ನಟಿ ಒರ್ತಿನ ಪುನ ಬಲ್ಲ್ ಪಾಡ್ದಿನ ಸ್ಥಿತಿಟ್ಟ್ ಕೇರಳದ ಕಲ್ಲಿಕೋಟೆಡ್ ಪತ್ತೆಯಾತ್ಂಡ್.

ಸಹನಾ(20) ಪನ್ಪಿನ ಪೊನ್ನನ ಪುನ ಪತ್ತೆಯಾತ್ಂಡ್. ಕಾಸ್ರೋಡ್ ದ ಚೆರುವತ್ತೂರ್ ನಿವಾಸಿಯಾದಿತ್ತ್ ದ್, ಕರಿನ ಕತ್ತಲೆಗ್ ಕೊಯಿಕ್ಕೋಡ್ ದ ಬಾಡಿಗೆದ ಇಲ್ಲಡ್ ಪುನ ಪತ್ತೆಯಾತ್ಂಡ್.

ಸಹನಾ ಒಂಜರೆ ವರ್ಷದ ಪಿರವು ಸಜಾದ್ ಪನ್ಪಿನ ಆನನ್ ಮದಿಮೆ ಆದಿತ್ತೆರ್. ಇರ್ವೆರ್ನ ನಡುಟ್ಟ್ ಅಪಗಪಗ ಲಡಾಯಿ ಆವೊಂದಿತ್ಂಡ್. ಒಂಜಿ ಸರ್ತಿ ಕೆರ್ಪೆ ಪಂದ್ ಸಜಾದ್ ಪೋಡಿಪಾದಿತ್ತೆ. ಇತ್ತೆ ಕಂಡನಿ ಸಜಾದ್ ನ ಮಿತ್ತ್ ಕುಟುಂಬದಕುಲೆಗ್ ಅನುಮಾನ ಬತ್ತ್ ದಿತ್ತ್ ದ್, ಪೊಲೀಸೆರ್ ಸಜಾದ್ ನ್ ವಶಕ್ಕ್ ದೆತ್ತೊಂದ್ ವಿಚಾರಣೆ ಮಲ್ತೊಂದುಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಕೇರಳಡ್ ಜಾಸ್ತಿ ಆವೊಂದು ಉಂಡು ಟೊಮೆಟೊ ಜ್ವರ

ಕೇರಳ : ದೇಶಡ್ ಕೊರೊನಾ ವೈರಸ್ ಜಾಸ್ತಿ ಆವೊಂದು ಉಪ್ಪುನಗ , ಇತ್ತೇ ಪೊಸತೊಂಜಿ ವೈರಸ್ ಕೇರಳಡ್ ತೊಜೀದ್ ಬೈದುಂಡು . ಟೊಮೇಟೋ ವೈರಸ್ ಅತ್ತುಂಡ ಟೊಮೇಟೋ ಜ್ವರ ಪಂದ್ ಲೆಪ್ಪುನ ಈ ಜ್ವರ ಮಾತೆರ್ನ ಪೋಡಿಗೆಗ್ ಕಾರಣ ಆತುಂಡು .

ಉಂದು ದಾದಪ್ಪಾ , ಟೊಮೇಟೋ ಜ್ವರ ಪನ್ಪಿನ ಪ್ರಶ್ನೆ ಮಾತೆರೆಗ್ಲಾ ಉಂಡು .
ಇತ್ತೇ ಕೇರಳಡ್ ಟೊಮೇಟೋ ಜ್ವರದ ಪೋಡಿಗೆ ಜಾಸ್ತಿ ಆತುಂಡು , ಕೊಲ್ಲಂ ಜಿಲ್ಲೆಡ್ ಬರೋಬ್ಬರಿ 82 ಸೋಂಕಿತ ಪ್ರಕರಣ ವರದಿ ಆತುಂಡು ..

ಶವರ್ಮ ತಿಂದ್ ತೀರ್ ಪೋಯಿನ ಪೊಣ್ಣು : ಸ್ವಯಂ ಪ್ರೇರಿತ ಪ್ರಕರಣ ದಾಖಲ್ ಮಲ್ತಿನ ಹೈಕೋರ್ಟ್

ಕಾಸ್ರೋಡು : ಏಪ್ರಿಲ್ 29 ತಾರಿಕ್ ಗ್ ಚೆರ್ವತ್ತುರ್ ಐಡಿಯಲ್ ಫುಡ್ ಪಾಯಿಂಟ್ ಕೂಲ್ ಬಾರ್ ದ ಶವರ್ಮ ತಿಂದ್ 16 ವರ್ಷದ ಪೊಣ್ಣು ತೀರ್ ಪೋಯಿನ ಘಟನೆ ವರದಿ ಆದ್ ಇತ್ತುಂಡು . ಘಟನೆಡ್ 50ರ್ದ್ ಜಾಸ್ತಿ ಜನ ಹುಷಾರ್ ಇಜ್ಜಂದೆ ಆಸ್ಪತ್ರೆ ಸೇರ್ದ್ ಇತ್ತೆರ್.

ಪೊನ್ನನ ಸಾವುಗು ಶಿಗಲ್ಲಾ ಬ್ಯಾಕ್ಟೀರಿಯಾ ಕಾರಣ ಪಂದ್ ಪ್ರಯೋಗಾಲಯಡ್ ಮಲ್ತಿನ ತಪಾಸಣೆಡ್ ತೆರಿದ್ ಬೈದುಂಡು.

ಈ ಪ್ರಕರಣದ ಸಂಬಂಧ ಮೂಜಿ ಜನನ ಇತ್ತೇ ಪತ್ತ್ದೆರ್ ಪಿದಾಯಿ ಊರುಡು ಉಪ್ಪುನ ಫುಡ್ ಪಾಯಿಂಟ್ ದ ದನಿನ ಮಿತ್ತ್ ಪ್ರಕರಣ ದಾಖಲಾತುಂಡು .
ಇತ್ತೇ ಈ ಘಟನೆಗ್ ಸಂಬಂಧಿ ಕೇರಳ ಹೈಕೋರ್ಟ್ ಸ್ವಯಂ ಪ್ರೇರಿತ ಪ್ರಕರಣ ಧಾಖಲ್ ಮಲ್ದುಂಡು .

ಪ್ರಚಾರದ ಅಂಗ್ ದಾಂತೆ ಸಮಾಜ ಸೇವೆ ಮಲ್ಪುನ ಬೊಂಬೈದ ಉದ್ಯಮಿ ಭಾಸ್ಕರ ಶೆಟ್ರ್

ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಮಹಾದ್ವಾರ ನಿರ್ಮಾಣದ ಮಾಮಲ್ಲ ದಾನಿ

ಕುಡ್ಲ: ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ರಾಷ್ಟ್ರೀಯ ಹೆದ್ದಾರಿ 66ರ್ದ್ ಸಂಪರ್ಕಡ್ ಇಪ್ಪುನ ದೇವಿಪುರ ಮಾರ್ಗಡ್ ಶ್ರೀ ರಾಮ ಭಜನಾ ಮಂದಿರದ ಕೈತಲ್ ಶ್ರೀ ದೇವಿಗ್ ನಿರ್ಮಾಣ ಮಲ್ತಿನ ಪೊಸ ಶಿಲಾಮಯ ಮಹಾದ್ವಾರ ಸಮರ್ಪಣಾ ಲೇಸ್ ಮೇ 8 ತಾರೀಕ್ ಐತಾರದಾನಿ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಒರುಟ್ಟು ನಡಪರೆ ಉಂಡು.

ಈ ಮಹಾದ್ವಾರದ ಸಂಪೂರ್ಣ ಖರ್ಚಿನ್ ತೂವೊಂದಿಪ್ಪುನಾರ್ ಬೊಂಬೈದ ಭಾಸ್ಕರ್ ಶೆಟ್ರ್, ಬೊಡೆದಿ ಉಷಾ ಬಿ ಶೆಟ್ಟಿ ಬೊಕ್ಕ ಜೋಕುಲ್. ತಲಪಾಡಿದ ನಾರ್ಲ ಹೊಸಮನೆಡ್ ಇಪ್ಪುನ ಮುಕುಲ್ ಇತ್ತೆ ಬೊಂಬೈಡ್ ಡಿ.ಎನ್.ರಬ್ಬರ್ ಇಂಡಸ್ಟ್ರೀಸ್ ದ ಧಣಿ ಮೇರ್.

ಶ್ರೀ ದೇವಿಗ್ ನಿರ್ಮಾಣ ಮಲ್ತಿನ ದ್ವಾರಗ್ ಮಸ್ತ್ ಖರ್ಚ್ ಆದಿತ್ತ್ ದ್, ಭಾಸ್ಕರ್ ಶೆಟ್ಟಿ ಮೇರ್ ಒರಿಯೇ ಈ ಖರ್ಚ್ ನ್ ತೂವೊಂದುಲ್ಲೆರ್. ವಿಶೇಷ ಪಂಡ ಇಡೇ ಮುಟ್ಟ ಒವ್ವೆ ರೀತಿದ ಪ್ರಚಾರ ಬಯಸಂದೇ ಶ್ರೀ ದೇವಿನ ಸೇವೆ ಮಲ್ತೊಂದುಲ್ಲೆರ್. “ದೇವೆರ್ ನ ಮಿತ್ತ್ ಯಂಕ್ ಭಕ್ತಿ ಉಂಡು. ಅಂಚಾದ್ ಯಾನ್ ಈ ಬೇಲೆನ್ ಮಲ್ತೊಂದುಲ್ಲೆ. ಯಂಕ್ ಒವ್ವೆ ರೀತಿದ ಪ್ರಚಾರ ಬೊಡ್ಚಿ ಪಂದ್ ಭಾಸ್ಕರ್ ಶೆಟ್ರ್ ಪನ್ಪೆರ್”.

You Missed